აფხაზეთის ავტონომიური რესპუბლიკის მთავრობის თავმჯდომარემ გიორგი ჯინჭარაძემ აფხაზეთიდან დევნილი, სპორტის სხვადასხვა სახეობაში წარმატებული სპორტსმენები ვიქტორ სანეევისა და ვიტალი დარასელიას სახელობითი სტიპენდიებით დააჯილდოვა.

 

ღონისძიების ფარგლებში, სახელოვანი მძლეოსნის, სამგზის ოლიმპიური ჩემპიონის ვიქტორ სანეევის სტიპენდიით 12 სპორტსმენი, ხოლო გამოჩენილი ფეხბურთელის ვიტალი დარასელიას სტიპენდიით 7 სპორტსმენი დაჯილდოვდა.

 

ვიქტორ სანეევის სტიპენდია მიენიჭათ: ლუკა ბერულავას - ფიგურული ციგურაობა; დუგლას დგებუაძეს - მკლავჭიდი; ქეთი რობაქიძეს - ძიუდო; მარიამ მარშავას - ტყვიის სროლა; გიორგი მუმლაძეს - ტყვიის სროლა; ელენე კურდღელიას - ძიუდო; ნონა კვარაცხელიას - ძიუდო; ალექსი თოდუას - თავისუფალი ჭიდაობა; გიორგი მალანიას - კიკბოქსინგი; მარიამ მურღვლიანის - ძალოსნობა; ნათია გადელიას - ძალოსნობა; გურამ ვეკუას - ძალოსნობა.

 

ვიტალი დარასელიას სტიპენდიატები გახდნენ: ელენე კირთაძე-ბატუტზე ხტომა; ანდრია წურწუმია - (ძიუდო; თინათინ გულბანი - ძიუდო; გიორგიტორუა - მკლავჭიდი; ალექსანდრე არქანია - კარატე; ბარბარე შონია - ჭადრაკი; ანდრიაჩხარტიშვილი - მაგიდის ჩოგბურთი.

 

ღონისძიებაზე მიწვეულმა სტუმრებმა ვიქტორ სანეევისა და ვიტალი დარასელიას შთამბეჭდავი მოღვაწეობა გაიხსენეს და ქართული სპორტის განვითარებაში მათ ღვაწლსა და დამსახურებაზე ისაუბრეს.

 

ღონისძიება ვალერი არქანიას სახელობის არტ-გალერეაში გაიმართა და მას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ავტონომიური რესპუბლიკის მთავრობის წევრები, აფხაზეთის ავტონომიური რესპუბლიკის უმაღლესი საბჭოს დეპუტატი ვახტანგ ყოლბაია; საქართველოს პარლამენტის სპორტის კომიტეტის წევრი, ოლიმპიური ჩემპიონი გენო პეტრიაშვილი, სპორტის სფეროს წარმომადგენლები და სხვა მოწვეული სტუმრები ესწრებოდნენ.

 

ვიქტორ სანეევისა და ვიტალი დარასელიას სახელობითი სტიპენდიები ყოველწლიურად ენიჭებათ საკონკურსო წლის და წინა სპორტული სეზონის განმავლობაში დადასტურებული მიღწევების მქონე აფხაზეთიდან დევნილ, როგორც ოლიმპიური, ასევე არაოლიმპიური სპორტის სახეობის სპორტსმენებს.