2026-01-27 |
მთავრობის აპარატი
გიორგი ჯინჭარაძე ეროვნული არქივის პავილიონში გამართულ გამოფენას დაესწრო
ეროვნული არქივის საგამოფენო პავილიონში საქართველოში ქრისტიანობის სახელმწიფო რელიგიად გამოცხადებიდან 1700 წლის იუბილესადმი მიძღვნილი ექსპოზიცია გაიხსნა, რომელსაც აფხაზეთის ავტონომიური რესპუბლიკის მთავრობის თავმჯდომარე გიორგი ჯინჭარაძე, აფხაზეთის იუსტიციისა და სამოქალაქო ინტეგრაციის მინისტრ ალიონა ჩხოტუასთან ერთად დაესწრო.
ღონისძიება საქართველოს იუსტიციის მინისტრმა პაატა სალიამ და ეროვნული არქივის გენერალურმა დირექტორმა თეონა იაშვილმა გახსნეს.
გამოფენაზე წარმოდგენილი იყო ეროვნული არქივის ექსპედიციებში გადაღებული ფოტოები, რომლებიც საქართველოში წმინდა ნინოს მოღვაწეობას უკავშირდება. ასევე ეროვნულ არქივში დაცული ქართლის მოქცევასთან დაკავშირებული ხელნაწერები და ფოტომასალა.