2026-06-07 |
განათლებისა და კულტურის სამინისტრო
სოხუმის დრამატული თეატრში ,,მე, ბებია, ილიკო და ილარიონის" პრემიერა შედგა
სოხუმის დრამატული თეატრის სცენაზე ნოდარ დუმბაძის ,,მე, ბებია, ილიკო და ილარიონის" პრემიერა გაიმართა. სპექტაკლი სოხუმის გიორგი რატიანის სახელობის მოზარდ მაყურებელთა თეატრის დასმა დადგა.
პრემიერას აფხაზეთის ავტონომიური რესპუბლიკის განათლებისა და კულტურის მინისტრის პირველი მოადგილე გური ბაქრაძე, აფხაზეთის ფინანსთა და ეკონომიკის მინისტრის მოადგილე მიხეილ ანჩაბაძე და უმაღლესი საბჭოს დეპუტატი ნუგზარ მგალობლიშვილი დაესწრნენ. მოწვეულ სტუმრებს შორის იყო ნოდარ დუმბაძის ქალიშვილი მანანა დუმბაძე.
მაია ჩართოლანის რეჟისორობით დადგმული ნამუშევარი გაჯერებული იყო დუმბაძისთვის დამახასიათებელი გურული იუმორით, ადამიანური ურთიერთობებით, სიკეთითა და ბევრი ემოციით.
სპექტაკლი თბილისის მერიისა და შემოქმედებითი საქართველოს ფინანსური ხელშეწყობით დაიდგა.