აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

რუსლან აბაშიძე აფხაზეთის სამედიცინო დაწესებულებების ხელმძღვანელებს შეხვდა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე აფხაზეთის სამედიცინო დაწესებულებების ხელმძღვანელებს შეხვდა. შეხვედრაზე ისაუბრეს მათ წინაშე არსებულ გამოწვევებზე და პრობლემების გადაჭრის გზებზე. ასევე განიხილეს ის სამომავლო პროექტები, რომლებიც სამედიცინო დაწესებულებების გაძლიერებას შეუწყობს ხელს.

რუსლან აბაშიძემ ექიმებს COVID-19-ის პანდემიის დროს მათი თავდადებისთვის მადლობა გადაუხადა.

„დიდი მადლობა მინდა გადაგიხადოთ იმ თავდადებისთვის, რომელიც კორონავირუსის პანდემიის დროს გამოავლინეთ. თქვენ პირველივე დღეებიდან უწყვეტად მორიგეობდით ენგურის ხიდზე და ყველაფერს აკეთებდით ამ გამოწვევასთან გასამკლავებლად“, - განაცხადა რუსლან აბაშიძემ.

შეხვედრაზე აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის ავტონომიური რესპუბლიკის ფინანსთა და დარგობრივი ეკონომიკის მინისტრი ივანე დოლიძე იმყოფებოდნენ.

გარემოს დაცვის მსოფლიო დღესთან დაკავშირებით აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროს ეზოს დასუფთავების აქცია გაიმართა.

გარემოს დაცვის მსოფლიო დღე (World Environment Day - WED) ყოველ წელს, 5 ივნისს აღინიშნება. 1972 წლის 15 დეკემბერს გაეროს გენერალურმა ასამბლეამ 5 ივნისი გარემოს დაცვის დღედ გამოაცხადა. ამ დღესთან დაკავშირებით აფხაზეთის ავტონომიური რესპუბლიკის ფინანსთა და დარგობრივი ეკონომიკის სამინისტროსა და სამინისტროს სისტემაში დასაქმებულების ინიციატივით სამინისტროს ეზოს დასუფთავების აქცია გაიმართა.

რუსლან აბაშიძემ აფხაზეთის №5 საჯარო სკოლის პედაგოგებსა და მოსწავლეებს საჩუქრები გადასცა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ქალაქ ქუთაისში, აფხაზეთის №5 საჯარო სკოლაში იმყოფებოდა, სადაც სკოლის პედაგოგებს და მოსწავლეებს შეხვდა და საჩუქრები გადასცა. საჩუქრები „კულტურის, სპორტის და ახალგაზრდულ საქმეთა სააგენტოს“ და „ნატოსა და ევროკავშირის შესახებ სინფორმაციო ცენტრის“ ერთობლივი პროექტის ფარგლებში გადაეცათ, რომელიც აფხაზეთის ავტონომიური რესპუბლიკის მთავრობის მხარდაჭერით მიმდინარეობს. სასაჩუქრე პაკეტებს ეტაპობრივად საქართველოს მასშტაბით აფხაზეთის ყველა საჯარო სკოლის მოსწავლე მიიღებს, რაც დევნილ ახალგაზრდებს საქართველოს ნატოსა და ევროკავშირში ინტეგრაციის პროცესებზე უფრო მეტი ინფორმაციის მიღებაში და აფხაზეთის შესახებ ცნობიერების ამაღლებაში დაეხმარება.

ასევე პროექტის ფარგლებში ლიტერატურულ-შემეცნებითი კონკურსი „შემოქმედებითი ზაფხული“ იმართება, რომელიც მთელი ზაფხულის განმავლობაში გაგრძელდება და გამაჯვებულები 15 სექტემბერს გამოვლინდებიან.

ღონისძიებაზე ასევე იმყოფებოდნენ და ახალგაზრდებს საჩუქრები გადაცეს, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანმა, „ნატოსა და ევროკავშირის შესახებ სინფორმაციო ცენტრის“ იმერეთის რეგიონული ბიუროს წარმომადგენელმა მარიკა ვაჭარაძემ, განათლებისა და კულტურის მინისტრის მოადგილე ირაკლი გელენავამ, „კულტურის, სპორტის და ახალგაზრდულ საქმეთა სააგენტოს“ დირექტორმა ლიკა კვარაცხელიამ და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს იმერეთის ტერიტორიული ორგანოს უფროსმა ბესიკ ჭანტურიამ.

საქართველოს დელეგაციამ ჟენევის საერთაშორისო მოლაპარაკებების თანათავმჯდომარეებთან ონლაინ შეხვედრა გამართა

საქართველოს დელეგაციამ ჟენევის საერთაშორისო მოლაპარაკებების თანათავმჯდომარეებთან ევროკავშირის, გაერო-სა და ეუთო-ს მხრიდან ონლაინ შეხვედრა გამართა. შეხვედრას ქართული მხრიდან საგარეო საქმეთა მინისტრის მოადგილე ლაშა დარსალია უძღვებოდა. შეხვედრაში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე მონაწილეობდა.

შეხვედრაზე საუბარი შეეხო საოკუპაციო ძალების მიერ ე.წ. „ბორდერიზაციის“ უკანონო პროცესის გააქტიურებას და შეშფოთება გამოითქვა, იმ ფაქტის მიმართ, რომ მავთულხლართებისა და სხვადასხვა ხელოვნური ბარიერების აღმართვა კვლავ გრძელდება ორივე ოკუპირებული რეგიონის მიმართულებით.

განსაკუთრებული აქცენტი გაკეთდა კორონავირუსის პანდემიის ფონზე საქართველოს ოკუპირებულ ტერიტორიებზე შექმნილ რთულ ჰუმანიტარულ ვითარებაზე. ხაზი გაესვა ადგილობრივი მოსახლეობის თავისუფალი გადაადგილებისა და სამედიცინო მომსახურებაზე წვდომის, აგრეთვე ოკუპირებულ ტერიტორიებზე ეთნიკური დისკრიმინაციის აღმოფხვრის აუცილებლობას.

შეხვედრაზე ასევე განხილულ იქნა ახალი კორონავირუსის (COVID-19) გავრცელების თვალსაზრისით კონფლიქტით დაზარალებული მოსახლეობის დასახმარებლად საქართველოს მთავრობისა და საერთაშორისო თანამეგობრობის მიერ გადადგმული ნაბიჯები.

მონაწილეებმა ყურადღება გაამახვილეს მოლაპარაკებების დღის წესრიგის მთავარ საკითხებზე პროგრესის მიღწევის აუცილებლობაზე - რუსეთის მიერ ცეცხლის შეწყვეტის შეთანხმების შესრულებაზე, ძალის არგამოყენებაზე, ადგილზე უსაფრთხოების საერთაშორისო მექანიზმების შექმნაზე და იძულებთ გადაადგილებულ პირთა და ლტოლვილთა საკუთარ სახლებში უსაფრთხო და ღირსეულ დაბრუნებაზე.

მხარეები კონფლიქტით დაზარალებული მოსახლეობის საჭიროებებზე რეაგირებისათვის და პროვოკაციების აღსაკვეთად, კონსულტაციებისა და ონლაინ შეხვედრების რეგულარულ ფორმატში ჩატარებაზე შეთანხმდნენ.

რუსლან აბაშიძე საქართველოში პოლონეთის რესპუბლიკის საგანგებო და სრულუფლებიან ელჩს შეხვდა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე საქართველოში პოლონეთის რესპუბლიკის საგანგებო და სრულუფლებიან ელჩ მარიუშ მაშკევიჩს შეხვდა.

მთავრობის თავმჯდომარემ ელჩს მიაწოდა ინფორმაცია აფხაზეთის ავტონომიური რესპუბლიკის მთავრობისა და მისი სტრუქტურული ერთეულების საქმიანობის შესახებ. გააცნო ოკუპირებულ აფხაზეთში დღეს არსებული ვითარება და საოკუპაციო რეჟიმის მხრიდან ადამიანის ფუნდამენტური უფლებების დარღვევის ფაქტებზე ისაუბრა.

შეხვედრაზე პოლონეთის ელჩმა ყურადღება გაამახვილა სოფლის მეურნეობის სფეროში პოლონეთის მიერ მიღწეულ წარმატებებზე და გამოთქვა სურვილი მიღებული გამოცდილება  ქართულ მხარეს გაუზიაროს. თავის მხრივ მარიუშ მაშკევიჩი აზიური ფაროსანას წინააღმდეგ საქართველოს გამოცდილებით დაინტერესდა.

მხარეებმა განიხილეს სხვადასხვა სფეროში სამომავლო თანამშრომლობის შესაძლებლობები, მათ შორის სოფლის მეურნეობის მიმართულებით დევნილი საზოგადოების ჩართულობით.

შეხვედრას საქართველოში პოლონეთის რესპუბლიკის საგანგებო და სრულუფლებიანი ელჩის პირველი მდივანი მარცინ მამონი და აფხაზეთის ავტონომიური რესპუბლიკის მთავრობის აპარატის საერთაშორისო ურთიერთობათა და პროტოკოლის დეპარტამენტის უფროსი დავით გახარია ესწრებოდნენ.

აფხაზეთის ა/რ იძულებით გადაადგილებულ პირთა-დევნილთა სამინისტროში სსიპ დევნილთა, ეკომიგრანტთა და საარსებო წყაროების სააგენტოს ხელმძღვანელობასთან სამუშაო შეხვედრა გაიმართა.

2020 წლის 2 ივნისს, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროში სსიპ დევნილთა, ეკომიგრანტთა და საარსებო წყაროების სააგენტოს ხელმძღვანელობასთან სამუშაო შეხვედრა გაიმართა. შეხვედრაში მონაწილეობდნენ აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, თავმჯდომარის მოადგილე ანზორ მარგიანი, სააგენტოს დირექტორი ბესარიონ სიმონიშვილი, დირექტორის მოადგილეები დავით გურამიშვილი და გიორგი მანჯავიძე, მინისტრი კონსტანტინე კუჭუხიძე, მინისტრის პირველი მოადგილე გურამ მისაბიშვილი და მინისტრის მოადგილეები გიორგი ბულისკერია და დავით მიქავა.

შეხვედრაზე წარმოდგენილ იქნა სამინისტროს მიერ მომზადებული ინფორმაცია აფხაზეთიდან დევნილთა სტატისტიკური მონაცემების, მათი სოციალური მდგომარეობის, სამინისტროსა და მასში შემავალი ტერიტორიული ორგანოების მიერ გაწეული ფინანსური დახმარების, დევნილთა საცხოვრებელი შენობების ტექნიკური მდგომარეობისა და მათში ჩატარებული სარემონტო სამუშაოების, დევნილთა საცხოვრებლებში შექმნილი ბინათმესაკუთრეთა ამხანაგობების და სამინისტროს მიერ განხორციელებული სხვა საქმიანობის შესახებ.

შეხვედრაზე ხაზი გაესვა აფხაზეთის ავტონომიური რესპუბლიკის მთავრობისა და სსიპ დევნილთა, ეკომიგრანტთა და საარსებო წყაროების სააგენტოს ურთიერთთანამშრომლობის საჭიროებას და დაიგეგმა შემდგომი, ერთობლივი საქმიანობის მიმართულებები.

რუსლან აბაშიძესა და საქართველოში ისრაელის სახელმწიფოს საგანგებო და სრულუფლებიან ელჩს შორის დისტანციური შეხვედრა გაიმართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძესა და საქართველოში ისრაელის სახელმწიფოს საგანგებო და სრულუფლებიან ელჩ რან გიდორს შორის დისტანციური შეხვედრა გაიმართა.

რან გიდორმა კიდევ ერთხელ დაადასტურა მისი ქვეყნის ურყევი პოზიცია და სრული მხარდაჭერა საქართველოს ტერიტორიულ მთლიანობასთან დაკავშირებით.

მთავრობის თავმჯდომარემ მიაწოდა ინფორმაცია აფხაზეთის ავტონომიური რესპუბლიკის მთავრობისა და შემავალი სტრუქტურული ერთეულების საქმიანობის შესახებ, ასევე გააცნო ოკუპირებულ აფხაზეთში დღეს არსებული მდგომარეობა. საუბარი შეეხო საოკუპაციო რეჟიმის მხრიდან ადამიანის ფუნდამენტური უფლებების დარღვევის ფაქტებს, მათ შორის თავისუფალი მიმოსვლის შეზღუდვას, იძულებით პასპორტიზაციას, ქართულ ენაზე განათლების მიღების უფლების აკრძალვას და სხვა.

ასევე, რუსლან აბაშიძემ რან გიდორს მადლობა გადაუხადა ახალი კორონავირუსის (COVID-19) პანდემიის დროს ისრაელის ხელისუფლების მხრიდან ისრაელში მცხოვრები საქართველოს მოქალაქეების მიმართ თანადგომისა და მხარდაჭერისთვის.

ისრაელის ელჩი ასევე დაინტერესდა COVID-19-ის პანდემიის პერიოდში ოკუპირებულ აფხაზეთში არსებული მდგომარეობით. რაზეც, მიიღო ინფორმაცია, რომ ოკუპირებულ ტერიტორიაზე მცხოვრებ მოსახლეობას ახალი კორონავირუსის გავრცელების შესაჩერებლად საქართველოს მთავრობამ საერთაშორისო ორგანიზაციების მეშვეობით სამედიცინო-ჰუმანიტარული დახმარება გაუწია.

მხარეებმა ასევე სოფლის მეურნეობის სფეროში სამომავლო თანამშრომლობის შესაძლებლობა განიხილეს.

რუსლან აბაშიძემ დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორ ბესარიონ სიმონიშვილთან სამუშაო შეხვედრა გამართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორ ბესარიონ სიმონიშვილთან სამუშაო შეხვედრა გამართა.

სამუშაო შეხვედრაში თავმჯდომარის მოადგილე ანზორ მარგიანი, იძულებით გადაადგილებულ პირთა - დევნილთა მინისტრი კონსტანტინე კუჭუხიძე, მინისტრის პირველი მოადგილე გურამ მისაბიშვილი, მოადგილეები დავით მიქავა და გიორგი ბულისკერია, სააგენტოს დირექტორის მოადგილეები დავით გურამიშვილი და გიორგი მანჯავიძე მონაწილეობდნენ.
 
შეხვედრაზე დევნილთა სოციალურ - ეკონომიკური მდგომარეობის გაუმჯობესების მიმართულებით მიმდინარე პროგრამებზე ისაუბრეს. ასევე განიხილეს პროექტების ერთობლივად განხორციელების პერსპექტივები.
რუსლან აბაშიძე იტალიის რესპუბლიკის საგანგებო და სრულუფლებიან ელჩს „რესპუბლიკის დღეს“ ულოცავს
იტალიის რესპუბლიკის
საგანგებო და სრულუფლებიან ელჩს საქართველოში
მის აღმატებულება ენრიკო ვალვოს
 
თქვენო აღმატებულებავ,
 
აფხაზეთის ავტონომიური რესპუბლიკის მთავრობის და აფხაზეთის საზოგადოების სახელით, მსურს გულითადად მოგილოცოთ პირადად თქვენ, მივულოცო იტალიელ ხალხს და იტალიის მთავრობას „რესპუბლიკის დაარსების დღე“.
 
საქართველოსა და იტალიას მეგობრობისა და ურთიერთობების ხანგრძლივი ისტორია გააჩნია. ქართულ-იტალიური ურთიერთობები ურთიერთპატივისცემასა და ნდობაზეა დამყარებული. ეს ურთიერთობები სახელმწიფოთა შორის ურთიერთთანამშრომლობის სანიმუშო მაგალითს წარმოადგენენ.
 
ჩვენ დიდად ვაფასებთ იტალიის რესპუბლიკის ხელისუფლების მტკიცე მხარდაჭერას საქართველოს ტერიტორიული მთლიანობისა და სუვერენიტეტის მიმართ, განსაკუთრებით ოკუპირებული ტერიტორიების არაღიარების პოლიტიკის გატარების კუთხით. ჩვენ მადლობას ვუხდით იტალიის სახელმწიფოს საქართველოს აქტიური მხარდაჭერისთვის ევროპულ და ევროატლანტიკურ სტრუქტურებში ინტეგრაციის გზაზე.
 
აქვე, გვსურს მადლობა მოგახსენოთ, ქართულ-აფხაზურ საზოგადოებებს შორის შერიგების პროცესში იტალიის რესპუბლიკის სამთავრობო და არასამთავრობო სექტორის მიერ შეტანილი პოზიტიური წვლილისათვის.
 
იმედს გამოვთქვამთ, რომ ჩვენს შორის არსებული თანამშრომლობა კიდევ უფრო გაღრმავდება აფხაზეთიდან იგპ-თა და აფხაზეთის ოკუპირებულ ტერიტორიაზე მცხოვრები მოსახლეობის საკეთილდღეოდ.
 
კიდევ ერთხელ გილოცავთ ეროვნულ დღესასწაულს და ვუსურვებ იტალიის რესპუბლიკას მშვიდობას, სტაბილურობას და კეთილდღეობას.
შიდა აუდიტის საკითხებზე გამართულ საერთაშორისო ვიდეოკონფერენციაში აფხაზეთის ა/რ განათლებისა და კულტურის სამინისტროს შიდა აუდიტის სამსახურის თანამშრომლებიც ჩაერთვნენ
2 ივნისს, PEMPAL-ის შიდა აუდიტის საზოგადოების ორგანიზებით, გაიმართა საერთაშორისო ვიდეოკონფერენცია ,,საჯარო სექტორში შიდა აუდიტის შესრულების ძირითადი ინდიკატორები (KPI)". ვიდეოკონფერენციაში აფხაზეთის ავტონომიური რესპუბლიკის განათლებისა და კულტურის სამინისტროს შიდა აუდიტის სამსახურის თანამშრომლებიც ჩაერთვნენ.
 
ვიდეოკონფერენციის ფარგლებში, ორგანიზატორებმა თითოეულ მონაწილეს სასწავლო მასალები გააცნეს და ინტერაქციულ რეჟიმში განიხილეს შემდეგი ძირითადი თემები: შიდა აუდიტის შესრულების ყველაზე მნიშვნელოვანი და ძირითადი ელემენტები; მონაცემთა დიაპაზონი, ძირითადი განსხვავებები ეკონომიკის ინდიკატორებს შორის, მონაცემთა სანდოობა და ა.შ.
აფხაზეთიდან დევნილი ახალგაზრდებისთვის თემებზე: „მე ევროპელი“ და „მომავლის აფხაზეთი“ შემოქმედებითი კონკურსი ცხადდება

აფხაზეთის ავტონომიური რესპუბლიკის განათლებისა და კულტურის სამინისტროს სსიპ „კულტურის, სპორტის და ახალგაზრდულ საქმეთა სააგენტო“ საგარეო საქმეთა სამინისტროს სსიპ “ნატოსა და ევროკავშირის შესახებ სინფორმაციო ცენტრთან” ერთად და აფხაზეთის ავტონომიური რესპუბლიკის მთავრობის მხარდაჭერით აცხადებს ლიტერატურულ-შემოქმედებით კონკურსს სახელწოდებით „შემოქმედებითი ზაფხული“.

ლიტერატურული კონკურსის თემებია:

  • „მე ევროპელი“;
  • „მომავლის აფხაზეთი“. 

კონკურსში მონაწილეობის შესაძლებლობა ეძლევათ აფხაზეთიდან იძულებით გადაადგილებულ 6-დან 20 წლამდე ასაკის ახალგაზრდებს, რომლებმაც საკონკურსო თემატიკიდან გამომდინარე უნდა შექმნან პოეტური, პროზაული ნაწარმოებები, ჩანახატები, ესეები ან შეასრულონ ფერწერული ნამუშევრები.

საკონკურსო ნამუშევრები უნდა აკმაყოფილებდეს შემდეგ პირობებს: 

  • ნაწარმოები შესრულებული უნდა იყოს ქართულ ენაზე და შეესაბამებოდეს კონკურსის თემას;
  • ნაშრომი შესრულებული უნდა იყოს MS Word პროგრამაში, შრიფტი (Font) – Sylfaen ან მსგავსი, შრიფტის ზომა – 12, სტრიქონებს შორის დაშორება – 1.5. თითოეული გვერდი უნდა იყოს დანომრილი და ნაშრომის მაქსიმალური მოცულობა არ უნდა აღემატებოდეს 1000 სიტყვას;
  • ნახატის ზომა უნდა იყოს არანაკლებ 21X29 სმ-ის. 

ნამუშევრებთან ერთად აპლიკანტებმა უნდა გაგზავნონ შემდეგი მონაცემები:

  • სახელი, გვარი, ასაკი;
  • საკონტაქტო ტელეფონის ნომერი;
  • ელექტრონული ფოსტა;
  • საცხოვრებელი მისამართი;
  • სკოლა ან უნივერსიტეტი.

ნაშრომები უნდა გაიგზავნოს შემდეგ ელექტრონულ მისამართზე: culture@csya.ge

ნამუშევრების მიღების ბოლო ვადაა 5 სექტემბერი.
გამარჯვებულები გამოვლინდებიან 15 სექტემბერს. 

კონკურსში გამარჯვებულებს გამოავლენენ: საგარეო საქმეთა სამინისტროს სსიპ ,,ნატოსა და ევროკავშირის შესახებ სინფორმაციო ცენტრი”, ჟურნალ „რიწის“ რედაქცია, ჟურნალ „იალქნის“ რედაქცია, ბრენდი „ANOUKI“.

გამარჯვებული ნაშრომი (პროზა, პოეზია, ფერწერული ნამუშევარი) დაიბეჭდება ჟურნალ „რიწის“ 2020 წლის მესამე და ჟურნალ იალქნის სექტემბრის ნომერში, ხოლო ესეების კონკურსში სამ გამარჯვებულ ახალგაზრდას გადაეცემა ნატოსა და ევროკავშირის  საინფორმაციო ცენტრის მიერ დაწესებული სიმბოლური პრიზები. 

რჩეულ ფერწერულ ნამუშევარს გამოავლენს ცნობილი ქართული ბრენდი „ANOUKI“ და გამოიყენებს მას კოლექციაში.

აფხაზეთის ჯანდაცვის მინისტრმა პატარებს ბავშვთა დაცვის საერთაშორისო დღე მიულოცა

,,ვულოცავ ყველა პატარას ბავშვთა დაცვის საერთაშორისო დღეს, ბედნიერ ბავშვობას და წარმატებულ მომავალს ვუსურვებ!

განსაკუთრებულად ვულოცავ ჩვენს პატარებს ოკუპირებულ ტერიტორიებზე, ოკუპირებულ აფხაზეთში, სადაც მართლა მძიმე ცხოვრება აქვთ, ვერ იღებენ სათანადო განათლებას, არიან მუდმივ სტრესში, რის გამოც ნაადრევად იზრდებიან და კარგავენ ყველაზე ძვირფასს, ბავშვობის წლებს.

ყველა ბავშვი უნდა იზრდებოდეს ჯანსაღ, უსაფრთხო გარემოში, იყოს ბედნიერი, ჰქონდეს სრულფასოვანი განათლების მიღების და მომავლის არჩევის შესაძლებლობა. ამაზე უნდა ფიქრობდეს ყველა ნებისმიერ დროს და ნებისმიერ ვითარებაში, რადგან ეს არის ყველაზე მთავარი და ეს ბავშვებიან არიან მომავალი'', - განაცხადა ქეთევან ბაკარაძემ.

აფხაზეთიდან დევნილი ახალგაზრდებისთვის თემებზე: „მე ევროპელი“ და „მომავლის აფხაზეთი“ შემოქმედებითი კონკურსი ცხადდება

აფხაზეთის ავტონომიური რესპუბლიკის განათლებისა და კულტურის სამინისტროს სსიპ „კულტურის, სპორტის და ახალგაზრდულ საქმეთა სააგენტო“ საგარეო საქმეთა სამინისტროს სსიპ “ნატოსა და ევროკავშირის შესახებ სინფორმაციო ცენტრთან” ერთად და აფხაზეთის ავტონომიური რესპუბლიკის მთავრობის მხარდაჭერით აცხადებს ლიტერატურულ-შემოქმედებით კონკურსს სახელწოდებით „შემოქმედებითი ზაფხული“.

ლიტერატურული კონკურსის თემებია:

„მე ევროპელი“ 

„მომავლის აფხაზეთი“. 

კონკურსში მონაწილეობის შესაძლებლობა ეძლევათ აფხაზეთიდან იძულებით გადაადგილებულ 6-დან 20 წლამდე ასაკის ახალგაზრდებს, რომლებმაც საკონკურსო თემატიკიდან გამომდინარე უნდა შექმნან პოეტური, პროზაული ნაწარმოებები, ჩანახატები, ესეები ან შეასრულონ ფერწერული ნამუშევრები.

საკონკურსო ნამუშევრები უნდა აკმაყოფილებდეს შემდეგ პირობებს: 

ნაწარმოები შესრულებული უნდა იყოს ქართულ ენაზე და შეესაბამებოდეს კონკურსის თემას.  

ნაშრომი შესრულებული უნდა იყოს MS Word პროგრამაში, შრიფტი (Font) – Sylfaen ან მსგავსი, შრიფტის ზომა – 12, სტრიქონებს შორის დაშორება – 1.5. თითოეული გვერდი უნდა იყოს დანომრილი და ნაშრომის მაქსიმალური მოცულობა არ უნდა აღემატებოდეს 1000 სიტყვას.

ნახატის ზომა უნდა იყოს არანაკლებ 21X29 სმ-ის. 

ნამუშევრებთან ერთად აპლიკანტებმა უნდა გაგზავნონ შემდეგი მონაცემები:  სახელი, გვარი, ასაკი, საკონტაქტო ტელეფონის ნომერი და ელექტრონული ფოსტა, საცხოვრებელი მისამართი, სკოლა ან უნივერსიტეტი.

ნაშრომები უნდა გაიგზავნოს შემდეგ ელექტრონულ მისამართზე: culture@csya.ge

ნამუშევრების მიღების ბოლო ვადაა 5 სექტემბერი.

გამარჯვებულები გამოვლინდებიან 15 სექტემბერს. 

კონკურსში გამარჯვებულებს გამოავლენენ: საგარეო საქმეთა სამინისტროს სსიპ “ნატოსა და ევროკავშირის შესახებ სინფორმაციო ცენტრი”, ჟურნალ „რიწის“ რედაქცია, ჟურნალ „იალქნის“ რედაქცია, ბრენდი „ANOUKI“.

გამარჯვებული ნაშრომი (პროზა, პოეზია, ფერწერული ნამუშევარი) დაიბეჭდება ჟურნალ „რიწის“ 2020 წლის მესამე და ჟურნალ იალქნის სექტემბრის ნომერში, ხოლო ესეების კონკურსში სამ გამარჯვებულ ახალგაზრდას გადაეცემა ნატოსა და ევროკავშირის  საინფორმაციო ცენტრის მიერ დაწესებული სიმბოლური პრიზები. 

რჩეულ ფერწერულ ნამუშევარს გამოავლენს ცნობილი ქართული ბრენდი „ANOUKI“ და გამოიყენებს მას კოლექციაში.

რუსლან აბაშიძემ აფხაზეთის საჯარო სკოლების მოსწავლეებს ბავშვთა დაცვის საერთაშორისო დღე მიულოცა

1 ივნისს, ბავშვთა დაცვის საერთაშორისო დღესთან დაკავშირებით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე აფხაზეთის №2 სკოლაში იმყოფებოდა. მთავრობის თავმჯდომარე სკოლის დირექტორს შეხვდა, მოსწავლეებს ბავშვთა დაცვის დღე მიულოცა და სიმბოლური საჩუქრები, მათ შორის ჟურნალ „იალქნის“ საიუბილეო ნომრები გადასცა. საჩუქრები „კულტურის, სპორტის და ახალგაზრდულ საქმეთა სააგენტომ“ და „ნატოსა და ევროკავშირის შესახებ სინფორმაციო ცენტრმა“ ერთობლივი პროექტის ფარგლებში უზრუნველყვეს. სასაჩუქრე პაკეტებს ეტაპობრივად საქართველოს მასშტაბით აფხაზეთის ყველა საჯარო სკოლის მოსწავლე მიიღებს.

შეხვედრაზე ასევე იმყოფებოდნენ აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე, „ნატოსა და ევროკავშირის შესახებ სინფორმაციო ცენტრის“ დირექტორი თამარა წულეისკირი  და „კულტურის, სპორტის და ახალგაზრდულ საქმეთა სააგენტოს“ დირექტორი ლიკა კვარაცხელია.

ასევე, დღეიდან აფხაზეთიდან დევნილი ახალგაზრდებისთვის ცხადდება შემოქმედებით-ლიტერატურული კონკურსი „შემოქმედებითი ზაფხული“, რომელიც აფხაზეთის ავტონომიური რესპუბლიკის განათლებისა და კულტურის სამინისტროს სსიპ „კულტურის, სპორტის და ახალგაზრდულ საქმეთა სააგენტოს“ და საქართველოს საგარეო საქმეთა სამინისტროს სსიპ „ნატოსა და ევროკავშირის შესახებ სინფორმაციო ცენტრის“ ორგანიზებითა და აფხაზეთის ავტონომიური რესპუბლიკის მთავრობის მხარდაჭერით იმართება. კონკურსის თემებია: „მე ევროპელი“ და „მომავლის აფხაზეთი“. მონაწილეებმა უნდა შექმნან პოეტური, პროზაული ნაწარმოებები, ჩანახატები, ესეები ან შეასრულონ ფერწერული ნამუშევრები. კონკურსი მთელი ზაფხულის განმავლობაში გაგრძელდება.

გამარჯვებული ნაწარმოებები (პროზა, პოეზია, ჩანახატები და ფერწერული ნამუშევარი) დაიბეჭდება ჟურნალ „რიწის“  და ჟურნალ  „იალქნის“ მომდევნო ნომრებში, ხოლო ესეების კონკურსში გამარჯვებულ 3 ახალგაზრდას „ნატოსა და ევროკავშირის შესახებ საინფორმაციო ცენტრის“ მიერ დაწესებული სიმბოლური პრიზები გადაეცემა. ​რჩეულ ფერწერულ ნამუშევარს აარჩევს ცნობილი ქართული ბრენდი „ANOUKI“ და მას კოლექციაში გამოიყენებს.

1 ივნისი ბავშვთა დაცვის საერთაშორისო დღეა!
 
1 ივნისი, ზაფხულის პირველი დღე, ბავშვთა დაცვის საერთაშორისო დღეა. ამ დღესასწაულს მთელ მსოფლიოში და რა თქმა უნდა, საქართველოშიც აღნიშნავენ.
 
დღესასწაულის დაარსების იდეა პირველად ჟენევის საერთაშორისო კონფერენციაზე 1925 წელს გახმიანდა. მისი დაწესების საკითხი კი გააქტიურდა მეორე მსოფლიო ომის შემდეგ, როდესაც ბავშვთა პრობლემებზე, კაცობრიობის მომავალზე ზრუნვა, მთელი მსოფლიოს ერთ-ერთ უმთავრეს საფიქრალად იქცა. ამასთან დაკავშირებით პარიზში ქალთა საერთაშორისო კონგრესზე დადეს ფიცი, რომ მშვიდობის შენარჩუნებისა და ბავშვთა ბედნიერებისათვის ზრუნვა მათი უპირველესი ამოცანა იქნებოდა.
 
პირველად ბავშვთა დაცვის დღე 1959 წელს აღინიშნა და მას შემდეგ ეს დღესასწაული მსოფლიოს თითქმის ყველა ქვეყანაში ყოველწლიურად აღინიშნება.
 
ბავშთა დაცვის საერთაშორისო დღეს საკუთარი დროშაც კი გააჩნია, ის მწვანე ფერისაა, რაც ჰარმონიის, სიცოცხლის და ნაყოფიერების ფერია.
 
აფხაზეთის ავტონომიური რესპუბლიკის განათლებისა და კულტურის სამინისტრო ყველა ბავშვს ულოცავს ამ დღეს და ბედნიერ ბავშობას უსურვებს!