აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ექსპოზიციის - „აფხაზეთის მოზაიკა“ განხორციელებასთან დაკავშირებით სამუშაო შეხვედრა გაიმართა

აფხაზეთის ავტონომიური რესპუბლიკის განათლებისა და კულტურის სამინისტროში ქვეპროგრამის - „ექსპოზიცია: აფხაზეთის მოზაიკა“ განხორციელებასთან დაკავშირებით სამუშაო შეხვედრა გაიმართა. შეხვედრაში მონაწილეობდნენ აფხაზეთის ავტონომიური რესპუბლიკის განათლებისა და კულტურის მინისტრი ეკა ხოფერია, საქართველოს კულტურული მემკვიდრეობის დაცვის სააგენტოს დირექტორის მოადგილე დავით ლომიტაშვილი, სააგენტოს თანამშრომელი სალომე ხმიადაშვილი, ხელოვნების კურატორი ნინი ფალავანდიშვილი, ქართული მოზაიკის და გამოყენებითი დიზაინის მხარდაჭერისა და განვითარების ფონდის „რიბირაბოს“ თანადამფუძნებლები: ნატალია ამირეჯიბი-დე პიტა, ირინა კოჩაკი და ლუზინ ბარდონი, ასევე სამინისტროს თანამშრომლები.
 
შეხვედრაზე ისაუბრეს აფხაზეთის მოზაიკის მნიშვნელობასა და საზოგადოებისთვის მისი გაცნობის გზებზე.
 
დასასრულ შეთანხმდნენ, შეიქმნას საგანგებო ჯგუფი, რომელიც ქართული მოზაიკური ხელოვნებისათვის, რომლის განუყოფელი ნაწილიცაა აფხაზეთის მოზაიკა, კულტურული მემკვიდრეობის სტატუსის მინიჭების საკითხზე იმუშავებს.