აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

აფხაზეთის მე-5 საჯარო სკოლის რეაბილიტირებული შენობა გაიხსნა
დღეს ქუთაისში მდებარე აფხაზეთის მე-5 საჯარო სკოლის რეაბილიტირებული შენობა გაიხსნა. შენობას ინტერიერის სრული რეაბილიტაცია ჩაუტარდა და დღეიდან მოსწავლეეები და მასწავლებლები თანამედროვე სტანდარტების შესაბამის გარემოში გააგრძელებენ სწავლას.
 
მოსწავლეებსა და მასწავლებლებს ეს სასიხარულო ამბავი მიულოცეს აფხაზეთის ავტონომიური რესპუბლიკის მთავრობის თავმჯდომარემ რუსლან აბაშიძემ, აფხაზეთის ა/რ განათლებისა და კულტურის მინისტრმა ეკა ხოფერიამ, აფხაზეთის ა/რ უმაღლესი საბჭოს საერთაშორისო კავშირების, განათლებისა და კულტურის საკითხთა კომიტეტის თავმჯდომარემ ნუგზარ მგალობლიშვილმა და იმერეთის, გურიის, რაჭა-ლეჩხუმისა და ქვემო სვანეთის რეგიონებისა და აჭარის ა/რ ტერიტორიული ორგანოს ხელმძღვანელმა ნათია კოპალიანმა.
 
აფხაზეთის მე-5 საჯარო სკოლაში სარემონტო სამუშაოები განათლებისა და მეცნიერების სამინისტროს საგანმანათლებლო და სამეცნიერო ინფრასტრუქტურის განვითარების სააგენტოსა და აფხაზეთის ა/რ განათლებისა და კულტურის სამინისტროს თანამშრომლობით ჩატარდა.
რუსლან აბაშიძე დავით ელბაქიძის 70 წლისადმი მიძღვნილ საიუბილეო საღამოს დაესწრო

საქართველოს პარლამენტის ეროვნულ ბიბლიოთეკაში ანსამბლ „ლიახვის“ ლოტბარის, ქორმეისტერის დავით ელბაქიძის 70 წლის იუბილესადმი მიძღვნილი ღონისძიება გაიმართა. ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე დაესწრო.

საღამოზე სიტყვით გამოვიდნენ და ხელოვანს იუბილე მიულოცეს კულტურისა და ხელოვნების ცნობილმა წარმომადგენლებმა. დავით ელბაქიძემ აღადგინა და გადაამუშავა ლილვაკებზე ჩაწერილი ოსური და ქართული უნიკალური ფოლკლორული ნიმუშები. ის დღემდე აგრძელებს მოღვაწეობას არაერთი საინტერესო ნიმუშის კვლევისა და აღდგენის მიმართულებით.

ღონისძიება სამხრეთ ოსეთის ადმინისტრაციის კულტურისა და სპორტის სამსახურის ორგანიზებით გაიმართა. საღამოს სამხრეთ ოსეთის ადმინისტრაციის ხელმძღვანელი თამაზ ბესტაევი, საგარეო საქმეთა სამინისტროს პოლიტიკური დეპარტამენტის დირექტორი დავით კერესელიძე და საქართველოს ქართულ-ოსური სამეცნიერო-კვლევითი ცენტრის ხელმძღვანელი ნაირა ბეპიევა ესწრებოდნენ.  

კონფლიქტის თემატიკაზე მომუშავე სამოქალაქო საზოგადოებისა და არასამთავრობო სექტორის წარმომადგენლებთან შეხვედრა გაიმართა
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია აფხაზეთის კონფლიქტის თემატიკაზე მომუშავე სამოქალაქო საზოგადოებისა და არასამთავრობო სექტორის წარმომადგენლებს შეხვდნენ.
 
პანელური დისკუსიის ფარგლებში, მონაწილეებმა იმსჯელეს სამშვიდობო პოლიტიკის მიმართულებით რეგიონში არსებულ გამოწვევებსა და პერსპექტივებზე. საუბარი შეეხო ოკუპირებულ აფხაზეთში მცხოვრები მოსახლეობის უფლებრივ მდგომარეობას, დევნილთა წინაშე არსებულ საჭიროებებს და სხვა მნიშვნელოვან საკითხებს.
 
„დევნილთა პრობლემების მოგვარების, ნდობის მშენებლობისა და სამოქალაქო ინტეგრაციის ფარგლებში, ჩვენ აქტიურად ვახორციელებთ სხვადასხვა პროგრამებს. სამოქალაქო სექტორის, სამთავრობო და არასამთავრობო, ასევე საერთაშორისო ორგანიზაციების აქტიური ჩართულობით შევთანხმდით კონკრეტულ ქმედებებზე და პერიოდულად, საზოგადოებას მივაწვდით ინფორმაციას“-განაცხადა ნანა გაბელიამ.
 
ღონისძიება „სამშვიდობო რესურსი - ქართულ-აფხაზური ურთიერთობების მხარდაჭერა“ პროგრამის ფარგლებში, იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის ორგანიზებით გაიმართა.
 
შეხვედრაში აფხაზეთის მთავრობის წევრები, მინისტრის აპარატის წარმომადგენლები და მოწვეული სპიკერები მონაწილეობდნენ.
კონფლიქტის თემატიკაზე მომუშავე სამოქალაქო საზოგადოებისა და არასამთავრობო სექტორის წარმომადგენლებთან შეხვედრა გაიმართა

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია აფხაზეთის კონფლიქტის თემატიკაზე მომუშავე სამოქალაქო საზოგადოებისა და არასამთავრობო სექტორის წარმომადგენლებს შეხვდნენ.

შეხვედრა მისასალმებელი სიტყვით გახსნა აფხაზეთის მთავრობის თავმჯდომარე რუსლან აბაშიძემ. სადისკუსიო შეხვედრაზე ასევე სიტყვით გამოვიდნენ იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია, ევროპულ-ქართული ინსტიტუტის ხელმძღვანელი გიორგი მელაშვილი და არასამთავრობო სექტორის წარმომადგენლები.

პანელური დისკუსიის ფარგლებში, მონაწილეებმა იმსჯელეს სამშვიდობო პოლიტიკის მიმართულებით რეგიონში არსებულ გამოწვევებსა და პერსპექტივებზე. საუბარი შეეხო ოკუპირებულ აფხაზეთში მცხოვრები მოსახლეობის უფლებრივ მდგომარეობას, დევნილთა წინაშე არსებულ საჭიროებებს და სხვა მნიშვნელოვან საკითხებს.

ღონისძიება „სამშვიდობო რესურსი - ქართულ-აფხაზური ურთიერთობების მხარდაჭერა“ პროგრამის ფარგლებში, იუსტიციისა და სამოქალაქო ინტეგრაციის საკითხებში აფხაზეთის მინისტრის აპარატის ორგანიზებით გაიმართა. შეხვედრაში აფხაზეთის მთავრობის წევრები, მინისტრის აპარატის წარმომადგენლები და მოწვეული სპიკერები მონაწილეობდნენ.

პროფესიული უნარების განვითარების მხარდაჭერა აფხაზეთის საჯარო სკოლებში
"პროფესიული უნარების განვითარების მხარდაჭერა სკოლებში“ აფხაზეთის ავტონომიური რესპუბლიკის განათლებისა და კულტურის სამინისტროს ერთ-ერთი ქვეპროგრამაა, რომლის ფარგლებში სამინისტრომ აფხაზეთის №7, №10 და №11 საჯარო სკოლების ინიციატივები დააფინანსა.
 
აფხაზეთის №7 საჯარო სკოლის პროექტის „დეკორატიული მებაღეობა“ სკოლაში მონაწილეებმა სკოლის ეზოში დეკორატიული მცენარეები: ნეკეჩხალი, კამელიები, ჰორტენზიები, ტუია სმარაგდი, კოლხური ბზა, იასამანი და სხვ. დარგეს.
 
აფხაზეთის №10 საჯარო სკოლის პროექტის „ხეხილის ბაღის მოვლა“ სკოლის მე-8, მე-9 კლასის მოსწავლეებმა სკოლის ეზოში ხეხილნარისა და დეკორატიული მცენარეების სადემონსტრაციო-საკოლექციო ნაკვეთი მოაწყვეს.
 
აფხაზეთის №11 საჯარო სკოლის 18 მოსწავლე კი პროექტის „საექთნო საქმის“ ფარგლებში, პირველადი სამედიცინო დახმარების უნარ-ჩვევებს დაეუფლა.
 
სკოლები ამ პერიოდში ქ. ზუგდიდის მესხიას სასწავლო უნივერსიტეტთან არსებულ პროფესიულ კოლეჯთან აქტიურად თანამშრომლობდნენ.
ლორიკ მარშანიას დაბადებიდან 90 წელი შეუსრულდებოდა

გამოჩენილ სახელმწიფო და საზოგადო მოღვაწეს, დამსახურებულ მეცნიერს, აფხაზი ერის თვალსაჩინო წარმომადგენლს, გიორგი შარვაშიძის სახელობის სახელმწიფო პრემიის ლაურეატს, ვახტანგ გორგასლის I ხარისხის ორდენის კავალერს, ქართულ-აფხაზური ისტორიული ურთიერთობების აღდგენის გულმხურვალე ქომაგს, არასამთავრობო ორგანიზაცია “მშვიდობა და აფხაზეთის აღორძინები”-ს ხელმძღვანელს, ლორიკ მარშანიას დაბადებიდან 90 წელი შეუსრულდებოდა.

აფხაზეთში მომხდარი ტრაგედიის შემდეგ, ლორიკ მარშანია დევნილობაში მყოფი აფხაზეთის ავტონომიური რესპუბლიკის მთავრობის თავმჯდომარის მოადგილედ მუშაობდა და აქტიურად მონაწილეობდა ჟენევის საერთაშორისო მოლაპარაკებებში.

კონფლიქტის მოგვარების ერთდერთ გზად მას ცივილიზებული, მშვიდობიანი, ასევე სახალხო დიპლომატიის მეთოდები მიაჩნდა. აფხაზთა მომავალს ლორიკ მარშანია მხოლოდ ერთიან საქართველოში განიხილავდა „მე ვარ აფხაზი და ამაყად ვამბობ, რომ ჩემი საქართველო აფხაზეთიდან იწყება“.

აფხაზეთის ა/რ განათლებისა და კულტურის სამინისტროს ქვეპროგრამა - "STEM განათლების ხელშეწყობა" გრძელდება
STEM მეცნიერების, ტექნოლოგიის, ინჟინერიისა და მათემატიკის აბრევიატურაა და მათემატიკის, ინფორმატიკისა და საბუნებისმეტყველო საგნების ინტეგრირებული სწავლების ხელშეწყობას ითვალისწინებს.
 
აფხაზეთის საჯარო სკოლების განაცხადების საფუძველზე ამ ეტაპისთვის დაფინანსდა ათი პროექტი, რომელთა ფარგლებში აფხაზეთის საჯარო სკოლების მოსწავლეებმა შექმნეს: ავტომატური მორწყვის სისტემა, ხმაზე მორეაგირე ნათურა, ატმოსფეროში მავნე ნივთიერების აღმომჩენი მოწყობილობა, სკოლის სკვერის ელექტრო განათება, სურნელოვანი სამკურნალო საპნები და სხვ. აგრეთვე შეძლეს მზის ენერგიის გარდაქმნა.
 
ამ ქვეპროგრამით სამინისტრო ცდილობს, უპასუხოს თანამედროვე გამოწვევებს და ხელი შეუწყოს აფხაზეთის საჯარო სკოლების მოსწავლეებში STEM უნარების განვითარებას.
დავით ფაცაციამ ქ. ხონში მცხოვრებ, აფხაზეთიდან დევნილ ბავშვებს გიორგობის ბრწყინვალე დღესასწაულთან დაკავშირებით საჩუქრები დაურიგა

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, თავის პირველ მოადგილე - გურამ მისაბიშვილთან, ქ. ხონის მუნიციპალიტეტის მერ - ლადო ჯურხაძესთან და სამინისტროს თანამშრომლებთან ერთად, ქ. ხონის დევნილთა დასახლებაში მდებარე საბავშვო ბაღს ესტუმრა.

შეხვედრაზე დავით ფაცაციამ გიორგობის ბრწყინვალე დღესასწაულთან დაკავშირებით ბავშვებს აფხაზეთის ავტონომიური რესპუბლიკის იძულებით გადაადგილებულ პირთა სამინისტროს „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები გადასცა.

„პოზიტიური და თბილი შეხვედრა გვქონდა ჩვენი საზოგადოების ყველაზე ლაღ და გულწრფელ წევრებთან - დევნილ ბავშვებთან.

შეხვედრაზე, ქ. ხონის დევნილთა დასახლებაში მდებარე საბავშვო ბაღის აღსაზრდელებს „ადამიანის უფლებათა დაცვის საერთაშორისო კომისიისგან“ (IHRC) მიღებული ჰუმანიტარული დახმარება - სათამაშოები გადავეცით და სასიამოვნოა, რომ შევძელით პატარების თუნდაც მცირედით გახარება.

კიდევ ერთხელ, მთელს საქართველოს ვულოცავ გიორგობის ბრწყინვალე დღესასწაულს. ღმერთმა ქნას, რომ უფლის შეწევნით და ჩვენი სიმტკიცით მალე გაერთიანებულიყოს და გაბრწყინებულიყოს საქართველო!“- დავით ფაცაცია

 

ეკა ხოფერია საქართველოში კატარის სახელმწიფოს ელჩს შეხვდა

აფხაზეთის ავტონომიური რესპუბლიკის განათლებისა და კულტურის მინისტრ ეკა ხოფერიასა და საქართველოში კატარის სახელმწიფოს ელჩს ჰასან აჰმედ ალი მუჰამედ ალ მოტავას შორის გაცნობითი ხასიათის შეხვედრა შედგა.

შეხვედრაზე სამინისტროს მიერ განათლებისა და კულტურის მიმართულებებით დაგეგმილ პროგრამებსა თუ პროექტებზე ისაუბრეს და თანამშრომლობის პერსპექტივები განიხილეს.

დავით ფაცაციამ ხონის დევნილთა დასახლებაში მიმდინარე სარემონტო-აღდგენითი სამუშაოები დაათვალიერა

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს პროგრამის - „დევნილთა ინფრასტრუქტურული მხარდაჭერის“ ფარგლებში, დევნილთა განსახლების ადგილებში მიმდინარეობს სარემონტო-აღდგენითი სამუშაოები.

სამუშაო პროცესის მიმდინარეობას აფხაზეთის ავტონომიური რესპუბლიკის იძულებით გადაადგილებულ პირთა მინისტრი - დავით ფაცაცია, მინისტრის პირველ მოადგილე - გურამ მისაბიშვილი, ქ. ხონის მუნიციპალიტეტის მერი - ლადო ჯურხაძე და სამინისტროს თანამშრომლები გაეცნენ.

„ჩვენი სამინისტროს პროგრამები, რომლის ფარგლებშიც დევნილთა განსახლების ობიექტებზე მიმდინარეობს ინფრასტრუქტურული სამუშაოები, განსაკუთრებით მნიშვნელოვანია ჩვენი დევნილი მოსახლეობის სოციალური კეთილდღეობისთვის, რათა ხელი შევუწყოთ მათი ცხოვრების ღირსეული პირობების შექმნას.“- დავით ფაცაცია

 

წყნეთსა და ბაგებში მცხოვრებ აფხაზეთიდან დევნილებს მრავალპროფილური სკრინინგული გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით, წყნეთსა და ბაგებში მცხოვრებ აფხაზეთიდან იძულებით გადაადგილებულ პირებს უფასო სამედიცინო გამოკვლევები ჩაუტარდათ.

აქციის მიმდინარეობისას აფხაზეთიდან დევნილებმა სხვადასხვა პროფილის მაღალკვალიფიციური ექიმ-სპეციალისტის კონსულტაციით, ლაბორატორიული და რადიოლოგიური კვლევებით ისარგებლეს, რაც 200-მდე ვიზიტს მოიცავდა. ასევე, დევნილ ბენეფიციარებს დანიშნულების შესაბამისად საჭირო მედიკამენტები უსასყიდლოდ გადაეცათ.

მიმდინარე წლის განმავლობაში სამინისტრომ 9 გასვლითი ღონისძიება განახორციელა, რომლის ფარგლებში მომსახურება 1000-მდე აფხაზეთიდან დევნილმა პირმა მიიღო.

ღონისძიება აფხაზეთის ქონების განკარგვისა და საწარმოთა მართვის სააგენტოს მხარდაჭერით გაიმართა.

რუსლან აბაშიძემ ჰერალდიკის სახელმწიფოს საბჭოს ორგანიზებით გამართულ სემინარში მიიღო მონაწილება

აფხაზეთის მთავრობის თავმჯდომარე რუსლან აბაშიძემ,  საქართველოს პარლამენტთან არსებული ჰერალდიკის სახელმწიფოს საბჭოს ორგანიზებით გამართულ სემინარში „ავტონომიური რესპუბლიკების სიმბოლოები“ მიიღო მონაწილეობა.

სემინარი  საქართველოს ისტორიული დროშების და საზღვაო რუკების გამოფენით გაიხსნა.  გამოიფინა შუა საუკუნეების (XIV-XVI სს.) პორტოლანები, რომლებზეც საქართველო, ქალაქ თბილისი და საზღვაო ნავსადგური სებასტოპოლისი, დღევანდელი სოხუმი, წარმოდგენილია ისტორიული ხუთჯვრიანი დროშით.

გაიმართა წიგნის “აფხაზეთის სიმბოლიკისათვის“ პრეზენტაცია. ნაშრომში განხილულია,  როგორც აფხაზეთის ჰერალდიკური მემკვიდრეობა, აფხაზეთის ოკუპირებული ტერიტორიის სიმბოლოები დღევანდელი მდგომარეობით, ასევე პროექტები, რომლებიც საქართველოს პარლამენტთან არსებულმა ჰერალდიკის სახელმწიფო საბჭომ შეიმუშავა.

სემინარის მონაწილეებმა განიხილეს აჭარისა და აფხაზეთის ავტონომიური რესპუბლიკების სახელმწიფო სიმბოლოებთან დაკავშირებული საკითხები, აჭარისა და აფხაზეთის ჰერალდიკური მემკვიდრეობა და სამომავლო გეგმები.

სემინარს აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, იუსტიციისა და სამოქალაქო ინტეგრაციის საკითხებში აფხაზეთის მინისტრი ნანა გაბელია, აჭარის ავტონომიური რესპუბლიკების საკანონმდებლო და აღმასრულებელი ხელისუფლების წარმომადგენლები, ჰერალდიკის, ვექსილოლოგიისა და სიმბოლიკის კვლევის ცენტრის წევრები, სამეცნიერო წრეების და საზოგადოებრივი ორგანიზაციების წარმომადგენლები დაესწრნენ.

სალექციო კვირეული - ,,აღმოაჩინე აფხაზეთი" დასრულდა
აფხაზეთის ავტონომიური რესპუბლიკის განათლებისა და კულტურის სამინისტროს 2022 წლის სალექციო კვირეული - ,,აღმოაჩინე აფხაზეთი" დასრულდა. ლექცია ამჯერად, დედაქალაქის საკრებულოს დარბაზში, თბილისის საჯარო სკოლების მოსწავლეებმა მოისმინეს.
 
„აღმოაჩინე აფხაზეთი“ სამინისტროს კულტურულ ფასეულობათა დაცვის სამსახურის ყოველწლიური ქვეპროგრამაა, რომელიც დამსწრეთ სამსახურის უფროსმა ნონა ქარაიამ გააცნო.
 
კომპანია „ქლევერტონის“ ლექტორის მირიან გუნავას მიერ აფხაზეთზე მოთხრობილი ამბები მოსწავლეებმა ფოტოებით გააცოცხლეს.
 
დღევანდელი ლექციის მონაწილეებს სერტიფიკატები აფხაზეთის ავტონომიური რესპუბლიკის განათლებისა და კულტურის მინისტრმა ეკა ხოფერიამ გადასცა.
აფხაზეთიდან დევნილ ბენეფიციარებს სამეწარმეო-ეკონომიკური საქმიანობისთვის საჭირო ინვენტარი და მრავალწლიანი მცენარეების ნერგები გადაეცათ
აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, აფხაზეთის ფინანსთა და ეკონომიკის მინისტრ ლევან თევზაიასთან ერთად, სამეგრელო-ზემო სვანეთის რეგიონში მცხოვრებ აფხაზეთიდან იძულებით გადაადგილებულ პირებს სამეწარმეო-ეკონომიკური საქმიანობისთვის საჭირო ინვენტარი და მრავალწლიანი სასოფლო-სამეურნეო ნერგები გადასცა.
 
ღონისძიება აფხაზეთის ფინანსთა და ეკონომიკის სამინისტროს ორგანიზებით ეკონომიკური პროგრამების სააგენტოს „სასოფლო-სამეურნეო კულტურების წარმოების მხარდაჭერის“ პროგრამის ფარგლებში განხორციელდა. კონკურსის შედეგად გამარჯვებულ 43 აფხაზეთიდან დევნილ ბენეფიციარს 1 970 ცალი ნიგოზის „ჩანდლერის“ ჯიშის, 350 ქლიავის და 148 ტყემლის ნერგი გადაეცა.
 
ასევე, თურქეთის თანამშრომლობისა და კოორდინაციის სააგენტოს (TIKA) მიერ უსასყიდლოდ გადმოცემული სპეციფიკური ინვენტარი მიიღო მეფუტკრეობის დარგში 16-მა წარმატებულმა ბენეფიციარმა, ხოლო სამ გამარჯვებულ მონაწილეს სამეწარმეო-ეკონომიკური საქმიანობის წამოწყებისა და გაძლიერების მიზნით საჭირო ინვენტარი გადაეცა.
 
დღესვე, რუხის საინფორმაციო-საკონსულტაციო ცენტრში პროგრამის ბენეფიციარებს, ნერგების ეფექტური და პროდუქტიული აგრარული გამოყენების და მოვლის შესახებ, სააგენტოს სპეციალისტების მიერ კონსულტაცია-ტრენინგი ჩაუტარდათ.
 
ღონისძიებას აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, ადგილობრივი ხელისუფლების წარმომადგენლები და აფხაზეთის მთავრობის წევრები ესწრებოდნენ.
საქართველოს სხვადასხვა რეგიონის ბინათმესაკუთრეთა ამხანაგობების თავმჯდომარეებთან დაგეგმილი შეხვედრების ფარგლებში, მორიგი შეხვედრა ამჯერად წყალტუბოში გაიმართა

დავით ფაცაცია თავის პირველი მოადგილე - გურამ მისაბიშვილთან, წყალტუბოს მუნიციპალიტეტის მერ - გენადი ბალანჩივაძესთან, წყალტუბოს საკრებულოს თავმჯდომარე - თეიმურაზ ჭეიშვილთან, წყალტუბოს მუნიციპალიტეტის მერის მოადგილე - გრიგოლ ყურაშვილთან და სამინისტროს წარმომადგენლებთან ერთად, წყალტუბოს მუნიციპალიტეტის დევნილთა განსახლების ადგილებში შექმნილ ბინათმესაკუთრეთა ამხანაგობების თავმჯდომარეებს შეხვდა.

შეხვედრაზე დავით ფაცაციამ ისაუბრა აფხაზეთის ავტონომიური რესპუბლიკის მთავრობის ხელშეწყობით და ფინანსური მხარდაჭერით განხორციელებულ, მიმდინარე და დაგეგმილ პროგრამებზე, პროექტებზე, მათ შედეგებსა და სამომავლო გეგმებზე.

აფხაზეთიდან იძულებით გადაადგილებულმა პირებმა სამინისტროს წარმომადგენლებს მიაწოდეს ინფორმაცია წყალტუბოს დევნილთა განსახლების ადგილებში არსებული მდგომარეობის შესახებ და ერთობლივად იმსჯელეს პრობლემების მოგვარების გზებზე.

გრძელდება დევნილთა განსახლების ადგილებში შექმნილ ბინათმესაკუთრეთა ამხანაგობებთან შეხვედრები მთელი საქართველოს მასშტაბით, რომლის მიზანია ადგილობრივ ხელისუფლებასთან ერთად და დევნილი მოსახლეობის ჩართულობით, იძულებით გადაადგილებულ პირთა საჭიროებებზე ორიენტირებული პროგრამების განხორციელების ხელშეწყობა.