აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

აფხაზეთის ძეგლები - საქართველოს კულტურული მემკვიდრეობის ფორუმზე

ქ. თეთრიწყაროში საქართველოს კულტურული მემკვიდრეობის პირველი ფორუმი გაიმართა. ფორუმის ორგანიზატორები იყვნენ: საქართველოს კულტურული მემკვიდრეობის დაცვის ეროვნული სააგენტო, თეთრიწყაროს მუნიციპალიტეტის მერია, ქვემო ქართლის მუნიციპალური თვითმმართველობები, საზოგადოებრივი გაერთიანება „საყდრისის კომიტეტი“ და კომპანია „არ-ემ-ჯი“. მათი წარმომადგენლების განცხადებით, ფორუმი მიზნად ისახავდა კულტურული მემკვიდრეობის ძეგლების დაცვისა და პატრონობის საქმეში საზოგადოების ფართო ფენების ჩართულობას, ბიზნეს-სექტორის დაინტერესებასა და გააქტიურებას.

კულტურული მემკვიდრეობის დაცვის ეროვნული სააგენტოს გენერალური დირექტორმა ნიკოლოზ ანთიძემ ფორუმზე 9 თვიანი ანგარიშის პრეზენტაცია გამართა. ასევე, საზოგადოებას წარუდგინეს პრეზენტაციები: დაცული ტერიტორიების შესახებ და სხვ.

ფორუმის ფარგლებში წარმოდგენილი იყო სანახაობრივი და გასართობი პროგრამები, ტრადიციული რეწვისა და აგროსამეწარმეო პროდუქტები, ეთნოგრაფიული მასალები. ორგანიზაცია „აფხაზეთის მოამბის“ ორგანიზებით ფორუმზე ცალკე საექსპოზიციო სივრცე ეთმობოდა აფხაზეთისა და ცხინვალის რეგიონის კულტურული მემკვიდრეობის ძეგლებისა და არტეფაქტების ამსახველ მასალას. აფხაზეთის ოკუპირებულ ტერიტორიებზე მდებარე კულტურული მემკვიდრეობის ძეგლების ისტორიასა და დღევანდელობაზე ისაუბრეს: აფხაზეთის ავტონომიური რესპუბლიკის უმაღლესი საბჭოს თავმჯდომარემ ჯემალ გამახარიამ, აფხაზეთის ავტონომიური რესპუბლიკის განათლებისა და კულტურის სამინისტროს კულტურული მემკვიდრეობის დაცვის სამსახურის უფროსის მოადგილემ გიორგი პატაშურმა,  შერმადინ შარიამ და  თეკლა გაწერელიამ.

ფორუმს სტუმრობდა საქართველოს პრეზიდენტი სალომე ზურაბიშვილი, რომელიც ამ საშვილიშვილო საქმის მესვეურებს ყველა დონეზე აქტიურ მხარდაჭერას შეჰპირდა.

ფორუმს ესწრებოდა აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, რომელმაც განაცხადა: „აფხაზეთის კულტურული მემკვიდრეობა სრულიად საქართველოს კულტურული მემკვიდრეობის განუყოფელი და უმნიშვნელოვანესი ნაწილია. ეს ძეგლები დღეს ოკუპირებულია, ჩვენთვის მიუწვდომელი და ძალიან საშურია, რომ მათი ისტორია და დღევანდელი სავალალო მდგომარეობა, განუწყვეტლივ შევახსენოთ საზოგადოებას შინ თუ გარეთ. ამიტომაც განსაკუთრებით დასაფასებელია, რომ ფორუმზე წარმოდგენილი იყო აფხაზეთისა და ცხინვალის რეგიონის კულტურული მემკვიდრეობის ამსახველი მასალა. აქ ითქვა, რომ ფორუმი ყოველწლიურად საქართველოს სხვადასხვა რეგიონში გაიმართება. შესაბამისად, ვისურვებდი, რომ აფხაზეთისა და ცხინვალის რეგიონის კულტურული მემკვიდრეობაც ყოველ ფორუმზე განსხვავებული რაკურსითა და მასშტაბით იყოს წარმოდგენილი, ხოლო ამ პროცესში ჩვენი სამინისტრო სიამოვნებით ჩაერთვებოდა“.

 
 
 
რუსლან აბაშიძემ და ქეთევან ციხელაშვილმა აფხაზეთის № 2 საჯარო სკოლის მოსწავლეებსა და პედაგოგებს ახალი სასწავლო წლის დაწყება მიულოცეს

ახალი სასწავლო წლის დაწყებასთან დაკავშირებით აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე და შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი აფხაზეთის № 2 საჯარო სკოლაში მივიდნენ, მოსწავლეებსა და პედაგოგებს სწავლის დაწყება მიულოცეს და საჩუქრად წიგნები გადასცეს.

სკოლაში ახალი სასწავლო წლის დაწყება ზეიმით აღინიშნა. სკოლის მოსწავლეებმა აფხაზურ და ქართულ ენებზე ლექსები წაიკითხეს და სიმღერები შეასრულეს.

მინდა მოსწავლეებს, მასწავლებლებს და მშობლებს მივულოცო ახალი სასწავლო წლის დაწყება, დღეიდან  იწყება  ახალი გამოცდილებისა და ცოდნის შეძენის პროცესი,  რომელიც განსაკუთრებით მნიშვნელოვანია მათთვის, ვინც პირველად შეაღო სკოლის კარი. მინდა ვისარგებლო შემთხვევით და  სასწავლო წლის დაწყება ოკუპირებულ ტერიტორიებზე მცხოვრებ ახალგაზრდებს მივულოცო. წარმატებებს ვუსურვებ თითოეულ მოსწავლეს, რადგან  ძლიერი და  ერთიანი ქვეყნის მომავალი სწორედ განათლებული, სწავლაზე ორიენტირებული თაობაა“,  - განაცხადა რუსლან აბაშიძემ.

აფხაზეთის № 2 საჯარო სკოლაში აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, შერიგებისა და სამოქალაქო თანასწორობის საკითხებში სახელმწიფო მინისტრის მოადგილე ლია გიგაური და აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე მანანა ქვაჩახია იმყოფებოდნენ.

თბილისსა და საქართველოს რეგიონებში აფხაზეთის 13 საჯარო სკოლა ფუნქციონირებს, სადაც 2000-ზე მეტი მოზარდი სწავლობს.

სარემონტო-აღდგენითი სამუშაოების განმსაზღვრელი კომისიის წევრები სამეგრელოში

სენაკში, სამტრედიის ქუჩაძე მდებარე ყოფილ პროფტექსასწავლებლის მე-2-ე კორპუსში მცხოვრები აფხაზეთიდან დევნილი მოსახლეობის წინაშე არსებული პრობლემების გაცნობისა და მათი გადაწყვეტისთვის შესაბამისი რეკომენდაციების მომზადების მიზნით, ობიექტზე იმყოფებოდნენ აფხაზეთის ავტონომიური რესპუბლიკიდან იძულებით გადაადგილებულ პირთა დევნილთა სამინისტროს, სარემონტო-აღდგენითი სახის სამუშაოების განმსაზღვრელი კომისიის წევრები, მათ შორის დარგის მოწვეული სპეციალისტები. კომისიამ ადგილზე შეისწავლა არსებული მდგომარეობა და სამინისტროში წარმოადგინა შესაბამისი რეკომენდაციები. ამჟამად მიმდინარეობს მუშაობა ადგილობრივი მუნიციპალიტეტის ჩართულობით პრობლემების აღმოფხვრაზე.

აფხაზეთის საჯარო სკოლებში ახალი სასწავლო წელი დაიწყო

დღეს სამეგრელოს რეგიონში განთავსებულ აფხაზეთის საჯარო სკოლებში სასწავლო პროცესი განახლდა. სკოლაში პირველკლასელებს სახელმწიფოსგან საჩუქრად  ნეტბუქები დახვდათ, ასევე ყველა მოსწავლეს უფასო სახელმძღვანელოები გადაეცა.

2019-2020 სასწავლო წლის დაწყებასთან დაკავშირებით სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი რეზო ქობალია და წარმომადგენლობის თანამშრომლები აფხაზეთის №1, №11, №12, №14 და №15 საჯარო სკოლებს ესტუმრნენ და მოსწავლეებს ახალი სასწავლო წლის დაწყება მიულოცეს.

 

რუსლან აბაშიძემ აფხაზეთის №1 საჯარო სკოლაში ჩატარებული სარეაბილიტაციო სამუშაოები დაათვალიერა

ზუგდიდში, აღმაშენებლის №222-ში მდებარე ყოფილი პროფსასწავლებლის შენობას, სადაც განთავსებულია აფხაზეთის №1 საჯარო სკოლა, სარემონტო-სარეაბილიტაციო სამუშაოები ჩატარდა. შენობაში შეიცვალა წყალსაწრეტი მილები და განახლდა სკოლის სახურავი.

სკოლაში შესრულებული სამუშაოები ადგილზე  აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა რუსლან აბაშიძემ დაათვალიერა.

სარემონტო-სარეაბილიტაციო სამუშაოები აფხაზეთის ავტონომიური რესპუბლიკის მთავრობის ფინანსური მხარდაჭერით ჩატარდა.  ახალი სასწავლო წელი დღეს აფხაზეთიდან დევნილმა 328 მოსწავლემ განახლებულ შენობაში დაიწყო.

 

ძვირფასო, მოსწავლეებო, სტუდენტებო, მასწავლებლებო და მშობლებო, გულითადად გილოცავთ ახალი სასწავლო წლის დაწყებას!

განსაკუთრებულად ვულოცავ ამ დღეს აფხაზეთის საჯარო და გალის ოკუპირებული ზონის სკოლების მოსწავლეებს, ამ სკოლების კურსდამთავრებულ სტუდენტებს!

გისურვებთ, რომ მიმდინარე სასწავლო წელი ყოფილიყოს განსაკუთრებული წარმატებებისა და სიახლეების მომტანი, შემოქმედებითად გამორჩეული თითოეული თქვენგანისათვის! ერთად და ურთიერთთანადგომით გადაგველახოს ყველა ის პრობლემა და გამოწვევა, რაც თქვენსა და, შესაბამისად, ჩვენს წინაშე დგას. ამ თვალსაზრისით განსაკუთრებით მინდა გამოვყო გალის ოკუპირებული ზონის სკოლები, რომლებიც მიუხედავად უდიდესი ბარიერებისა, ღირსეულ მამულიშვილებს და სულიერად ძლიერ ახალგაზრდებს უზრდიან ქვეყანას. ამის დასტური იყო წლევანდელი ეროვნული გამოცდების წინა პერიოდიც, როცა გალის აფხაზურმა ადმინისტრაციამ, ოკუპანტების წაქეზებით, ენგურის ხიდი მიზანმიმართულად ჩაკეტა და გალელ აბიტურიენტებს ერთიან ეროვნულ გამოცდებში მონაწილეობის საშუალებას არ აძლევდა.

ის საოცარი შემართება და სწრაფვა ქართული საგანმანათლებლო სივრცისკენ, რაც მაშინ გალელმა აბიტურიენტებმა და მათმა მშობლებმა გამოიჩინეს, გვაიმედებს, რომ მოდის თაობა, რომელიც მაგალითის მიმცემია როგორც აფხაზეთის, ისე მთელი დანარჩენი საქართველოს ახალგაზრდებისთვის.

კიდევ ერთხელ გილოცავთ ახალი სასწავლო წლის დაწყებას, გისურვებთ ერთობლივი ნაყოფიერი საქმიანობით, ბევრად უფრო მეტი წარმატებებით გაგვეტარებინოს ეს სასწავლო წელი!

როლანდ ნიჟარაძე,
აფხაზეთის ავტონომიური რესპუბლიკის
განათლებისა და კულტურის მინისტრი

რუსლან აბაშიძემ აფხაზეთის №1 საჯარო სკოლაში ჩატარებული სარეაბილიტაციო სამუშაოები დაათვალიერა

ზუგდიდში, აღმაშენებლის №222-ში მდებარე ყოფილი პროფსასწავლებლის შენობას, სადაც განთავსებულია აფხაზეთის №1 საჯარო სკოლა, სარემონტო-სარეაბილიტაციო სამუშაოები ჩატარდა. შენობაში შეიცვალა წყალსაწრეტი მილები და განახლდა სკოლის სახურავი.

სკოლაში შესრულებული სამუშაოები ადგილზე აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა რუსლან აბაშიძემ დაათვალიერა.

სარემონტო-სარეაბილიტაციო სამუშაოები აფხაზეთის ავტონომიური რესპუბლიკის მთავრობის ფინანსური მხარდაჭერით ჩატარდა. ახალი სასწავლო წელი დღეს აფხაზეთიდან დევნილმა 328 მოსწავლემ განახლებულ შენობაში დაიწყო.

აფხაზეთის №2 საჯარო სკოლაში ახალი სასწავლო წლის დაწყებისადმი მიძღვნილი ზეიმი გაიმართა.

როგორც აფხაზეთის ყველა საჯარო სკოლაში, ასევე მეორე საჯარო სკოლაში ახალი სასწავლო წლის დაწყებისადმი მიძღვნილი ზეიმი გაიმართა. ზეიმი გახსნა და შეკრებილ საზოგადოებას სიტყვით მიმართა აფხაზეთის №2 საჯარო სკოლის დირექტორმა ნანა ჯალაღონიამ. მან აღნიშნა, რომ სკოლა ყოველ ახალ სასწავლო წელს განახლებული ინფრასტრუქტურით ხვდება და ამ მხრივ არც წლევანდელი წელი ყოფილა გამონაკლისი. მან ამისთვის მადლობა გადაუხადა აფხაზეთის ა/რ განათლებისა და კულტურის სამინისტროს და ამერიკელ ინვესტორებს. ახალი სასწავლო წლის დაწყება დამსწრე საზოგადოებას ასევე მიულოცეს ამავე სკოლის დირექტორის მოადგილემ ჟანა ცხომარიამ და სკოლის ამაგდარმა პედაგოგმა სონია სონგულიამ.

სკოლას სტუმრობდა და მოსწავლეებს, მშობლებსა და პედაგოგებს ახალი სასწავლო წლის დაწყება მიულოცა აფხაზეთის ავტონომიური რესპუბლიკის განათლებისა და კულტურის მინისტრის პირველმა მოადგილემ მანანა ქვაჩახიამ და მათ წარმატებული და შემოქმედებითად ნაყოფიერი სასწავლო წელი უსურვა.

ზეიმზე უფროსკლასელებთან ერთად თავს იწონებდნენ პირველკლასელები, რომლებსაც ტრადიციულად საჩუქრად ნეთბუკები და წიგნები გადაეცათ.

სამეგრელოში დევნილთა კომპაქტურ ჩასახლებებში სარეაბილიტაციო სამუშაოები გრძელდება

აფხაზეთის ავტონომიური რესპუბლიკის ოკუპირებული ტერიტორიიდან იძულებით გადაადგილებილ პირთა-დევნილთა საკუთრებაში/სარგებლობაში გადაცემულ საცხოვრებელ ობიექტებში, მცირეფასიანი და გადაუდებელი სარემონტო სახის სამუშაოების ჩატარების პროგრამის ფარგლებში,  ზუგდიდში, კომბინატის დასახლებაში, ყოფილი უნივერსიტეტის შენობაში სარემონტო სამუშაოები ჩატარდა, დამონტაჟდა  წყლის საქაჩი ახალი ტუმბო და კორპუსში მოწესრიგდა  შიდა ინფრასტრუქტურა.  

ასევე, სამეგრელოში სარეაბილიტაციო სამუშაოები მიმდინარეობს სოფელ ჭითაწყარში, ელქსელისა  და  აღმაშენებლის №222-ში მდებარე, ყოფილი პროფსასწავლებლის შენობებში. დაგეგმილია ინფრასტრუქტურული სარემონტო სამუშაოების დაწყება ხუბულავას ქუჩაზე №14-ში (ყოფილი ვეტლაბორატორიის ერთსართულიანი შენობა) დევნილთა კომპაქტურ ჩასახლებაში.

სარემონტო-სარეაბილიტაციო სამუშაოები აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა რუსლან აბაშიძემ ადგილზე დაათვალიერა.

აღნიშნულ ობიექტებზე იმყოფებოდნენ და სამუშაოების მიმდინარეობას მონიტორინგი გაუწიეს აფხაზეთის ავტონომიური რესპუბლიკიდან იძულებით გადადგილებულ პირთა - დევნილთა მინისტრის მოადგილე დავით მიქავამ, სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელმა რეზო ქობალიამ და სარემონტო-აღდგენითი სამუშაოების განმსაზღვრელი კომისიის წევრებმა.

 

 

სოფელ ვაზიანში მცხოვრებ აფხაზეთიდან დევნილებს სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის მთავრობის მხარდაჭერითა და აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებითი გარდაბნის მუნიციპალიტეტის სოფელ ვაზიანში აფხაზეთიდან დევნილებს  უფასო სამედიცინო გამოკვლევები  ჩაუტარდათ.

სამედიცინო აქციაში წამყვანი კლინიკების მედიკოსები, მათ შორის კლინიკა „ღია გული“ და კარდიოქირურგიული მიმართულების ხელმძღვანელი კახაბერ ლაცუზბაია მონაწილეობდნენ. 

აქციის ფარგლებში, დევნილმა მოსახლეობამ მიიღო: ოჯახის ექიმის, კარდიოლოგის, ნევროლოგის, პედიატრის, ენდოკრინოლოგის, ოფთალმოლოგის, გინეკოლოგის, ქირურგისა და დერმატოლოგის მომსახურება.

ექიმებთან კონსულტაციების შემდეგ პაციენტებს, საჭიროების შესაბამისად, გულის ეკოსკოპია, მუცლის ღრუს ელექტროკარდიოგრამა, სისხლში შაქრისა და ქოლესტერინის განსაზღვრა და C ჰეპატიტის სკრინინგი ჩაუტარდათ. ასევე, ექიმის დანიშნულების მიხედვით ბენეფიციარებს  მედიკამენტები გადაეცათ.

გამოკვლევების მიმდინარეობას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე და აფხაზეთის ავტონომიური რესპუბლიკიდან იძულებით გადაადგილებულ პირთა - დევნილთა მინისტრი კონსტანტინე კუჭუხიძე ესწრებოდნენ.

სამინისტროს თანამშრომლები ქ. ზუგდიდში მიმდინარე სარემონტო-აღდგენით სამუშაოებს ადგილზე გაეცნენ.

   აფხაზეთის ავტონომიური რესპუბლიკიდან იძულებით გადადგილებულ პირთა- დევნილთა მინისტრის მოადგილე დავით მიქავა, ინჟინერ მშენებელი ავთანდილ ჩიჩუა და სარემონტო-აღდგენითი სამუშაოების განმსაზღვრელი კომისიის წევრი მერაბ ჭანტურია ქ.ზუგდიდში, აფხაზეთის ა/რ ოკუპირებული ტერიტორიიდან იძულებით გადაადგილებულ პირთა-დევნილთა საკუთრებაში/სარგებლობაში გადაცემულ ობიექტებში სარემონტო- აღდგენითი სახის მიმდინარე სამუშაოების შემოწმების მიზნით იმყოფებიან. ადგილზე მათ მოინახულეს და დაათვალიერეს სოფ ჭითაწყარში, ელქსელის შენობა, ასევე აღმაშენებლის # 222-ში მდებარე ყოფილი პროფსასწავლებელი.

     სამუშაოების მიმდინარეობას ადგილზე სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი რეზო ქობალია ესწრებოდა.

ვაზიანში მცხოვრებ აფხაზეთიდან დევნილებს უფასო სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის მთავრობის მხარდაჭერითა და აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით დღეს გარდაბნის მუნიციპალიტეტის სოფელ ვაზიანში მცხოვრებ აფხაზეთიდან იძულებით გადაადგილებულ პირებს უფასო სამედიცინო გამოკვლევები ჩაუტარდათ.

აქციაში წამყვანი კლინიკების მედიკოსები, მათ შორის კლინიკა „ღია გული“ და კარდიოქირურგიული მიმართულების ხელმძღვანელი კახაბერ ლაცუზბაია მონაწილეობდნენ.

დევნილებმა ოჯახის ექიმის, კარდიოლოგის, ნევროლოგის, პედიატრის, ენდოკრინოლოგის, ოფთალმოლოგის, გინეკოლოგის, ქირურგისა და დერმატოლოგის მომსახურება მიიღეს.

აქციაში მონაწილე პირებს გულის ელექტროკარდიოგრამა, მუცლის ღრუს ექოსკოპია, სისხლში შაქრისა და ქოლესტერინის განსაზღვრა და C ჰეპატიტის სკრინინგი ჩაუტარდათ.

პროგრამის ფარგლებში დევნილებს ექიმის დანიშნულების შესაბამისად, ასევე უფასო მედიკამენტები გადაეცათ.

სამედიცინო გამოკვლევების პარალელურად აფხაზეთის ავტონომიური რესპუბლიკის იუსტიციის დეპარტამენტის თანამშრომლებმა დევნილ მოსახლეობას ყველა საჭირო საკითხზე უფასო იურიდიული კონსულტაციები გაუწიეს.

გამოკვლევები სოფელ ვაზიანის საბავშვო ბაღის შენობაში ჩატარდა და სამედიცინო აქციის მიმდინარეობას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე და აფხაზეთის ავტონომიური რესპუბლიკიდან იძულებით გადაადგილებულ პირთა - დევნილთა მინისტრი კონსტანტინე კუჭუხიძე ესწრებოდნენ.

ვაზიანში მცხოვრებ აფხაზეთიდან დევნილებს უფასო სამედიცინო გამოკვლევების პარალელურად უფასო იურიდიული კონსულტაციები გაეწიათ

აფხაზეთის ავტონომიური რესპუბლიკის მთავრობის მხარდაჭერითა და აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით  გარდაბნის მუნიციპალიტეტის სოფელ ვაზიანში მცხოვრებ აფხაზეთიდან იძულებით გადაადგილებულ პირებს უფასო სამედიცინო გამოკვლევები ჩაუტარდათ.

სამედიცინო გამოკვლევების პარალელურად აფხაზეთის ავტონომიური რესპუბლიკის იუსტიციის დეპარტამენტის თანამშრომლებმა დევნილ მოსახლეობას ყველა საჭირო საკითხზე უფასო იურიდიული კონსულტაციები გაუწიეს.

 

ზემო აფხაზეთიდან დევნილ პირველკლასელ ბავშვებს სასკოლო ჩანთები გადაეცა

მიმდინარე წლის 12 სექტემბერს ქ. ქუთაისში, აჟარის (ზემო აფხაზეთის) მუნიციპალიტეტის 2019 წლის ბიუჯეტის სოციალური პროგრამის შესაბამისად და აჟარის (ზემო აფხაზეთის) მუნიციპალიტეტის საკრებულოს 2018 წლის 21 დეკემბრის №9 დადგენილებით დამტკიცებული ,,აჟარის (ზემო აფხაზეთის) მუნიციპალიტეტის 2019 წლის ადგილობრივი ბიუჯეტიდან სოციალური დახმარების გაცემის წესი“-თ გათვალისწინებული სოციალური დახმარების ფარგლებში, აჟარის (ზემო აფხაზეთის) მუნიციპალიტეტის გამგებლის მიერ, ზემო აფხაზეთში აფხაზეთის ა/რ მთავრობის წარმომადგენლობის ხელმძღვანელთან ერთად, იმერეთის რეგიონში მცხოვრებ, მუნიციპალიტეტში რეგისტრირებულ, ზემო აფხაზეთიდან დევნილ პირველკლასელ ბავშვებს სასკოლო ჩანთები გადაეცა.

ასევე, აჟარის (ზემო აფხაზეთის) მუნიციპალიტეტის მიერ, ზემო აფხაზეთიდან დევნილ, მუნიციპალიტეტში რეგისტრირებულ, დამოუკიდებლად გადაადგილების შესაძლებლობას მოკლებულ პირს გადაეცა სპეციალური სავარძელი (ეტლი).

რეზო ქობალია ჩხოროწყუს მუნიციპალიტეტში ადგილობრივი ხელისუფლების წარმომადგენლებს შეხვდა

სამეგრელო - ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი რეზო ქობალია ჩხოროწყუს მუნიციპალიტეტში ადგილობრივი ხელისუფლების წარმომადგენლებს შეხვდა. შეხვედრაში ოკუპირებული ტერიტორიებიდან დევნილთა, შრომის, ჯანმრთელობისა და სოციალური მომსახურების სააგენტოს სამეგრელო-ზემო სვანეთის სამხარეო ცენტრის უფროსის მოადგილე მანუჩარ ჩილაჩავა, ჩხოროწყუს მუნიციპალიტეტის მერი დათო გოგუა, მერის მოადგილე ვალერი თოდუა, იძულებით გადაადგილებულ პირთა - დევნილთა განყოფილების უფროსი გელა ვეკუა მონაწილეობდნენ.

შეხვედრაზე  ჩხოროწყუს მუნიციპალიტეტში დევნილთა ჩასახლებებში არსებული ინფრასტრუქტურის, ფართების დაკანონების, სტრატეგიული ობიექტებიდან დევნილთა გამოყვანის და მათი შემდგომი განსახლების საკითხები  განიხილეს. შეთანხმდნენ ერთობლივად მოახდინონ პრობლემების იდენტიფიკაცია და კოორდინირებულად გადაწყვიტონ ყველა საკითხი.

შეხვედრის მონაწილეები ჩხოროწყუში სტიქიის შედეგად დაზარალებულთა ოჯახებს შეხვდნენ. მოინახულეს აფხაზეთიდან დევნილი ტყებუჩავების ოჯახი, რომელთაც ხანძრის შედეგად სახლი დაეწვათ. ასევე, იმყოფებოდნენ ყოფილი საგზაო სამმართველოს შენობაში, სადაც დევნილთა კომპაქტურ ჩასახლებას ქარის შედეგად  სახურავი დაუზიანდა.

იმავე დღეს რეზო ქობალია და მანუჩარ ჩილაჩავა  ზუგდიდში, კომბინატში, უნივერსიტეტის შენობის კომპაქტურ ჩასახლებაში იმყოფებოდნენ, სადაც ქარმა ასევე დააზიანა შენობის სახურავი. ობიექტზე აღდგენითი სამუშაოები უკვე მიმდინარეობს.