2015 წლის 14 ოქტომბერს აფხაზეთის ა/რ სოფლის მეურნეობის, გარემოს დაცვისა და ბუნებრივი რესურსების დეპარტამენტმა მონაწილეობა მიიღო გრ. რობაქიძის უნივერსიტეტში გამართულ ღონისძიებაში ,, დიასპორის საინფორმაციო დღე” . საინფორმაციო დღე ჩატარდა დიასპორის საკითხებში საქართველოს სახელმწიფო მინისტრის აპარატის, როგორც ,,საერთაშორისო დიასპორის ჩართულობის ალიანსის” ( IDEA) რეგიონალური პარტნიორის მიერ, ,,გლობალური დიასპორული კვირეული 2015″ ფარგლებში.
ღონიძიების მიზანი იყო საზოგადოებისა და დიასპორის წარმომადგენლების ინფორმირება ევროინტეგრაციის პროცესში, მიგრაციისა და დიასპორასთან დაკავშირებულ საკითხებზე. ღონიძიების ფარგლებში მოეწყო სამთავრობო, საერთაშორისო და არასამთავრობო ორგანიზაციების საინფორმაციო კუთხეები.
მაყურებელთა წინაშე წარსდგნენ ფოლკლორული ანსამბლები ქართული ეროვნული ცეკვებითა და სიმღერებით . გაიმართა ასპარეზობა ხრიდოლში.
გამოიფინა ქართული პროდუქცია. განსაკუთრებული მოწონება დაიმსახურა აფხაზეთის ა/რსოფლის მეურნეობის, გარემოს დაცვისა და ბუნებრივი რესურსების დეპარტამენტის მიერ წარმოდგენილმა სოფლის მეურნეობის პროდუქციამ.
