აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

ახალი ამბები
აფხაზეთის იძულებით გადაადგილებულ პირთა სამინისტროსა და ბათუმის სახელმწიფო საზღვაო აკადემიასთან ურთიერთთანამშრომლობის მემორანდუმი გაფორმდა

მემორანდუმს ხელი მოაწერეს აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ და ბათუმის სახელმწიფო საზღვაო აკადემიის რექტორმა მურთაზ დევაძემ.

მემორანდუმის ფარგლებში, მხარეები შეთანხმდნენ აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი ახალგაზრდების ბათუმის სახელმწიფო საზღვაო აკადემიაში აკრედიტირებულ საგანმანათლებლო პროგრამებზე უფასოდ სწავლებისა და შემდგომში მათი დასაქმების ხელშეწყობაზე.

აკრედიტირებული საგანმანათლებლო პროგრამები, რომლებიც ბათუმის სახელმწიფო საზღვაო აკადემიაში ისწავლება შესაძლებლობას მისცემს სხვადასხვა ასაკის აფხაზეთიდან დევნილ ახალგაზრდებს დაეუფლონ თანამედროვე შრომის ბაზარზე მოთხოვნად პროფესიებს.

შეხვედრის ბოლოს დავით ფაცაციამ მადლობა გადაუხადა ბათუმის სახელმწიფო საზღვაო აკადემიის რექტორს, ბატონ მურთაზ დევაძეს თანადგომისა და აფხაზეთიდან დევნილი ახალგაზრდების სხვადასხვა პროფესიების დაუფლებაში მხარდაჭერისთვის.

 

 

დავით ფაცაციამ დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლებთან სამუშაო შეხვედრა გამართა

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ დევნილთა, ეკომიგრანტთა და საარსებო წყაროებით უზრუნველყოფის სააგენტოს დირექტორ ზურაბ უტიაშვილთან სამუშაო შეხვედრა გამართა.

შეხვედრაზე მხარეებმა პრიორიტეტულ მიმართულებებზე, უკვე არსებულ პარტნიორობასა და შემდგომი თანამშრომლობის განვითარების საკითხებზე ისაუბრეს. მხარეებმა მზადყოფნა გამოთქვეს აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოსახლეობის საჭიროებებზე ორიენტირებული ღონისძიებების ერთობლივად განხორციელების მიზნით თანამშრომლობის კიდევ უფრო გაღრმავების თაობაზე.

აღსანიშნავია, რომ დევნილთა, ეკომიგრანტთა და საარსებო წყაროებით უზრუნველყოფის სააგენტოს აქტიური ჩართულობითა და მხარდაჭერით, აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ არაერთი სოციალური და ინფრასტრუქტურული პროექტი განახორციელა.

შეხვედრას აფხაზეთის ავტონომიური რესპუბლიკის იძულებით გადაადგილებულ პირთა სამინისტროს და დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლები ესწრებოდნენ.

შეხვედრას აფხაზეთის ავტონომიური რესპუბლიკის იძულებით გადაადგილებულ პირთა სამინისტროს და დევნილთა, ეკომიგრანტთა და საარსებო წყაროებით უზრუნველყოფის სააგენტოს წარმომადგენლები ესწრებოდნენ.

 

დავით ფაცაციამ აფხაზეთიდან დევნილ მოქალაქეებთან მორიგი ინდივიდუალური შეხვედრები გამართა

დავით ფაცაციამ  აფხაზეთიდან  იძულებით გადაადგილებულ პირებთან მორიგი ინდივიდუალური შეხვედრები გამართა.

დევნილმა მოქალაქეებმა მინისტრს, მათ წინაშე მდგარ საჭიროებებსა და  საცხოვრებელი ადგილების ინფრასტრუქტურის მოწესრიგების საკითხებზე მიაწოდეს ინფორმაცია.

,,აფხაზეთიდან დევნილი მოქალაქეებისგან საჭიროებების შესახებ ინფორმაციების მიღება და გადაჭრის გზებზე ერთობლივი მუშაობა, ძალიან მნიშვნელოვანია ქმედითი და ეფექტური პროექტების განხორციელებისათვის.

ამ მიზნით ჩვენ სისტემატურად ვხვდებით აფხაზეთიდან იძულებით გადაადგილებულ პირებს, უშუალო კომუნიკაციით ვიღებთ ინფორმაციებს მათ წინაშე მდგარი საჭიროებების შესახებ, რომლის გათვალისწინებით, არაერთი სოციალური და ინფრასტრუქტურული პროექტი განვახორციელეთ და ვაგრძელებთ ამ ფორმატით მუშაობას." - დავით ფაცაცია

 

 

აფხაზეთიდან იძულებით გადაადგილებულ პირებს „ვივამედში“ სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებითა და ორგანიზაცია „ქართული ოცნება ჯანმრთელი მომავალის“ მხარდაჭერით, სამედიცინო ცენტრ „ვივამედში“ აფხაზეთიდან დევნილი მოქალაქეებისთვის უფასო სამედიცინო აქცია მოეწყო.

აქციის ფარგლებში, აფხაზეთიდან იძულებით გადაადგილებულ პირებს სამედიცინო ცენტრ „ვივამედში“ სხვადასხვა პროფილის მაღალკვალიფიციური ექიმ-სპეციალისტის კონსულტაცია და კვლევები ჩაუტარდათ.

გამოკვლევების მიმდინარეობას აფხაზეთის ავტონომიური რესპუბლიკის იძულებით გადაადგილებულ პირთა სამინისტროს თანამშრომლები ესწრებოდნენ.

 

 

 

დავით ფაცაციამ ქ. რუსთავი, ბოსტანქალაქი №1 მისამართზე მდებარე დევნილთა განსახლების ობიექტზე მიმდინარე ინფრასტრუქტურული სამუშაოები დაათვალიერა

ქ. რუსთავი, ბოსტანქალაქი №1 მისამართზე მდებარე დევნილთა განსახლების ობიექტის სარეაბილიტაციო სამუშაოები, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ინფრასტრუქტურული პროგრამის ფარგლებში მიმდინარეობს.

დავით ფაცაციამ ალილოს სადღესასწაულო მსვლელობაში მონაწილეობა მიიღო

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ, აფხაზეთის მთავრობის თავმჯდომარის მოადგილე ანზორ მარგიანთან და აფხაზეთის მთავრობის წარმომადგენლებთან ერთად, ალილოს სადღესასწაულო მსვლელობაში მიიღო მონაწილეობა.

აფხაზეთის მთავრობის წარმომადგენლებმა, ტრადიციულად, საშობაო ალილოს მსვლელობის მონაწილეებს საშობაო ნობათები გადასცეს, რომელიც ბავშვთა სახლებსა და უმწეოთა თავშესაფრებს გადაეცემათ.

თეატრალიზებული სადღესასწაულო მსვლელობა პირველი რესპუბლიკის მოედნიდან დაიწყო და წმინდა სამების საკათედრო ტაძარში დასრულდა. მსვლელობაში აფხაზეთის №2 და №3 საჯარო სკოლების მოსწავლეები მონაწილეობდნენ.

 

დავით ფაცაციამ რეგიონში მცხოვრებ აფხაზეთიდან დევნილებს საახალწლო ნობათები პირადად გადასცა

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის უმაღლესი საბჭოს წევრებთან, სამინისტროსა და ადგილობრივი ხელისუფლების წარმომადგენლებთან ერთად, სამეგრელო-ზემო სვანეთისა და იმერეთის რეგიონებში მცხოვრებ, აფხაზეთიდან დევნილ მოქალაქეებს შეხვდა და საახალწლო ნობათები გადასცა.

„ვცდილობთ ძალიან ხშირად ვიყოთ აფხაზეთიდან დევნილ მოქალაქეებთან, გავიზიაროთ მათ წინაშე მდგარი გამოწვევები და მინდა, რომ თითოეულ მათგანს ჩვენი იმედი ჰქონდეს.

განსაკუთრებით მახარებს, წყალტუბოში, კოპიტნარის ბაგა-ბაღში აფხაზეთიდან დევნილ ბავშვებთან თბილი შეხვედრა და მათთვის საახალწლო განწყობის შექმნაში მონაწილეობის მიღება.

ჩვენთვის ძალიან მნიშვნელოვანია ყურადღების გამოჩენა აფხაზეთიდან დევნილი მოქალაქეების მიმართ, განსაკუთრებით კი წინასაახალწლო დღეებში, როცა ყოველ ოჯახს დამატებით უამრავი საჭიროება უჩნდება.

თითოეული დევნილი იმსახურებს უკეთეს ცხოვრებას ერთიან და ძლიერ საქართველოში და მე გულწრფელად მწამს, რომ მომავალი წელი იქნება ჩვენს სახლ-კარში დაბრუნების წელი.“ - დავით ფაცაცია

 

დავით ფაცაცია აფხაზური ცენტრის - „მესხი ახალგაზრდები ერთობისათვის“ გახსნიდან ერთი წლისთავისადმი მიძღვნილ ღონისძიებას დაესწრო

დავით ფაცაცია,  სამცხე-ჯავახეთის სახელმწიფო უნივერსიტეტში აფხაზური ცენტრის - „მესხი ახალგაზრდები ერთობისათვის“ გახსნიდან ერთი წლისთავისადმი მიძღვნილ ღონისძიებას დაესწრო.

სამცხე-ჯავახეთის სახელმწიფო უნივერსიტეტში აფხაზური ცენტრი „მესხი ახალგაზრდები ერთობისათვის“ სამცხე-ჯავახეთის სახელმწიფო უნივერსიტეტისა და ქართველთა და აფხაზთა ერთობის საზოგადოების ,,ერთობა ხვალისთვის“ ორგანიზებით გაიხსნა.

ღონისძიების დაწყებამდე აფხაზეთის ავტონომიური რესპუბლიკის  იძულებით გადაადგილებულ პირთა მინისტრი დავით ფაცაცია, აფხაზურ ცენტრში აფხაზური ენის სწავლების სალექციო პროცესს დაესწრო , რის შემდეგაც ცენტრის წევრებმა ერთწლიანი საქმიანობის ანგარიში და იმპროვიზებული ლიტერატურულ-მხატვრული პროგრამა წარადგინეს.

 ღონისძიების ფარგლებში, ცენტრის მოქმედი წევრები და ესეების კონკურსში მონაწილე მოსწავლეები საზეიმოდ დაჯილდოვდნენ.

 

დავით ფაცაციამ აღმოსავლეთ საქართველოში მდებარე დევნილთა განსახლების ობიექტებში შექმნილ ბინათმესაკუთრეთა ამხანაგობების წარმომადგენლებს სამინისტროს მიერ 2023 წელს გაწეული საქმიანობის ანგარიში წარუდგინა

 

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა დავით ფაცაციამ აღმოსავლეთ საქართველოში მდებარე დევნილთა განსახლების ობიექტებში შექმნილ ბინათმესაკუთრეთა ამხანაგობების წარმომადგენლებს სამინისტროს მიერ 2023 წელს გაწეული საქმიანობის ანგარიში წარუდგინა. ანგარიშს აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე დაესწრო.

პრეზენტაციის შემდეგ, აფხაზეთის მთავრობის წარმომადგენლებმა დევნილთა განსახლების ობიექტებში შექმნილ ბინათმესაკუთრეთა ამხანაგობების წარმომადგენლების შეკითხვებს უპასუხეს.

"შეხვედრაზე, რომელსაც დევნილთა განსახლების ადგილებში შექმნილი ბინათმესაკუთრეთა ამხანაგობის 500-ზე მეტი თავმჯდომარე ესწრებოდა, დევნილ მოქალაქეებს გავაცანი აფხაზეთის ავტონომიური რესპუბლიკის იძულებით გადაადგილებულ პირთა სამინისტროს მიერ სოციალური, ინფრასტრუქტურული და სამოქალაქო სერვისების მიმართულებებით გაწეული საქმიანობა.

აფხაზეთიდან დევნილი მოქალაქეების საჭიროებებზე მორგებული პროექტების დაგეგმვისა და განხორციელების მიზნით, მთელი ქვეყნის მასშტაბით შევხვდით დევნილთა განსახლების ობიექტების ბინათმესაკუთრეთა ამხანაგობების თავმჯდომარეებს, რომელშიც მონაწილეობა მიიღო აფხაზეთიდან დევნილმა 2000-ზე მეტმა მოქალაქემ.

კმაყოფილებით მინდა აღვნიშნო, რომ შეხვედრების შედეგად, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივ ხელისუფლებასთან აქტიური თანამშრომლობით, არაერთი სოციალური და ინფრასტრუქტურული პროექტი განვახორციელეთ.

აფხაზეთიდან დევნილთა წინაშე მდგარი ყველა გამოწვევის მოგვარება მცირე დროში ძალიან რთულია, თუმცა ჩვენი პირველი ამოცანა და მიზანი არის, უმოკლეს დროში დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივი ხელისუფლების აქტიური ჩართულობითა და მხარდაჭერით, შევძლოთ აფხაზეთიდან დევნილი მოსახლეობის წინაშე არსებული ძირითადი კრიტიკული საკითხების მოგვარება.

ჩვენი სამინისტროს ძირითად პრიორიტეტს აფხაზეთიდან დევნილი მოსახლეობის სოციალური და ინფრასტრუქტურული მდგომარეობის გაუმჯობესება წარმოადგენს. ამ მიზნით მათთან უშუალო კომუნიკაცია, ასევე, შეხვედრების შედეგების გაცნობა ძალიან მნიშვნელოვანია და ასეთი ტიპის კომუნიკაციას აქტიურად გავაგრძელებთ." - დავით ფაცაცია

 

დავით ფაცაცია სამეგრელო-ზემო სვანეთის რეგიონში მდებარე დევნილთა განსახლების ობიექტებში შექმნილ ბინათმესაკუთრეთა ამხანაგობების წარმომადგენლებს შეხვდა და სამინისტროს საქმიანობის ანგარიში წარუდგინა

ზუგდიდში გამართულ სამინისტროს საქმიანობის ანგარიშის პრეზენტაციაზე, მინისტრმა დავით ფაცაციამ აფხაზეთიდან დევნილ მოქალაქეებს გააცნო აფხაზეთის ავტონომიური რესპუბლიკის იძულებით გადაადგილებულ პირთა სამინისტროს მიერ სოციალური, ინფრასტრუქტურული, დევნილთა მხარდაჭერისა და სამოქალაქო სერვისების მიმართულებებით განხორციელებული საქმიანობა.

დავით ფაცაციამ დეტალურად ისაუბრა დევნილთა და ოკუპირებულ ტერიტორიაზე ლეგიტიმურად მცხოვრებთა მხარდაჭერის, დევნილთა საცხოვრებლებში მცირე ფასიანი და გადაუდებელი სარემონტო სამუშაოების უზრუნველყოფის, ბინათმესაკუთრეთა მხარდაჭერის, დევნილთა განსახლების ობიექტებში სარემონტო-აღდგენითი სამუშაოების ჩატარების უზრუნველყოფის, აფხაზეთიდან დევნილი შეჭირვებული მოსახლეობისათვის სარემონტო/სამშენებლო მასალებით დახმარების, დევნილთა სამართლებრივი მხარდაჭერის პროგრამების ფარგლებში, განხორციელებულ და მიმდინარე პროექტებზე.

„კმაყოფილებით მინდა აღვნიშნო, რომ დევნილთა განსახლების ადგილებში არსებული პრობლემების ნაწილი ჩვენს მიერ, დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივ ხელისუფლებასთან აქტიური თანამშრომლობით მოგვარებულია. მათ შორის, სამეგრელო-ზემო სვანეთის რეგიონში ინფრასტრუქტურული პროექტები დევნილთა განსახლების 39 ობიექტში განხორციელდა. არაერთი აფხაზეთიდან დევნილი უზრუნველყოფილ იქნა ერთჯერადი ფულადი დახმარებითა და დროებითი საცხოვრებლით.

პრეზენტაციის დასასრულს, ბინათმესაკუთრეთა ამხანაგობების წარმომადგენლების შეკითხვებს ვუპასუხე. ჩვენი სამინისტროს ძირითად პრიორიტეტს აფხაზეთიდან დევნილი მოსახლეობის სოციალური და ინფრასტრუქტურული მდგომარეობის გაუმჯობესება წარმოადგენს. ამ მიზნით მათთან უშუალო კომუნიკაცია, ასევე, შეხვედრების შედეგების გაცნობა ძალიან მნიშვნელოვანია და ასეთი ტიპის ურთიერთობებს აქტიურად გავაგრძელებთ.“ - დავით ფაცაცია.

 

დავით ფაცაციამ აფხაზეთიდან დევნილ მოქალაქეებს - 2023 -წლის საქმიანობის ანგარიში წარუდგინა

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში მდებარე დევნილთა განსახლების ობიექტებში შექმნილ ბინათმესაკუთრეთა ამხანაგობების წარმომადგენლებს შეხვდა და სამინისტროს საქმიანობის ანგარიში წარუდგინა.

ქუთაისში გამართულ სამინისტროს საქმიანობის ანგარიშის პრეზენტაციაზე, მინისტრმა დავით ფაცაციამ დეტალურად ისაუბრა ინფრასტრუქტურის, სოციალური კეთილდღეობის, სამოქალაქო სერვისებისა და დევნილთა მხარდაჭერის მიმართულებებით სამინისტროს მიერ განხორციელებულ საქმიანობაზე.

„აფხაზეთიდან დევნილთა წინაშე მდგარი ყველა გამოწვევის მოგვარება მცირე დროში ძალიან რთულია, თუმცა ჩვენი პირველი ამოცანა და მიზანი არის, რომ მომავალი წლის პირველ ნახევარში, დევნილთა, ეკომიგრანტთა და საარსებო წყაროებით უზრუნველყოფის სააგენტოს და ადგილობრივი ხელისუფლების აქტიური ჩართულობითა და მხარდაჭერით, შევძლოთ აფხაზეთიდან დევნილი მოსახლეობის წინაშე არსებული ძირითადი კრიტიკული საკითხების მოგვარება.

მოქალაქეებთან სისტემატური კომუნიკაცია, მათი საჭიროებების ადგილზე გაცნობა და გადაჭრის გზებზე ერთობლივი მუშაობა, ძალიან მნიშვნელოვანია ქმედითი და ეფექტური პროექტების განხორციელებისათვის. სწორედ ამ მიზნით, მთელი ქვეყნის მასშტაბით, ვხვდებით სხვადასხვა რეგიონების ბინათმესაკუთრეთა ამხანაგობების თავმჯდომარეებს.

შეხვედრებზე მიღებული ინფორმაციების გათვალისწინებით, არაერთი სოციალური და ინფრასტრუქტურული პროექტი განვახორციელეთ და მნიშვნელოვანია თითოეულმა ჩვენმა აფხაზეთიდან დევნილმა მოქალაქემ იცოდეს შედეგები, რაც მათთან კომუნიკაციას მოჰყვა.

სწორედ ამ მიზნით გადავწყვიტეთ, პირველ რიგში, რეგიონებში, დევნილთა განსახლების ადგილებში შექმნილი ბინათმესაკუთრეთა ამხანაგობებისთვის წარგვედგინა ის პროექტები, რომლებიც სამინისტრომ აფხაზეთის ავტონომიური რესპუბლიკიდან იძულებით გადაადგილებულ პირთა წინაშე მდგარი გამოწვევების გადაჭრის მიზნით განახორციელა.

სწორი და პირდაპირი კომუნიკაციის წყალობით ჩვენ შევძელით აჭარის ავტონომიურ რესპუბლიკასა და იმერეთის რეგიონში მდებარე დევნილთა განსახლების 38 ობიექტზე ინფრასტრუქტურული პროექტების განხორციელება, არაერთი აფხაზეთიდან დევნილი უზრუნველყოფილ იქნა ერთჯერადი ფულადი დახმარებითა და დროებითი საცხოვრებლით, სხვადასხვა სამოქალაქო სერვისით.

აქტიურად გავაგრძელებთ ჩვენს დევნილ მოსახლეობასთან შეხვედრებს, პირველ რიგში, იმისთვის, რომ უშუალო კომუნიკაციით მივიღოთ ინფორმაცია მათი საჭიროებების შესახებ და გავაცნოთ ის შედეგები, რაც მათთან კომუნიკაციას მოჰყვა.

პრეზენტაციის დასასრულს, ბინათმესაკუთრეთა ამხანაგობების წარმომადგენლების შეკითხვებს ვუპასუხე. ჩვენ მხოლოდ ერთობლივი ძალისხმევით შევძლებთ ერთიანი და ძლიერი საქართველოს მშენებლობას, ამაში კი თითოეული ჩვენგანის ჩართულობა და როლი მნიშვნელოვანია.“ - დავით ფაცაცია

 

დავით ფაცაციამ ჩინეთის სახალხო რესპუბლიკის წარმომადგენლებთან სამუშაო შეხვედრა გამართა

აფხაზეთის ავტონომიური რესპუბლიკის იძულებით გადაადგილებულ პირთა მინისტრმა, დავით ფაცაციამ ჩინეთის სახალხო რესპუბლიკის წარმომადგენლებთან - კარამაის ოლქის გუბერნატორის მოვალეობის შემსრულებელ სუ ვეისთან, დუშანზის რაიონის მერ ლიუ ჰენგისთან, მუნიციპალური ეკონომიკური თანამშრომლობის მომსახურების ცენტრის დირექტორ ბაი ლუსთან, საქართველოში ჩინეთის სავაჭრო პალატის პრეზიდენტის მოვალეობის შემსრულებელ სტივ იუსთან და საქართველოს გარემოს დაცვისა და სოფლის მეურნეობის მინისტრის მრჩეველ, ჩინეთის კვლევების ინსტიტუტის დირექტორ, პროფესორ ჯემალ ფუტკარაძესთან სამუშაო შეხვედრა გამართა.

შეხვედრაზე მხარეებმა პრიორიტეტულ მიმართულებებსა და თანამშრომლობის განვითარებაზე, მათ შორის აფხაზეთის ოკუპირებულ ტერიტორიაზე მცხოვრები და აფხაზეთიდან დევნილი მოქალაქეების მხარდაჭერასა და ჰუმანიტარული დახმარებების განხორციელებაზე ისაუბრეს.

„ნაყოფიერი შეხვედრა გვქონდა ჩინეთის სახალხო რესპუბლიკის ხელისუფლებისა და ბიზნესის წარმომადგენლებთან, განვიხილეთ სამომავლო გეგმები და თანამშრომლობის განვითარების საკითხები.

აფხაზეთის ლეგიტიმური ხელისუფლების ერთ-ერთი ძირითადი ამოცანაა აფხაზეთიდან დევნილი და აფხაზეთის ოკუპირებულ ტერიტორიაზე მცხოვრები პირების მხარდაჭერა ყველა შესაძლო მეთოდით, რაშიც ჩვენი მეგობრების ხელშეწყობა ძალიან მნიშვნელოვანია და აქტიურად ვმუშაობთ ამ მიმართულებით“, - განაცხადა დავით ფაცაციამ.

 

აფხაზეთის ავტონომიური რესპუბლიკის მთავრობის წარმომადგენლები აფხაზეთიდან დევნილთათვის უფასო სამედიცინო აქციის მიმდინარეობას დაესწრნენ

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, სამინისტროსა და ადგილობრივი ხელისუფლების წარმომადგენლებთან ერთად, წყალტუბოში, აფხაზეთის ავტონომიური რესპუბლიკიდან იძულებით გადაადგილებულ პირთათვის უფასო სამედიცინო აქციის მიმდინარეობას დაესწრო, სადაც აფხაზეთიდან დევნილ მოქალაქეებს ოფთალმოლოგის კონსულტაციები ჩაუტარდათ.

სამედიცინო აქციაზე, წყალტუბოში მცხოვრებ აფხაზეთიდან დევნილ მოქალაქეებს, ექიმის დანიშნულების შესაბამისი სათვალეები უფასოდ გადაეცათ.

სათვალეები აფხაზეთის ავტონომიური რესპუბლიკის იძულებით გადაადგილებულ პირთა სამინისტრომ „ადამიანის უფლებათა საერთაშორისო კომისიისგან“(International Human Rights Commission) ჰუმანიტარული დახმარების სახით მიიღო.

“ჩვენი სამინისტროს ძირითად პრიორიტეტს აფხაზეთიდან დევნილი მოსახლეობის სოციალური მდგომარეობის გაუმჯობესება წარმოადგენს. ამ მიზნით ჩვენ სხვადასხვა პროექტებს ვახორციელებთ, მათ შორის საერთაშორისო ორგანიზაციების ჩართულობით. მადლობას ვუხდი თითოეულ მათგანს და დარწმუნებული ვარ, ერთობლივი ძალისხმევით შევძლებთ მეტი ღონისძიებების განხორციელებას აფხაზეთიდან დევნილი მოსახლეობის ყოველდღიური ცხოვრების გაუმჯობესებისა და მათი მხარდაჭერისთვის.“ - დავით ფაცაცია.

 

ქუთაისში მდებარე დევნილთა განსახლების ობიექტში შექმნილ ბინათმესაკუთრეთა ამხანაგობის წარმომადგენლებს სამუშაოებისთვის საჭირო ინსტრუმენტები და ხელსაწყოები გადაეცა

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, სამინისტროს წარმომადგენლებთან ერთად, ქუთაისში, ნიკეას №12 მისამართზე მცხოვრებ აფხაზეთიდან დევნილ მოქალაქეებს შეხვდა, ადგილზე გაეცნო მათ საჭიროებებს და ობიექტზე განხორციელებული ინფრასტრუქტურული სამუშაოები დაათვალიერა.

ობიექტის სახურავი, სამინისტროსა და ქუთაისის მერიის თანადაფინანსებით რეაბილიტირდა.

შეხვედრის ფარგლებში, მინისტრმა ბინათმესაკუთრეთა ამხანაგობის წარმომადგენლებს სხვადასხვა სახის სამუშაოებისთვის საჭირო ინსტრუმენტები და ხელსაწყოები გადასცა.

"ჩვენ სისტემატურად ვხდებით აფხაზეთიდან დევნილ მოსახლეობას, ადგილზე ვეცნობით მათ წინაშე მდგარ გამოწვევებს და მიღებული ინფორმაციების გათვალისწინებით, საჭიროებების შესაბამის ინფრასტრუქტურულ და სხვა სახის პროექტებს ვახორციელებთ, რათა ხელი შევუწყოთ ჩვენი დევნილი მოქალაქეების სოციალური და ინფრასტრუქტურული პირობების გაუმჯობესებას." - დავით ფაცაცია.

 

აფხაზეთის ავტონომიური რესპუბლიკის მთავრობის წარმომადგენლებმა იმერეთის რეგიონში განხორციელებული ინფრასტრუქტურული პროექტები დაათვალიერეს

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, სამინისტროსა და ადგილობრივი ხელისუფლების წარმომადგენლებთან ერთად, ზესტაფონში, წყალტუბოსა და ქუთაისში მცხოვრებ აფხაზეთიდან დევნილ მოსახლეობას შეხვდა და ადგილზე გაეცნო სამინისტროს მიერ განხორციელებულ ინფრასტრუქტურულ პროექტებს.

ზესტაფონში, მაღლაკელიძის ქ. №5-ში მდებარე დევნილთა განსახლების ობიექტის სახურავის რეაბილიტაცია, კერძოდ წყალსაწრეტი სისტემის მონტაჟი აფხაზეთის ავტონომიური რესპუბლიკის იძულებით გადაადგილებულ პირთა სამინისტროს „ბინათმესაკუთრეთა მხარდაჭერის და ბინათმესაკუთრეთა ამხანაგობების მუნიციპალური პროგრამებით სარგებლობის თანამონაწილეობის“ პროგრამის ფარგლებში, ზესტაფონის მუნიციპალიტეტის მერიასთან ერთად განხორციელდა.

წყალტუბოში, კოპიტნარის მე-7 კორპუსის სახურავის სრული სარეაბილიტაციო სამუშაოები სამინისტროს ინფრასტრუქტურული პროგრამის ფარგლებში, წყალტუბოს მუნიციპალიტეტის მერიის თანადაფინანსებით განხორციელდა.

ქუთაისში, ახალგაზრდობის ქ. №19ა-ში მდებარე დევნილთა განსახლების ობიექტის სახურავის დასაკიდი წყალშემკრები ღარების დამზადება და მონტაჟი, სამინისტროს „დევნილთა განსახლების ობიექტებში სარემონტო-აღდგენითი სამუშაოების ჩატარების უზრუნველყოფის“ პროგრამის ფარგლებში იქნა უზრუნველყოფილი.

„სამინისტროს ინფრასტრუქტურული პროგრამების ფარგლებში, ასევე დევნილთა, ეკომიგრანტთა და საარსებო წყაროებით უზრუნველყოფის სააგენტოსა და ადგილობრივი ხელისუფლების ჩართულობით, ფაქტობრივად არ დარჩა დევნილთა განსახლების ობიექტი, სადაც პრობლემური ინფრასტრუქტურის რეაბილიტაცია არ განხორციელდა.

ჩვენ აქტიურად ვაგრძელებთ ამ მიმართულებით მუშაობას და დარწმუნებული ვარ მომავალი წლისთვის ერთად მოვახერხებთ მთელი ქვეყნის მასშტაბით კრიტიკული ინფრასტრუქტურული საკითხების მოწესრიგებას.“ - დავით ფაცაცია.