აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე საქართველოში უნგრეთის საგანგებო და სრულუფლებიან ელჩ პეტრა პონევაჩ-პანას შეხვდა.

მთავრობის თავმჯდომარემ უნგრელ დიპლომატს თანამდებობაზე დანიშვნა მიულოცა და საქართველოში წარმატებული საქმიანობა უსურვა.

გიორგი ჯინჭარაძემ ელჩს აფხაზეთის ავტონომიური რესპუბლიკის მთავრობის საქმიანობა და ძირითადი პრიორიტეტები გააცნო. ასევე დეტალურად ისაუბრა ოკუპირებული აფხაზეთის ტერიტორიაზე ადამიანის უფლებების კუთხით არსებულ რთულ ვითარებაზე.

თავის მხრივ, ელჩმა საქართველოს სუვერენიტეტის და ტერიტორიული მთლიანობის მიმართ უნგრეთის მთავრობის მტკიცე მხარდაჭერა კიდევ ერთხელ დაადასტურა და ხაზი გაუსვა ბოლო პერიოდში საქართველოსა და უნგრეთს შორის უფრო მჭიდრო თანამშრომლობას.

გიორგი ჯინჭარაძემ უნგრეთის ელჩს მისი ქვეყნის მხრიდან საქართველოს ტერიტორიული მთლიანობისა და არაღიარების პოლიტიკის აქტიური მხარდაჭერისთვის მადლობა გადაუხადა.

შეხვედრაზე მხარეებმა ორ ქვეყანას შორის არსებული სტრატეგიული პარტნიორობის ფარგლებში სხვადასხვა მიმართულებით სამომავლო თანამშრომლობის გაძლიერების შესაძლებლობები განიხილეს.

შერიგებისა და სამოქალაქო თანასწორობის საკითხებში სახელმწიფო მინისტრის თეა ახვლედიანის ხელმძღვანელობით, ჩართულობის სტრატეგიის სამოქმედო გეგმის განხორციელების მიზნით შექმნილი სამთავრობო უწყებათაშორისი კომისიის სხდომა გაიმართა.
სხდომის ფორმატში აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ აფხაზეთის მთავრობის მიერ განხორციელებულ და მიმდინარე საქმიანობაზე, ასევე სამომავლო ხედვებზე ისაუბრა.

კომისიის სხდომა სახელმწიფო მინისტრმა თეა ახვლედიანმა გახსნა, რომელმაც საქართველოს მთავრობის შერიგებისა და ჩართულობის პოლიტიკის ფარგლებში 2025 წლის გაწეული საქმიანობის ანგარიში წარმოადგინა. მინისტრმა ისაუბრა სამშვიდობო ინიციატივის „ნაბიჯი უკეთესი მომავლისკენ“ განხორციელების მიმდინარეობაზე, რომელიც მიზნად ისახავს ოკუპირებულ რეგიონებში მცხოვრები მოსახლეობის სოციალურ-ეკონომიკური მდგომარეობის გაუმჯობესებისა და ხელოვნურად გაყოფილ საზოგადოებას შორის ნდობის აღდგენისა და თანამშრომლობის ხელშეწყობას. სამთავრობო უწყებათაშორისმა კომისიამ შეაფასა სამშვიდობო პოლიტიკის ფარგლებში მიღწეული შედეგები, არსებული გამოწვევები და სამომავლო გეგმებზე იმსჯელა.

სამთავრობო კომისიის შემადგენლობაში არიან საქართველოს სახელმწიფო უწყებების, მათ შორის აფხაზეთის ავტონომიური რესპუბლიკის მთავრობის წარმომადგენლები. სხდომას ასევე ესწრებოდნენ საქართველოს მთავრობის ადმინისტრაციისა და შიდა ქართლის მხარეში სახელმწიფო რწმუნებულის წარმომადგენლები.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ გიორგი ძაძამიასთან ერთად, სოხუმის დრამატულ თეატრში სასკოლო პროექტის „გმირის დღის“ ფარგლებში გამართულ მოსწავლეთა თეატრალურ წარმოდგენას დაესწრო, რომელიც გენერალ გიორგი მაზნიაშვილის ცხოვრებას ეძღვნებოდა.

საგანმანათლებლო-შემეცნებითი პროექტი, საქართველოს პარლამენტის ქალთა და ბავშვთა საკითხებზე მომუშავე კომისიის მიერ არის ინიცირებული და მიზნად ისახავს ახალგაზრდებისთვის ეროვნული გმირების გაცნობას და პატრიოტული სულისკვეთების ამაღლებას.

ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები და სხვა მოწვეული სტუმრები ესწრებოდნენ.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია აფხაზეთის უმაღლეს საბჭოში გამართულ საერთაშორისო კავშირების, განათლებისა და კულტურის საკითხთა კომიტეტის სხდომას დაესწრო.

სხდომას საერთაშორისო კავშირების, განათლებისა და კულტურის საკითხთა კომიტეტის თავმჯდომარე ნუგზარ მგალობლიშვილი უძღვებოდა.

სხდომაზე აფხაზეთის დროებით ოკუპირებულ ტერიტორიაზე, განათლებისა და კულტურის სფეროში არსებული გამოწვევები და შესაძლებლობები განიხილეს, ისაუბრეს მათი გადაჭრის გზებზე და სამომავლოდ განსახორციელებელ პროექტებზე.

კომიტეტის სხდომას აფხაზეთის უმაღლესი საბჭოს თავმჯდომარის პირველი მოადგილე, აფხაზეთის განათლებისა და კულტურის მინისტრის მოადგილეები, აფხაზეთის მთავრობის აპარატის უფროსი გიორგი სუთიძე, უმაღლესი საბჭოს აპარატის უფროსი ზურაბ მებონია, კომიტეტის აპარატის წევრები და აფხაზეთის განათლებისა და კულტურის სამინისტროს წარმომადგენლები ესწრებოდნენ.

"აფხაზეთის ავტონომიური რესპუბლიკის ოკუპირებული ტერიტორიიდან (ზემო აფხაზეთი) იძულებით გადაადგილებულ პირთა - დევნილთა სოციალური დაცვის მიზნით ერთჯერადი დახმარების გაცემის წესის დამტკიცების შესახებ" აფხაზეთის ავტონომიური რესპუბლიკის მთავრობის 2026 წლის 30 იანვრის №1 დადგენილებით განისაზღვრა:
ა). ზემო აფხაზეთიდან დევნილი სოციალურად დაუცველი (არაუმეტეს 57000 სარეიტინგო ქულა) ოჯახებიდან ოთხ წლამდე ასაკის ბავშვებისთვის კვების პროდუქტებით და ჰიგიენის საგნებით ერთჯერადი დახმარება ვაუჩერის წესით დაფინანსდება.
ერთჯერადი დახმარების მიღების პირობები, წარსადგენი დოკუმენტაცია
1. ერთჯერადი დახმარების მიღების მსურველმა პირმა (ბენეფიციარი) - მშობელმა, ან ბავშვის კანონიერმა წარმომადგენელმა განცხადებით უნდა მიმართოს კომისიას და წარუდგინოს ქვემოთ ჩამოთვლილი დოკუმენტაცია კატეგორიების მიხედვით:
ა) ზემო აფხაზეთიდან სოციალურად დაუცველი (არაუმეტეს 57000 სარეიტინგო ქულა) ოჯახებიდან ოთხ წლამდე ასაკის ბავშვებისთვის კვების პროდუქტების და ჰიგიენის საგნების შესყიდვის, ვაუჩერის წესით დაფინანსება - ერთი ვაუჩერი 310 (სამასათი) ლარის ოდენობით - წარმოდგენილ უნდა იქნეს:
ა.ა) განმცხადებლის ბენეფიციარის პირადობის დამადასტურებელი მოწმობა (ასლი)
ა.ბ) განმცხადებლის (ბენეფიციარის) დევნილის მოწმობა;
ა.გ) ბავშვის დაბადების მოწმობა (ასლი);
ა.დ) ბავშვის დევნილის მოწმობა (ასლი);
ა.ე) ბავშვის მეურვის ან მზრუნველის პირადობის მოწმობა (ასლი);
ა.ვ) არსებობის შემთხვევაში - მეურვის ან მზრუნველის დევნილის მოწმობა (ასლი);
ა.ზ) ცნობა სოციალური მომსახურების სააგენტოდან სოციალურად დაუცველის ოჯახის სტატუსის და სარეიტინგო ქულების შესახებ, გაცემული არაუგვიანეს 14 სამუშაო დღისა წარმომადგენლობაში განცხადების წარდგენამდე;
ა.თ) არსებობის შემთხვევაში - ცნობა შეზღუდული შესაძლებლობის მქონე პირის - ბავშვის შესახებ;
ა.ი) არსებობის შემთხვევაში - ცნობა მშობლის შეზღუდული შესაძლებლობის მქონე პირის შესახებ;
ა.კ) არსებობის შემთხვევაში - ომის ვეტერანის მოწმობის ასლი;
ა.ლ) არსებობის შემთხვევაში - სამი ან მეტი არასრულწლოვანშვილიანი ოჯახის ბავშვების დაბადების მოწმობის ასლები;
ა.მ) არსებობის შემთხვევაში - ცნობა მარტოხელა მშობლის სტატუსის შესახებ;
ა.ნ) არსებობის შემთხვევაში - ცნობა ონკოლოგიური ან სხვა მძიმე დაავადების შესახებ(ფორმა №100 ).
გასათვალისწინებელია რომ:
ა.ა) ოჯახის ოთხ წლამდე ერთ ბავშვს - ერთი ვაუჩერი;
ა.ბ) ოჯახს რომელსაც ჰყავს ტყუპები - თითოეულს ერთი ვაუჩერი;
ა.გ) ოჯახს რომელსაც ჰყავს სამი და მეტი არასრულწლოვანი ბავშვი - დამატებით ერთი ვაუჩერი;
ა.დ) ოჯახს რომელსაც ჰყავს შეზღუდული შესაძლებლობის მქონე პირი - ბავშვი - დამატებით ერთი ვაუჩერი;
ა.ე) ოჯახს სადაც მშობელი (ერთ-ერთი მაინც) შეზღუდული შესაძლებლობის მქონე პირია - დამატებით ერთი ვაუჩერი;
ა.ვ) ოჯახს სადაც მშობელი (ერთ-ერთი მაინც) ომის ვეტერანია - დამატებით ერთი ვაუჩერი;
ა.ზ) ოჯახს სადაც მშობელს აქვს მარტოხელა მშობელის სტატუსი - დამატებით ერთი ვაუჩერი;
ა.თ) ოჯახს სადაც ბავშვი და/ან მშობელი (ერთ-ერთი მაინც) ონკოლოგიური დაავადების მქონე პირია - დამატებით ერთი ვაუჩერი.
II). ზემო აფხაზეთიდან დევნილ, ამჟამად უმუშევარ ან პენსიონერი პედაგოგებისთვის ერთჯერადი 250 (ორასორმოცდაათი) ლარის დახმარების მიზნით წარმოდგენილი უნდა იქნეს:
ბ.ა) განმცხადებლის (ბენეფიციარის) პირადობის დამადასტურებელი მოწმობა (ასლი);
ბ.ბ) განმცხადებლის დევნილის მოწმობა (ასლი);
ბ.გ) ცნობა - საქართველოს შემოსავლების სამსახურიდან, იმის შესახებ რომ, ცნობის წარდგენის თარიღამდე უკანასკნელი 6 თვის განმავლობაში არ იყო ნებისმიერი სახით გადასახადის გადამხდელი;
ბ.დ) ცნობა ზემო აფხაზეთის საგანმანათლებლო რესურს ცენტრიდან პედაგოგიური მოღვაწეობის შესახებ;
ბ.ე) ცნობა საბანკო რეკვიზიტების შესახებ.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის განათლებისა და კულტურის მინისტრ გიორგი ძაძამიასთან ერთად სოხუმის დრამატული თეატრის დარბაზში გიორგი მაზნიაშვილის ცხოვრებისადმი მიძღვნილ თეატრალურ წარმოდგენას დაესწრო.

თეატრალიზირებულ წარმოდგენაზე გაცოცხლებული იყო საქართველოს ეროვნული გმირის გიორგი მაზნიაშვილის ცხოვრებისა და მოღვაწეობის ეპიზოდები. პროექტი მიზნად ისახავს ახალგაზრდებში საქართველოს ეროვნული გმირების შესახებ ცნობიერების ამაღლებას.

ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები და სხვა მოწვეული სტუმრები ესწრებოდნენ.

აფხაზეთის ავტონომიური რესპუბლიკის მთავრობის მხარდაჭერითა და აფხაზეთის საინფორმაციო-ანალიტიკური ცენტრის ორგანიზებით, ბათუმში, „ქართულ-აფხაზური საგას“ წარმომადგენლებთან შეხვედრა გაიმართა.

შეხვედრაში აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, საქართველოს პარლამენტის პირველი ვიცე-სპიკერი გიორგი ვოლსკი, საქართველოს პარლამენტის წევრი არჩილ ბერიძე და აფხაზეთის მთავრობის წევრები მონაწილეობდნენ.

შეხვედრის მონაწილეებმა „ქართულ-აფხაზური საგას“ საქმიანობის შესახებ ისაუბრეს და ქართველებსა და აფხაზებს შორის ნდობის აღდგენის პროცესში სახალხო დიპლომატიის მნიშვნელობას გაუსვეს ხაზი.

გიორგი ჯინჭარაძემ განსაკუთრებული ყურადღება ერთობლივი თანამშრომლობის გააქტიურებაზე გააკეთა და შერიგების პროცესში სამშვიდობო ინიციატივებზე და ამ პროცესებში ახალგაზრდების ჩართულობის გაძლიერების აუცილებლობაზე, ასევე ქართულ-აფხაზური კულტურისა და საერთო ფასეულობების შენარჩუნებაზე ისაუბრა.

„ქართულ-აფხაზური საგა“ უკვე 15 წელზე მეტია აჭარაში მცხოვრები აფხაზების ჩართულობით სხვადასხვა ღონისძიებას ახორციელებს და სახალხო დიპლომატიის ხელშეწყობის მიზნით აქტიურ საქმიანობას ეწევა.

აფხაზეთის იძულებით გადაადგილებულ პირთა მინისტრი დავით ფაცაცია, საქართველოს პარლამენტის თავმჯდომარის პირველ მოადგილე გიორგი ვოლსკისთან და აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამიასთან ერთად, ბათუმის შოთა რუსთაველის სახელმწიფო უნივერსიტეტის რექტორს, ტიტე აროშიძეს და აჭარის ა.რ. განათლებისა და სპორტის მინისტრს, მაია ხაჯიშვილს შეხვდნენ.

შეხვედრაზე მხარეებმა განიხილეს ბათუმის შოთა რუსთაველის სახელმწიფო უნივერსიტეტში სამშვიდობო სწავლების ცენტრის შექმნასთან დაკავშირებული საორგანიზაციო საკითხები. ისაუბრეს ცენტრის მნიშვნელობაზე და მსგავს პროექტებში ახალგაზრდების ჩართულობის გაზრდაზე.

„ჩვენთვის ძალიან მნიშვნელოვანია სამშვიდობო სწავლების ცენტრის სწორედ ბათუმის შოთა რუსთაველის სახელმწიფო უნივერსიტეტში გახსნა, რადგან უნივერსიტეტი წარმოადგენს განათლების მთავარ კერას და მნიშვნელოვან ძალას ქვეყნის ერთიანობის, თავისუფლებისა და იდენტობის შენარჩუნების პროცესში.

დიდ მადლობას ვუხდი ბატონ გიორგი ვოლსკს, შოთა რუსთაველის სახელმწიფო უნივერსიტეტს, ქართველთა და აფხაზთა ერთობის საზოგადოებას - „ერთობა ხვალისთვის“ - მნიშვნელოვანი და პრინციპულად აუცილებელი პროექტის წამოწყებისთვის.“ - განაცხადა მინისტრმა დავით ფაცაციამ.

მეცნიერ ქალთა და გოგონათა საერთაშორისო დღესთან დაკავშირებით საქართველოს განათლების, მეცნიერებისა და ახალგაზრდობის მინისტრმა გივი მიქანაძემ წარმატებული ქალი მეცნიერები დააჯილდოვა. დაჯილდოების ღონისძიებას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე დაესწრო.

ღონისძიებაზე მინისტრმა დამსწრე საზოგადოებას მეცნიერ ქალთა და გოგონათა საერთაშორისო დღე მიულოცა და მეცნიერების სფეროს განვითარებაში ქალთა ფასდაუდებელ წვლილზე ისაუბრა.

მეცნიერებაში შეტანილი განსაკუთრებული წვლილისთვის დაჯილდოვდნენ: ნინო კობაური, მარეხ მაზანაშვილი, თინათინ ტყემალაძე, მარიკა თედორაძე, ია მოსაშვილი, ელზა ჯინჭარაძე, ნინო წულაია, ნინო ბერიძე და ნათელა ბაღათრიშვილი.

ღონისძიებას საქართველოს განათლების, მეცნიერებისა და ახალგაზრდობის მინისტრის მოადგილე ზვიად გაბისონია, მეცნიერებათა ეროვნული აკადემიის პრეზიდენტი, აკადემიკოსი როინ მეტრეველი, შოთა რუსთაველის საქართველოს ეროვნული სამეცნიერო ფონდის წარმომადგენლები და სხვა მოწვეული სტუმრები ესწრებოდნენ.

მეცნიერ ქალთა და გოგონათა საერთაშორისო დღე, გაეროს გენერალური ასამბლეის რეზოლუციის თანახმად, 2015 წლიდან 11 თებერვალს აღინიშნება და მისი მიზანია მეცნიერებით დაინტერესებულ ქალთა ხელშეწყობა და მეცნიერების, ინოვაციებისა და ტექნოლოგიების სისტემაში მათი მზარდი როლის მხარდაჭერა.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია საქართველოს პარლამენტის თავმჯდომარის პირველ მოადგილე გიორგი ვოლსკისთან და აფხაზეთის იძულებით გადაადგილებულ პირთა-დევნილთა მინისტრ დავით ფაცაციასთან ერთად ბათუმის შოთა რუსთაველის სახელმწიფო უნივერსიტეტის რექტორს ტიტე აროშიძეს შეხვდა.

შეხვედრაზე მხარეებმა განიხილეს ბათუმის შოთა რუსთაველის სახელმწიფო უნივერსიტეტში სამშვიდობო სწავლების ცენტრის შექმნასთან დაკავშირებული საორგანიზაციო საკითხები. ასევე ისაუბრეს ცენტრის მნიშვნელობაზე და მსგავს პროექტებში ახალგაზრდების ჩართულობის გაზრდაზე.

შეხვედრას საქართველოს პარლამენტის წევრები, აჭარის განათლებისა და კულტურის მინისტრი და უნივერსიტეტის სტუდენტები ესწრებოდნენ.

ფერიის საჯარო სკოლაში, აფხაზური ენის შენარჩუნებისა და პოპულარიზაციის მიზნით, აფხაზური ენის გაკვეთილი ჩატარდა.

ღონისძიებაზე სიტყვით გამოვიდნენ აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აჭარის ავტონომიური რესპუბლიკის მთავრობის თავმჯდომარე სულხან თამაზაშვილი და საქართველოს პარლამენტის პირველი ვიცე-სპიკერი გიორგი ვოლსკი, რომელთაც ქართულ-აფხაზურ მრავალსაუკუნოვან ურთიერთობებზე და შერიგების პროცესში ახალგაზრდების ჩართულობის მნიშვნელობაზე ისაუბრეს.

სკოლის მოსწავლეებმა, ამ დღესთან დაკავშირებით, აფხაზეთის თემატიკისადმი მიძღვნილი სპექტაკლი-მიუზიკლი „ლამპიონები“ წარმოადგინეს.

ღონისძიების ფარგლებში, გიორგი ჯინჭარაძემ აფხაზური ენის პედაგოგ ლიანა აიკუცბას ხანგრძლივი და ნაყოფიერი პედაგოგიური საქმიანობისთვის მადლობის სიგელი გადასცა.

ღონისძიებას აფხაზეთისა და აჭარის ავტონომიური რესპუბლიკების მთავრობის წევრები, ადგილობრივი ხელისუფლების წარმომადგენლები და აჭარაში მცხოვრები აფხაზები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იძულებით გადაადგილებულ პირთა მინისტრ დავით ფაცაციასთან, და ბათუმის მერ გიორგი ცინცაძესთან ერთად აჭარაში მცხოვრებ აფხაზეთიდან დევნილ მოსახლეობას შეხვდა.

ბათუმში გამართულ შეხვედრაზე აფხაზეთის მთავრობის წარმომადგენლებმა დევნილთა განსახლების ადგილებში არსებული საჭიროებები მოისმინეს და ადგილობრივი ხელისუფლების წარმომადგენლებთან ერთად საკითხების ერთობლივად მოგვარებაზე იმსჯელეს.

შეხვედრა კითხვა-პასუხის ფორმატში წარიმართა, სადაც დევნილებმა მათთვის აქტუალურ საკითხებზე ისაუბრეს.

გიორგი ჯინჭარაძემ დევნილ მოსახლეობას აფხაზეთის მთავრობის პროგრამების ხელმისაწვდომობის შესახებ ესაუბრა და აღნიშნა, რომ მიმდინარე წელს გაზრდილი დაფინანსება კომპაქტურ ჩასახლებებში ინფრასტრუქტურასთან დაკავშირებული ძირითადი საჭიროებების მოგვარებაზე იქნება მიმართული.

საჭიროებების გაცნობის მიზნით, დევნილ მოსახლეობასთან შეხვედრები პერიოდულად მთელი ქვეყნის მასშტაბით მიმდინარეობს.

აფხაზეთის ავტონომიური რესპუბლიკის განათლებისა და კულტურის მინისტრმა გიორგი ძაძამიამ სამინისტროს მიერ 2025 წელს გაწეული საქმიანობის ანგარიში წარადგინა და შედეგები შეაჯამა.

მოხსენებაში მინისტრმა განსაკუთრებული ყურადღება უწყების მიერ განხორციელებულ კულტურულ-საგანმანათლებლო პროექტებზე, ასევე საანგარიშო პერიოდში სამინისტროს მიღწევებსა და შედეგებზე გაამახვილა. გიორგი ძაძამიამ ასევე აფხაზეთის განათლებისა და კულტურის სამინისტროს მიერ მიმდინარე წელს განსახორციელებელ პროგრამებსა და პროექტებზე ისაუბრა.

მინისტრის მოხსენების შემდეგ, ღონისძიებაზე მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე წარდგა. მთავრობის თავმჯდომარემ სამინისტროს საქმიანობის ანგარიში დადებითად შეაფასა და სამინისტროს პროგრამებში ახალგაზრდების როლის გაძლიერებასა და განათლების მიმართულებით დაგეგმილ სიახლეებზე ისაუბრა.

ღონისძიების ბოლოს აფხაზეთის განათლებისა და კულტურის სამინისტროს მხარდამჭერი ორგანიზაციებისა და აფხაზეთის შემოქმედებითი კოლექტივების ხელმძღვანელები დაჯილდოვდნენ.

ანგარიშს საქართველოს პარლამენტის თავმჯდომარის პირველი მოადგილე გიორგი ვოლსკი, საკანონმდებლო და აღმასრულებელი ხელისუფლების წარმომადგენლები, აფხაზეთის მთავრობის წევრები, უმაღლესი საბჭოს დეპუტატები, საქართველოს ეროვნული ბიბლიოთეკის და დევნილი საზოგადოების წარმომადგენლები ესწრებოდნენ.

აფხაზეთის ავტონომიური რესპუბლიკის განათლებისა და კულტურის მინისტრმა გიორგი ძაძამიამ, სამინისტროს 2025 წლის საქმიანობის ანგარიში წარადგინა.

წარდგენაზე მინისტრმა აფხაზეთის განათლებისა და კულტურის სამინისტროს მიერ განხორციელებულ მნიშვნელოვან ღონისძიებებსა და შედეგებზე, ასევე სამინისტროში დაგეგმილ სიახლეებზე ისაუბრა. მოხსენებაში მინისტრმა აფხაზეთის შემოქმედებითი კოლექტივების მუშაობის შედეგები და აფხაზეთის კულტურის სპორტისა და ახალგაზრდულ საქმეთა სააგენტოს მიერ განხორციელებული პროექტები მიმოიხილა.

მინისტრის ანგარიშის წარდგენის შემდგომ მოწვეულ სტუმრებს სიტყვით აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, აფხაზეთის უმაღლესი საბჭოს თავმჯდომარე ჯემალ გამახარიამ და საქართველოს პარლამენტის თავმჯდომარის პირველმა მოადგილე გიორგი ვოლსკიმ მიმართეს.

ღონისძიების ბოლოს აფხაზეთის განათლებისა და კულტურის სამინისტროს მხარდამჭერი ორგანიზაციებისა და აფხაზეთის შემოქმედებითი კოლექტივების ხელმძღვანელები დაჯილდოვდნენ.

ანგარიშის წარდგენას საქართველოს საკანონმდებლო და აღმასრულებელი ხელისუფლების წარმომადგენლები, აფხაზეთის მთავრობის წევრები, უმაღლესი საბჭოს დეპუტატები, აჭარის განათლებისა და სპორტის სამინისტროს, აფხაზეთის კულტურის სპორტის და ახალგაზრდულ საქმეთა საააგენტოს, განათლების, კულტურისა და სპორტის სფეროს წარმომადგენლები ესწრებოდნენ.