აფხაზეთის ავტონომიური რესპუბლიკის იძულებით გადაადგილებულ პირთა მინისტრის მოადგილე იგორ კოპალიანი საბერძნეთში, კუნძულ როდოსზე სამუშაო ვიზიტის ფარგლებში, როდოსის მიტროპოლიტს კირილე II-ს შეხვდა და აფხაზეთიდან დევნილი ახალგაზრდებისთვის საერთაშორისო ბანაკის განხორციელების ხელშეწყობისა და მხარდაჭერისთვის მადლობა გადაუხადა.

სამუშაო ვიზიტის ფარგლებში, იგორ კოპალიანი ასევე შეხვდა ქალაქ როდოსის მერს ალექსანდრე კოლიადის. მხარეებმა პრიორიტეტულ მიმართულებებსა და თანამშრომლობის განვითარების საკითხებზე ისაუბრეს.

შეხვედრებში ასევე მონაწილეობდა აფხაზეთის უმაღლესი საბჭოს დეპუტატი ადა მარშანია.

შეხვედრების დასასრულს, მხარეებმა ერთმანეთს სიმბოლური საჩუქრები გადასცეს.