აფხაზეთის ავტონომიური რესპუბლიკის მთავრობის ახალი თავმჯდომარე გიორგი ჯინჭარაძე აფხაზეთიდან იძულებით გადაადგილებულ წარმატებულ ახალგაზრდებს შეხვდა.

შეხვედრის მონაწილეებთან გიორგი ჯინჭარაძემ სამშვიდობო პროცესებში ახალგაზრდების განსაკუთრებულ როლზე ისაუბრა და აღნიშნა, რომ აფხაზეთის მთავრობისთვის დევნილი ახალგაზრდების მხარდაჭერა და მათი პოტენციალის სრულყოფილად რეალიზება ერთ-ერთი უმნიშვნელოვანესი პრიორიტეტია.

შეხვედრა კითხვა-პასუხის ფორმატში წარიმართა, სადაც მთავრობის თავმჯდომარემ ახალგაზრდებისგან წამოსული ინიციატივები, იდეები და ხედვები მოისმინა.

ღონისძიებაში აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი და აფხაზეთის განათლებისა და კულტურის მინისტრი ბექა ღვაჩლიანი მონაწილეობდნენ.

აფხაზეთიდან დევნილ ახალგაზრდებთან შეხვედრა ვალერი არქანიას სახელობის არტგალერეაში გაიმართა და მისი მიზანი ახალგაზრდების საჭიროებების მოსმენა, იდეების გაზიარება და სამომავლო გეგმების დასახვა იყო.

აფხაზეთის ავტონომიური რესპუბლიკის მთავრობის თავმჯდომარედ გიორგი ჯინჭარაძე დაინიშნა.

აფხაზეთის ავტონომიური რესპუბლიკის უმაღლესი საბჭოს დეპუტატებმა მთავრობის ახალ თავმჯდომარესა და მთავრობის წევრების შემადგენლობას ნდობა დღეს გამართულ სხდომაზე გამოუცხადეს.
 
გიორგი ჯინჭარაძემ უმაღლესი საბჭოს დეპუტატებს მთავრობის ახალი სამოქმედო გეგმა წარუდგინა.

„პირველ რიგში, მე მინდა დიდი მადლობა გადავუხადო საქართველოს პრემიერ-მინისტრს, ბატონ ირაკლი კობახიძეს, სამთავრობო გუნდს მხარდაჭერისა და ნდობის გამოცხადებისთვის. ეს ჩემთვის ძალიან დიდი მოტივაცია, პატივი და უდიდესი პასუხისმგებლობაა. ასევე მადლობას ვუხდი უმაღლესი საბჭოს დეპუტატებს მხარდაჭერისთვის.

ჩემთვის ძალიან კარგად და ზედმიწევნით ნაცნობია ჩვენი დევნილების პრობლემები. მე ამ სტრუქტურაში მუშაობის დიდი ხნის გამოცდილება მაქვს მიღებული, შესაბამისად შევეცდები ძალ-ღონე, დრო და ენერგია არ დავზოგო იმისთვის, რომ ჩვენ დევნილებისთვის შევქმნათ უკეთესი პირობები და ის გამოწვევები რაც მათ წინაშე დღეს დგას, მაქსიმალურად გადავჭრათ ჩვენი კომპეტენციის ფარგლებში“, - განაცხადა გიორგი ჯინჭარაძემ.

გიორგი ჯინჭარაძე წლების განმავლობაში საჯარო და კერძო სექტორში სხვადასხვა პოზიციებზე მუშაობდა. 2021-2024 წლებში იკავებდა აფხაზეთის ავტონომიური რესპუბლიკის ფინანსთა და ეკონომიკის მინისტრის მოადგილის, ხოლო შემდეგ აფხაზეთის განათლებისა და კულტურის მინისტრის პირველი მოადგილის თანამდებობებს. მთავრობისა თავმჯდომარედ დანიშვნამდე იყო საქართველოს განათლების, მეცნიერებისა და ახალგაზრდობის მინისტრის მოადგილე.

გიორგი ჯინჭარაძემ აფხაზეთის ავტონომიური რესპუბლიკის მთავრობის თავმჯდომარის თანამდებობაზე ლევან მგალობლიშვილი შეცვალა, რომელმაც აღნიშნული პოზიცია 2025 წლის 2 ივნისს დატოვა.

იწყება რეგისტრაცია უფასო STEM განათლების სისტემაზე დაფუძნებულ პროგრამაზე!

აფხაზეთის ავტონომიური რესპუბლიკის მომსახურების სააგენტო აცხადებს მიღებას STEM - განათლების სისტემაზე დაფუძნებულ 3 თვიან უფასო პროგრამაზე.

პროექტი ხორციელდება აფხაზეთის ავტონომიური რესპუბლიკის მომსახურების სააგენტოსა და STEM ინოვატორთა ასოციაციის ერთობლივი ორგანიზებით.პროექტის ფარგლებში, შესაბამისი სპეციალისტების მიერ წინასწარ გაწერილი კურიკულუმის საფუძველზე მოხდება ახალგაზრდების გადამზადება STEM - განათლების სისტემაზე დაფუძნებულ პროგრამაზე.

მონაწილეობის მიღება შეუძლიათ აფხაზეთიდან იძულებით გადაადგილებულ 14-დან 18 წლამდე ახალგაზრდებს, რომლებიც დაინტერესებულნი არიან თანამედროვე ტექნოლოგიებით, ინჟინერიით, მათემატიკით, მეცნიერებით და სურვილი აქვთ გაეცნონ სფეროში არსებულ შესაძლებლობებს.

მონაწილეთა შერჩევა მოხდება სამოტივაციო წერილის საფუძველზე.

სწავლების დაწყების სავარაუდო თარიღი 22 ივნისი.

რეგისტრაციის ბოლო ვადაა 16 ივნისი.

რეგისტრაციისთვის ეწვიეთ ბმულს: http://bit.ly/3ZLeatr

აფხაზეთის ავტონომიური რესპუბლიკის განათლებისა და კულტურის მინისტრის მოვალეობის შემსრულებელი ბექა ღვაჩლიანი რუსთაველის ეროვნული თეატრის სცენაზე გამართულ ანსამბლ „აფხაზეთის“ შემაჯამებელ კონცერტს – „ქორეონიკონს“ დაესწრო.

ანსამბლმა მაყურებელს ორმოქმედებიანი პროგრამა წარუდგინა, რომელიც სხვადასხვა კუთხის, სტილისა და ჟანრის მუსიკალურ-ქორეოგრაფიულ კომპოზიციებს. ქორეოგრაფიული ქრონიკების სახით წარმოდგენილი იყო ქართული საცეკვაო და მუსიკალური ფოლკლორის მრავალფეროვანი ნიმუშები.

პროგრამა მოიცავდა პოპულარულ ცეკვებს, მათ შორის: „ჩაკრულო“, „ჩანბა“, „განი და განა“, „ფანდური“, „შვანთე“, „კიი-ტოო“, „ვაჟა“, „მეგრული ცეკვა“, და „ქვორუმი“. ღონისძიებას მუსიკალურად მომღერალთა გუნდი „აფხაზეთი“ აფორმებდა.

კონცერტს საქართველოს კულტურის მინისტრი თინათინ რუხაძე, საქართველოს პარლამენტის თავმჯდომარის მოადგილე გიორგი ვოლსკი, ასევე აღმასრულებელი და საკანონმდებლო ხელისუფლების წარმომადგენლები ესწრებოდნენ.

გუნდთან და პრემიერ-მინისტრთან კონსულტაციის შემდეგ, მივიღე გადაწყვეტილება, დავტოვო თანამდებობა.

მინდა მადლობა გადავუხადო აფხაზეთის ავტონომიური რესპუბლიკის მთავრობის, სამინისტროების ყველა თანამშრომელს, უმაღლესი საბჭოს დეპუტატებს მხარდაჭერისთვის, იმ ათასობით დევნილს, რომელსაც პირადად შევხვდი ამ მოკლე დროში, მაგრამ ჩვენ შევძელით მცირედი, თუმცა ნაყოფიერი პროექტების განხორციელება.

მადლობა მხარდაჭერისთვის, მე ვრჩები თქვენთან როგორც ენგურს გაღმა, ასევე გამოღმა მცხოვრებ დროებით დევნილი მოქალაქეების უფლებების სადარაჯოზე.

ლევან მგალობლიშვილი

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი კონსტანტინე გამსახურდიას სახელობის სოხუმის სახელმწიფო დრამატული თეატრის წამყვან მსახიობს მერაბ ყოლბაიას და სოხუმის გიორგი რატიანის სახელობის მოზარდ მაყურებელთა თეატრის მსახიობს კახაბერ ჯოხაძეს შეხვდა და წარმატებული შემოქმედებითი მოღვაწეობისთვის სიმბოლური საჩუქრები გადასცა.

მსგავსი შეხვედრები მიზნად ისახავს საზოგადოების ცნობიერების ამაღლებას კულტურის სფეროში მოღვაწე ადამიანების როლის შესახებ, მათი შემოქმედების დაფასებას და მხარდაჭერას. მსგავსი ინიციატივები ხელს უწყობს კულტურული მემკვიდრეობის შენარჩუნებას, თაობათა შორის გამოცდილების გადაცემას და საზოგადოებაში კულტურული ღირებულებების გაძლიერებას.

შეხვედრას აფხაზეთის ავტონომიური რესპუბლიკის განათლებისა და კულტურის მინისტრის მოადგილე დავით მიქავა, კულტურის სპორტის და ახალგაზრდულ საქმეთა სააგენტოს დირექტორი ანეტა კიტია, აფხაზეთის ავტონომიური რესპუბლიკის განათლებისა და კულტურის სამინისტროს კულტურის, სპორტისა და ახალგაზრდული პოლიტიკის სამსახურის უფროსი კახა ძაძამია ესწრებოდნენ.

აღსანიშნავია, რომ მერაბ ყოლბაია წარმოშობით აფხაზეთიდანაა. მსახიობი 1985 წლიდან კონსტანტინე გამსახურდიას სახელობის სოხუმის სახელმწიფო დრამატული თეატრში მოღვაწეობს. მსახიობის რეჟისორულ ნამუშევართა შორისაა სპექტაკლები: „სხვა საქართველო სად არის?!“, „ორეული“ და „ვაჟიშვილი“, ხოლო „იქ, ჩვენთან“ მისი მეოთხე სპექტაკლია, რომელიც სოხუმის დრამატული თეატრის სცენაზე დაიდგა.

კახაბერ ჯოხაძემ თეატრალური მოღვაწეობა 2003 წელს დაიწყო და მას შემდეგ არაერთ თეატრთან უთანამშრომლია და ტელეპროექტებში მონაწილეობა მიუღია, მათ შორის ერთ-ერთი ცნობილი სერიალ – "შუა ქალაქში“. 2018 წლიდან დღემდე მსახიობი სოხუმის გიორგი რატიანის სახელობის მოზარდ მაყურებელთა თეატრის წევრია.

აფხაზეთის ა/რ სავაჭრო-სამრეწველო პალატამ, აფხაზეთის ფინანსთა და ეკონომიკის სამინისტროს მხარდაჭერით და პროგრამა "აწარმოე საქართველოში” თანამშრომლობით, აფხაზეთიდან დევნილ მეწარმე ანასტასია ფრუიძეს საერთაშორისო გამოფენაში მონაწილეობისათვის საჭირო ხარჯები დაუფინანსა.

2025 წლის 23-25 თებერვალს, მილანში გაიმართა MICAM / MIPEL - ფეხსაცმლისა და ტყავის ნაწარმის ერთ-ერთი უმნიშვნელოვანესი საერთაშორისო გამოფენა, რომელსაც ყოველწლიურად 42,000-ზე მეტი სტუმარი ჰყავს მსოფლიოს სხვადასხვა ქვეყნიდან.

გამოფენაში მონაწილეობდა ქართული ბრენდი „SummuS“. ანასტასია ფრუიძისთვის ეს იყო უნიკალური შესაძლებლობა, გაეცნო საერთაშორისო ბაზრის ტენდენციები, წარედგინა საკუთარი პროდუქცია და დაემყარებინა მნიშვნელოვანი საქმიანი კონტაქტები.

გამოფენა საუკეთესო ადგილია ახალი ტენდენციების, ინოვაციური მიმართულებების გასაზიარებლად და საერთაშორისო პარტნიორებთან თანამშრომლობის გასაფორმებლად.

აფხაზეთის ავტონომიური რესპუბლიკის ფინანსთა და ეკონომიკის მინისტრი ლაშა დოლბაძე საქართველოს საგარეო საქმეთა სამინისტროს ორგანიზებით დიასპორის დღისადმი მიძღვნილ ფორუმს - “დიასპორა სამშობლოსთვის - ტრადიცია, ერთიანობა, განვითარება” დაესწრო.

ღონისძიება საქართველოს საგარეო საქმეთა მინისტრმა მაკა ბოჭორიშვილმა გახსნა. ფორუმის სტუმრებს ასევე სიტყვით მიმართეს საქართველოს პრეზიდენტმა მიხეილ ყაველაშვილმა, პრემიერ-მინისტრმა ირაკლი კობახიძემ, პარლამენტის თავმჯდომარემ შალვა პაპუაშვილმა, საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ და საქართველოს პარლამენტის დიასპორისა და კავკასიის საკითხთა კომიტეტის თავმჯდომარე ირაკლი ზარქუამ.

ღონისძიებას ასევე აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის მთავრობის წევრები, აღმასრულებელი და საკანონმდებლო ხელისუფლების, დიასპორისა და საქართველოს ეკლესიის წარმომადგენლები ესწრებოდნენ.

ქართული დიასპორის დღისადმი მიძღვნილი ფორუმი ყოველწლიურად იმართება და მიზნად ისახავს სახელმწიფოსა და დიასპორას შორის კავშირებისა და თანამშრომლობის გაღრმავებას, არსებულ გამოწვევებსა და შესაძლებლობებზე მსჯელობას და ქვეყნის განვითარებაში დიასპორის წარმომადგენელთა როლის გაზრდას.

გახსნის ცერემონიის შემდეგ, ფორუმის ფარგლებში თემატური პანელები ჩატარდა.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი საქართველოს საგარეო საქმეთა სამინისტროს ორგანიზებით დიასპორის დღისადმი მიძღვნილ ფორუმს - “დიასპორა სამშობლოსთვის - ტრადიცია, ერთიანობა, განვითარება” დაესწრო.

ღონისძიება საქართველოს საგარეო საქმეთა მინისტრმა მაკა ბოჭორიშვილმა გახსნა. ფორუმის სტუმრებს ასევე სიტყვით მიმართეს საქართველოს პრეზიდენტმა მიხეილ ყაველაშვილმა, პრემიერ-მინისტრმა ირაკლი კობახიძემ, პარლამენტის თავმჯდომარემ შალვა პაპუაშვილმა,  საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ და საქართველოს პარლამენტის დიასპორისა და კავკასიის საკითხთა კომიტეტის თავმჯდომარე ირაკლი ზარქუამ.

ღონისძიებას ასევე აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის მთავრობის წევრები, აღმასრულებელი და საკანონმდებლო ხელისუფლების, დიასპორისა და საქართველოს ეკლესიის წარმომადგენლები ესწრებოდნენ.

ქართული დიასპორის დღისადმი მიძღვნილი ფორუმი ყოველწლიურად იმართება და მიზნად ისახავს სახელმწიფოსა და დიასპორას შორის კავშირებისა და თანამშრომლობის გაღრმავებას, არსებულ გამოწვევებსა და შესაძლებლობებზე მსჯელობას და ქვეყნის განვითარებაში დიასპორის წარმომადგენელთა როლის გაზრდას.

გახსნის ცერემონიის შემდეგ, ფორუმის ფარგლებში თემატური პანელები ჩატარდა.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, თელავში, სოხუმის ქუჩა №4-ში მდებარე დევნილთა განსახლების ობიექტში მცხოვრებ დევნილებს შეხვდა, მათ საჭიროებებს ადგილზე გაეცნო და განხორციელებული ინფრასტრუქტურული სამუშაოები დაათვალიერა.

აღნიშნულ მისამართზე მდებარე დევნილთა განსახლების ობიექტის სახურავის სრული რეაბილიტაცია აფხაზეთის ავტონომიური რესპუბლიკის იძულებით გადაადგილებულ პირთა სამინისტროს შუამდგომლობით, დევნილთა, ეკომიგრანტთა და საარსებო წყაროებით უზრუნველყოფის სააგენტომ განახორციელა.

მოქალაქეებისგან მიღებული ინფორმაციების და ადგილზე არსებული მდგომარეობის გათვალისწინებით, აფხაზეთის ავტონომიური რესპუბლიკის იძულებით გადაადგილებულ პირთა სამინისტრო, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივ ხელისუფლებასთან ერთად, თელავში მცხოვრები დევნილებისთვის საჭირო პროექტებს განახორციელებს.

შეხვედრაში, ასევე, მონაწილეობდნენ დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორი ზურაბ უტიაშვილი, სააგენტოს დირექტორის პირველი მოადგილე დავით ჯიქია, მოადგილე დავით გურამიშვილი და თელავის მუნიციპალიტეტის მერი ლევან ანდრიაშვილი.

„მადლობას ვუხდი ადგილობრივი თვითმმართველობის ორგანოებსა და დევნილთა, ეკომიგრანტთა და საარსებო წყაროებით უზრუნველყოფის სააგენტოს დევნილთა საჭიროებების მოგვარების საქმეში აქტიური ჩართულობისთვის. ჩვენი ერთობლივი მუშაობით არაერთი პრობლემატური, კრიტიკულად მნიშვნელოვანი საკითხების მოგვარება შევძელით და ამ მიმართულებით ვაგრძელებთ აქტიურ მუშაობას.“ - განაცხადა დავით ფაცაციამ.

აფხაზეთის ავტონომიური რესპუბლიკის განათლებისა და კულტურის მინისტრი ბექა ღვაჩლიანი, ზუგდიდში, მერაბ კოსტავას სახელობის პარკში, საქართველოს ეროვნული გმირის გურამ გაბესკირიას ბიუსტის გახსნას დაესწრო. მინისტრმა ბიუსტი გვირგვინით შეამკო და მის ხსოვნას პატივი მიაგო.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, სამეგრელო-ზემო სვანეთის სახელმწიფო რწმუნებული დავით ვერავა, საქართველოს განათლების, მეცნიერების და ახალგაზრდობის მინისტრის მოადგილე გიორგი ჯინჭარაძე, ზუგდიდის მუნიციპალიტეტის მერი მამუკა წოწერია, აფხაზეთის მთავრობის წევრები, აფხაზეთის მთავრობის აპარატის უფროსი დავით მორგოშია და ადგილობრივი ხელისუფლების წარმომადგენლები ესწრებოდნენ.

აღსანიშნავია, რომ ზუგდიდში მდებარე ეროვნულ გმირთა პარკში ასევე განთავსებულია მერაბ კოსტავას, ჟიული შარტავას, გენო ადამიას, მამია ალასანიას და 1924 წლის აჯანყების მონაწილეთა ბიუსტები და მემორიალები.

აფხაზეთის დღესთან დაკავშირებით, აფხაზეთის ავტონომიური რესპუბლიკის მთავრობის ორგანიზებით და საქართველოს საპატრიარქოს ჩართულობით, სამების საკათედრო ტაძრის ეზოში, წმინდა სვიმონ კანანელის სახელობის მშენებარე ბაზილიკის მიმდებარე ტერიტორიაზე საზეიმო ღონისძიება გაიმართა.

ღონისძიების ფარგლებში მოეწყო აფხაზეთიდან დროებით დევნილი მხატვრების ნამუშევრების გამოფენა და ფოტოგამოფენა, ახალგაზრდებისთვის ჩატარდა კალიგრაფიის მასტერკლასი. ასევე გაიმართა მოკლემეტრაჟიანი დოკუმენტური ფილმის ჩვენება და აფხაზეთის შემოქმედებითი კოლექტივების გალა-კონცერტი.

ღონისძიებას აფხაზეთის ავტონომიური რესპუბლიკის მთავრობის თავმჯდომარე ლევან მგალობლიშვილი, აფხაზეთის უმაღლესი საბჭოს თავმჯდომარე ჯემალ გამახარია, საქართველოს პარლამენტის თავმჯდომარის მოადგილე გიორგი ვოლსკი, სამხრეთ ოსეთის დროებითი ადმინისტრაციის ხელმძღვანელი თამაზ ბესტაევი, საქართველოს საკანონმდებლო ხელისუფლების წარმომადგენლები, აფხაზეთის მთავრობის წევრები, აფხაზეთის უმაღლესი საბჭოს დეპუტატები, სასულიერო პირები და აფხაზეთიდან დროებით დევნილი საზოგადოების წარმომადგენლები ესწრებოდნენ.

23 მაისი, სვიმონ კანანელის ხსენების დღე, აფხაზეთის დღედ სრულიად საქართველოს კათოლიკოს-პატრიარქის, მცხეთა–თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის, უწმინდესისა და უნეტარესის ილია II-ს ლოცვა-კურთხევით 2014 წელს დადგინდა.