აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
ბაკურიანში ინტეგრაციისა და ჩართულობის ახალგაზრდული საზაფხულო ბანაკი დასრულდა
საზაფხულო ბანაკში ერთი კვირის განმავლობაში დევნილი მოზარდები სხვადასხვა საგანმანათლებლო-შემეცნებით აქტივობებში აქტიურად მონაწილეობდნენ.
 
ახალგაზრდებს ჩაუტარდათ ტრენინგები ინტეგრაციის, პიროვნული განვითარების, ადამიანის უფლებებისა და სხვა აქტულური საკითხების შესახებ.
 
ბანაკი სამოქალაქო ინტეგრაციის მხარდაჭერის პროგრამის ფარგლებში, მინისტრის აპარატის ორგანიზებითა და "წმინდა ნაზარ ლეჟავას სახელობის ფონდი “ -ს აქტიური ჩართულობით განხორციელდა.
ინტეგრაციისა და ჩართულობის ახალგაზრდულ ბანაკში მოზარდების აქტივობები წარმატებით გრძელდება
საზაფხულო ბანაკის მონაწილეები შემეცნებითი ტრენინგების პარალელურად სახალისო, სპორტულ და გუნდურ აქტივობებში აქტიურად არიან ჩართულნი.
 
ბანაკი ბაკურიანში 29 აგვისტოს გაიხსნა და 5 სექტემბრის ჩათვლით გაგრძელდება.
 
პროექტი, იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის ორგანიზებითა და "წმინდა ნაზარ ლეჟავას სახელობის ფონდი “-ს ჩართულობით განხორციელდა.
იუსტიციისა და სამოქალაქო ინტეგრაციის საკითხებში აფხაზეთის მინისტრმა ნანა გაბელიამ ბაკურიანში საზაფხულო ბანაკი გახსნა
საზაფხულო ბანაკში, აფხაზეთიდან დევნილი მოზარდები, ერთი კვირის განმავლობაში სხვადასხვა საგანმანათლებლო-შემეცნებით აქტივობებში ჩაერთვებიან.
ასევე, ბანაკის მონაწილეებს ჩაუტარდებათ ტრენინგები ინტეგრაციის, პიროვნული განვითარების, ადამიანის უფლებებისა და სხვა აქტულური საკითხების შესახებ.
ნანა გაბელიას განცხადებით, პროგრამის მთავარი სამიზნე ჯგუფი, ამჯერად შშმ პირების დედმამიშვილები არიან, რომლებსაც განსაკუთრებული გარემოებების გათვალისწინებით, მეტი მხარდაჭერა და ყურადღება სჭირდებათ.
საზაფხულო ბანაკის გახსნას მინისტრის პირველი მოადგილე გიორგი გაბედავა და „წმინდა ნაზარ ლეჟავას სახელობის ფონდის“ გენერალური დირექტორი თამარ ჩხორთოლია ესწრებოდნენ.
ინტეგრაციისა და ჩართულობის ახალგაზრდული საზაფხულო ბანაკი სამოქალაქო ინტეგრაციის მხარდაჭერის პროგრამის ფარგლებში, უკვე მეორედ გაიხსნა.
პროექტი, „წმინდა ნაზარ ლეჟავას სახელობის ფონდი “-ს ჩართულობითა და მონაწილეობით განხორციელდა.
 
 
 
 
ნანა გაბელია ზუგდიდში, აფხაზეთიდან დევნილ ახალგაზრდებთან, შეხვედრებს განაგრძობს
ამჯერად, იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია, პირველ მოადგილესთან გიორგი გაბედავასთან ერთად, ბარამიას ქუჩაზე კომპაქტურად ჩასახლებულ დევნილებს შეხვდა და მათი საჭიროებები მოისმინა.
 
მან აფხაზეთიდან დევნილ მოზარდებს მინისტრის აპარატის მიერ შემუშავებული ახალგაზრდული პროგრამები და დაგეგმილი ღონისძიებებიც გააცნო.
 
ნანა გაბელია დევნილ ახალგაზრდებთან შეხვედრებს სხვა რეგიონებშიც გეგმავს.
 
მოსახლეობასთან შეხვედრა აფხაზეთის ავტონომიური რესპუბლიკის იძულებით გადაადგილებულ პირთა სამინისტროს სამეგრელო-ზემო სვანეთის ტერიტორიული ორგანოს წარმომადგენლების ჩართულობითა და მხარდაჭერით განხორციელდა.
ნანა გაბელიამ ზუგდიდში მცხოვრებ დევნილ მოზარდებს ახალგაზრდული პროგრამები გააცნო
იუსტიიცისა და სამოქალაქო ინტეგრაციის საკითხებში აფხაზეთის მინისტრი ნანა გაბელია, პირველ მოადგილესთან, გიორგი გაბედავასთან ერთად, ზუგდიდში დევნილთა კომპაქტურ ჩასახლებას ესტუმრა და მოზარდებს მინისტრის აპარატის მიერ შემუშავებულ პროექტებზე ესაუბრა.
 
ნანა გაბელიას განცხადებით, დევნილ მოზარდთა სამოქალაქო ჩართულობის სივრცე მინისტრის აპარატის ერთ-ერთი წარმატებული ახალგაზრდული პროექტია, რომლის ფარგლებში მოზარდები იღებენ ცოდნას და გამოცდილებას ბევრ მნიშვნელოვან საკითხზე, გამოიმუშავებენ საჭირო და აუცილებელ უნარ-ჩვევებს სხვადასხვა მიმართულებით.
 
„ამ ეტაპზე, ვგეგმავთ დევნილ მოზარდთა სამოქალაქო ჩართულობის სივრცის მოწყობას სამეგრელო-ზემო სვანეთის რეგიონში, სწორედ ამიტომ შევხვდით კომპაქტურ დასახლებებში მცხოვრებ ახალგაზრდებს, ჩვენ მაქსიმალურად გავითვალისწინებთ მათ ინტერესებს და დავაიდინტიფიცირებთ მათ საჭიროებებს შემდგომი ხელშეწყობის მიზნით“-აღნიშნმა მინისტრმა.
 
აღნიშნული პროექტი წარმატებით განხორციელდა სოფელ ფოცხო-ეწერში, ქალაქ ფოთსა და რუსთავში.
 
 
 
ახალგაზრდული მრჩეველთა საბჭოს ახალი წევრების შესარჩევად კონკურსი ცხადდება

საბჭოს განახლების მიზნით, წევრები ღია კონკურსის წესით შეირჩევიან.

განაცხადის წარდგენის ბოლო ვადაა 30 აგვისტო.

მინისტრის აპარატის ბაზაზე შექმნილი ახალგაზრდული მრჩეველთა საბჭო ახალგაზრდული პროგრამების შემუშავებასა და განხორციელებაში აქტიურად ჩაერთვება.

დაინტერესებულმა პირებმა, გთხოვთ, შეავსოთ სარეგისტრაციო ფორმა ქვემოთ მითითებულ ბმულზე

https://forms.gle/nPqAoujtRGcM5sR79

გისურვებთ წარმატებებს!

ნანა გაბელიამ ქართული საკვირაო სკოლის წარმომადგენლებს აფხაზეთის თემატიკაზე გამოცემული წიგნები გადასცა
აფხაზეთის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია თესალონიკში მოქმედი ქართული საკვირაო სკოლის წარმომადგენლებს შეხვდნენ.
 
„მადლობა მინდა გადავუხადო თესალონიკში საქართველოს გენერალურ კონსულს, ნოდარ კომახიძეს მასპინძლობისთვის. ჩვენ გვქონდა არაერთი მნიშვნელოვანი შეხვედრა, მათ შორის ჩვენს დევნილ ემიგრანტებთან, მაღალი რანგის სასულიერო პირებთან. ასევე, ჩვენს თანამემამულეებს გადავეცით წიგნები აფხაზეთის თემატიკაზე და იმედი გვაქვს, ქართული საკვირაო სკოლის აღსაზრდელებისთვის ეს გამოცემები იქნება ქართულ-აფხაზური მრავალსაუკუნოვანი ურთიერთობების ერთ-ერთი საუკეთესო მაგალითი“-აღნიშნა მინისტრმა.
 
მხარეებმა სამომავლო გეგმები განიხილეს და აქტიურ თანამშრომლობაზე შეთანხმდნენ.
 
შეხვედრას, ასევე, მინისტრის მოადგილეები გიორგი გაბედავა და მარინე გითოლენდია ესწრებოდნენ.
რუსლან აბაშიძე და ნანა გაბელია თესალონიკის მიტროპოლიტ ანთიმოზს შეხვდნენ
საბერძნეთში სამუშაო ვიზიტის ფარგლებში აფხაზეთის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია თესალონიკის მიტროპოლიტ ანთიმოზს შეხვდნენ.
 
შეხვედრის მონაწილეებმა საქართველოსა და საბერძნეთის მრავალსაუკუნოვანი ურთიერთობებისა და მჭიდრო რელიგიური კავშირების შესახებ ისაუბრეს და სამომავლო თანამშრომლობაზე შეთანხმდნენ.
 
რუსლან აბაშიძემ მიტროპოლიტ ანთიმოზს მადლობა გადაუხადა თესალონიკის ქართული დიასპორის მრავალწლიანი თანადგომისა და თესალონიკის ეპარქიის ფარგლებში არსებული, წმინდა ნიკოლოზის ქართული სამრევლოს დაარსების ხელშეწყობისთვის.
 
შეხვედრას, მინისტრის მოადგილეები გიორგი გაბედავა და მარინე გითოლენდია, თესალონიკში საქართველოს გენერალური კონსული ნოდარ კომახიძე და თესალონიკის ქართული სამრევლოს წინამძღვარი, პროტოპრესვიტერი გიორგი მათურელი ესწრებოდნენ.
ინტეგრაციისა და ჩართულობის ახალგაზრდული საზაფხულო ბანაკი
 
იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის პროექტი „ინტეგრაციისა და ჩართულობის ახალგაზრდული საზაფხულო ბანაკი“ გულისხმობს აფხაზეთიდან დევნილი და არადევნილი, შშმ პირების დედმამიშვილებისა და სოციალურად დაუცველი ახალგაზრდების საზაფხულო ბანაკში განთავსებას.
 
მონაწილეებისთვის დაგეგმილია შემეცნებითი ტრენინგები, სახალისო, სპორტული და გუნდური აქტივობები.
 
მონაწილეობის მიღება შეუძლიათ აფხაზეთიდან დევნილ და არადევნილ, შშმ პირების დედმამიშვილებსა და სოციალურად დაუცველ ახალგაზრდებს 10 წლიდან 14 წლის ჩათვლით.
 
40 ახალგაზრდა შეირჩევა კონკურსის წესით.
 
პროექტი განხორციელდება ბაკურიანში 29 აგვისტოდან 5 სექტემბრის ჩათვლით.
 
განაცხადების მიღების ბოლო ვადაა 15 აგვისტო.
 
დაინტერესებულმა პირებმა გთხოვთ, შეავსოთ სარეგისტრაციო ფორმა ქვემოთ მითითებულ ბმულზე.
 
 
გისურვებთ წარმატებებს!
იუსტიციისა და სამოქალაქო ინტეგრაციის საკითხებში აფხაზეთის მინისტრმა ნანა გაბელიამ 2022 წლის 6 თვის საქმიანობის ანგარიში წარადგინა

ამ პერიოდის განმავლობაში მინისტრის აპარატი აქტიურად მუშაობდა სამოქალაქო ინტეგრაციის, ადამიანის უფლებათა დაცვის, სამართლებრივი უზრუნველყოფისა და საარქივო საქმისწარმოების მიმართულებით.

მინისტრის აპარატის საქმიანობის პრიორიტეტებად აფხაზეთიდან დევნილი ახალგაზრდების მხარდაჭერა, კულტურის პოპულარაზიცია განისაზღვრა და  ამ მიზნით არაერთი წარმატებული პროექტი განხორციელდა, მათ შორის: „დევნილ მოზარდთა სამოქალაქო ჩართულობის სივრცე“, „ინტეგრაცია მომავლისთვის“, „ახალგაზრდული მრჩეველთა საბჭო“, „ინტეგრაციისა და ჩართულობის ახალგაზრდული საზაფხულო ბანაკი“, ქართველი დიპლომატისა და ხელოვანის გიორგი აფხაზის ცხოვრებასა და შემოქმედებასთან დაკავშირებული ვირტუალური გამოფენა და სხვა.

ასევე, საქართველოს დიასპორისა და დევნილ ემიგრანტთა მხარდაჭერის ფარგლებში მნიშვნელოვანი შეხვედრები გაიმართა, რაც თავის მხრივ, დიასპორების, როგორც სამშვიდობო რესურსის გააქტიურებას უზრუნველყოფს.

თითოეული განხორციელებული პროექტის მიზანი იყო დევნილი საზოგადოებისთვის და არამარტო მათთვის, განვითარების დამატებითი შესაძლებლობების შექმნა, მათი გაძლიერებისა და სამოქალაქო ინტეგრაციის აქტიური მხარდაჭერა.

მინისტრის ანგარიშს აფხაზეთის მთავრობის თავმჯდომარე რუსლან აბაშიძე, აფხაზეთის მთავრობის წევრები და მინისტრის აპარატის თანამშრომლები ესწრებოდნენ.

 

რუსთავში წარმატებით გრძელდება პროექტი, „დევნილ მოზარდთა სამოქალაქო ჩართულობის სივრცე“
 
პროექტის ფარგლებში, რუსთავში მცხოვრები დევნილი მოზარდები არაფორმალურ საგანმანათლებლო გარემოში ორი თვის განმავლობაში, ყოველ შაბათ-კვირას, შემეცნებით-საგანმანათლებლო ტრენინგებს აქტიურად ესწრებიან.
 
პროექტის მიზანია დევნილი მოზარდებისთვის ისეთი გარემოს შექმნა, სადაც მათ დაეხმარებიან სასარგებლო უნარ-ჩვევების განვითარებაში, ცნობიერების ამაღლებაში ისეთ თემებზე, როგორიცაა დეზინფორმაცია და ადამიანის უფლებები ოკუპირებულ აფხაზეთში.
 
ასევე, გაეცნობიან გუნდური მუშაობის, ლიდერობის და ეფექტური კომუნიკაციის პრინციპებს, მოხალისეობის მნიშვნელობასა და სხვა აქტუალურ საკითხებს.
ნანა გაბელიამ ბელგიისა და ჰოლანდიის ეპისკოპოს დოსითეოსს აფხაზურენოვანი "ვეფხისტყაოსანი" და აფხაზეთის თემატიკაზე გამოცემული წიგნები გადასცა
 
ბრიუსელში სამუშაო ვიზიტის ფარგლებში, მინისტრი, ნანა გაბელია, პირველ მოადგილესთან გიორგი გაბედავასთან ერთად, ბელგიისა და ჰოლანდიის ეპისკოპოს დოსითეოსს შეხვდა.
ნანა გაბელიამ, ეპისკოპოსს ბელგიაში მოქმედი ქართული საკვირაო სკოლებისთვის, აფხაზურენოვანი და აფხაზეთის თემატიკასთან დაკავშირებული წიგნები გადასცა.
,,მადლობა მინდა გადავუხადო ბელგიისა და ჰოლანდიის ეპისკოპოს დოსითეოსს მიღებისთვის. ბელგიისა და ჰოლანდიის ეპარქიაში მოღვაწე სასულიერო პირების შრომა და ღვაწლი, ქართული სათვისტომოს წარმომადგენლებისა და საკვირაო სკოლების აღსაზრდელთათვის უმნიშვნელოვანესია, რისთვისაც განსაკუთრებული მადლობა ამ ადამიანებს. ვფიქრობ, აფხაზურენოვანი და აფხაზეთთან დაკავშირებული გამოცემები საზღვარგარეთ მცხოვრები ჩვენი თანამემამულეებისთვის, ქართულ-აფხაზური ურთიერთობების კიდევ ერთი საუკეთესო შეხსენება იქნება"-განაცხადა ნანა გაბელიამ.
შეხვედრას ასევე ესწრებოდა ბელგიის სამეფოსთან საქართველოს საგანგებო და სრულუფლებიანი დესპანი, ევროკავშირთან საქართველოს წარმომადგენლობის ხელმძღვანელის მოადგილე, ქეთევან ჭუმბაძე.
ბრიუსელში სამუშაო ვიზიტის ფარგლებში ნანა გაბელია საქართველოს დიასპორების წარმომადგენლებს შეხვდა

ბრიუსელში სამუშაო ვიზიტის ფარგლებში ნანა გაბელია საქართველოს დიასპორების წარმომადგენლებს შეხვდა. მინისტრმა ემიგრანტებს, პირველ მოადგილესთან გიორგი გაბედავასთან ერთად, მინისტრის აპარატის მიერ შემუშავებული, დიასპორისა და დევნილ ემიგრანტთა მხარდაჭერის პროგრამით გათვალისწინებული პროექტები გააცნო.

„ჩვენი ქვეყნის ემიგრანტების მხარდაჭერა, ჰიბრიდული ომის პირობებში მათი ჩართულობა დეზინფორმაციის წინააღმდეგ ბრძოლაში აუცილებელი და მნიშვნელოვანია. მინისტრის აპარატის პრიორიტეტია საქართველოს დიასპორულ ორგანიზაციებთან ურთიერთობების გაღრმავება და ერთობლივი ღონისძიებების დაგეგმვა, დიასპორების, როგორც სამშვიდობო რესურსის გააქტიურების ხელშეწყობა“,-განაცხადა მინისტრმა ნანა გაბელიამ.

შეხვედრას ევროკავშირთან საქართველოს მისიის ხელმძღვანელი, ბელგიის სამეფოსა და ლუქსემბურგის დიდ საჰერცოგოსთან საქართველოს ელჩი ვახტანგ მახარობლიშვილი ესწრებოდა.

აღნიშნული ღონისძიების ფარგლებში, ემიგრაციაში მოღვაწე დიდი ქართველი დიპლომატისა და ხელოვანის, გიორგი აფხაზის შემოქმედების ვირტუალური გამოფენა გაიმართა, ნაჩვენები იყო მისი ცხოვრების ერთ-ერთ ეპიზოდთან დაკავშირებული ანიმაცია ქართული გახმოვანებით.

ნანა გაბელიამ და რუმინეთის ელჩმა საქართველოში რეზვან როტუნდუმ ორმხრივი თანამშრომლობის აუცილებლობაზე იმსჯელეს
 
იუსტიციისა და სამოქალაქო ინტეგრაციის საკითხებში აფხაზეთის მინისტრმა ნანა გაბელიამ და რუმინეთის საგანგებო და სრულუფლებიანმა ელჩმა საქართველოში რეზვან როტუნდუმ გაცნობითი ხასიათის შეხვედრა გამართეს.

ნანა გაბელიამ რუმინეთის ელჩს მინისტრის აპარატის საქმიანობა, პრიორიტეტული მიმართულებები და სამომავლო გეგმები გააცნო.

შეხვედრის მონაწილეებმა ორმხრივი თანამშრომლობის მნიშვნელობასა და აუცილებლობაზე ისაუბრეს.

„მინდა მადლობა გადავუხადო ბატონ რეზვანს მასპინძლობისთვის, მინისტრის აპარატის საქმიანობით დაინტერესებისათვის, სამომავლო თანამშრომლობის მზაობისთვის. ძალიან მნიშვნელოვანია ჩვენი ევროპელი მეგობრების მხარდაჭერა იმ მიზნების განსახორციელებლად, რომლებიც დევნილი  ახალგაზრდებისთვის და არამარტო, განვითარებისა და წინსვლის მყარი საფუძველი გახდება“-აღნიშნა მინისტრმა ნანა გაბელიამ.

საელჩოში გამართულ შეხვედრას მინისტრის პირველი მოადგილე გიორგი გაბედავა ესწრებოდა.

 

ნანა გაბელიამ ბაკურიანში ინტეგრაციისა და ჩართულობის ახალგაზრდული საზაფხულო ბანაკი გახსნა

15 ივნისს, მინისტრის აპარატის ორგანიზებით ინტეგრაციისა და ჩართულობის ახალგაზრდული საზაფხულო ბანაკი გაიხსნა. კონკურსის წესით შერჩეული 35 ახალგაზრდა ერთი კვირის განმავლობაში შემეცნებითი ტრენინგების პარალელურად სახალისო, სპორტულ და გუნდურ აქტივობებში ჩაერთვება.

პროექტის მიზანია აფხაზეთიდან დევნილი და არადევნილი მოზარდების სამოქალაქო ინტეგრაციის მხარდაჭერა, ახალგაზრდებში ჯანსაღი ცხოვრების წესის დანერგვა, კონფლიქტებისა და ევროინტეგრაციის მიმართულებით მათთვის ცნობიერების ამაღლება.

 „იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატი  განაგრძობს იმ პროექტების და პროგრამების განხორციელებას, რომელთა მიზანია ჩვენი ახალგაზრდების განვითარების ხელშეწყობა. მოზარდებისთვის  საინტერესო, სასარგებლო და სასიამოვნო გარემოს შექმნა, სადაც ისინი თავისუფალ დროს ნაყოფიერად გაატარებენ. დარწმუნებული ვარ, რომ ბანაკის მონაწილეებისთვის ზაფხულის ეს კვირა გამორჩეულ მოგონებად დარჩება“-აღნიშნა მინისტრმა ნანა გაბელიამ.

ბანაკის გახსნას მინისტრის პირველი მოადგილე გიორგი გაბედავა ესწრებოდა.