აფხაზეთის ავტონომიური რესპუბლიკის მთავრობის თავმჯდომარის გიორგი ჯინჭარაძის ხელმძღვანელობით მთავრობის სხდომა გაიმართა, სადაც მთავრობის წევრებმა დღის წესრიგით გათვალისწინებული საკითხები განიხილეს.

აფხაზეთის მთავრობის წევრებმა აფხაზეთის ავტონომიური რესპუბლიკის მთავრობის სამინისტროებისა და მათდამი დაქვემდებარებული უწყებების დებულებებში განსახორციელებელი ცვლილებები განიხილეს.

სხდომაზე ასევე შიდა სტრუქტურული გაძლიერების და ეფექტურობის გაზრდის მიმართულებით არსებულ სხვა მნიშვნელოვან საკითხებზე იმსჯელეს.