14 აგვისტოს, აფხაზეთში შეიარაღებული კონფლიქტის დაწყებიდან 27 წელი გავიდა. ამ დღესთან დაკავშირებით, აფხაზეთის ავტონომიური რესპუბლიკის აფხაზეთიდან იძულებით გადაადგილებულ პირთა - დევნილთა მინისტრის მოადგილემ დავით მიქავამ და გიორგი ბულისკერიამ მთავრობის წევრებთან და დევნილ საზოგადოებასთან ერთად გმირთა მემორიალზე საქართველოს ტერიტორიული მთლიანობისთვის ბრძოლაში დაღუპულთა ხსოვნას პატივი მიაგეს.