აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

რუსლან აბაშიძემ აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროში სამუშაო შეხვედრა გამართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროში სამუშაო შეხვედრა გამართა.

შეხვედრაზე სამინისტროს სტურქტურული ერთეულების, სსიპ-ების და ა(ა)იპ-ების საქმიანობაზე ისაუბრეს. მინისტრმა უწყების პრიორიტეტული მიმართულებები, საერთაშორისო დონორ ორგანიზაციებთან მჭიდრო თანამშრომლობის და  დევნილი საზოგადოების ჩართულობით ეკონომიკური ეფექტურობის ზრდის საკითხები განიხილა.

საუბარი შეეხო კორონავირუსის პანდემიის დროს აფხაზეთის ავტონომიური რესპუბლიკის მთავრობის მიერ პარტნიორ ორგანიზაციებთან ერთად აფხაზეთიდან იძულებით გადაადგილებული პირების მხარდასაჭერად განხორცილებულ მნიშვნელოვან სოციალურ პროექტებს. შეხვედრის მონაწილეებმა ასევე სამომავლო სამოქმედო გეგმა განიხილეს. რუსლან აბაშიძემ სამინისტროს თანამშრომლებს მადლობა გადაუხადა COVID-19-ის პრევენციულ ღონისძიებებში აქტიური ჩართულობისთვის.

შეხვედრაში აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე, მინისტრის მოადგილეები და სამინისტროს თანამშრომლები მონაწილეობდნენ.

რუსლან აბაშიძემ აფხაზეთის ავტონომიური რესპუბლიკის განათლებისა და კულტურის სამინისტროში სამუშაო შეხვედრა გამართა

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ აფხაზეთის ავტონომიური რესპუბლიკის განათლებისა და კულტურის სამინისტროში მინისტრ როლანდ ნიჟარაძესთან, მინისტრის მოადგილეებთან და სამინისტროს თანამშრომლებთან სამუშაო შეხვედრა გამართა. შეხვედრაში აფხაზეთის ავტონომიური რესპუბლიკის მთავრობის აპარატის უფროსი ოთარ გარმელია და მთავრობის თავმჯდომარის მრჩეველი მანანა ქვაჩახია მონაწილეობდნენ.

შეხვედრაზე განათლებისა და კულტურის სამინისტროს სტურქტურული ერთეულების, სსიპ-ების და ა(ა)იპ-ების ხელმძღვანელებმა ისაუბრეს მიმდინარე წლისთვის დაგეგმილ ღონისძიებებში, პროექტებსა და პროგრამებში კორონავირუსის პანდემიის გამო შეტანილ ცვლილებებზე. ასევე, განიხილეს სამომავლო სამოქმედო გეგმა და ძირითადი პრიორიტეტები.

 

რუსლან აბაშიძემ აფხაზეთის ავტონომიური რესპუბლიკის განათლებისა და კულტურის სამინისტროში სამუშაო შეხვედრა გამართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე აფხაზეთის ავტონომიური რესპუბლიკის განათლებისა და კულტურის სამინისტროში იმყოფებოდა, სადაც მინისტრ როლანდ ნიჟარაძესთან, მინისტრის მოადგილეებთან და სამინისტროს თანამშრომლებთან  სამუშაო შეხვედრა გამართა. შეხვედრაში აფხაზეთის ავტონომიური რესპუბლიკის მთავრობის აპარატის უფროსი ოთარ გარმელია და მთავრობის თავმჯდომარის მრჩეველი მანანა ქვაჩახია მონაწილეობდნენ.

შეხვედრაზე განათლებისა და კულტურის სამინისტროს სტურქტურული ერთეულების, სსიპ-ების და ა(ა)იპ-ების ხელმძღვანელებმა ისაუბრეს მიმდინარე წელს დაგეგმილ ღონისძიებებში, პროექტებსა და პროგრამებში კორონავირუსის პანდემიის გამო განხორცილებულ ცვლილებებზე. ასევე, განიხილეს სამომავლო სამოქმედო გეგმა და ძირითადი პრიორიტეტები.

აფხაზეთის ა/რ განათლებისა და კულტურის სამინისტრომ აფხაზეთის საჯარო სკოლების ინფრასტრუქტურა და საჭიროებები შეისწავლა
აფხაზეთის ავტონომიური რესპუბლიკის განათლებისა და კულტურის სამინისტროს ამჟამად ენგურს გამოღმა 13 სკოლა ექვემდებარება. ამ სკოლების ინფრასტრუქტურის შემოწმებას, ახალი სასწავლო წლისათვის თადარიგის დაჭერის მიზნით, აფხაზეთის ავტონომიური რესპუბლიკის განათლებისა და კულტურის სამინისტრო უკვე შეუდგა. ეს პროცესი კი აფხაზეთის ავტონომიური რესპუბლიკის მთავრობის თავმჯდომარესთან რუსლან აბაშიძესთან ერთად ქ. ქუთაისში განთავსებული აფხაზეთის №5 საჯარო სკოლიდან დაიწყო. აქ ასევე იმყოფებოდა აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე ირაკლი გელენავა, რომელმაც მომდევნო დღეებში, სამინისტროში საგანგებოდ შექნილ ჯგუფთან ერთად, აფხაზეთის ყველა საჯარო სკოლა მოინახულა.
ირაკლი გელენავას თქმით, „სკოლებში ვიზიტის მიზანი იყო მათი ინფრასტრუქტურის შესწავლა, შესაბამისი საჭიროებების იდენტიფიცირება. ხოლო ყოველივე ამის გათვალისწინებით, სამინისტროს ბიუჯეტში ამ პრობლემების მოსაგვარებლად არსებული შეზღუდული ფინანსების სწორად გადანაწილება. უნდა ითქვას, რომ სკოლის ინფრასტრუქტურას ნამდვილად ეტყობა ჩვენი სამინისტროსა და აფხაზეთის მთავრობის მზრუნველობა, მოწესრიგებულია სანიტარული კვანძები, უმეტესობას აქვს სპორტული დარბაზები, გათბობა, შენობები გადახურულია და შეკეთებული. თუმცა კიდევ არის რიგი პრობლემები, რომელთა ნუსხას მალე შეაჯერებს სამინისტროში საგანგებოდ შექმნილი კომისია და არსებულ თანხებს სკოლებს პრიორიტეტების გათვალისწინებით გადასცემს.“
გარდა ამისა, ხაზგასასმელია ის გარემოებაც, რომ აფხაზეთის №1 და №6 საჯარო სკოლები ჩაბმული არიან „ახალი სკოლის მოდელში“, რომელიც როგორც სკოლების ინფრასტრუქტურის მოწესრიგებას, ასევე, სწავლა-სწავლების პროცესში ახალი, თანამედროვე მეთოდების დანერგვას ითვალისწინებს.
სკოლებში ვიზიტის ფარგლებში, პანდემიის გამო დისტანციური სწავლების აქტუალობიდან გამომდინარე, ყურადღება გამახვილდა ასევე აფხაზეთის საჯარო სკოლებისა თუ ცალკეული მოსწავლეების კომპიუტერულ და ინტერნეტ უზრუნველყოფაზე. გამოიკვეთა, რომ სკოლების უმეტესობა საჭიროებს კომპიუტერული სისტემის განახლებას;ხოლო მოსწავლეების ერთ ნაწილს გარკვეული პრობლემები აქვთ ინტერნეტზე წვდომასთან დაკავშირებით.
აფხაზეთის ავტონომიური რესპუბლიკის განათლებისა და კულტურის სამინისტრო გეგმავს, აფხაზეთის ა/რ მთავრობის თავმჯდომარესთან რუსლან აბაშიძესთან ერთად შედგეს რაიონებისა და ქალაქების მუნიციპალიტეტების ხელმძღვანელებთან შეხვედრა, სადაც აფხაზეთის საჯარო სკოლების დახმარების მიზნით თანამშრომლობის საკითხებს განიხილავენ.
აფხაზეთის ავტონომიური რესპუბლიკის მთავრობის თავმჯდომარესთან არსებული გიორგი შარვაშიძის სახელობის პრემიის კომისია აცხადებს კონკურსს გიორგი შარვაშიძის სახელობის პრემიის მოსაპოვებლად

გიორგი შარვაშიძის სახელობის პრემიის მოსაპოვებლად განაცხადები მიიღება შემდეგ დარგებში: ლიტერატურა, ხელოვნება, პუბლიცისტიკა და მეცნიერება.

გიორგი შარვაშიძის სახელობის პრემია ენიჭება ლიტერატურის დარგში - ბოლო ორი წლის  განმავლობაში წიგნად გამოცემულ ყველა ორიგინალურ ლიტერატურულ ნაწარმოებს (რომანი, პროზაული კრებული, პოეტური კრებული, პიესა), უცხოური ნაწარმოების ქართულ თარგმანს, ლიტერატურული კრიტიკისა და დოკუმენტური პროზის ნიმუშებს (არ განიხილება საბავშვო ლიტერატურა). ასევე, პრემია ენიჭება ხელოვნების, პუბლიცისტიკისა და მეცნიერების დარგებში შექმნილ ნაწარმოებს (ნაშრომს, რომელმაც მხატვრულ და სხვა ღირსებათა გამო, აღიარება მოიპოვა, განმსჭვალულია თავისუფლების, ჰუმანიზმის, პატრიოტიზმის მაღალი იდეალებით და წარმოადგენს შენაძენს ქართული და აფხაზური ლიტერატურის, ხელოვნების, პუბლიცისტიკისა და მეცნიერების დარგებში;

გიორგი შარვაშიძის სახელობის პრემია გაიცემა არა უმეტეს ოთხისა, თითოეული 3000 ლარის ოდენობით.

გიორგი შარვაშიძის სახელობის პრემიის მოსაპოვებლად კონკურსში კანდიდატთა წარდგენის პირობე-ბი და წესი:

  • გიორგი შარვაშიძის სახელობის პრემიის მოსაპოვებლად კანდიდატთა წარდგენის უფლება აქვთ იმ სასწავლო-სამეცნიერო დაწესებულებებს, შემოქმედებით და სხვა საზოგადოებრივ ორგანიზაციებს, რომლებიც საქმიანობენ ლიტერატურის, ხელოვნების, პუბლიცისტიკისა და მეცნიერების დარგებში;
  • პრემიის მოსაპოვებლად შეიძლება წარდგენილ იქნეს პირი მისი მოქალაქეობის მიუხედავად;
  • პრემიის მოსაპოვებლად წარდგენილი კანდიდატი არ შეიძლება იყოს კომისიის წევრი;
  • კონკურსში მონაწილეობის მიღება შესაძლებელია ბოლო ორი წლის განმავლობაში შექმნილი ნამუშევრით; ის უნდა ეხმიანებოდეს აფხაზეთის თემატიკას,  ემსახურებოდეს ქართულ-აფხაზური ურთიერთობების პოპულარიზაციას;
  • საკონკურსო ნაწარმოები (ნაშრომი) წარმოდგენილი უნდა იქნეს ქართულ ენაზე. ნაწარმოებს (ნაშრომს), სხვა ენაზე წარდგენის შემთხვევაში, თან უნდა ერთვოდეს სრული ქართული თარგმანი;
  • ლიტერატურული, პუბლიცისტური და მეცნიერული ნაწარმოების თუ ნაშრომის საკონკურსოდ წარდგენა დასაშვებია მხოლოდ მისი დასრულებული სახით (წიგნად) გამოქვეყნების შემდეგ;
  • ხელოვნების სხვადასხვა დარგში შექმნილი ნაწარმოებების საკონკურსოდ წარდგენა შეიძლება მას შემდეგ, რაც მათ სრულად გაეცნობა საზოგადოება (კონცერტებზე, გამოფენებზე, თეატრებში, მასმედიის მეშვეობით და ა.შ.);
  • დაუშვებელია პრემიის მოსაპოვებლად კომისიის მიერ ერთხელ უკვე უარყოფილი ნაწარმოების (ნაშრომის) ხელმეორედ წარდგენა, გარდა იმ შემთხვევისა, როდესაც ნაწარმოები (ნაშრომი) საკონკურსოდ დაშვებული არ იქნა ტექნიკური მიზეზების გამო. ასევე, ავტორის წარდგენა განმეორებით შესაძლებელია ახალი ნამუშევრით;
  • ავტორთა ჯგუფისათვის პრემიის მინიჭების შემთხვევაში პრემია ავტორთა შორის ნაწილდება თანაბრად;
  • პირს, გარდაცვალების შემდეგ, პრემია შეიძლება მიენიჭოს იმ შემთხვევაში, თუ იგი გარდაცვალებამდე იყო წარდგენილი, ან გარდაცვალების შემდეგ გამოქვეყნდა მისი ახალი, მანამდე უცნობი მნიშვნელოვანი ნაწარმოები (ნაშრომი). 

კონკურსში მონაწილეობისათვის აფხაზეთის ავტონომიური რესპუბლიკის განათლებისა და კულტურის სამინისტროში წარდგენილი უნდა იქნეს შემდეგი დოკუმენტაცია:

  1. წარდგინება, ანუ ნაწარმოების, ნაშრომის აღწერა-დახასიათება იმ განსაკუთრებული ღირსებების აღნიშვნით, რის გამოც ხდება მისი ავტორის გიორგი შარვაშიძის სახელობის პრემიაზე წარდგენა. დოკუმენტს ხელს აწერს წარმდგენი ორგანიზაციის ხელმძღვანელი;
  2. სასურველია წარმოდგენილ იქნეს საკონკურსო ნაწარმოების, ნაშრომის შესახებ პრესაში გამოქვეყნებული რეცენზიები, აუდიო, ვიდეო, ფოტო და სხვა მასალები ნაწარმოებზე, ნაშრომზე წარმოდგენის შესაქმნელად;
  3. საჭიროების შემთხვევაში ცნობა, სადაც მითითებული იქნება ნაწარმოების (ნაშრომის) გამოცემის (შექმნის) ზუსტი თარიღი;
  4. კანდიდატის ბიოგრაფია (CV);
  5. ლიტერატურის, ხელოვნების, პუბლიცისტიკის და მეცნიერების დარგში შექმნილი ნაწაროებები 11 ეგზემპლარად (აუდიო, ვიდეოჩანაწერები, მუსიკალური ნაწარმოების პარტიტურა 11 ეგზემპლარად). წარმოდგენილი ნაშრომები ავტორებს უკან არ უბრუნდებათ;
  6. კანდიდატის პირადობის დამადასტურებელი მოწმობის ასლი და ორი ფოტოსურათი (6X9 სმ).

საკონკურსო განცხადებებისა და თანდართული მასალების მიღების ვადები

  1. საკონკურსო განცხადებები და მასალები მიიღება აფხაზეთის ავტონომიური რესპუბლიკის განათლებისა და კულტურის სამინისტროში 2020 წლის 16 ივნისიდან - 01 აგვისტოს ჩათვლით, შაბათ-კვირის გარდა, 10:00 საათიდან 17:00 საათამდე;
  2. კონკურსის საბოლოო შედეგები და პრემიის ლაურეატთა სია გამოქვეყნდება არაუგვიანეს 2020 წლის 5 დეკემბრისა.

დამატებითი ცნობებისათვის მოგვმართეთ:

საქართველო- თბილისი 0102, უზნაძის ქ.№68, აფხაზეთის ა/რ განათლებისა და კულტურის სამინისტრო, ხელოვნების და მიმდინარე ღონისძიებების სამსახური, მე-3 სართული,

საკონტაქტო პირი: ლიანა ხურცილავა, ეკატერინ გადილია
ტელ: 599 85 54 41; 595 45 33 45.

რუსლან აბაშიძესა და საქართველოში აშშ-ის საგანგებო და სრულუფლებიან ელჩს შორის დისტანციური შეხვედრა გაიმართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესა და საქართველოში აშშ-ის საგანგებო და სრულუფლებიან ელჩ კელი დეგნანს შორის დისტანციური შეხვედრა გაიმართა. შეხვედრა გაცნობით ხასიათს ატარებდა.

აშშ-ის ელჩმა კიდევ ერთხელ დაადასტურა მისი ქვეყნის მთავრობის ურყევი პოზიცია და სრული მხარდაჭერა საქართველოს ტერიტორიული მთლიანობის მიმართ.

რუსლან აბაშიძემ ამერიკის შეერთებული შტატების ელჩს მადლობა გადაუხადა საქართველოს ტერიტორიული მთლიანობისა და სუვერენიტეტისადმი აშშ-ის ურყევი პოზიციისთვის და აფხაზეთიდან დევნილი და ოკუპირებულ ტერიტორიაზე მცხოვრები მოსახლეობის მხარდაჭერისთვის.

რუსლან აბაშიძემ კელი დეგნანს აფხაზეთის ავტონომიური რესპუბლიკის მთავრობის საქმიანობა გააცნო და ოკუპირებულ აფხაზეთში არსებულ ვითარებასა და კორონავირუსის პანდემიით გამოწვეულ სიატუაციაზე ინფორმაცია მიაწოდა. ელჩმა აღნიშნა, რომ COVID-19-თან დაკავშირებით არსებულ გამოწვევებს საქართველო ძალიან ეფექტურად უმკლავდება. 

მხარეებმა ონლაინ შეხვედრაზე ჟენევის საერთაშორისო მოლაპარაკებების ფარგლებში განხილულ საკითხებზე ისაუბრეს. ასევე, სხვადასხვა მიმართულებით სამომავლო თანამშმრომლობის სურვილი გამოთქვეს.

შეხვედრაში მისიის ხელმძღვანელის მოადგილე ელიზაბეთ რუდი და საელჩოს წარმომადგენელი ქეთლინ ნათი მონაწილეობდნენ.

რუსლან აბაშიძემ აფხაზეთის ავტონომიური რესპუბლიკის უმაღლეს საბჭოში აფხაზეთის ავტონომიური რესპუბლიკის მთავრობის ანგარიში წარადგინა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის ავტონომიური რესპუბლიკის უმაღლეს საბჭოში ახალი კორონავირუსის (COVID-19) გავრცელების პრევენციისა და ნეგატიური სოციალური შედეგების შემცირების მიზნით აფხაზეთის ავტონომიური რესპუბლიკის მთავრობის მიერ გაწეული საქმიანობის ანგარიში წარადგინა.

რუსლან აბაშიძემ  აფხაზეთის ავტონომიური რესპუბლიკის მთავრობის მიერ განხორციელებულ პროგრამებზე ისაუბრა, რისთვისაც  აფხაზეთის ავტონომიური რესპუბლიკის ბიუჯეტიდან  1 006 000 ლარი გამოიყო.

მთავრობის თავმჯდომარემ ხაზი გაუსვა, რომ COVID-19-ის პანდემიის პირობებში აფხაზეთის ავტონომიური რესპუბლიკის მთავრობა უფლებამოსილებას საქართველოს მთავრობის საკოორდინაციო საბჭოსთან შეთანხმებით და შესაბამისი რეკომენდაციების გათვალისწინებით ახორციელებდა.

საუბარი შეეხო იმ აქტივობებს, რომლებიც აღნიშნული პერიოდისთვის აფხაზეთიდან დევნილი მოსახლეობის ჯანმრთელობისა და სოციალური დაცვის, ეფექტური საინფორმაციო კამპანიის, პოსტპანდემიური ეკონომიკური საქმიანობის ხელშეწყობის და საზოგადოებრივი სოლიდარობის აქტივიზაციის მიმართულებით გაკეთდა.

განსაკუთრებული ყურადღება გამახვილდა ოკუპირებულ აფხაზეთში მცხოვრები საზოგადოების მხარდასაჭერად განხორციელებულ პროექტებზე.

მოხსენების შემდეგ მთავრობის თავმჯდომარემ დეპუტატების შეკითხვებს უპასუხა.

„აფხაზეთის საკანონმდებლო ორგანოში დღეს შევაჯამეთ ახალი COVID-19-ის პანდემიის პირობებში აფხაზეთის მთავრობის მიერ გაწეული საქმიანობა. ვირუსის გავრცელების პირველი დღეებშივე აფხაზეთის მთავრობაში შევქმენით სათათბირო ორგანო-საკოორდინაციო საბჭოს სახით, რომელიც საქმიანობას საქართველოს მთავრობის საკოორდინაციო საბჭოსთან შეთანხმებით და მათი შესაბამისი რეკომენდაციების გათვალისწინებით ახორციელებდა. ჩვენი მთავარი მიზანი იყო, მიგვეღო მაქსიმალურად ეფექტური შედეგი როგორც აფხაზეთიდან დევნილი, ისე ოკუპირებულ ტერიტორიაზე მცხოვრები მოსახლეობის ჯანმრთელობის და სოციალური მდგომარეობის დასაცავად. ამისთვის ჩვენ გამოვიყენეთ ჩვენს ხელთ არსებული ყველანაირი ფინანსური და ადამიანური რესურსი.

მინდა ვისარგებლო შემთხვევით და მადლობა გადავუხადო საერთაშორისო ორგანიზაციებსა და კერძო კომპანიებს, რომლებმაც უდიდესი წვლილი შეიტანეს, როგორც დევნილი საზოგადოების, ისე ოკუპირებულ ტერიტორიაზე მცხოვრები ჩვენი თანამოქალაქეების დახმარებაში.“ - განაცხადა რუსლან აბაშიძემ.

რუსლან აბაშიძემ აფხაზეთის სამედიცინო დაწესებულებებს მადლობის სიგელები გადასცა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე აფხაზეთის სამედიცინო დაწესებულებების ხელმძღვანელებს შეხვდნენ. მთავრობის თავმჯდომარემ COVID-19-ის პანდემიის დროს, საველე პირობებში, საოკუპაციო ხაზთან 24-საათიან რეჟიმში მორიგეობის დროს გამოჩენილი მაღალი პროფესიონალიზმისა და სამოქალაქო პასუხისმგებლობისთვის ზუგდიდის დევნილთა პოლიკლინიკის და ჯვარის დევნილთა ამბულატორიის ხელმძღვანელებს და სამედიცინო პერსონალს მადლობის სიგელები გადასცა.

მთავრობის თავმჯდომარემ კიდევ ერთხელ მადლობა გადაუხადა აფხაზეთის ყველა სამედიცინო დაწესებულებას, რომლებმაც საქართველოში კორონავირუსის გავრცელების პრევენციულ ღონისძიებებში აქტიური მონაწილეობა მიიღეს.

შეხვედრაზე ასევე  აფხაზეთის პოლიკლინიკების გაძლიერებსა და სამომავლოდ სერვისების გაუმჯობესებაზე ისაუბრეს.

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ აფხაზეთის ავტონომიური რესპუბლიკის უმაღლეს საბჭოში აფხაზეთის ავტონომიური რესპუბლიკის მთავრობის ანგარიში წარადგინა

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ აფხაზეთის ავტონომიური რესპუბლიკის უმაღლეს საბჭოში ახალი COVID 19 -ის ვირუსის გავრცელების პრევენციისა და ნეგატიური სოციალური შედეგების შემცირების მიზნით აფხაზეთის ავტონომიური რესპუბლიკის მთავრობის მიერ გაწეული საქმიანობის ანგარიში წარადგინა.

რუსლან აბაშიძემ აფხაზეთის ავტონომიური რესპუბლიკის მთავრობის მიერ განხორციელებულ პროგრამებზე ისაუბრა, რისთვისაც აფხაზეთის ავტონომიური რესპუბლიკის ბიუჯეტიდან 1 006 000 ლარი გამოიყო.

მთავრობის თავმჯდომარემ ხაზი გაუსვა, რომ COVID-19-ის პანდემიის პირობებში აფხაზეთის ავტონომიური რესპუბლიკის მთავრობა უფლებამოსილებას საქართველოს მთავრობის საკოორდინაციო საბჭოსთან შეთანხმებით და შესაბამისი რეკომენდაციების გათვალისწინებით ახორციელებდა.

საუბარი შეეხო იმ აქტივობებს, რომლებიც აღნიშნული პერიოდისთვის აფხაზეთიდან დევნილი მოსახლეობის ჯანმრთელობისა და სოციალური დაცვის, ეფექტური საინფორმაციო კამპანიის, პოსტ პანდემიური ეკონომიკური საქმიანობის ხელშეწყობის და საზოგადოებრივი სოლიდარობის აქტივიზაციის  მიმართულებით  გაკეთდა.

განსაკუთრებული ყურადღება გამახვილდა ოკუპირებულ აფხაზეთში მცხოვრები საზოგადოების მხარდასაჭერად განხორციელებულ პროექტებზე.

მოხსენების შემდეგ მთავრობის თავმჯდომარემ დეპუტატების შეკითხვებს უპასუხა.

„აფხაზეთის საკანონმდებლო ორგანოში დღეს შევაჯამეთ ახალი COVID-19-ის პანდემიის პირობებში აფხაზეთის მთავრობის მიერ გაწეული საქმიანობა. ვირუსის გავრცელების პირველივე  დღეებში აფხაზეთის მთავრობაში შევქმენით სათათბირო ორგანო-საკოორდინაციო საბჭოს სახით, რომელიც საქმიანობას საქართველოს მთავრობის საკოორდინაციო საბჭოსთან შეთანხმებით და მათი შესაბამისი რეკომენდაციების გათვალისწინებით ახორციელებდა. ჩვენი მთავარი მიზანი იყო, მიგვეღო მაქსიმალურად ეფექტური შედეგი როგორც აფხაზეთიდან დევნილი, ისე ოკუპირებულ ტერიტორიაზე მცხოვრები მოსახლეობის ჯანმრთელობის და სოციალური მდგომარეობის დასაცავად. ამისთვის ჩვენ გამოვიყენეთ ჩვენს ხელთ არსებული ყველანაირი ფინანსური და ადამიანური რესურსი. მინდა ვისარგებლო შემთხვევით და მადლობა გადავუხადო საერთაშორისო ორგანიზაციებსა და კერძო კომპანიებს, რომლებმაც უდიდესი წვლილი შეიტანეს, როგორც დევნილი საზოგადოების, ისე ოკუპირებულ ტერიტორიაზე მცხოვრები ჩვენი თანამოქალაქეების დახმარებაში.“ - განაცხადა რუსლან აბაშიძემ.

 

 

აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ აფხაზეთის სამედიცინო დაწესებულებებს მადლობის სიგელები გადასცა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე აფხაზეთის სამედიცინო დაწესებულებების ხელმძღვანელებს შეხვდნენ. მთავრობის თავმჯდომარემ COVID-19-ის პანდემიის დროს, საველე პირობებში, საოკუპაციო ხაზთან 24-საათიან რეჟიმში მორიგეობის დროს გამოჩენილი მაღალი პროფესიონალიზმისა და სამოქალაქო პასუხისმგებლობისთვის ზუგდიდის დევნილთა პოლიკლინიკის და ჯვარის დევნილთა ამბულატორიის ხელმძღვანელებს და სამედიცინო პერსონალს მადლობის სიგელები გადასცა.

მთავრობის თავმჯდომარემ კიდევ ერთხელ მადლობა გადაუხადა აფხაზეთის ყველა სამედიცინო დაწესებულებას, რომლებმაც საქართველოში კორონავირუსის გავრცელების პრევენციულ ღონისძიებებში აქტიური მონაწილეობა მიიღეს.

შეხვედრაზე ასევე აფხაზეთის პოლიკლინიკების გაძლიერებასა და სამომავლოდ სერვისების გაუმჯობესებაზე ისაუბრეს.

შეხვედრა გაიმართა აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროში.

2020 წლის 9 ივნისს აფხაზეთის ავტონომიური რესპუბლიკის მთავრობის სხდომა გაიმართა

დღეს აფხაზეთის ავტონომიური რესპუბლიკის მთავრობის მორიგი სხდომა გაიმართა. სხდომას მთავრობის თავმჯდომარე რუსლან აბაშიძე უძღვებოდა.
სხდომაზე განიხილეს აფხაზეთის ავტონომიური რესპუბლიკის 2021-2024 წლების საშუალოვადიანი სამოქმედო გეგმა - პრიორიტეტების დოკუმენტი. ასევე, მთავრობის წევრებმა ახალი კორონავირუსის (COVID-19) გავრცელების პრევენციის მიზნით აფხაზეთის ავტონომიური რესპუბლიკის მთავრობის მიერ გაწეული საქმიანობის შესახებ ინფორმაცია მოისმინეს.

რუსლან აბაშიძე USAID-ის საქართველოს მისიის დირექტორს შეხვდა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ამერიკის შეერთებული შტატების საერთაშორისო განვითარების სააგენტოს (USAID) საქართველოს მისიის დირექტორს პიტერ უიბლერს შეხვდა.

პიტერ უიბლერმა  USAID-ის მიერ  საქართველოში დევნილი მოსახლეობის მონაწილეობით განხორციელებულ და მიმდინარე პროექტებზე ისაუბრა. შეხვედრაზე თანამშრომლობის გაღრმავების სურვილი და ერთობლივ პროექტებში როგორც დევნილი, ისე ოკუპირებულ ტერიტორიაზე მცხოვრები მოსახლეობის ჩართულობის მზადყოფნა გამოითქვა. რუსლან აბაშიძემ USAID-ის წარმომადგენელს თანამშრომლობისთვის მადლობა გადაუხადა.

შეხვედრაზე საუბარი შეეხო სოფლის მეურნეობის, განათლების, ჯანდაცვის მიმართულებით დევნილი საზოგადოების და ოკუპირებულ ტერიტორიაზე მცხოვრები მოსახლეობის  საჭიროებებზე მორგებული პროექტების განხორციელების შესაძლებლობას.

მხარეებმა ოკუპირებულ აფხაზეთში ახალი კორონავირუსის (COVID-19) გავრცელების მასშტაბები და იქ მცხოვრები მოსახლეობის დასახმარებლად საქართველოს მთავრობისა და საერთაშორისო თანამეგობრობის მიერ გადადგმული ნაბიჯები დ ა ჯანდაცვის მიმართულებით არსებული მდგომარეობა შეაფასეს.

ასევე, განიხილეს აფხაზური ენის დაცვისა და მისი პოპულარიზაციისთვის გადადგმული ნაბიჯები, საჭიროების შემთხვევაში USAID-ის წარმომადგენელმა მხარდამჭერ პროექტებში მონაწილეობის მზადყოფნა გამოთქვა. ისაუბრეს აფხაზეთის საზოგადოებ  ის გაერთიანების აუცილებლობაზე და დევნილ და ოკუპირებულ ტერიტორიაზე მცხოვრებ მოსახლეობას შორის ნდობის აღდგენის ფაქტორის გაძლიერებაზე.

შეხვედრას საქართველოში USAID-ის საქართველოს მისიის დირექტორის მოადგილე დევიდ ჰოფმანი, აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე და აფხაზეთის ავტონომიური რესპუბლიკის მთავრობის აპარატის საერთაშორისო ურთიერთობათა, ანალიტიკისა და პროტოკოლის დეპარტამენტის უფროსი დავით გახარია ესწრებოდნენ.

რუსლან აბაშიძე USAID-ის საქართველოს მისიის დირექტორს შეხვდა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ამერიკის შეერთებული შტატების საერთაშორისო განვითარების სააგენტოს (USAID) საქართველოს მისიის დირექტორს პიტერ უიბლერს შეხვდა.

პიტერ უიბლერმა  USAID-ის მიერ  საქართველოში დევნილი მოსახლეობის მონაწილეობით განხორციელებულ და მიმდინარე პროექტებზე ისაუბრა. შეხვედრაზე თანამშრომლობის გაღრმავების სურვილი და ერთობლივ პროექტებში როგორც დევნილი, ისე ოკუპირებულ ტერიტორიაზე მცხოვრები მოსახლეობის ჩართულობის მზადყოფნა გამოითქვა. რუსლან აბაშიძემ USAID-ის წარმომადგენელს თანამშრომლობისთვის მადლობა გადაუხადა.

შეხვედრაზე საუბარი შეეხო სოფლის მეურნეობის, განათლების, ჯანდაცვის მიმართულებით დევნილი საზოგადოების და ოკუპირებულ ტერიტორიაზე მცხოვრები მოსახლეობის  საჭიროებებზე მორგებული პროექტების განხორციელების შესაძლებლობას.

მხარეებმა ოკუპირებულ აფხაზეთში ახალი კორონავირუსის (COVID-19) გავრცელების მასშტაბები და იქ მცხოვრები მოსახლეობის დასახმარებლად საქართველოს მთავრობისა და საერთაშორისო თანამეგობრობის მიერ გადადგმული ნაბიჯები დ ა ჯანდაცვის მიმართულებით არსებული მდგომარეობა შეაფასეს.

ასევე, განიხილეს აფხაზური ენის დაცვისა და მისი პოპულარიზაციისთვის გადადგმული ნაბიჯები, საჭიროების შემთხვევაში USAID-ის წარმომადგენელმა მხარდამჭერ პროექტებში მონაწილეობის მზადყოფნა გამოთქვა. ისაუბრეს აფხაზეთის საზოგადოებ  ის გაერთიანების აუცილებლობაზე და დევნილ და ოკუპირებულ ტერიტორიაზე მცხოვრებ მოსახლეობას შორის ნდობის აღდგენის ფაქტორის გაძლიერებაზე.

შეხვედრას საქართველოში USAID-ის საქართველოს მისიის დირექტორის მოადგილე დევიდ ჰოფმანი, აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე და აფხაზეთის ავტონომიური რესპუბლიკის მთავრობის აპარატის საერთაშორისო ურთიერთობათა და პროტოკოლის დეპარტამენტის უფროსი დავით გახარია ესწრებოდნენ.

 

გარემოს დაცვის მსოფლიო დღესთან დაკავშირებით ფოცხოეწერში დასუფთავების აქცია გაიმართა

გარემოს დაცვის მსოფლიო დღესთან დაკავშირებით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე წალენჯიხის მუნიციპალიტეტის სოფელ ფოცხოეწერში იმყოფებოდა, სადაც აფხაზეთიდან დევნილ ახალგაზრდებთან ერთად დასუფთავების აქციაში მიიღო მონაწილეობა. ასევე, ახალგაზრდებს გარემოს დაცვის საერთაშორისო დღის მნიშვნელობაზე მიაწოდეს ინფორმაცია და საჩუქრად კეპები და მაისურები გადასცეს.

აქციაში აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, სამეგრელო-ზემო სვანეთის რეგიონში სახელმწიფო რწმუნებულის მოადგილე ნინო ვიბლიანი, იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე, მოადგილე ვალერი ბასარია, წალენჯიხის მუნიციპალიტეტის მერი ბესიკ ფარცვანია და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს სამეგრელო-ზემო სვანეთის ტერიტორიული ორგანოს უფროსი კოტე ბასარია მონაწილეობდნენ.

გაეროს გადაწყვეტილებით გარემოს დაცვის მსოფლიო დღე 1973 წლიდან ყოველწლიურად 5 ივნისს აღინიშნება.

რუსლან აბაშიძე აფხაზეთის სამედიცინო დაწესებულებების ხელმძღვანელებს შეხვდა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე აფხაზეთის სამედიცინო დაწესებულებების ხელმძღვანელებს შეხვდა. შეხვედრაზე ისაუბრეს მათ წინაშე არსებულ გამოწვევებზე და პრობლემების გადაჭრის გზებზე. ასევე განიხილეს ის სამომავლო პროექტები, რომლებიც სამედიცინო დაწესებულებების გაძლიერებას შეუწყობს ხელს.

რუსლან აბაშიძემ ექიმებს COVID-19-ის პანდემიის დროს მათი თავდადებისთვის მადლობა გადაუხადა.

„დიდი მადლობა მინდა გადაგიხადოთ იმ თავდადებისთვის, რომელიც კორონავირუსის პანდემიის დროს გამოავლინეთ. თქვენ პირველივე დღეებიდან უწყვეტად მორიგეობდით ენგურის ხიდზე და ყველაფერს აკეთებდით ამ გამოწვევასთან გასამკლავებლად“, - განაცხადა რუსლან აბაშიძემ.

შეხვედრაზე აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე იმყოფებოდნენ.