აფხაზეთის ავტონომიური რესპუბლიკის მთავრობის თავმჯდომარის გიორგი ჯინჭარაძის ხელმძღვანელობით დღეს მთავრობის მორიგი სხდომა გაიმართა, სადაც მთავრობის წევრებმა სხდომაზე განათლების ხელშეწყობისა და ახალგაზრდების მხარდაჭერის მიმართულებით დაგეგმილ საკითხებზე იმსჯელეს.

სხდომის დაწყებამდე მთავრობის თავმჯდომარემ და მინისტრებმა წუთიერი დუმილით პატივი მიაგეს სრულიად საქართველოს კათოლიკოს-პატრიარქის, უწმინდესი და უნეტარესი ილია II-ის ხსოვნას.

სხდომაზე გიორგი ჯინჭარაძემ განსაკუთრებული ყურადღება დაუთმო წარმატებული ახალგაზრდების მხარდაჭერის უპრეცედენტო პროგრამას, რომლის ფარგლებშიც საქართველოს პრემიერ-მინისტრის მხარდაჭერით, აფხაზეთის ოკუპირებული ტერიტორიიდან იძულებით გადაადგილებული, მაღალი აკადემიური მოსწრების მქონე, აკრედიტებული უმაღლესი სასწავლებლების ბაკალავრიატის და მაგისტრატურის სტუდენტებისთვის ყოველთვიური 200 და 300-ლარიანი სტიპენდიები დაწესდა.

„მსურს ყურადღება გავამახვილო საკითხზე, რომელიც აფხაზეთიდან დევნილი წარმატებული ახალგაზრდების მხარდაჭერის უპრეცედენტო პროგრამის განხორციელებას შეეხება და მაღალი აკადემიური მოსწრების მქონე ბაკალავრიატის და მაგისტრატურის წარჩინებული სტუდენტებისთვის ყოველთვიურად 200 და 300-ლარიანი სტიპენდიების გაცემას გულისხმობს.

ამ პროგრამაში შემოსულია 220-ზე მეტი განაცხადი. ჩვენ არ გვქონდა გათვალისწინებული ბიუჯეტი ასეთი რაოდენობის განაცხადების დაფინანსებაზე, თუმცა ჩემი გადაწყვეტილებით უშუალოდ ყველა სტუდენტი იქნება დაფინანსებული. ამისთვის გამოყოფილი იქნება დაახლოებით ნახევარი მილიონი ლარი. მსურს დიდი მადლობა გადავუხადო საქართველოს პრემიერ-მინისტრს, ბატონ ირაკლი კობახიძეს მსგავსი მნიშვნელოვანი მხარდაჭერისთვის.

აფხაზეთის მთავრობისთვის კვლავ უმთავრეს პრიორიტეტად რჩება განათლება, ახალგაზრდების მხარდაჭერა და ეს პროგრამაც არის მექანიზმი, რომ დამატებითი სტიმული და მოტივაცია ჰქონდეთ ჩვენ წარმატებულ და ნიჭიერ ახალგაზრდებს, რომ მეტი დრო დაუთმონ სწავლა-განათლებას“, - განაცხადა მთავრობის თავმჯდომარემ.

აღსანიშნავია, რომ აფხაზეთის მთავრობის გადაწყვეტილებით, წარჩინებული დევნილი სტუდენტების სტიპენდიების პროგრამის თავდაპირველი ბიუჯეტი ნახევარ მილიონ ლარამდე გაიზარდა და სრულად არის ორიენტირებული დევნილი ახალგაზრდების აკადემიური წარმატების წახალისებასა და უმაღლესი განათლების ხარისხის გაუმჯობესებაზე.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძის ხელმძღვანელობით მთავრობის მორიგი სხდომა გაიმართა, სადაც მთავრობის წევრებმა სამინისტროების 2026 წლის პროგრამები დაამტკიცეს.

მთავრობის თავმჯდომარის განცხადებით, აფხაზეთის მთავრობის უწყებებში, სხვადასხვა მიმართულებით, წლის განმავლობაში 100-მდე ქვეპროგრამა ამოქმედდება, რაც დევნილი მოსახლეობისთვის უფრო მეტ სერვისს გახდის ხელმისაწვდომს.

„ეს არის 100-მდე ქვეპროგრამა, რომელიც ჯანდაცვის, განათლების, კულტურის, სპორტის, ეკონომიკის, სოფლის მეურნეობის განვითარების, ინფრასტრუქტურული გაუმჯობესების, ნდობის აღდგენისა და შერიგების მიმართულებით ამოქმედდება.

ჩვენი მიზანი იყო რომ 2026 წელს, ყველა მიმართულებით გვქონოდა ხელშესახები შედეგები და რაც შეიძლება მეტ დევნილს ესარგებლა იმ სიკეთეებით, რაც პროგრამულ ნაწილში სიახლეების სახით გავითვალისწინეთ“, - განაცხადა გიორგი ჯინჭარაძემ.

სხდომაზე მთავრობის თავმჯდომარემ მთავრობის წევრებს მადლობა გადაუხადა პროცესში ჩართულობისა და იმ ინოვაციური ხედვისთვის, რომელიც დევნილი მოსახლეობის ინტერესების დაცვას ემსახურება და მათ კეთილდღეობაზეა ორიენტირებული.

აფხაზეთის ავტონომიური რესპუბლიკის მთავრობის თავმჯდომარის გიორგი ჯინჭარაძის ხელმძღვანელობით მთავრობის მორიგი სხდომა გაიმართა, სადაც მთავრობის წევრებმა 2026 წლის ბიუჯეტის უპრეცედენტო, 30%-იან ზრდაზე იმსჯელეს.

გიორგი ჯინჭარაძის განცხადებით, ბიუჯეტის მატებისა და ადმინისტრაციული ხარჯების ოპტიმიზაციის შედეგად მნიშვნელოვნად იზრდება პროგრამების დაფინანსება ჯანდაცვის, განათლებისა და კულტურის, ინფრასტრუქტურული პროექტების და სამშვიდობო ინიციატივებისა და ინტეგრაციის მიმართულებით.

„ჩვენი გუნდის სულ რამდენიმეთვიანი საქმიანობის პერიოდში, უშუალოდ შევხვდით და უწყვეტი კომუნიკაცია გვქონდა მოსახლეობასთან, რის საფუძველზეც მოვახდინეთ საჭიროებების დეტალური კვლევა და მომდევნო წლის ბიუჯეტის პრიორიტეტებში ასახვა.

2026 წელს, აფხაზეთის ავტონომიური რესპუბლიკის ბიუჯეტი 30%-ით იზრდება, რასაც ემატება ადმინისტრაციული ხარჯების ოპტიმიზაციის შედეგად მიღებული დამატებითი ფინანსური რესურსები. ამ ყველაფერმა ერთობლივად, პროგრამების დაფინანსების უპრეცედენტო ზრდის  შესაძლებლობა მოგვცა.

• დევნილთა ინფრასტრუქტურული მხარდაჭერის პროგრამებში 330%-იანი ზრდა არის გათვალისწინებული.
• ჯანმრთელობის დაცვის პროგრამების დაფინანსება 187%-ით იზრდება.
• 97%-იანი ზრდაა ნდობის აღდგენისა და სამოქალაქო ინტეგრაციის მხარდამჭერი პროგრამების მიმართულებით.
• დევნილთა სამეწარმეო საქმიანობის მხარდაჭერის პროგრამების დაფინანსებაში 65%-იანი ზრდაა გათვალისწინებული.
• განათლების, კულტურისა და სპორტის მხარდამჭერი პროგრამები კი  32%-ით იზრდება.

განსაკუთრებული მადლობა მინდა გადავუხადო საქართველოს მთავრობას  და უშუალოდ პრემიერ-მინისტრს, ბატონ ირაკლი კობახიძეს უპრეცედენტო მხარდაჭერისთვის“, - განაცხადა გიორგი ჯინჭარაძემ.

სხდომაზე ასევე დღის წესრიგით გათვალისწინებული სხვა მიმდინარე საკითხები განიხილეს.

აფხაზეთის ავტონომიური რესპუბლიკის მთავრობის თავმჯდომარის გიორგი ჯინჭარაძის ხელმძღვანელობით მთავრობის სხდომა გაიმართა, სადაც მთავრობის წევრებმა დღის წესრიგით გათვალისწინებული საკითხები განიხილეს.

აფხაზეთის მთავრობის წევრებმა აფხაზეთის ავტონომიური რესპუბლიკის მთავრობის სამინისტროებისა და მათდამი დაქვემდებარებული უწყებების დებულებებში განსახორციელებელი ცვლილებები განიხილეს.

სხდომაზე ასევე შიდა სტრუქტურული გაძლიერების და ეფექტურობის გაზრდის მიმართულებით არსებულ სხვა მნიშვნელოვან საკითხებზე იმსჯელეს.

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით მთავრობის მორიგი სხდომა გაიმართა. მთავრობის წევრებმა დღის წესრიგით გათვალისწინებული საკითხები განიხილეს.

სხდომაზე, პირველ საკითხად, 2025 წლის ბიუჯეტში განსახორციელებელი ცვლილებები განიხილეს, რომელიც დევნილთა სოციალური მხარდაჭერის და ინფრასტრუქტურული პროექტების გასაძლიერებლად, ასევე არსებული რესურსების ოპტიმიზაციისა და პრიორიტეტული მიმართულებების დამატებითი ფინანსური უზრუნველყოფის მიზნით ხორციელდება.

მთავრობის წევრებმა იმსჯელეს დევნილთა საცხოვრებელ ობიექტებში გადაუდებელი სარემონტო სამუშაოების გამარტივებული შესყიდვის გზით განხორციელების შესახებ, რაც დევნილთა საცხოვრებელი პირობების გაუმჯობესებას და საჭიროებებზე დროულ რეაგირებას შეუწყობს ხელს.

სხდომაზე მთავრობის თავმჯდომარემ აღნიშნა, რომ დასრულდა მთავრობის წარმომადგენლობების აფხაზეთის მთავრობის აპარატის დაქვემდებარებაში გადმოსვლის პროცესი, რომლის მიზანს სამინისტროების პროგრამების შესახებ აფხაზეთიდან დროებით დევნილი მოსახლეობის ინფორმირებულობის გაზრდა წარმოადგენს. აღნიშნული პროცესის მონიტორინგს და წარმომადგენლობების მუშაობის ეფექტიანობას შესწავლას აფხაზეთის მთავრობის აპარატი განახორციელებს.

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით, აფხაზეთის მთავრობის მორიგი სხდომა გაიმართა.

სხდომაზე დღის წესრიგით გათვალისწინებულ სხვა მიმდინარე საკითხებთან ერთად, მთავრობის წევრებმა განსაკუთრებული ყურადღება გაამახვილეს ჯანდაცვის მიმართულებით დასავლეთ საქართველოში დაგეგმილ ღონისძიებებზე, რომლებიც აფხაზეთიდან დროებით დევნილი ბენეფიციარების ხარისხიანი და ხელმისაწვდომი სამედიცინო სერვისებით უზრუნველყოფის მიზნით ხორციელდება.

მომავალ კვირას მთავრობის თავმჯდომარე ლევან მგალობლიშვილი სამეგრელო-ზემო სვანეთის რეგიონს ეწვევა, სადაც რამდენიმე ქალაქში, აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს უფასო სამედიცინო გამოკვლევების აქციების მიმდინარეობას ადგილზე პირადად გაეცნობა.

მთავრობის თავმჯდომარე მინისტრებთან ერთად ასევე აფხაზეთიდან დროებით დევნილ მოსახლეობას შეხვდება და აფხაზეთის მთავრობის პრიორიტეტებსა და სამომავლოდ დაგეგმილ პროექტებს გააცნობს, რომელიც მიზნად ისახავს დევნილთა სოციალურ-ეკონომიკური გაძლიერებისა და ცხოვრების ხარისხის გაუმჯობესების ხელშეწყობას.

სხდომაზე ასევე შიდა სტრუქტურული გაძლიერების მიმართულებით არსებულ სხვა საკითხებზე იმსჯელეს, რომელიც მმართველობითი პროცესების კიდევ უფრო ეფექტიანად წარმართვასა და უწყებათაშორისი კოორდინაციის გაუმჯობესებას შეუწყობს ხელს.

აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილის ხელმძღვანელობით მთავრობის მორიგი სხდომა გაიმართა, სადაც მთავრობის წევრებმა ინტეგრირებულ თეატრ „აზდაკის ბაღისთვის“ იურიდიული სტატუსის მინიჭებაზე იმსჯელეს.

ერთობლივად მიღებული გადაწყვეტილების საფუძველზე, თეატრი უახლოეს პერიოდში აფხაზეთის მთავრობის დაქვემდებარებაში გააგრძელებს ფუნქციონირებას. 

„აზდაკის ბაღისთვის“ აფხაზეთის სახელმწიფო თეატრის სტატუსის მინიჭების ინიციატივა აფხაზეთის მთავრობის თავმჯდომარე ლევან მგალობლიშვილს ეკუთვნის, რომელიც სიმბოლურად თეატრის 10 წლის იუბილეს დაემთხვა.

ინტეგრირებული თეატრი „აზდაკის ბაღი“ 2015 წელს დაარსდა და მისი დასი 20-მდე განსაკუთრებული საჭიროების მქონე პირს, მათ შორის აფხაზეთიდან დროებით დევნილ მსახიობებს აერთიანებს.

აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილის ხელმძღვანელობით მთავრობის სხდომა გაიმართა.

სხდომაზე მთავრობის წევრებმა აფხაზეთიდან დროებით დევნილი მოსახლეობის საჭიროებების გათვალისწინებით 2025 წლის რესპუბლიკურ ბიუჯეტში განსახორციელებელ ცვლილებებზე იმსჯელეს.

მთავრობამ განიხილა აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ტერიტორიული ორგანოების აფხაზეთის მთავრობის აპარატის დაქვემდებარებაში გადასვლის საკითხი, რაც აფხაზეთის ავტონომიური რესპუბლიკის მთავრობის სტრუქტურული გაძლიერებით არის განპირობებული.

სხდომაზე ასევე დღის წესრიგით გათვალისწინებული სხვა საკითხები განიხილეს.

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით, აფხაზეთის მთავრობის მორიგი სხდომა გაიმართა.

სხდომის დაწყებამდე, მთავრობის თავმჯდომარემ აფხაზეთის განათლებისა და კულტურის ახალ მინისტრს ბექა ღვაჩლიანს თანამდებობაზე დანიშვნა კიდევ ერთხელ მიულოცა და წარმატებული საქმიანობა უსურვა.

ლევან მგალობლიშვილმა ასევე, მთავრობის წევრებს, აფხაზეთის ავტონომიური რესპუბლიკის მთავრობის აპარატის ახალი უფროსი დავით მორგოშია წარუდგინა და აღნიშნა, რომ განხორციელებული ცვლილება აპარატის სტრუქტურულ გაძლიერებას შეუწყობს ხელს.

სხდომაზე აფხაზეთის ავტონომიური რესპუბლიკის მთავრობის წევრებმა დღის წესრიგით გათვალისწინებული მიმდინარე საკითხები განიხილეს.

ყურადღება გამახვილდა აფხაზეთის ავტონომიური რესპუბლიკის მთავრობისა და მასში შემავალი სამინისტროების სტრუქტურული გაძლიერებისა და საქმიანობის სამომავლო გეგმებზე.

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის მორიგი სხდომა გაიმართა.

სხდომის ფარგლებში, აფხაზეთის ავტონომიური რესპუბლიკის მთავრობის წევრებმა აფხაზეთის მთავრობის ინსტიტუციური გაძლიერების საკითხები განიხილეს.

„ჩემთვის მნიშვნელოვანია, რომ ჩვენი მთავრობის საქმიანობა იყოს მაქსიმალურად ეფექტიანი და დროებით დევნილი მოსახლეობისთვის ხელმისაწვდომი, ამიტომ, მივიღეთ გადაწყვეტილება, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატის სამინისტროდ გარდაქმნასთან დაკავშირებით, რაც უწყების ეფექტიანობის მდგრადობას და მოქალაქეთა სრულყოფილ მომსახურებას უზრუნველყოფს“, - განაცხადა ლევან მგალობლიშვილმა.

ცვლილებების თანახმად, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრის აპარატს სტატუსი შეეცვალა და იუსტიციისა და სამოქალაქო ინტეგრაციის სამინისტროდ ჩამოყალიბდა.

აფხაზეთის ავტონომიური რესპუბლიკის მთავრობაში, აფხაზეთიდან დროებით დევნილი მოსახლეობისთვის ცხელი ხაზი - 143 ამოქმედდა, სადაც მოქალაქეებს, ნებისმიერ საკითხზე, სწრაფი და ამომწურავი პასუხის მიღება შეუძლიათ, - ამის შესახებ აფხაზეთის ავტონომიური რესპუბლიკის მთავრობის თავმჯდომარემ ლევან მგალობლიშვილმა მთავრობის სხდომაზე ისაუბრა.

მთავრობის თავმჯდომარის განცხადებით, აფხაზეთიდან დროებით დევნილი მოსახლეობის ინფორმირებისა და მთავრობის სერვისებზე ხელმისაწვდომობის გაზრდის მიზნით, მოსახლეობასთან შეხვედრები აქტიურად გრძელდება.

„ჩვენ ყველაფერს ვაკეთებთ, რომ აფხაზეთიდან იძულებით გადაადგილებული მოსახლეობისთვის, უფრო მეტად ხელმისაწვდომი გავხადოთ ჯანდაცვის, განათლების და სოციალური მიმართულებით არსებული სერვისები. ამ მიზნით, მთავრობის წევრებთან ერთად სხვადასხვა რეგიონში, დევნილი მოსახლეობის ინფორმირებულობის გაზრდის მიზნით დაიბეჭდა საინფორმაციო ბუკლეტები, რომელსაც დევნილ მოსახლეობას პირადად მინისტრები გადასცემენ, ცხელი ხაზის - 143-ის ამოქმედებამ კი მოსახლეობასთან აქტიური კომუნიკაციის კიდევ უფრო მეტი შესაძლებლობა გააჩინა“, - განაცხადა ლევან მგალობლიშვილმა.

აღსანიშნავია, რომ ცხელი ხაზის ნომერზე - 143 დაკავშირება უფასოა და შესაბამისი ინფორმაციის მიღება უკვე აფხაზურ ენაზეც არის შესაძლებელი.

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის სხდომა გაიმართა.

სხდომაზე აფხაზეთის ავტონომიური რესპუბლიკის მთავრობის წევრებმა 2025 წლის გეგმები განიხილეს.

ლევან მგალობლიშვილის განცხადებით, აფხაზეთის მთავრობის მომავალი წლის ბიუჯეტი მაქსიმალურად გამჭვირვალე და დევნილთა საჭიროებებზე ორიენტირებული იქნება.

დევნილთა პრობლემების იდენტიფიცირებისა და მათზე დროული რეაგირებისთვის აფხაზეთის ავტონომიური რესპუბლიკის მთავრობაში ცხელი ხაზი - 143 ამოქმედდა. აფხაზეთიდან იძულებით გადაადგილებული მოქალაქეები მათთვის საჭირო ყველა კითხვაზე დროულ და ამომწურავ ინფორმაციას მიიღებენ.

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის სხდომა გაიმართა.

სხდომაზე აფხაზეთის ავტონომიური რესპუბლიკის მთავრობის წევრებმა სამინისტროების მომავალი წლის სამოქმედო გეგმები განიხილეს.

ლევან მგალობლიშვილის განცხადებით, აფხაზეთის მთავრობის 2025 წლის ბიუჯეტი მაქსიმალურად იქნება ორიენტირებული აფხაზეთიდან დროებით დევნილი მოსახლეობის საჭიროებებზე.

აფხაზეთის მთავრობის პრიორიტეტების გათვალისწინებით, მაქსიმალურად მოხდება ახალგაზრდების მიმართულების გაძლიერება და დევნილთა კოლექტიური განსახლების ადგილებში არსებული საჭიროებების ეფექტური გადაწყვეტა.

აფხაზეთის ავტონომიური რესპუბლიკის მთავრობის თავმჯდომარის ლევან მგალობლიშვილის ხელმძღვანელობით აფხაზეთის მთავრობის სხდომა გაიმართა.

სხდომაზე აფხაზეთის ავტონომიური რესპუბლიკის მინისტრთა კაბინეტის წევრებმა მთავრობის სამომავლო გეგმები განიხილეს.

ლევან მგალობლიშვილის განცხადებით, აფხაზეთის მთავრობის 2025 წლის პრიორიტეტული მიმართულებები განათლება, ჯანდაცვა და ინფრასტრუქტურა იქნება.

მომავალ წელს დაგეგმილია სამინისტროების პროგრამული ნაწილისა და დაფინანსების ზრდა, რაც აფხაზეთიდან დროებით დევნილი მოსახლეობის საჭიროებებზე იქნება ორიენტირებული.