აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია, მინისტრის პირველ მოადგილე გური ბაქრაძესთან ერთად, Skillwill-ის დამფუძნებელსა და აღმასრულებელ დირექტორს, გიორგი მარიამიძეს შეხვდა. მხარეებმა სამომავლო თანამშრომლობის პერსპექტივები და ერთობლივი საგანმანათლებლო ინიციატივების განხორციელების შესაძლებლობები განიხილეს.

სამუშაო შეხვედრაზე აფხაზეთიდან იძულებით გადაადგილებული ახალგაზრდებისთვის თანამედროვე, მოთხოვნად პროფესიებზე ხელმისაწვდომობის გაზრდის აუცილებლობაზე, ასევე მათი პროფესიული უნარებისა და პრაქტიკული კომპეტენციის ამაღლების მნიშვნელობაზე იმსჯელეს.

განსაკუთრებული ყურადღება გამახვილდა ციფრული ტექნოლოგიების, ინფორმაციული ტექნოლოგიებისა და სხვა პერსპექტიული მიმართულებების სწავლებაზე, რაც ახალგაზრდებს შრომის ბაზარზე კონკურენტუნარიანობის ამაღლებაში დაეხმარება.

„ჩვენთვის ერთ-ერთი პრიორიტეტული საკითხია, ხელი შევუწყოთ აფხაზეთიდან იძულებით გადაადგილებულ ახალგაზრდებს, რომ მიიღონ ხარისხიანი განათლება, აიმაღლონ კომპეტენცია და გაიღრმაონ ცოდნა მათთვის აუცილებელი და პრაქტიკაში გამოსადეგი მიმართულებებით. მოხარულები ვართ, რომ „Skillwill-ის“ სახით ვხედავთ ძლიერ პარტნიორს, რომელიც მზად არის საკუთარი რესურსები და გამოცდილება ამ დიდ საქმეს მოახმაროს,“ — განაცხადა აფხაზეთის განათლებისა და კულტურის მინისტრმა, გიორგი ძაძამიამ.

შეხვედრაზე აღინიშნა, რომ ახალგაზრდებისთვის ხარისხიან განათლებაზე ხელმისაწვდომობის უზრუნველყოფის პროცესში სახელმწიფოსა და კერძო სექტორის თანამშრომლობა უმნიშვნელოვანესია.

,,Skillwill-ის“ კოლეჯი არის პირველი სრულად დისტანციური და ავტორიზებული სასწავლო პლატფორმა საქართველოში, რომელიც მომხმარებლებს შრომის ბაზრის მოთხოვნების შესაბამის პროფესიულ საგანმანათლებლო მომზადების/გადამზადების პროგრამებსა და კურსებს სთავაზობს.

სოხუმის გიორგი რატიანის სახელობის მოზარდ მაყურებელთა პროფესიულმა თეატრმა ახალი სპექტაკლი ,,მე არსად წავსულვარ" წარადგინა.

პრემიერას აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის ა/რ განათლებისა და კულტურის მინისტრი გიორგი ძაძამია, აფხაზეთის უმაღლესი საბჭოს თავმჯდომარე ჯემალ გამახარია, აფხაზეთის მთავრობისა და უმაღლესი საბჭოს წევრები, სახელოვნებო სფეროს წარმომადგენლები და სხვა მოწვეული სტუმრები ესწრებოდნენ.

,,მე არსად წავსულვარ" აფხაზეთის თემატიკას ეხმიანება და გადმოსცემს იმ თაობის სევდას, რომელსაც აფხაზეთი არასდროს უნახავს, თუმცა ის მათი გენეტიკური მეხსიერების ნაწილია. სპექტაკლი კიდევ ერთხელ უსვამს ხაზს შერიგებისა და დაკარგული კავშირის აღდგენის მნიშვნელობასა და აუცილებლობას.

ემოციებით, მოგონებებით, ადამიანური ურთიერთობებითა და რეალური ფაქტებით გაჯერებულმა დადგმამ სოხუმის კონსტანტინე გამსახურდიას სახელობის პროფესიულ სახელმწიფო დრამატულ თეატრში შეკრებილი მაყურებლის მოწონება დაიმსახურა.

აფხაზეთის ავტონომიური რესპუბლიკის განათლებისა და კულტურის მინისტრი გიორგი ძაძამია აფხაზეთიდან დევნილი მწერლისა და საზოგადო მოღვაწის, ნაირა მარშანიას 80 წლის იუბილესადმი მიძღვნილ შემოქმედებით საღამოს დაესწრო.

ღონისძიების ფარგლებში აფხაზეთის სიმღერისა და ცეკვის სახელმწიფო აკადემიურმა ანსამბლმა „აფხაზეთმა“ მუსიკალური ნომრები შეასრულა; ქართველმა ხელოვანებმა ნაირა მარშანიას შემოქმედებიდან ამონარიდები წაიკითხეს და ღვაწლმოსილი მწერლის საზოგადოებრივი საქმიანობის შესახებ ისაუბრეს.

საღამოს აფხაზეთის მთავრობის წევრები, საქართველოს აღმასრულებელი და საკანონმდებლო ხელისუფლების წარმომადგენლები, კულტურის სფეროს მოღვაწეები და სხვა მოწვეული სტუმრები ესწრებოდნენ.

ღონისძიება საქართველოს მწერალთა, ხელოვანთა და საზოგადო მოღვაწეთა საერთაშორისო აკადემია „გულანის“ ორგანიზებით გაიმართა.

ჟიული შარტავას სახელობის სტიპენდია ენიჭებათ აფხაზეთის თემაზე მომუშავე განსაკუთრებული მიღწევებითა და წარმატებებით წარმოჩენილი ბაკალავრიატისა და მაგისტრატურის სტუდენტებს (გარდა პოლიტიკის მეცნიერებისა).

კანდიდატთა წარდგენის წესი და პირობები, აგრეთვე სავალდებულო დოკუმენტაციის ნუსხა იხილეთ ბმულზე.

წარდგინებები მიიღება 2026 წლის 1 ივლისიდან 10 აგვისტოს ჩათვლით.

სამუშაო საათები: 10:00 საათიდან 18:00 საათამდე, შაბათ-კვირის გარდა.


მისამართი: ქ. თბილისი, დ. უზნაძის ქ. №68

ელექტრონული ფორმით განაცხადის შევსება შესაძლებელია აფხაზეთის ავტონომიური რესპუბლიკის მთავრობის ერთიან ელექტრონულ პორტალზე.

აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე გური ბაქრაძე ბათუმის შოთა რუსთაველის სახელმწიფო უნივერსიტეტში სამშვიდობო სწავლების ცენტრის - „მშვიდობის მშენებლობის ახალგაზრდული პლატფორმა“, გახსნას დაესწრო.

ღონისძიების ფარგლებში, მუსიკალური კომპოზიციების ფონზე, თემატური გამოფენა მოეწყო; დამსწრე საზოგადოებამ ცენტრის შესახებ მოხსენებები მოისმინა და ფოლკლოლური ანსამბლების შესრულებით საცეკვაო და სასიმღერო ნომრები იხილა.

ცენტრი ახალგაზრდებისთვის კონფლიქტების, ისტორიული გამოცდილებისა და თანამედროვე საზოგადოებრივი პროცესების შესწავლისა და გააზრების ახალ საგანმანათლებლო სივრცეს შექმნის. პლატფორმა ხელს შეუწყობს აფხაზური ენის, კულტურისა და ისტორიული მეხსიერების შენარჩუნებასა და პოპულარიზაციას, ასევე მხარს დაუჭერს მშვიდობისა და შერიგებისკენ მიმართულ ახალგაზრდულ პროექტებს.

ღონისძიებას საქართველოს პარლამენტის თავმჯდომარის პირველი მოადგილე, ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის თავმჯდომარე გიორგი ვოლსკი, აჭარის ავტონომიური რესპუბლიკის მთავრობის თავმჯდომარე ზურაბ პატარაძე, საქართველოს განათლების, მეცნიერებისა და ახალგაზრდობის მინისტრი გივი მიქანაძე, აფხაზეთის ავტონომიური რესპუბლიკის მთავრობის წევრები, ასევე, აღმასრულებელი და საკანონმდებლო ხელისუფლების წევრები და უნივერსიტეტის წარმომადგენლები დაესწრნენ.

სამშვიდობო ცენტრი ,,მესხი ახალგაზრდები მშვიდობისათვის" სამცხე-ჯავახეთის სახელმწიფო უნივერსიტეტის ბაზაზე 2022 წლიდან ფუნქციონირებს, წელს კი აღნიშნულ ინიციატივას ბათუმის შოთა რუსთაველის სახელობის სახელმწიფო უნივერსიტეტიც შეუერთდა.

აკაკი ჩხენკელის სახელობის სტიპენდია ენიჭებათ სამართლის, საერთაშორისო სამართლის, ევროპული სამართლისა და საერთაშორისო ურთიერთობების მიმართულების, განსაკუთრებული მიღწევებითა და წარმატებებით წარმოჩენილ, საქართველოს პირველი რესპუბლიკის ისტორიის თემატიკაზე მომუშავე ბაკალავრიატისა და მაგისტრატურის სტუდენტებს.

კანდიდატთა წარდგენის წესი და პირობები, აგრეთვე სავალდებულო დოკუმენტაციის ნუსხა იხილეთ ბმულზე.

წარდგინებები მიიღება 2026 წლის 1 ივლისიდან 10 აგვისტოს ჩათვლით.

სამუშაო საათები: 10:00 საათიდან 18:00 საათამდე, შაბათ-კვირის გარდა.

მისამართი: ქ. თბილისი, დ. უზნაძის ქ. №68

ელექტრონული ფორმით განაცხადის შევსება შესაძლებელია აფხაზეთის ავტონომიური რესპუბლიკის მთავრობის ერთიან ელექტრონულ პორტალზე 

დიმიტრი (არზაყან) ემუხვარის სახელობის სტიპენდია ენიჭებათ პოლიტიკის მეცნიერების დარგში განსაკუთრებული მიღწევებითა და წარმატებით გამორჩეულ, აფხაზეთის თემაზე მომუშავე, ბაკალავრიატისა და მაგისტრატურის სტუდენტებს ინტელექტუალური პოტენციალის განვითარებისათვის.

კანდიდატთა წარდგენის წესი და პირობები, აგრეთვე სავალდებულო დოკუმენტაციის ნუსხა იხილეთ ბმულზე.

წარდგინებები მიიღება 2026 წლის 01 ივლისიდან 10 აგვისტოს ჩათვლით.

სამუშაო საათები: 10:00 საათიდან 18:00 საათამდე, შაბათ-კვირის გარდა.

მისამართი: ქ. თბილისი, დ. უზნაძის ქ. №68

ელექტრონული ფორმით განაცხადის შევსება შესაძლებელია აფხაზეთის ავტონომიური რესპუბლიკის მთავრობის ერთიან ელექტრონულ პორტალზე. 

აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე გური ბაქრაძე სამცხე-ჯავახეთის სახელმწიფო უნივერსიტეტში ,,აფხაზეთობა 2026-ის" შემაჯამებელ ღონისძიებას დაესწრო.

აფხაზური ცენტრის ,,მესხი ახალგაზრდები ერთობისთვის" მიერ ორგანიზებული ღონისძიება ქრისტიანობის სახელმწიფო რელიგიად გამოცხადების 1700 წლის იუბილეს მიეძღვნა. მონაწილე სტუდენტებმა, წმინდა შალვა ახალციხელის საკათედრო ტაძრის მგალობელთა გუნდის მიერ შესრულებული საგალობლების თანხლებით, საქართველოს კათოლიკოს პატრიარქის ილია II-ს ქადაგებებიდან ამონარიდები წაიკითხეს; ორგანიზატორებმა სტუმრებს სამომავლო გეგმების შესახებ მიაწოდეს ინფორმაცია; დასკვნით ეტაპზე კი ცენტრის ბაზაზე შექმნილი სკოლის მოსწავლეთა ორი ახალი კლუბი წარადგინეს.

ღონისძიებას ახალციხისა და ტაო-კლარჯეთის მიტროპოლიტი, მეუფე თეოდორე, აფხაზეთის იუსტიციისა და სამოქალაქო ინტეგრაციის მინისტრის მოადგილე ელენე არდაზაშვილი, სამცხე-ჯავახეთის მხარეში სახელმწიფო რწმუნებული ზაალ გელაშვილი, ახალციხის მერი ვარლამ წიკლაური და საკრებულოს თავმჯდომარე საბა კბილაშვილი, უნივერსიტეტის წარმომადგენლები, რექტორი ვახტანგ თაქთაქიძე, სოხუმის სახელმწიფო უნივერსიტეტის რექტორის მოადგილე რომეო გალდავა, პროფესორები და სტუდენტები ესწრებოდნენ.

გურამ ყურაშვილის სახელობის აფხაზეთის სახელმწიფო საგუნდო კაპელის მონაწილეობით, სასტუმრო ,,ბილტმორში" გალაკტიონ ტაბიძის შემოქმედებისადმი მიძღვნილი საღამო - „მუსიკა და პოეზია" გაიმართა.

ღონისძიების ფარგლებში, სხვადასხვა გამომსახველობითი ფორმის შერწყმით გაცოცხლდა ქართული პოეზიისა და მუსიკის შთამბეჭდავი პროგრამა - მსახიობ მურმან ჯინორიას მხატვრული კითხვისა და ზვიად ბოლქვაძისა და აფხაზეთის სახელმწიფო საგუნდო კაპელის მუსიკის მშვენიერი სინთეზი. საღამოს სტუმრებმა დიდი ქართველი პოეტების ლექსების მიხედვით შექმნილი კომპოზიციების ცოცხალი, მრავალხმიანი შესრულება მოისმინეს.

,,სიტყვის აკადემიის" ორგანიზებულ საღამოს აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, განათლებისა და კულტურის მინისტრი გიორგი ძაძამია, მინისტრის პირველი მოადგილე გური ბაქრაძე, აფხაზეთის მთავრობის წევრები, კულტურის სფეროს წარმომადგენლები და სხვა მოწვეული სტუმრები ესწრებოდნენ.

აფხაზეთის N2 საჯარო სკოლამ განათლების, მეცნიერებისა და ახალგაზრდობის სამინისტროს სასკოლო კონკურსში ,,როცა აფხაზეთში დავბრუნდები“ მეორე ადგილი დაიკავა.

ლიკა ჯიქიამ და ანასტასია სანიკიძემ თავიანთი თანაკლასელების, მასწავლებლებისა და მეგობრების აფხაზეთთან დაკავშირებული ემოციები, მოგონებები, ფიქრები მოაგროვეს და 3D ფორმატში ციფრული კულტურული გამოფენა შექმნეს.

ვებგვერდის შექმნისა და განხორციელების პროცესში კონკურსანტებს მნიშვნელოვანი დახმარება გაუწია ხელოვნების მასწავლებელმა, ნათია თურქიამ, რომელმაც გოგონებს პროექტის 3D კონცეფციის სახით აწყობა შესთავაზა.

,,იდეა ჩვენმა ხელოვნების მასწავლებელმა მოგვაწოდა. ძალიან ბევრი ვიმუშავეთ, დავიწყეთ იმ პლატფორმის შესწავლით, სადაც უნდა შეგვექმნა ჩვენი გამოფენა. მასწავლებლებსა და მოსწავლეებს ჩამოვართვით ინტერვიუები და შემდეგ გავაციფრულეთ ისინი. ყველა ძალიან დაგვეხმარა, გვგულშემატკივრობდა მთელი სკოლა, მასწავლებლები და დირექტორი. გვიხარია, რომ ჩვენი შრომა, ენერგია და ემოცია, რაც ამ პროექტში ჩავდეთ, დაგვიფასდა“, - აღნიშნავენ ლიკა და ანასტასია.

გამარჯვებულები საქართველოს განათლების, მეცნიერებისა და ახალგაზრდობის მინისტრმა, გივი მიქანაძემ, აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძემ, შერიგებისა და სამოქალაქო თანასწორობის საკითხებში სახელმწიფო მინისტრმა, თეა ახვლედიანმა, განათლების, მეცნიერებისა და ახალგაზრდობის საქმეთა კომიტეტის თავმჯდომარე მარიამ ლაშხმა და საქართველოს საპატრიარქოს საზოგადოებასთან ურთიერთობის სამსახურის ხელმძღვანელის მოადგილე, დეკანოზმა გურამ ჭარელაშვილმა დააჯილდოვეს. საქართველოს განათლების, მეცნიერებისა და ახალგაზრდობის სამინისტროში გამართულ ღონისძიებას აფხაზეთის განათლებისა და კულტურის მინისტრი გიორგი ძაძამია დაესწრო.

სასკოლო კონკურსში ,,როცა აფხაზეთში დავბრუნდები“ 400-მდე სკოლის 2500-ზე მეტი მოსწავლე მონაწილეობდა. აფხაზეთის N2-მა საჯარო სკოლის პროექტი 1270 ნამუშევარს შორის გამოირჩა. გამარჯვებული მოსწავლეები კომპიუტერული ტექნიკისა და აქსესუარების სასაჩუქრე ბარათებით დაჯილდოვდნენ.

პლენარულ სხდომაზე, რომელსაც უმაღლესი საბჭოს თავმჯდომარე ჯემალ გამახარია უძღვებოდა, აფხაზეთის ა/რ განათლებისა და კულტურის მინისტრმა წინასწარ წერილობით დასმულ შეკითხვებს უპასუხა.

გიორგი ძაძამიამ დეპუტატებს სამინისტროს მიერ განხორციელებული და დაგეგმილი პროგრამებისა და ქვეპროგრამების, სოციალური მნიშვნელობის, კულტურული და სპორტული ღონისძიებების შესახებ მიაწოდა ინფორმაცია. ყურადღება გამახვილდა ისეთი პროექტების განხორციელების აუცილებლობაზე, რომლებიც ახალგაზრდების აფხაზეთის თემატიკით დაინტერესებას, საგანმანათლებლო დაწესებულებების მხარდაჭერას, პედაგოგების, დამსახურებული მეცნიერების, ხელოვანებისა და სპორტსმენების წახალისებას ისახავს მიზნად.

აღინიშნა, რომ სამინისტრო მუდმივად მხარს უჭერს შემეცნებით, კულტურულ და სპორტულ აქტივობებს, რომლებიც ორიენტირებულია აფხაზეთიდან დევნილ მოსწავლეებსა და ახალგაზრდებზე.

დეპუტატებმა მინისტრს მადლობა გადაუხადეს დეტალური და ამომწურავი პასუხებისთვის, დადებითად შეფასდა უწყების საქმიანობა, განსაკუთრებით აღინიშნა ,,აფხაზეთობის კვირეულის" წარმატებით განხორციელებაში განათლებისა და კულტურის სამინისტროს როლი.

სხდომას აფხაზეთის განათლებისა და კულტურის მინისტრის პირველი მოადგილე გური ბაქრაძე და მთავრობის აპარატის უფროსი გიორგი სუთიძე ესწრებოდნენ.

პროგრამის მიზანია დოქტორანტების, მეცნიერებისა და აკადემიური სფეროს წარმომადგენლების მხარდაჭერა, მათი საერთაშორისო აკადემიურ და სამეცნიერო სივრცეში ინტეგრაციის ხელშეწყობა, ასევე მაღალი კვალიფიკაციის მქონე სამეცნიერო და პედაგოგიური კადრების განვითარების წახალისება, ფინანსური მხარდაჭერა.

ქვეპროგრამის სამიზნე ჯგუფებს წარმოადგენენ აფხაზეთის მკვიდრი მეცნიერები და მაღალი აკადემიური მოსწრების დოქტორანტურის საფეხურის სტუდენტები.

დაფინანსება გაიცემა სამი მიმართულებით:

სამეცნიერო ნაშრომების გამოცემა და მეცნიერული კვლევების გამოქვეყნება (განაცხადები მიიღება მიმდინარე წლის 1 ნოემბრამდე);

ერთჯერადი სტიპენდია აკრედიტებული სადოქტორო პროგრამების დოქტორანტებისთვის (განაცხადები მიიღება 10 ივლისამდე);

სამეცნიერო დაწესებულებებისა და დამსახურებული მეცნიერების საიუბილეო თარიღების აღნიშვნის ფარგლებში, ფულადი პრემია და დიპლომები (განაცხადები მიიღება წლის ბოლომდე, ჯილდო გაიცემა საიუბილეო თარიღის აღნიშვნის ვადაში).

პროგრამის დეტალური აღწერა, ინფორმაცია საკონკურსო მოთხოვნების, შეფასების კრიტერიუმებისა და სავალდებულოდ წარსადგენი დოკუმენტაციის შესახებ იხილეთ ბმულზე  

დაინტერესებულ პირებს ვთხოვთ, გაეცნონ კონკურსის პირობებს და დადგენილ ვადებში წარმოადგინონ განაცხადები.

განაცხადის ფორმის შევსება შესაძლებელია აფხაზეთის მთავრობის ერთიან ელექტრონულ პორტალზე  

აფხაზეთის ავტონომიური რესპუბლიკის განათლებისა და კულტურის სამინისტროს განათლების ხელშეწყობის ქვეპროგრამის ,,პროფესიული უნარების განვითარების მხარდაჭერა სკოლებში” ფარგლებში, სსიპ აფხაზეთის N5 საჯარო სკოლაში პროექტი ,,წვეულების ორგანიზებისა და ფოტოგრაფიის სწავლება“ დაფინანსდა.

პრაქტიკული ღონისძიებების დაგეგმვისა და განხორციელების გზით, პროექტში ჩართულ მოსწავლეებს შესაძლებლობა ჰქონდათ, განევითარებინათ კომუნიკაციის, ბიუჯეტისა და რესურსების მართვის, ორგანიზაციული, კრეატიული უნარები, გაცნობოდნენ ფოტოგრაფიის თეორიულ და პრაქტიკულ საფუძვლებს, შეესწავლათ ფოტორედაქტირების საბაზისო პროგრამები და შეექმნათ საკუთარი პორტფოლიო. პროექტის ფარგლებში, სკოლა გადაღებისათვის საჭირო ინვენტარით, ფოტოკამერითა და სხვა ტექნიკური საშუალებებით აღიჭურვა.

შემაჯამებელ ღონისძიებაზე, რომელსაც აფხაზეთის განათლებისა და კულტურის მინისტრის პირველი მოადგილე გური ბაქრაძე ესწრებოდა, მოსწავლეთა საავატორო ნამუშევრები გამოიფინა და დაიდგა მინისპექტაკლი ,,ქალები, რომლებმაც ისტორია კადრად აქციეს“.

,,აფხაზეთის განათლებისა და კულტურის სამინისტროსათვის სკოლებისა და მოსწავლეების მხარდაჭერა, ხელშეწყობა და წახალისება ერთ-ერთი პრიორიტეტული მიმართულებაა, რასაც სამინისტრო მომავალშიც აქტიურად გააგრძელებს. ვულოცავ მეხუთე სკოლასა და მის მოსწავლეებს რამდენიმეკვირიანი სწავლების ძალიან საინტერესო ღონისძიებით დასრულებას. წარმოდგენილი ნამუშევრები და თეატრალური დადგმა ყველაზე კარგი ინდიკატორია ამ პროექტის წარმატებისა“, - აღნიშნა გური ბაქრაძემ.

თეატრალური წარმოდგენით მოსწავლეებმა ოთხი გამორჩეული ქალი ფოტოგრაფის ცხოვრებისა და შემოქმედების ისტორია გააცოცხლეს. ფოტონამუშევრების გამოფენაზე კი ახალგაზრდა ავტორების ხედვა, შემოქმედებითი ძიება და სამყაროს აღქმის მრავალფეროვანი ფორმები წარმოჩინდა.