2026-07-23 |
მთავრობის აპარატი
გიორგი ჯინჭარაძე სამედიცინო ცენტრ „აფხაზეთის“ ქსელში შემავალი კლინიკების მენეჯერებს შეხვდა
აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე სამედიცინო ცენტრ „აფხაზეთის“ ქსელში შემავალი კლინიკების მენეჯერებს შეხვდა.
შეხვედრაზე მთავრობის თავმჯდომარემ სამედიცინო დაწესებულებებში არსებული გამოწვევები განიხილა, კლინიკების თანამედროვე სტანდარტებთან მაქსიმალური დაახლოებისა და დევნილი ბენეფიციარებისთვის მაღალი ხარისხის სერვისების შეთავაზების საკითხებზე ისაუბრა.
შეხვედრას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ბესიკ კუსიდი და სამედიცინო ცენტრ „აფხაზეთის“ გენერალური დირექტორი ნათია ფარცვანია ესწრებოდნენ.
სამედიცინო ცენტრი „აფხაზეთი“ საქართველოს მასშტაბით 11 ფილიალს აერთიანებს, რომელიც აფხაზეთიდან დევნილი მოსახლეობისთვის ხელმისაწვდომი და ხარისხიანი სამედიცინო სერვისების მიწოდებას უზრუნველყოფს.