აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
ეკა ხოფერია აფხაზეთის საჯარო სკოლების დირექტორებს შეხვდა
აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ პირველი შეხვედრა, აფხაზეთის ავტონომიური რესპუბლიკის მთავრობის თავმჯდომარესთან რუსლან აბაშიძესთან ერთად, აფხაზეთის საჯარო სკოლების დირექტორებთან გამართა.
 
შეხვედრაზე, რომელსაც ქვეყნის სხვადასხვა რეგიონში განთავსებული 13-ივე საჯარო სკოლის დირექტორი ესწრებოდა, პანდემიისგან შექმნილი გამოწვევის - დისტანციური სწავლების - პრობლემებზე იმსჯელეს. დირექტორებმა წარმოადგინეს კონკრეტული ინფორმაცია, თუ რამდენ მოსწავლეს არა აქვს კომპიუტერი და ინტერნეტთან წვდომის შესაძლებლობა და რამდენი მათგანია ონლაინსწავლების მიღმა დარჩენილი.
 
ეკა ხოფერიამ და რუსლან აბაშიძემ აღნიშნეს, რომ ისინი ამ ინფორმაციის გათვალისწინებით შეეცდებიან, თითოეულ მოსწავლეს დაეხმარონ კომპიუტერის შეძენასა და ინტერნეტთან წვდომის უზრუნველყოფაში, რათა მათ ონლაინსაკომუნიკაციო პლატფორმების - Teams Microsoft-ის, Skype-ისა თუ zoom-ის სრულყოფილად გამოყენება შეეძლოთ.
 
დასასრულ მინისტრმა ეკა ხოფერიამ განაცხადა, რომ ის სათითაოდ მოინახულებს აფხაზეთის ყველა საჯარო სკოლას და მათ ინფრასტრუქტურულ პრობლემებსაც პირადად გაეცნობა.
ხელოვანების მხარდამჭერ კონცერტში ანსამბლი „აფხაზეთიც“ მონაწილეობდა
გუშინ „არტოს ბაღში“, ღია ცის ქვეშ, თბილისის მერიის ინიციატივით, პანდემიით დაზარალებული მომღერლებისა და მოცეკვავეების მხარდასაჭერი კონცერტი გაიმართა. პანდემიამ ყველა სხვა სფეროსთან ერთად ხელოვნების სფეროც გააჩერა: არ იმართება კონცერტები და სპექტაკლები, არ ეწყობა გამოფენები.
 
ღია ცის ქვეშ გამართულ კონცერტში, სხვა ცნობილ ანსამბლებთან ერთად, აფხაზეთის სიმღერისა და ცეკვის სახელმწიფო აკადემიური ანსამბლი „აფხაზეთიც“ მონაწილეობდა.
რუსლან აბაშიძემ აფხაზეთის ავტონომიური რესპუბლიკის განათლებისა და კულტურის ახალი მინისტრი წარადგინა
აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ აფხაზეთის ავტონომიური რესპუბლიკის განათლებისა და კულტურის თანამშრომლებს ახალი მინისტრი წარუდგინა.
 
აფხაზეთის ავტონომიური რესპუბლიკის მთავრობაში განხორციელებული ცვლილებების შედეგად აფხაზეთის ა/რ განათლებისა და კულტურის მინისტრად ეკა ხოფერია დაინიშნა. წარდგენისას ეკა ხოფერიამ განაცხადა, რომ აფხაზეთი მისთვის ძალიან მტკივნეულია და ამ თანამდებობაზე დანიშვნით მის ცხოვრებაში მნიშვნელოვანი ეტაპი იწყება.
აფხაზეთიდან დევნილი ვეტერანი სპორტსმენები, სპორტის მუშაკები და წარმატებული სპორტსმენები დააჯილდოვეს

აფხაზეთის ავტონომიური რესპუბლიკის განათლებისა და კულტურის სამინისტრო, სპორტისა და ახალგაზრდულ საქმეთა სამსახურის ინიციატივითა და ორგანიზებით, აფხაზეთიდან დევნილ ვეტერან სპორტსმენთა, სპორტის მუშაკთა და წარმატებულ სპორტსმენთა დაჯილდოებას ყოველ წელს მართავს.

მიუხედავად პანდემიისა, ტრადიცია არც წლეულს დარღვეულა და სპეციალური კომისიის გადაწყვეტილებით აფხაზეთის ავტონომიური რესპუბლიკის მთავრობისა და აფხაზეთის ავტონომიური რესპუბლიკის განათლებისა და კულტურის სამინისტროს საპატიო სიგელები გადაეცათ: მურთაზ ვეკუას, ნუგზარ ბოჯგუას, გერასიმე ესებუას, დავით ზარქუას, ზურაბ შენგელიას, დავით თაქთაქიშვილს, ბენო ადამიას, ლუკა კაჭარავას, მარიამ შხვაცაბაიას და სოხუმის „დინამოს“ ქალთა გუნდს.

ვალერი არქანიას არტ-გალერეაში გიორგი შარვაშიძის სახელობის პრემიის 2020 წლის ლაურეატები დააჯილდოვეს
ვალერი არქანიას არტ-გალერეაში აფხაზეთის ავტონომიური რესპუბლიკის მთავრობის თავმჯდომარესთან არსებული გიორგი შარვაშიძის სახელობის პრემიის 2020 წლის ლაურეატების დაჯილდოება გაიმართა.
 
გიორგი შარვაშიძის სახელობის პრემიის წლევანდელი ლაურეატები გახდნენ: სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრი - სპექტაკლისთვის „მთვარის მოტაცება“, ხუტა კვარაცხელია - ფერწერული ტილოებისთვის, ირაკლი შამათავა - მოთხრობების კრებულისთვის - „გამშვები პუნქტი“, შოთა ზოიძე - ლექსების კრებულისთვის - „გულზე დასაყრელი მიწა“.
 
გამარჯვებულთ ჯილდოები გადასცეს აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, აფხაზეთის ავტონომიური რესპუბლიკის განათლებისა და კულტურის მინისტრმა როლანდ ნიჟარაძემ, საქართველოს მეცნიერებათა ეროვნული აკადემიის ვიცე-პრეზიდენტმა როინ მეტრეველმა და საქართველოს მწერალთა შემოქმედებითი კავშირის თავმჯდომარემ მაყვალა გონაშვილმა. დაჯილდოების ცერემონიას უძღვებოდა აფხაზეთის ავტონომიური რესპუბლიკის განათლებისა და კულტურის მინისტრის თანაშემწე, პოეტი მანონ ბულისკერია.
 
გიორგი შარვაშიძის სახელობის პრემია ყოველწლიურია და ლიტერატურის, ხელოვნების, პუბლიცისტიკისა და მეცნიერების დარგებში შექმნილი გამორჩეული ნაწარმოებების (ნაშრომს) ავტორებს ენიჭებათ.
აფხაზეთის ა/რ მთავრობის თავმჯდომარესთან არსებული გიორგი შარვაშიძის სახელობის პრემიის 2020 წლის ლაურეატები ცნობილია
აფხაზეთის ავტონომიური რესპუბლიკის მთავრობის თავმჯდომარესთან არსებული გიორგი შარვაშიძის სახელობის პრემიის კომისიამ გიორგი შარვაშიძის სახელობის პრემიის 2020 წლის ლაურეატები გამოავლინა.
 
გიორგი შარვაშიძის სახელობის პრემიის ლაურეატები გახდნენ: სოხუმის კონსტანტინე გამსახურდიას სახელობის პროფესიული სახელმწიფო დრამატული თეატრი - სპექტაკლისთვის „მთვარის მოტაცება“; ხუტა კვარაცხელია - ფერწერული ტილოებისთვის; ირაკლი შამათავა - მოთხრობების კრებულისთვის - „გამშვები პუნქტი“; შოთა ზოიძე - ლექსების კრებულისთვის - „გულზე დასაყრელი მიწა“.
 
გიორგი შარვაშიძის სახელობის პრემია ყოველწლიურია და ენიჭება ლიტერატურის, ხელოვნების, პუბლიცისტიკისა და მეცნიერების დარგებში შექმნილ ნაწარმოებს, (ნაშრომს), რომელმაც მხატვრულ და სხვა ღირსებათა გამო, აღიარება მოიპოვა, განმსჭვალულია თავისუფლების, ჰუმანიზმის, პატრიოტიზმის მაღალი იდეალებით და წარმოადგენს შენაძენს ქართული და აფხაზური ლიტერატურის, ხელოვნების, პუბლიცისტიკისა და მეცნიერების დარგებში.
აფხაზეთის ავტონომიური რესპუბლიკის განათლებისა და კულტურის სამინისტროს მხარდაჭერით გამოვიდა პოეტური კრებული „სიყვარულს უშენებია“
კრებულში ამავე სახელწოდების კონკურსზე წარმოდგენილი პოეზიის საუკეთესო ნიმუშები შევიდა.
 
კონკურსი „სიყვარულს უშენებია“ საქართველოს მწერალთა კავშირის თაოსნობითა და აფხაზეთის ავტონომიური რესპუბლიკის განათლებისა და კულტურის სამინისტროს მხარდაჭერით ჩატარდა.
მასში მონაწილეობდნენ ახალგაზრდა პოეტები (16-დან 35 წლამდე), რომლებმაც წარმოადგინეს პოეტური ნაწარმოებები მშვიდობის, სიყვარულისა და პატრიოტიზმის თემებზე.
 
ჟიურიმ კონკურსის მონაწილეთაგან შვიდი საუკეთესო ავტორი - როი აბუსელიძე, სულხან წულუკიძე, ამირან ჯანჯღავა, ოთარ ფალიანი, ბექა ახალაია, ივდითი კვიტია და ქეთევან ნათელაძე გამოარჩია და ისინი დიპლომებითა და ფულადი პრემიით დააჯილდოვა. შემდეგ კი გამარჯვებულ თუ წარმოდგენილ სხვა საუკეთესო ლექსებს ერთ კრებულში მოუყარა თავი.
 
„სამშობლო, მისი წარსული და მომავალი, ტკივილად ქცეული აფხაზეთი და სამაჩაბლო, მშვიდობა, სიყვარული - აი, ახალგაზრდა პოეტთა საკონკურსო ლექსების თემა... ვინც ამ წიგნს წაიკითხავს, უთუოდ მოიხიბლება ახალგაზრდების თავანკარა პოეზიით, ახალგაზრდებისა, დიდი ქართული პოეტური ტრადიციების ერთგულნიც რომ არიან და ამავდროულად, ახერხებენ, სიახლეთა ძიებით, საკუთარი, მხოლოდ მათთვის ჩვეული გზებით სიარულს“, - - ნათქვამია წიგნის წინასიტყვაობაში.
აფხაზეთის ა/რ განათლებისა და კულტურის სამინისტროს შიდა აუდიტის სამსახურის თანამშრომლები საქართველოს ფინანსთა სამინისტროს ვებინარში ჩაერთნენ

20 ნოემბერს საქართველოს ფინანსთა სამინისტროს სახელმწიფო შიდა კონტროლის დეპარტამენტის (ჰარმონიზაციის ცენტრი) ორგანიზებით გაიმართა ვებინარი თემაზე - „ძირეული მიზიზების ანალიზი".

ვებინარი ჩატარდა ინტერაქტიულ რეჟიმში ვებექსის ონლაინ პლატფორმის გამოყენებით და მასში აფხაზეთის ავტონომიური რესპუბლიკის განათლებისა და კულტურის სამინისტროს შიდა აუდიტის სამსახურის თანამშრომლებიც ჩაერთნენ.

ონლაინ ტრენინგის ფარგლებში განხილულ იქნა ძირეული მიზეზების ანალიზი და მისი გამოყენების ტექნიკები, პრაქტიკული საკითხები, ძირითადი გამოწვევები.

აფხაზეთის ავტონომიური რესპუბლიკის საჯარო სკოლების დირექტორებთან ონლაინკონფერენცია გაიმართა
სოხუმის სახელმწიფო უნივერსიტეტის საბუნებისმეტყველო მეცნიერებათა, მათემატიკის, ტექნოლოგიებისა და ფარმაციის ფაკულტეტების წარმომადგენლებს, აფხაზეთის ავტონომიური რესპუბლიკის განათლებისა და კულტურის სამინისტროსა და აფხაზეთის ავტონომიური რესპუბლიკის საჯარო სკოლების დირექტორებს შორის ვიდეოკონფერენცია შედგა. შეხვედრაზე განიხილეს ამ სკოლების მე-11 და მე-12 კლასელებთან ღია კარის დღეების ჩატარების საკითხი.
 
აფხაზეთის საჯარო სკოლების დირექტორებმა ვრცლად ისაუბრეს აბიტურიენტებისათვის სოხუმის სახელმწიფო უნივერსიტეტის შესახებ ინფორმაციის დროულად და ამომწურავად მიწოდების მნიშვნელობაზე. ფაკულტეტის წარმომადგენლებმა ყურადღება გაამახვილეს სოხუმის სახელმწიფო უნივერსიტეტის პოპულარიზაციის აუცილებლობაზე. შეხვედრაზე შეთახმდნენ ღია კარის დღის ჩატარების ფორმატსა და თარიღებზე. ითქვა, რომ მსგავსი შეხვედრები ხელს შეუწყობს სოხუმის უნივერსიტეტის წინსვლა-განვითარებას და დაეხმარება აბიტურიენტებს სწორი არჩევანის გაკეთებაში.
 
დასასრულ სოხუმის უნივერსიტეტის წარმომადგენლებმა მადლობა გადაუხადეს აფხაზეთის ავტონომიური რესპუბლიკის განათლებისა და კულტურის სამინისტროსა და სამინისტროს განათლებისა და საგანმანათლებლო პროგრამების სამსახურის უფროსს ნინო ლობჟანიძეს აფხაზეთის საჯარო სკოლების დირექტორებთან ონლაინკონფერენციის ორგანიზებისათვის.
შეიძინე პროფესია, აიშენე მომავალი!
 
აფხაზეთის ავტონომიური რესპუბლიკის მთავრობასთან თანამშრომლობით და აფხაზეთის ავტონომიური რესპუბლიკის განათლებისა და კულტურის სამინისტროს მხარდაჭერით, კოლეჯი„სპექტრი“, რომელიც ქვეყანაში სამშენებლო მიმართულების განვითარებასა და მაღალკვალიფიციური კადრების მომზადებაზეა ორიენტირებული, აფხაზეთიდან იძულებით გადაადგილებულ პირებს 3-თვიან უფასო მომზადება-გადამზადების პროგრამებს სთავაზობს.
 
კოლეჯი „სპექტრი“ აცხადებს საბუთების მიღებას 5 ნოემბრიდან ყველაზე მოთხოვნად პროფესიაზე.
 გაიცემა სერტიფიკატი. წარმატებული კურსდამთავრებულები დასაქმდებიან სამშენებლო ობიექტებზე.
  • ინტერიერისა და ექსტერიერის მღებავი;
  • შემდუღებელი (ელექტრორკალური);
  • თაბაშირ-მუყაოს სპეციალისტი;
  • დაბალი ძაბვის ელექტრიკოსი;
  • კერამიკული ფილებით მომპირკეთებელი;
  • ლამინირებული ავეჯის დამზადება;
  • სხვადასხვა მასალის დამუშავება თანამედროვე CAM პროგრამების გამოყენებით, 3 D მოდელირება და რთული მრავალკომპონენტიანი ნაკეთობების პროექტირება;
  • მძიმე ტექნიკის (ავტოგრეიდერი, სატვირთველი და ჰიდრავლიკური ექსკავატორი) ოპერატორი;
  • კონდიცირებისა და გაცივების სისტემის ტექნიკოსი;
  • ციფრული ელექტრონიკის ტექნიკოსი;
  ქ. თბილისი, ჭიჭინაძის ქ. N10
  დამატებითი ინფორმაციისათვის დაგვიკავშირდით -
ტელ. 595 34 33 20