2019-09-22 |
განათლებისა და კულტურის სამინისტრო
აფხაზეთის ა/რ განათლებისა და კულტურის სამინისტრომ ზუგდიდში მცხოვრებ დევნილ ახალგაზრდებს სპორტული ინვენტარი გადასცა
აფხაზეთის ავტონომიური რესპუბლიკის განათლებისა და კულტურის სამინისტრომ, სპორტისა და ახალგაზრდულ საქმეთა სამსახურის ორგანიზებით, ქალაქ ზუგდიდსა და მის მიმდებარე ტერიტორიაზე მოქმედ აფხაზეთიდან დევნილ სპორტულ გუნდებს (რაგბის, ფეხბურთის) და ე. წ. „ვექტორის“ კომპაქტურ ჩასახლებაში მცხოვრებ დევნილ ახალგაზრდებს სპორტული ინვენტარი გადასცა.
დევნილ ახალგაზრდებს სპორტული ინვენტარი დაურიგეს: აფხაზეთის ავტონომიური რესპუბლიკის უმაღლესი საბჭოს თავმჯდომარემ ჯემალ გამახარიამ, აფხაზეთის ავტონომიური რესპუბლიკის განათლებისა და კულტურის მინისტრმა როლანდ ნიჟარაძემ, გალის რაიონის საგანმანათლებლო რესურსცენტრის უფროსმა ნონა შონიამ და სამინისტროს სპორტისა და ახალგაზრდულ საქმეთა სამსახურის უფროსმა ვიტალი ბენდელიანმა.
