აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით კოპიტნარის დევნილთა და სენაკის სამხედრო დასახლებაში, აფხაზეთიდან დევნილებს უფასო სამედიცინო გამოკვლევები ჩაუტარდათ.

პროგრამის ფარგლებში ბენეფიციარებს ჩაუტარდათ შემდეგი მომსახურეობები:

▶ენდოკრინულ დაავადებათა სკრინინგი:
• ენდოკრინოლოგის კონსულტაცია;

▶მხედველობის სკრინინგი:
• ოფთალმოლოგის კონსულტაცია;
• სათვალის რეცეპტის გაცემა (საჭიროების შემთხვევაში).

▶პედიატრის კონსულტაცია;

▶სისხლი მიმოქცევის სისტემის სკრინინგი
• კარდიოლოგის კონსულტაცია;
• ეკგ.

▶ნევროლოგის კონსულტაცია;

▶ოჯახის ექიმის კონსულტაცია;

▶რადიოლოგიური კვლევა;

გამოკვლევებში საქართველოს წამყვანი კლინიკების ექიმ-სპეციალისტები მონაწილეობდნენ. სამედიცინო მომსახურეობა ახალი კორონავირუსის გავრცელების საპრევენციო ღონისძიებების გათვალისწინებით, სანიტარულ-ჰიგიენური ნორმების და შესაბამისი რეკომენდაციების სრული დაცვით მიმდინარეობდა.

პროგრამის მიმდინარეობას აფხაზეთის ჯანმრთელობისა და სოციალური დაცვის მინისტრი ლევან ჩაკვეტაძე, აფხაზეთის დევნილთა სამინისტროს იმერეთის ტერიტორიული ორგანოს ხელმძღვანელის მოადგილე თენგიზ ლეშკაშელი, აფხაზეთის დევნილთა სამინისტროს სამეგრელო ზემო-სვანეთის ტერიტორიული ორგანოს ხელმძღვანელი კოტე ბასარია და აფხაზეთის ჯანმრთელობისა და სოციალური დაცვის სამინისტროს წარმომადგენლები ესწრებოდნენ.

სამედიცინო გასინჯვები სოციალური მხარდაჭერის პროგრამის „აფხაზეთიდან იძულებით გადაადგილებულ პირთა მრავალპროფილური სკრინინგული კვლევის კომპონენტის“ ფარგლებში გაიმართა და მისი მიზანია აფხაზეთიდან იძულებით გადაადგილებულ პირთა, მათ შორის, ბავშვთა და მოზრდილთა, ჯანმრთელობის მდგომარეობის სხვადასხვა დარღვევათა ადრეული დიაგნოსტიკა და შემდგომი მკურნალობის ტაქტიკის განსაზღვრა.

შეხვედრაში აფხაზეთის მთავრობის თავმჯდომარის მოადგილე ანზორ მარგიანი, აფხაზეთიდან იძულებით გადაადგილებულ პირთა-დევნილთა მინისტრი დავით ფაცაცია, პარლამენტის რეგიონული პოლიტიკისა და თვითმმართველობის კომიტეტის თავმჯდომარე სოზარ სუბარი, „ქართული ოცნების“ ზუგდიდის მერობის კანდიდატი მამუკა წოწერია და სახელმწიფო რწმუნებულის მოადგილეები მონაწილეობდნენ.
შეხვედრის მონაწილეებმა დევნილთა მიმართულებით დაგეგმილ, მიმდინარე და განხორციელებულ პროექტებსა და პროგრამებზე ისაუბრეს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე საქართველოში ჩეხეთის რესპუბლიკის საგანგებო და სრულუფლებიან ელჩ პეტრ მიკისკას შეხვდა.

რუსლან აბაშიძემ ჩეხ დიპლომატს ოკუპირებულ აფხაზეთში ბოლო დროს განვითარებული მოვლენების შესახებ ინფორმაცია მიაწოდა. მთავრობის თავმჯდომარემ განსაკუთრებული ყურადღება გაამახვილა გალის რაიონის სკოლებში ქართულ ენაზე განათლების მიღების აკრძალვაზე.

შეხვედრის მონაწილეებმა ჩეხეთის მთავრობის ხელშეწყობით სოფლის მეურნეობის და ჯანდაცვის სფეროებში მიმდინარე და განხორციელებულ პროექტებზე ისაუბრეს. მხარეებმა, ასევე, სამომავლო თანამშრომლობის შესაძლებლობები განიხილეს.

შეხვედრას საქართველოში ჩეხეთის საელჩოს განვითარების სააგენტოს ხელმძღვანელი იანა ზელინგეროვა და აფხაზეთის ავტონომიური რესპუბლიკის მთავრობის აპარატის საერთაშორისო ურთიერთობათა და პროტოკოლის დეპარტამენტის უფროსი დავით გახარია ესწრებოდნენ.

დევნილ მოსახლეობასთან მორიგი შეხვედრები გაიმართა იმერეთის რეგიონში. რუსლან აბაშიძე წყალტუბოში, ხონსა და თერჯოლაში აფხაზეთიდან იძულებით გადაადგილებულ პირებს შეხვდა.

გრძელდება შეხვედრები აფხაზეთიდან იძულებით გადაადგილებულ პირებთან თბილისში. აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე აჭარის ქუჩაზე კომპაქტურად ჩასახლებულ დევნილებს შეხვდა.

აფხაზეთის კულტურის, სპორტისა და ახალგაზრდობის საქმეთა სააგენტოსა და საკალათბურთო კლუბ „ცხუმ-აფხაზეთს“ შორის ურთიერთთანამშრომლობის მემორანდუმი გაფორმდა. მემორანდუმს ხელი მოაწერეს სააგენტოს დირექტორმა ლიკა კვარაცხელიამ და კლუბ „ცხუმ-აფხაზეთის“ პრეზიდენტმა ზვიად ანთაძემ.

მემორანდუმის პირობები ითვალისწინებს ერთობლივი პროექტების განხორციელებას, აფხაზეთიდან დევნილ ახალგაზრდებში ჯანსაღი ცხოვრების  წესის პოპულარიზაციას, ხელშეწყობას და საკალათბურთო ტურნირებსა თუ აქტივობებში მათ მაქსიმალურად ჩართვას.

პარტნიორობის საბოლოო მიზანია კალათბურთის ბავშვთა აკადემიის ჩამოყალიბება, რათა სამომავლოდ  მთავარი კლუბი სწორედ ამ აკადემიისა და მისი გუნდების ბაზაზე შეივსოს.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და განათლებისა და კულტურის მინისტრი ეკა ხოფერია საქართველოს განათლებისა და მეცნიერების მინისტრის პირველ მოადგილე ეკატერინე დგებუაძეს და შერიგებისა და სამოქალაქო თანასწორობის საკითხებში სახელმწიფო მინისტრის მრჩეველ ლია გიგაურს შეხვდნენ. შეხვედრის მონაწილეებმა სამომავლო ერთობლივი პროექტები განიხილეს.

სამუშაო შეხვედრაზე ზოგადი განათლების მიმართულებით საქართველოს კონტროლირებად ტერიტორიაზე არსებული საჯარო სკოლების მოსწავლეებისა და მასწავლებლების პროფესიული მხარდაჭერის კუთხით სამომავლო პროექტების განხორციელების გზებზე იმსჯელეს. საუბარი შეეხო ასევე უმაღლესი განათლების მოსამზადებელი  პროგრამების განვითარებას.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე რუსთავში მცხოვრებ აფხაზეთიდან იძულებით გადაადგილებულ პირებს შეხვდა.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით ბათუმში, თამარის დასახლების საოჯახო მედიცინის ცენტრში, აფხაზეთიდან იძულებით გადაადგილებულ პირებს უფასო სამედიცინო გამოკვლევები ჩაუტარდათ. პროგრამის მიმდინარეობას აფხაზეთის ჯანმრთელობისა და სოციალური დაცვის მინისტრი ლევან ჩაკვეტაძე და ბათუმის მერის მოვალეობის შემსრულებელი ლელა სურმანიძე ესწრებოდნენ.

დევნილებს ენდოკრინულ დაავადებათა და მხედველობის სკრინინგი (საჭიროების შემთხვევაში სათვალის რეცეპტის გაცემა), სისხლის მიმოქცევის სისტემის სკრინინგი, რადიოლოგიური კვლევა და სხვადასხვა პროფილის ექიმ-სპეციალისტის კონსულტაცია ჩაუტარდათ. დანიშნულების შესაბამისად, პროგრამის ბენეფიციარებს საჭირო მედიკამენტები გადაეცათ.

გამოკვლევებში საქართველოს წამყვანი კლინიკების ექიმ-სპეციალისტები მონაწილეობდნენ. სამედიცინო აქცია ახალი კორონავირუსის გავრცელების საპრევენციო ღონისძიებების გათვალისწინებით, სანიტარულ-ჰიგიენური ნორმების და შესაბამისი რეკომენდაციების სრული დაცვით მიმდინარეობდა.

პროგრამის ფარგლებში ბათუმში, ასევე, იმყოფებოდნენ აფხაზეთის დევნილთა სამინისტროს იმერეთის ტერიტორიული ორგანოს ხელმძღვანელი ნათია კოპალიანი და აფხაზეთის ჯანმრთელობისა და სოციალური დაცვის სამინისტროს წარმომადგენლები.

სამედიცინო გასინჯვები სოციალური მხარდაჭერის პროგრამის „აფხაზეთიდან იძულებით გადაადგილებულ პირთა მრავალპროფილური სკრინინგული კვლევის კომპონენტის“ ფარგლებში გაიმართა და მისი მიზანია აფხაზეთიდან იძულებით გადაადგილებულ პირთა, მათ შორის, ბავშვთა და მოზრდილთა, ჯანმრთელობის მდგომარეობის სხვადასხვა დარღვევათა ადრეული დიაგნოსტიკა და შემდგომი მკურნალობის ტაქტიკის განსაზღვრა.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე წყალტუბოში იძულებით გადაადგილებული ოჯახებისთვის ბინების გადაცემის ღონისძიებას დაესწრო.

საქართველოს მთავრობის დაფინანსებით წყალტუბოში დევნილი ოჯახებისთვის 8 საცხოვრებელი კორპუსის მშენებლობის პროექტი განხორციელდა. დღეიდან 420 ოჯახი ახალ, საერთაშორისო სტანდარტების შესაბამისად აშენებულ სახლებში იცხოვრებს. ოჯახებს საცხოვრებელი ბინები სრული რემონტით ჩაბარდათ. მოეწყო მისასვლელი გზები, გამწვანების ზოლი და ბავშვებისთვის განკუთვნილი სპეციალური სივრცე. საცხოვრებელი ბინები სრულად ადაპტირებულია შეზღუდული შესაძლებლობების მქონე პირებისთვის.

მშენებლობა რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მიერ განხორციელდა.