აფხაზეთის ავტონომიური რესპუბლიკის ფინანსთა და ეკონომიკის სამინისტროს დარგობრივი პოლიტიკის სამმართველოს უფროსმა სპეციალისტმა, მარინე ზუხბაიამ, მონაწილეობა მიიღო გაეროს სურსათისა და სოფლის მეურნეობის ორგანიზაციის (FAO) მიერ ქვეყნის მასშტაბით გამართულ იდეების კონკურსში – „კლიმატგონივრული სოფლის მეურნეობა“.
კონკურსზე მარინე ზუხბაიამ წარადგინა იდეა – „ოკუპირებულ ტერიტორიაზე კლიმატგონივრული სოფლის მეურნეობის განვითარება“, რომელიც დაფუძნებული იყო თამაზ ცინარიძის ინოვაციურ ხედვაზე – „ბიოელექტროქიმიური არეების გამოყენება სოფლის მეურნეობაში“.
წარმოდგენილმა იდეამ მაღალი შეფასება დაიმსახურა და სერტიფიკატით აღინიშნა, რაც კიდევ ერთხელ უსვამს ხაზს კლიმატგონივრული მიდგომების მნიშვნელობას ოკუპირებულ ტერიტორიებზე სოფლის მეურნეობის განვითარების პროცესში.
ფინანსთა და ეკონომიკის სამინისტრო
