აფხაზეთის ავტონომიური რესპუბლიკის მთავრობა

ჯანმრთელობისა და სოციალური დაცვის სამინისტრო

2024-10-20

ზუგდიდში მცხოვრებ აფხაზეთიდან დროებით დევნილებს უფასო სამედიცინო მომსახურება გაეწიათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით ზუგდიდში მცხოვრებ აფხაზეთიდან დროებით დევნილებს "დიომედი აფხაზეთის" პოლიკლინიკაში უფასო სამედიცინო მომსახურება გაეწიათ.

100-ზე მეტ ბენეფიციარს 10-მდე სხვადასხვა პროფილის, თბილისის წამყვანი კლინიკების, მაღალკვალიფიციური ექიმ სპეციალისტის კონსულტაცია და სხვადასხვა დიაგნოსტიკური კვლევები უფასოდ ჩაუტარდათ, ასევე ექიმის დანიშნულების შესაბამისად საჭირო მედიკამენტები უსასყიდლოდ გადაეცათ.

"სამინისტროში მოქმედი "მრავალპროფილური სკრინინგული გამოკვლევების" პროგრამა განსაკუთრებით მნიშვნელოვანია რეგიონში მცხოვრები ჩვენი დევნილებისთვის, რათა გავზარდოთ მათი ხელმისაწვდომობა სხვადასხვა სამედიცინო მომსახურებებზე. მსგავსი აქციები ხელს უწყობს სამინისტროში მოქმედი სხვა პროგრამების შესახებ მოსახლეობის ინფორმირებულობას, რაც საერთო ჯამში დადებითად აისახება ჩვენი დევნილების ჯანმრთელობის მდგომარეობაზე”, - განაცხადა ლაშა ქარდავამ.

ღონისძიების მიმდინარეობას აფხაზეთის ჯანდაცვის მინისტრი ლაშა ქარდავა, პირველი მოადგილე მერაბ მარაქველიძე, მოადგილე მანანა გეჯუა და სამინისტროს წარმომადგენლები ესწრებოდნენ.

ჯანმრთელობისა და სოციალური დაცვის სამინისტრო

2024-10-18

აფხაზეთის ჯანდაცვის მინისტრი ქუთაისში მცხოვრებ აფხაზეთიდან დროებით დევნილ მოსახლეობას შეხვდა

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლაშა ქარდავა აფხაზეთის ფინანსთა და ეკონომიკის მინისტრ ლევან თევზაიასთან ერთად ქუთაისში მცხოვრებ აფხაზეთიდან დროებით დევნილ

მოსახლეობას შეხვდა.

“აფხაზეთის მთავრობის თავმჯდომარის მიერ გაცემული დავალების შესაბამისად რეგიონებში მცხოვრებ აფხაზეთიდან დროებით დევნილებთან ჩვენი ვიზიტები გრძელდება. შეხვედრის ფარგლებში მოსახლეობას ვაცნობთ დევნილთა მხარდაჭერის მიმართულებით არსებულ პროგრამებს და სამომავლო გეგმებს, ასევე ვისმენთ მათ საჭიროებებს და ვახდენთ თითოეული პრობლემის იდენტიფიცირებას”- განაცხადა ლაშა ქარდავამ.

შეხვედრის მიმდინარეობას აფხაზეთის მთავრობის წევრებთან ერთად „ქართული ოცნება-დემოკრატიული საქართველოს“ ქუთაისის დელეგატი ზაზა ლომინაძე და ადგილობრივი ხელისუფლების წარმომადგენლები ესწრებოდნენ.

ჯანმრთელობისა და სოციალური დაცვის სამინისტრო

2024-10-17

აფხაზეთის ჯანდაცვის სამინისტროს დაქვემდებარებაში არსებული პოლიკლინიკების რეფორმირება დაიწყო

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ლაშა ქარდავამ აფხაზეთის ავტონომიური რესპუბლიკის მთავრობის სხდომაზე პოლიკლინიკების რეფორმირების საკითხი წარადგინა, რის საფუძველზეც მინისტრის ინიციატივით სამეგრელო ზემო-სვანეთის მხარეში არსებულ “დიომედი აფხაზეთი”-ს პოლიკლინიკებში ჯვარის, ზუგდიდისა და ხობის ფილიალში სამუშაო შეხვედრები გაიმართა.

“სამინისტრომ დაიწყო მუშაობა მის დაქვემდებარებაში მყოფი პოლიკლინიკების რეფორმირების საკითხზე. პირველ რიგში ჩვენი მიზანია ძირეულად შევისწავლოთ პოლიკლინიკებში არსებული სიტუაცია და ერთობლივად ვიზრუნოთ თითოეული პრობლემის და საჭიროების გადაჭრაზე. სამუშაო ვიზიტები გაგრძელდება და ეტაპობრივად ყველა პოლიკლინიკაში არსებულ ვითარებას გავეცნობით”- განაცხადა ლაშა ქარდავამ.

“დიომედი აფხაზეთი”-ს პოლიკლინიკების დირექტორმა ნინო დოხნაძემ სამუშაო ჯგუფთან და მინისტრის პირველ მოადგილე მერაბ მარაქველიძესთან ერთად მოისმინა პრობლემური საკითხები და საჭიროებები, ასევე პოლიკლინიკების წარმომადგენლებს გააცნო რეფორმირებასთან დაკავშირებული სამომავლო გეგმები.

ჯანმრთელობისა და სოციალური დაცვის სამინისტრო

2024-10-16

ლაშა ქარდავა ხონში მცხოვრებ აფხაზეთიდან დროებით დევნილ მოსახლეობას შეხვდა

აფხაზეთის ა/რ მთავრობის სხდომაზე გაცემული დავალების შემდეგ, დევნილ მოსახლეობასთან მინისტრთა კაბინეტის წევრების შეხვედრები გრძელდება.

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლაშა ქარდავა ხონში მცხოვრებ აფხაზეთიდან დროებით დევნილ მოსახლეობას შეხვდა.

“შეხვედრის ფარგლებში დეტალურად გავეცანი ხონში მცხოვრები აფხაზეთიდან დროებით დევნილი მოსახლეობის საჭიროებებს. აქვე, მინდა, მადლობა გადავუხადო ადგილობრივ ხელისუფლებას მოქალაქეებისა და საქმისადმი ერთგული დამოკიდებულებისთვის. ჩვენი მიზანია ერთობლივი ძალისხმევით მაქსიმალურად მოკლე ვადებში გადავჭრათ ის პრობლემები, რომლებიც დევნილი მოსახლეობის წინაშე დგას”, - განაცხადა ლაშა ქარდავამ.

შეხვედრის მიმდინარეობას აფხაზეთის ფინანსთა და ეკონომიკის მინისტრი ლევან თევზაია, მინისტრის მოადგილე ელისო გვასალია, ხონის მუნიციპალიტეტის მერი ლადო ჯურხაძე და საკრებულოს წევრი ბაჩანა ბასილაია ესწრებოდნენ.

ჯანმრთელობისა და სოციალური დაცვის სამინისტრო

2024-10-13

ვაზიანის სამხედრო დასახლებაში მცხოვრებ აფხაზეთიდან დევნილებს უფასო სამედიცინო გამოკვლევები ჩაუტარდათ.

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებითა და აფხაზეთის ავტონომიური რესპუბლიკის მთავრობის მხარდაჭერით ვაზიანის სამხედრო დასახლებაში მცხოვრებ აფხაზეთიდან დევნილებს უფასო მრავალპროფილური სკრინინგული გამოკვლევები ჩაუტარდათ.

აქციის ფარგლებში ბენეფიციარებს მაღალკვალიფიციური ექიმ სპეციალისტების კონსულტაცია ჩაუტარდათ და ექიმის დანიშნულების შესაბამისად საჭირო მედიკამენტები უსასყიდლოდ გადაეცათ.

ღონისძიების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრის მოადგილე მანონა გეჯუა და სამინისტროს წარმომადგენლები ესწრებოდნენ.

ჯანმრთელობისა და სოციალური დაცვის სამინისტრო

2024-10-12

აფხაზეთიდან დევნილებს ჩაფიძის გულის ცენტრში უფასო სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით და ჩაფიძის გულის ცენტრის მხარდაჭერით აფხაზეთიდან დევნილებს უფასო მრავალპროფილური სკრინინგული გამოკვლევები ჩაუტარდათ.

ყურადღება გამახვილდა ქრონიკული სისხლის მიმოქცევის დაავადების მქონე პაციენტებზე, რომლებსაც ჩაუტარდათ კარდიოლოგიური კვლევის სრული გამოკვლევა.

დროებით დევნილ საზოგადოებას უფასოდ ექიმის დანიშნულების შესაბამისად მედიკამენტები გადაეცათ.

“მადლობა მინდა გადავუხადო ჩაფიძის გულის ცენტრს თანამშრომლობისთვის. მსგავსი პარტნიორული ურთიერთობები მნიშვნელოვანია ჩვენი დროებით დევნილი საზოგადოებისთვის და მათი ჯანმრთელობისთვის. სამინისტრო მომავალში გეგმავს სხვა კლინიკებთან თანამშრომლობას და მემორანდუმის გაფორმებას”- განაცხადა ლაშა ქარდავამ.

ღონისძიების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლაშა ქარდავა, მინისტრის მოადგილე მანონა გეჯუა და სამინისტროს წარმომადგენლები ესწრებოდნენ.

ჯანმრთელობისა და სოციალური დაცვის სამინისტრო

2024-10-11

ლაშა ქარდავა ჯანდაცვის სფეროს წარმომადგენლებს შეხვდა

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლაშა ქარდავა ჯანდაცვის სფეროს წარმომადგენლებს შეხვდა.

შეხვედრის ფარგლებში მინისტრმა მომავალი წლის ბიუჯეტის გაზრდისა და პროგრამების გაფართოების საკითხებზე ისაუბრა.

„მიმდინარე წელს სამინისტრომ მნიშვნელოვნად გააფართოვა პროგრამები, რომლის ფარგლებში აფხაზეთიდან დროებით დევნილ მოსახლეობას 100-მდე სამედიცინო სერვისს სთავაზობს. მომავალი წლისთვის ბიუჯეტის ზრდასთან ერთად, იგეგმება თვისობრივად ახალი პროგრამების დანერგვა და არსებული პროგრამების გაფართოება, რაც ხელს შეუწყობს დევნილი მოსახლეობის ჯანმრთელობის მდგომარეობის გაუმჯობესებას“, - განაცხადა ლაშა ქარდავამ.

შეხვედრის მიმდინარეობისას ყურადღება გამახვილდა სამინისტროს საქმიანობის პრიორიტეტულ მიმართულებებზე, არსებულ საჭიროებებზე და მოქალაქეთა მომსახურების ხარისხის გაუმჯობესებაზე.

ჯანმრთელობისა და სოციალური დაცვის სამინისტრო

2024-10-08

აფხაზეთის მთავრობის წევრების შეხვედრები აფხაზეთიდან დევნილებთან დაიწყო

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლაშა ქარდავა აფხაზეთის მთავრობის წევრებთან ერთად დროებით დევნილი საზოგადოების წინაშე არსებული საჭიროებების შესწავლის და მათი სოციალური მდგომარეობის გაუმჯობესების მიზნით საბურთალოს ტერიტორიაზე, სახელმწიფო ტექნიკური უნივერსიტეტის საერთო საცხოვრებელში არსებული დევნილთა განსახლების ობიექტში მცხოვრებ აფხაზეთიდან დევნილებს შეხვდა.

შეხვედრის მიმდინარეობისას მინისტრმა დაწვრილებით მოისმინა აფხაზეთიდან დევნილების პრობლემები და საჭიროებები.

“დღეს ჩვენ აქ ვიმყოფებით აფხაზეთის მთავრობის თავმჯდომარის ლევან მგალობლიშვილის დავალებით, რათა მოვისმინოთ თითოეული თქვენგანის პრობლემები და მოვახდინოთ თქვენი საჭიროებების იდენტიფიცირება. ჩვენი პრიორიტეტია კეთილსინდისიერად და გულისხმიერად მივუდგეთ თქვენს ყველა პრობლემას და ერთად ვიზრუნოთ მათ მოგვარებაზე. სამინისტრო 100-მდე სამედიცინო მომსახურებას აფინანსებს, თუმცა მომავალ წელს მთავრობის თავმჯდომარის მხარდაჭერით იგეგმება პროგრამების გაფართოება და დაფინანსების რაოდენობის გაზრდას” - განაცხადა ლაშა ქარდავამ.

აღნიშნული დავალება დევნილი მოსახლეობის პრობლემატიკის სიღრმისეულად შესასწავლად მინისტრებმა ორშაბათს მთავრობის სხდომაზე მიიღეს.

შეხვედრას აფხაზეთის მთავრობის წევრებთან ერთად “ქართული ოცნების” საბურთალოს დელეგატი აკაკი ალადაშვილი, საბურთალოს რაიონის გამგებელი გაიოზ ვასაძე და მაჟორიტარი დეპუტატი ავთანდილ ცინცაძე ესწრებოდა.

ჯანმრთელობისა და სოციალური დაცვის სამინისტრო

2024-10-05

ლაშა ქარდავა დევნილთა პოლიკლინიკების ხელმძღვანელებს შეხვდა

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრმა ლაშა ქარდავამ დევნილთა პოლიკლინიკების ხელმძღვანელებთან პირველი სამუშაო შეხვედრა გამართა.

შეხვედრაზე მინისტრმა მოისმინა თბილისსა და რეგიონებში არსებულ დევნილთა პოლიკლინიკებში არსებული პრობლემები და საჭიროებები.

სამუშაო შეხვედრის ფარგლებში ისაუბრეს აღნიშნული მიმართულებით არსებულ პრიორიტეტებზე და სამომავლო პერსპექტივებზე. ასევე,

პოლიკლინიკების ეფექტიანი მართვისა და განვითარებისთვის დაისახა სამომავლო გეგმები.

ჯანმრთელობისა და სოციალური დაცვის სამინისტრო

2024-06-30

კოპიტნარსა და ზესტაფონში მცხოვრებ აფხაზეთიდან დევნილებს უფასო სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებითა და აფხაზეთის ავტონომიური რესპუბლიკის მთავრობის მხარდაჭერით კოპიტნარსა და ზესტაფონში მცხოვრებ აფხაზეთის ოკუპირებული ტერიტორიიდან დევნილ პირებს მრავალპროფილური სკრინინგული გამოკვლევები ჩაუტარდათ.

ბენეფიციარებს 10-მდე სხვადასხვა პროფილის, თბილისის წამყვანი კლინიკების, მაღალკვალიფიციური ექიმ სპეციალისტის კონსულტაცია და სხვადასხვა დიაგნოსტიკური კვლევები უფასოდ ჩაუტარდათ, ასევე ექიმის დანიშნულების შესაბამისად საჭირო მედიკამენტები უსასყიდლოდ გადაეცათ.

ღონისძიების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს, მუნიციპალიტეტების მერიის და აფხაზეთის ა/რ იძულებით გადაადგილებულ პირთა სამინისტროს ტერიტორიული ორგანოს წარმომადგენლები ესწრებოდნენ.

მომსახურება ოკუპირებული აფხაზეთის ტერიტორიიდან დევნილმა 200-ზე მეტმა პირმა მიიღო.

ჯანმრთელობისა და სოციალური დაცვის სამინისტრო

2024-06-05

აფხაზეთის ჯანმრთელობისა და სოციალური დაცვის მინისტრმა ლევან ჩაკვეტაძემ ინტერპელაციის წესით დასმულ შეკითხვებს უპასუხა

აფხაზეთის ავტონომიური რესპუბლიკის უმაღლესი საბჭოს პლენარულ სხდომაზე, აფხაზეთის ჯანმრთელობისა და სოციალური დაცვის მინისტრმა ლევან ჩაკვეტაძემ დეპუტატების შეკითხვებს უპასუხა.

მინისტრმა დეტალურად ისაუბრა აფხაზეთის უმაღლესი საბჭოს ფრაქციების წევრებისა და დამოუკიდებელი დეპუტატებისთვის საინტერესო და მნიშვნელოვან თემებზე. ყურადღება გამახვილდა სამინისტროში მოქმედ პროგრამებსა და დევნილთა სამედიცინო დაწესებულებების საქმიანობასთან დაკავშირებულ საკითხებზე.

ჯანმრთელობისა და სოციალური დაცვის სამინისტრო

2024-05-25

ხონსა და წყალტუბოში მცხოვრებ აფხაზეთიდან დევნილებს უფასო სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებითა და აფხაზეთის ავტონომიური რესპუბლიკის მთავრობის მხარდაჭერით ხონსა და წყალტუბოში მცხოვრებ აფხაზეთის ოკუპირებული ტერიტორიიდან დევნილ პირებს მრავალპროფილური სკრინინგული გამოკვლევები ჩაუტარდათ.

ბენეფიციარებს 10-მდე სხვადასხვა პროფილის, თბილისის წამყვანი კლინიკების, მაღალკვალიფიციური ექიმ სპეციალისტის კონსულტაცია და სხვადასხვა დიაგნოსტიკური კვლევები უფასოდ ჩაუტარდათ, ასევე ექიმის დანიშნულების შესაბამისად საჭირო მედიკამენტები უსასყიდლოდ გადაეცათ.

ღონისძიების მიმდინარეობას აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს, ხონის მუნიციპალიტეტის მერიის და აფხაზეთის ა/რ იძულებით გადაადგილებულ პირთა სამინისტროს ტერიტორიული ორგანოს წარმომადგენლები ესწრებოდნენ.

მომსახურება ოკუპირებული აფხაზეთის ტერიტორიიდან დევნილმა 200-ზე მეტმა პირმა მიიღო.

ჯანმრთელობისა და სოციალური დაცვის სამინისტრო

2024-05-19

აფხაზეთიდან დევნილებს ჩაფიძის გულის ცენტრში უფასო სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით და ჩაფიძის სახელობის გადაუდებელი კარდიოლოგიის ცენტრის მხარდაჭერით, ოკუპირებული აფხაზეთის ტერიტორიიდან დევნილ პირებს უფასო სამედიცინო გამოკვლევები ჩაუტარდათ.

ღონისძიების ფარგლებში აფხაზეთის ოკუპირებული ტერიტორიიდან დევნილებს სისხლის მიმოქცევის დაავადებათა ადრეული დიაგნოსტიკისთვის საჭირო მომსახურებები გაეწია.

ურთიერთთანამშრომლობის მემორანდუმის საფუძველზე სამინისტრო ცენტრთან ერთად მსგავსი ღონისძიებების განხორციელებას მომავალშიც გეგმავს.

ჯანმრთელობისა და სოციალური დაცვის სამინისტრო

2024-04-22

აბაშაში მცხოვრებ აფხაზეთიდან დევნილ მოსახლეობას სამედიცინო გამოკვლევები ჩაუტარდათ

აფხაზეთის ავტონომიური რესპუბლიკის ჯანმრთელობისა და სოციალური დაცვის სამინისტროს ორგანიზებით, შპს,,შანი" საოჯახო მედიცინის ცენტრში, აბაშაში მცხოვრებ აფხაზეთის ოკუპირებული ტერიტორიიდან იძულებით გადაადგილებულ პირებს უფასო სამედიცინო გამოკვლევები ჩაუტარდათ.

ღონისძიების ფარგლებში, აფხაზეთიდან დევნილ 100-ზე მეტ პირს მაღალკვალიფიციური ექიმი სპეციალისტების 300-მდე კონსულტაცია და სხვადასხვა სახის დიაგნოსტიკური გამოკვლევა ჩაუტარდათ. ასევე, დევნილ ბენეფიციარებს დანიშნულებისამებრ ყველა საჭირო მედიკამენტი უფასოდ გადაეცათ.

ჯანმრთელობისა და სოციალური დაცვის სამინისტრო

2024-03-21

აფხაზეთის ჯანდაცვის სამინისტროს დაუნის სინდრომის მქონე ბავშვები და მათი მშობლები ესტუმრნენ

აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ლევან ჩაკვეტაძე დაუნის სინდრომის მსოფლიო დღესთან დაკავშირებით სამინისტროს პროგრამებში ჩართულ ბავშვებს და მათ მშობლებს შეხვდა.

ღონისძიებაზე შეხვედრის მონაწილეებმა ბავშვთა საჭიროებები განიხილეს. ასევე, საუბარი შეეხო სამინისტროში მოქმედ მიმდინარე წლის პროგრამებს.

შეხვედრის ფარგლებში ლევან ჩაკვეტაძემ სამინისტროს თანამშრომლებთან ერთად ბავშვებს სხვადასხვა სასაჩუქრე ნაკრები გადასცა.

მადლობა თითოეულ კომპანიას მხარდაჭერისა და გამოჩენილი გულისხმიერებისთვის!

21 მარტს დაუნის სინდრომის საერთაშორისო დღეა. ამ დღეს ყოველწლიურად მილიონობით ადამიანი დაუნის სინდრომის შესახებ ცნობადობის ამაღლების მიზნით ერთიანდება.

ახალი ამბები