აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

COVID-19-ის გავრცელების პრევენციის მიზნით დევნილთა კომპაქტური ჩასახლების ობიექტებში დისპენსერები მონტაჟდება

აფხაზეთის ავტონომიური რესპუბლიკის მთავრობის ინიციატივითა და აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ორგანიზებით, დაავადებათა კონტროლისა და საზოგადოებრივი ჯანდაცვის ეროვნული ცენტრის მიერ ახალი კორონავირუსის (COVID-19) გავრცელების პრევენციის მიზნით შემუშავებული რეკომენდაციების გათვალისწინებით აფხაზეთიდან დევნილთა კომპაქტური ჩასახლების ობიექტებში ჰიგიენური საშუალებების დისპენსერები მონტაჟდება და ერთჯერადად სადიზინფექციო ხსნარი გადაეცემათ. ობიექტებზე სადეზინფექციო საშუალებების მიწოდება აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა სამინისტროს ტერიტორიული ორგანოების მიერ ხორციელდება.

შერჩეულ ობიექტებზე დისპენსერებისა და სადეზინფექციო ხსნარების გადაცემა უკვე დაწყებულია და ოქტომბრის ბოლომდე დასრულდება. პროგრამის ფარგლებში აფხაზეთის ავტონომიური რესპუბლიკის მთავრობის მიერ მთელი ქვეყნის მასშტაბით 120 ერთეული დისპენსერის მონტაჟი იგეგმება.