აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ლილოს დასახლებაში მცხოვრებ აფხაზებს ესტუმრა.

ვახტანგ ყოლბაია აფხაზი ოჯახების საცხოვრებელ პირობებს გაეცნო, მოისმინა მათი პრობლემები, დამდეგი აღდგომის ბრწყინვალე დღესასწაული მიულოცა და სააღდგომო სასაჩუქრე კალათები გადასცა.

სააღდგომო საჩუქრები აფხაზებისათვის კომპანიებმა: „გაგრა +", „მითანა", „ხარება", „თელიანი ველი", „IDS ბორჯომი საქართველო", „იფქლი", „კანი", „კოკა-კოლა", „კუმისი" და „ბარამბო" უზრუნველყვეს.

აფხაზეთის ავტონომიური რესპუბლიკის მთავრობის ორგანიზებით, მსგავსი ტიპის ღონისძიებები მომავალშიც გაგრძელდება.