საგარეო საქმეთა სამინისტროში ევროკავშირის, გაერო-სა და ეუთო-ს თანათავმჯდომარეების მონაწილეობით ჟენევის საერთაშორისო მოლაპარაკებების 50-ე რაუნდის მოსამზადებელი შეხვედრა გაიმართა. შეხვედრას ქართული მხრიდან საგარეო საქმეთა მინისტრის მოადგილე ლაშა დარსალია ხელმძღვანელობდა. შეხვედრაში აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე მონაწილეობდა.

შეხვედრაზე ისაუბრეს საოკუპაციო რეჟიმის მიერ ცნობილი ქართველი ექიმის, ვაჟა გაფრინდაშვილის, უკანონო დაკავების საკითხზე, გალსა და ერგნეთში ინციდენტების პრევენციისა და მათზე რეაგირების მექანიზმების შეხვედრების დაუყოვნებლივ, ფუძემდებლური პრინციპების სრული დაცვით, აღდგენის აუცილებლობაზე. აქცენტი გაკეთდა ოკუპირებულ ტერიტორიებზე ეთნიკური ქართველების მიზანმიმართულ დისკრიმინაციასა და მშობლიურ ენაზე განათლების აკრძალვაზე.

საქართველოს დელაგაციის წარმომადგენლებმა ყურადღება გაამახვილეს რუსეთის ფედერაციის მიერ საქართველოს ოკუპირებული ტერიტორიების ფაქტობრივი ანექსიისკენ მიმართულ ნაბიჯებზე, აფხაზეთისა და ცხინვალის რეგიონებში მიმდინარე უკანონო მილიტარიზაციასა და სამხედრო წვრთნებზე. განსაკუთრებული სიმწვავით დაისვა არჩილ ტატუნაშვილის, გიგა ოთხოზორიასა და დავით ბაშარულის მკვლელობის საქმეებზე მართლმსაჯულების აღსრულების მნიშვნელობა.

საქართველოს დელეგაციის წარმომადგენელთა მხრიდან აღინიშნა, რომ რუსეთის ფედერაცია და მისი საოკუპაციო რეჟიმები აგრძელებენ ადამიანის უფლებების თემით მანიპულირებას და ჰუმანიტარული საკითხების პოლიტიზირებას.

თავის მხრივ, თანათავმჯდომარეებმა შეშფოთება გამოთქვეს ბოლოს დროს ადგილზე გართულებული მდგომარეობის გამო და ხაზი გაუსვეს შექმნილი რთული ვითარების გადაჭრის აუცილებლობას.

ჟენევის მოლაპარაკებების 50-ე რაუნდი 2019 წლის 10-11 დეკემბერს გაიმართება.

წყალტუბოში აფხაზეთის ა/რ მთავრობის პარტნიორობით და იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ ში აფხაზეთის ა/რ მთავრობის წარმომადგენლობის ჩართულობით  აიპ სამშენებლო კოლეჯმა "კონსტრუქტ 2"  აფხაზეთიდან დევნილ ახალგაზრდებთან შეხვედრა გამართა. კოლეჯის პროფორიენტაციისა და კარიერის დაგეგმვის მენეჯერმა თეონა გაბუნიამ აღნიშნა, რომ კოლეჯში სწავლა უფასოა და სამშენებლო მიმართულების მოკლევადიაანი მომზადების პროგრამები  მოიცავს როგორც თეორიულ, ასევე ანაზღაურებადი პრაქტიკის  კომპონენტს. წარმატებული კურსდამთავრებულები "m2" -ის უძრავი ქონების "შვილობილი კომპანიის ბკ კონსტრაქშენის" მშენევბლობაზე საქმდებიან.

კოლექჯის მიზანია მომზადების პროგრამებში ჩართონ აფხაზეთიდან იძულებით გადაადგილებული პირები, რათა მომზადდეს მაღალკვალიფიციური და სერთიფიცირებული კადრები სამშენებლო კომპანიაში დასაქმებისათვის.

შეხვედრას ესწრებოდნენ აფხაზეთის ა/რ მთავრობის თავმჯდომარის მრჩეველი ნანა გოგოხია, აფხაზეთის ა/რ მთავრობის საზოგადოებასთან ურთიერთობის სამსახურის წარმომადგენელი მარი ზაქარაია, იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ ში აფხაზეთის ა/რ მთავრობის წარმომადგენლობის ხელმძღვანელი ზაზა ჩაჩავა და წარმომადგენლობის თანამშრომლები.

სრულიად საქართველოს კათოლიკოს-პატრიარქს, მცხეთა-თბილისის მთავარეპისკოპოსს, ბიჭვინთისა და ცხუმ-აფხაზეთის მიტროპოლიტს, უწმინდესსა და უნეტარესს ილია II-ს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე და იუსტიციისა და სამოქალაქო თანასწორობის საკითხებში აფხაზეთის ავტონომიური რესპუბლიკის მინისტრი დავით ფაცაცია ოჯახის წევრებთან ერთად  ესტუმრნენ.  მისმა უწმინდესობამ დალოცა სტუმრები, სამშობლოსათვის კვლავაც ერთგული მსახურება და წარმატებული ცხოვრება უსურვა.

წყალტუბოს რაიონის სოფ. გუმბრინის სკოლას, გარდაცვალებიდან 27 წლის შემდეგ, აფხაზეთის ომის გმირის გოჩა წულაიას სახელი მიენიჭა. შეკრებილებმა ისაუბრეს გოჩა წულაიას საბრძოლო პოზიციებზე გამოჩენილ გმირობასა და საქართველოს ტერიტორიული მთლიანობისათვის დაცვის საქმეში შეტანილ წვლილზე. გუმბრინის სკოლის აღსაზრდელებმა გოჩა წულაიას ხსოვნისადმი მიღძვნილი ღონისძიება წარმოადგინეს და აფხაზეთისადმი მიძღვნილი ლექსები წაიკითხეს.

ღონისძიებას ესწრებოდნენ საქართველოს პარლამენტის წევრი გენადი მარგველაშვილი, წყალტუბოს მუნიციპალიტეტის მერი გრიგოლ იოსელიანი, მერის მოადგილე ალექსანდრე დადუნაშვილი, საკრებულოს თავმჯდომარის მოვალეობის შემსრულებელი პაატა ახალაძე, აფხაზეთის ა/რ უმაღლესი საბჭოს თავმჯდომარე ჯემალ გამახარია, იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ ში აფხაზეთის ა/რ მთავრობის წარმომადგენლობის ხელმძღვანელის მოადგილე ნათია კოპალიანი.

მოწვეულმა სტუმრებმა ომში გმირულად დაღუპულის საფლავი ყვავილებით შეამკეს.

აფხაზეთის ავტონომიური რესლუბლიკის მთავრობის თავმჯდომარის მოვალეობის შემსრულებელი რუსლან აბაშიძე ქალაქ ბაღდათში მცხოვრებ აფხაზეთიდან იძულებით გადაადგილებულ პირებს შეხვდა. შეხვედრაზე დევნილებმა მთავრობის წარმომადგენლებს მათ წინაშე არსებულ პრობლემურ საკითხებზე მიაწოდეს ინფორმაცია. მთავრობის თავმჯდომარემ და მთავრობის წარმომადგენლებმა ისაუბრეს ჯანდაცვის, განათლებისა და სხვა სფეროებში სამომავლოდ დაგეგმილ პროექტებსა და გეგმებზე რომლებიც დევნილთა თვითდასაქმებას და სოციალურ-ეკონომიკური მდგომარეობის გაუმჯობესებას შეუწყობს ხელს.

დღესვე, რუსლან აბაშიძე ბაღდათის მუნიციპალიტეტის მერ არჩილ გოგსაძეს შეხვდა. შეხვედრაზე ისაუბრეს ბაღდათში მცხოვრებ დევნილთა საჭიროებებზე და სამომავლო თანამშრომლობაზე შეთანხმდნენ.

შეხვედრებში იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის მოადგილე დავით მიქავა, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა და ადგილობრივი ხელისუფლების წარმომადგენლები მონაწილეობდნენ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ბაღდათის მუნიციპალიტეტში მცხოვრებ დევნილებს შეხვდა. შეხვედრაზე იმსჯელეს დევნილთა წინაშე არსებულ პრობლემებზე და  მათი  მოგვარების გზებზე.  რუსლან აბაშიძე ასევე,  ბაღდათის მუნიციპალიტეტის მერს არჩილ გოგოსაძეს და საკრებულოს თავმჯდომარეს შალვა მშვილდაძეს შეხვდა. შეხვედრაზე ისაუბრეს მუნიციპალურ და სოციალურ  პროგრამებში დევნილთა ჩართულობის საკითხებზე.  

შეხვედრაში იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის მოადგილე დავით მიქავა, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა, წარმომადგენლობის თანამშრომლები და ბაღდათის მუნიციპალიტეტის გამგეობის სოციალური სამსახურის უფროსი სპეციალისტი ნუნუ ჩაბრავა  მონაწილეობდნენ.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე ხონში, სამხედრო დასახლებაში მცხოვრებ დევნილებს შეხვდა. ის ადგილობივი ხელისუფლების წარმომადგენლებთან ერთად გაეცნო დევნილთა პრობლემებს და იმსჯელეს მათი ერთობლივად მოგვარების გზებზე. რუსლან აბაშიძემ მოსახლეობას მიაწოდა ინფორმაცია იმ პროგრამების შესახებ, რომელიც მთავრობის ხელშეწყობით ხორციელდება.  მთავრობის თავმჯდომარე ადგილზე გაეცნო ხონის #2 ბაგა-ბაღში და #4 საჯარო სკოლაში მიმდინარე სარემონტო სამუშაოებს, რომელიც დევნილ ბავშვებს მოემსახურება.

შეხვედრაში იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის მოადგილე დავით მიქავა, ხონის მუნიციპალიტეტის მერი ლადო ჯურხაძე, მერის პირველი მოადგილე გერასიმე მჟავანაძე, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა და ხონის დევნილთა საინიციატივო ჯგუფის წარმომადგენელი ბაჩანა ბასილაია მონაწილეობდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე ქალაქ ხონში, ყოფილ სამხედრო დასახლებაში მცხოვრებ აფხაზეთიდან იძულებით გადაადგილებულ პირებს შეხვდა. მთავრობის თავმჯდომარე აფხაზეთის ავტონომიური რესპუბლიკის მთავრობისა და ადგილობრივი ხელისუფლების წარმომადგენლებთან ერთად გაეცნო კომპაქტურ ჩასახლებაში არსებულ პრობლემურ საკითხებს, დევნილი მოსახლეობის საჭიროებებს და ადგილობრივი მუნიციპალიტეტის წარმომადგენლებთან ერთად მათი მოგვარების გზებზე იმსჯელეს. რუსლან აბაშიძემ დევნილ მოსახლეობას იმ პროგრამების შესახებ მიაწოდა ინფორმაცია, რომლებიც აფხაზეთის მთავრობის ხელშეწყობით ხორციელდება.  

რუსლან აბაშიძე ხონის მუნიციპალიტეტის მერ ლადო ჯურხაძესთან  ერთად გაეცნო ხონის №2 ბაგა-ბაღში მიმდინარე სარეაბილიტაციო სამუშაოებს, რომლის დასრულების შემდეგაც ბაღი ძირითადად აფხაზეთიდან დევნილ ბავშვებს მოემსახურება. ასევე მოინახულეს ხონის №4 საჯარო სკოლაში მიმდინარე სარემონტო სამუშაოები, სადაც 200-მდე დევნილი მოსწავლე სწავლობს.

შეხვედრაში იუსტიციისა და სამოქალაქო ინტეგრაციის საკითხებში აფხაზეთის ავტონომიური რესპუბლიკის მინისტრი დავით ფაცაცია, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის მოადგილე დავით მიქავა, ხონის მუნიციპალიტეტის მერის პირველი მოადგილე გერასიმე მჟავანაძე, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა და ხონის დევნილთა საინიციატივო ჯგუფის წარმომადგენელი ბაჩანა ბასილაია მონაწილეობდნენ.

დღეს, ქუთაისში, საერთაშორისო ორგანიზაცია "Hilfswerk Internacional"  თავის პარტნიორ ორგანიზაციებთან ასოციაცია "თანხმობა" და "მეწარმე ქალთა ფონდთან" ერთად, პროექტის "ნაბიჯ ნაბიჯ უკეთესი მომავლისაკენ" ფარგლებში მატერიალური მხარდაჭერის კონკურსში გამარჯვებული ბენეფიციარების დაჯოლდოების ცერემონიალი გაიმართა. ღონისძიებაზე წარმოდგენილ იქნა მატერიალური მარდაჭერის პროგრამის პირველი და მეორე ეტაპის ფარგლებში გამარჯვებული ბიზნეს იდეები. პროექტის მხარდამჭერები არიან ევროკავშირისა და ავსტრიის განვითარების სააგენტო და ითვალისწინებს იმერეთის რეგიონის პრობაციონერებისა და ყოფილი მსჯავრდებულების რეინტეგრაციას საზოგადოებასა და დასაქმების ბაზარზე. გამოვლენილ 9 გამარჯვებულ ბიზნეს იდეას შორის, ერთი აფხაზეთიდან დევნილი მოქალაქეა. გამარჯვებულ ბენეფიციარებს გადაეცათ სერთიფიკატები და ბიზნესის განხორციელებისათვის შეძენილი ინვენტარი. ღონისძიებას ესწრებოდნენ ადგილობრივი და საერთაშორისო ორგანიზაციების, სახელმწიფო სტრუქტურის წარმომადგენლები, მათ შორის იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ - ში აფხაზეთის ა/რ -ის მთავრობის წარმომადგენლობის ხელმძღვანელის მოადგილე ნათია კოპალიანი.

საქართველოს პარლამენტის თავმჯდომარემ არჩილ თალაკვაძემ, საქართველოს პარლამენტის პლენარულ სხდომაზე 2020 წლის საქართველოს ბიუჯეტის პროექტის განხილვისას, მიმართა საქართველოს ფინანსთა მინისტრს, გაითვალისწინოს აფხაზეთის მთავრობის წინადადება რესპუბლიკური ბიუჯეტის ზრდასთან დაკავშირებით.

დღეს, ჩვენს წინაშე მდგარი გამოწვევები ითხოვს სწრაფ და ადექვატურ რეაგირებას, რისთვისაც საჭიროა საბიუჯეტო რესურსების მიზნობრივი მიმართვა. აღნიშნულ კონტექსტში საგულისხმოა, რომ ტრანსფერის გაზრდა საშუალებას მოგვცემს გავზარდოთ აფხაზეთის ავტონომიური რესპუბლიკის მთავრობის საქმიანობის პროგრამული ნაწილი, რომელიც თავის მხრივ ხელს შეუწყობს ოკუპირებულ ტერიტორიაზე მცხოვრებ და დევნილი მოსახლეობას აგრარულ და ბიზნეს საქმიანობაში ჩართულობას, განათლებისა და კულტურის სფეროს განვითარებას, ჯანმრთელობისა და სოციალური დაცვის პროგრამების გაძლიერებას, სამოქალაქო ინტეგრაციას და მაქსიმალურად იქნება მორგებული აფხაზეთის საზოგადოების საჭიროებებზე. იმედს გამოვთქვამ, რომ პარლამენტის თავმჯდომარის გაჟღერებული ინიციატივა მხარდაჭერილი იქნება საქართველოს აღმასრულებელი ხელისუფლების მიერ.

მიმდინარე წლის 16 ოქტომბრიდან 8 ნოემბრის ჩათვლით, აფხაზეთის ა/რ ფინანსთა და დარგობრივი ეკონომიკის სამინისტროს ორგანიზებით, აფხაზეთის ა/რ მთავრობის სისტემის თანამშრომლებისთვის საქართველოს ფინანსთა სამინისტროს აკადემიის მიერ ჩატარდა ტრენინგი თემაზე: „საბიუჯეტო ორგანიზაციების ბუღალტრული ანგარიშგება“ტრენინგის მიზანი იყო მსმენელების ცოდნისა და კვალიფიკაციის ამაღლება, უტყუარი და ზუსტი ფინანსური ანგარიშგების შესადგენად. კურსის მსვლელობისას განხილულ იქნა შემდეგი საკითხები:

• ავტონომიური რესპუბლიკის საბიუჯეტო ორგანიზაციების ინდივიდუალური ბუღალტრული ანგარიშგების მომზადება;
• ავტონომიური რესპუბლიკის საბიუჯეტო ორგანიზაციების ნაერთი (კონსოლიდირებული) ბუღალტრული ანგარიშგების მომზადება;
• საბიუჯეტო ორგანიზაციების ბუღალტრული აღრიცხვის წარმოება და  სამუშაო ანგარიშთა გეგმის სტრუქტურა, ნაერთი (კონსოლიდირებული) ბუღალტრული ანგარიშგების მიზნებისთვის;
• ბიუჯეტის შესრულების და ბუღალტრული ანგარიშგების შესაბამისობის უზრუნველყოფა;
• ბუღალტრული ანგარიშგების ანალიზი და შეფასების  კრიტერიუმები.

საქართველოს მხატვართა კავშირმა, აფხაზეთის ავტონომიური რესპუბლიკის განათლებისა და კულტურის სამინისტროსა და აფხაზეთის კულტურისა და ხელოვნების ცენტრის მხარდაჭერით, ვალერი არქანიას სახელობის არტ-გალერეაში, თანამედროვე ქართველი მხატვრის − დავით ბაძაღუას ფერწერული ნამუშევრების პერსონალური გამოფენა − „აფხაზეთიდან აფხაზეთამდე“ გამართა.

დავით ბაძაღუა განსაკუთრებული ხელწერით გამორჩეული მხატვარია, იგი არის საქართველოს მხატვართა კავშირის წევრი და აფხაზეთის ავტონომიური რესპუბლიკის მხატვართა კავშირის თავმჯდომარე. გამოფენაზე წარმოდგენილი იყო მხატვრის მიერ ბოლო 2 წლის განმავლობაში შექმნილი ფერწერული ნამუშევრები.

საქართველოს პარლამენტის ტერიტორიული მთლიანობის აღდგენისა და დეოკუპაციის საკითხებთან დაკავშირებული დროებითი კომისიის სხდომაზე ოკუპირებული აფხაზეთის გალის რაიონში განათლების სფეროში არსებული მდგომარეობის შესახებ ინფორმაცია მოისმინეს.

დეპუტატებს ინფორმაცია შერიგებისა და სამოქალაქო თანასწორობის საკითხებში სახელმწიფო მინისტრის მოადგილე ლია გიგაურმა და აფხაზეთის ავტონომიური რესპუბლიკის განათლების სამინისტროს გალის რესურსცენტრის ხელმძღვანელმა ნონა შონიამ მიაწოდეს.

სხდომაზე ისაუბრეს ოკუპირებულ ტერიტორიებზე მცხოვრები ეთნიკურად ქართველი მოსახლეობისთვის განათლების მშობლიურ ენაზე მიღების აკრძალვით შექმნილ მძიმე ვითარებაზე. ასევე, აფხაზეთის საგანმანათლებლო სივრცეში ქართული და აფხაზური ენის შეზღუდვებთან და რუსული ენის დომინანტობასთან დაკავშირებულ საკითხებზე.

დღესვე, დახურული სხდომის ფორმატში ხელისუფლების მხრიდან გადადგმულ ნაბიჯებზე მოისმინეს ინფორმაცია.

სხდომას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე, აფხაზეთის ავტონომიური რესპუბლიკის უმაღლესი საბჭოს თავმჯდომარე ჯემალ გამახარია, აფხაზეთის ავტონომიური რესპუბლიკის განათლებისა და კულტურის მინისტრი როლანდ ნიჟარაძე ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი რუსლან აბაშიძე საქართველოში იაპონიის საგანგებო და სრულუფლებიან ელჩ ტადაჰარუ უეჰარას შეხვდა. შეხვედრა გაცნობით ხასიათს ატარებდა.

რუსლან აბაშიძემ იაპონიის ელჩს მადლობა გადაუხადა მისი ქვეყნის მხრიდან საქართველოს ტერიტორიული მთლიანობის მხარდაჭერისათვის და ოკუპირებულ აფხაზეთში არსებული ვითარების შესახებ ინფორმაცია მიაწოდა.

მთავრობის თავმჯდომარემ იაპონელ დიპლომატთან ისაუბრა აფხაზეთის ავტონომიური რესპუბლიკის მთავრობის საქმიანობის შესახებ, ასევე, იაპონიის საელჩოს მხარდაჭერით სოფლის მეურნეობის სფეროში განხორციელებულ პროექტებზე, კერძოდ, სოფელ რუხში მოწყობილ სასათბურე მეურნეობაზე, სადაც აფხაზეთიდან დევნილები არიან დასაქმებულნი. შეხვედრაზე მხარეებმა სამომავლო თანამშრომლობის გაგრძელების სურვილი გამოთქვეს.

ელჩმა კიდევ ერთხელ დაადასტურა იაპონიის მთავრობის მტკიცე მხარდაჭერა საქართველოს სუვერენიტეტის და ტერიტორიული მთლიანობის პოლიტიკის მიმართ.

შეხვედრას იაპონიის საგანგებო და სრულუფლებიანი ელჩის მრჩეველი მასატაკა ობატა და აფხაზეთის ავტონომიური რესპუბლიკის მთავრობის აპარატის საერთაშორისო ურთიერთობათა, ანალიტიკისა და პროტოკოლის დეპარტამენტის უფროსი დავით გახარია ესწრებოდნენ.

✅ქ. ფოთში განსახლებულ დევნილთა რიგით მეორე კონფერენციაზე დევნილთა გრძელვადიანი საცხოვრებელი ფართით უზრუნველყოფისათვის ბინათმშენებლობის განსახლების, სოციალური მდგომარეობის და მათი საცხოვრებელი პირობების გაუმჯობესების შესახებ იმსჯელეს, ასევე საქართველოს ტერიტორიების დეოკუპაციის, დევნილთა მამა-პაპისეულ საცხოვრისში ღირსეულად დაბრუნების საკითხები განიხილეს.

✅კონფერენცია მიზნად ისახავდა ფოთში განსახლებულ დევნილთა ყოფითი პრობლემების შესწავლას, განზოგადებას, მათი გადაწყვეტის გზების მოძიებასა და რეალიზებას, ამასთანავე დევნილი მოსახლეობის მიმდინარე პრობლემებზე ისაუბრეს დევნილებმა. ამავე დღეს შედგა შეხვედრა ფოთის მუნიციპალიტეტის საკრებულოს წევრებთან და მერიის ხელმძღვანელობასთან, სადაც იმსჯელეს ძირითადი პრობლემების თაობაზე, რომელიც დგას დევნილი მოსახლეობის წინაშე. აქვე დაისახა მისი გადაჭრის და სამომავლო ერთობლივი ღონისძიებათა გეგმა.

✅კონფერენციის მუშაობაში და შეხვედრებში მონაწილეობა მიიღეს აფხაზეთის ა/რ -ის უმაღლესი საბჭოს თავმჯდომარემ ჯემალ გამახარიამ, უმაღლესი საბჭოს წევრმა თეიმურაზ მჟავიამ, აფხაზეთის ავტონომიური რესპუბლიკიდან იძულებით გადაადგილებულ პირთა-დევნილთა მინისტრის პირველმა მოადგილემ გურამ მისაბიშვილმა, სამეგრელო-ზემო სვანეთის წარმომადგენლობის ხელმძღვანელმა რეზო ქობალიამ, არასამთავრობო ორგანიზაციებისა და საზოგადოებრივი ორგანიზაციის წარმომადგენლებმა.