აფხაზეთის ავტონომიური რესპუბლიკის მთავრობის ორგანიზებით სამეფო უბნის თეატრმა აფხაზეთიდან დევნილ ახალგაზრდებს უმასპინძლა.

80-მდე მოზარდი თანამედროვე გერმანელი დრამატურგის, მარიუს ფონ მაიენბურგის პიესის მიხედვით დადგმული სპექტაკლის ,,მახინჯი" ჩვენებას დაესწრო. სპექტაკლის რეჟისორია დათა თავაძე.

აფხაზეთის ავტონომიური რესპუბლიკის მთავრობის ორგანიზებით, მსგავსი სახის აქციები პერმანენტულად იმართება.

აფხაზეთის ავტონომიური რესპუბლიკის მთავრობის, საქართველოსა და აფხაზეთის ფარიკაობის ფედერაციის ორგანიზებით, საქართველოში პირველად ფარიკაობაში აფხაზეთის ღია საერთაშორისო ტურნირი იმართება. ღონისძიება აფხაზეთის ა/რ განათლებისა და კულტურის სამინისტროსა და არასამთავრობო ორგანიზაცია ,,კოალიცია სამართლიანობისათვის" მხარდაჭერით ტარდება.

ფარიკაობის სამივე სახეობაში (დაშნა, ხმალი, რაპირა) მონაწილეობას იღებს საქართველოს სხვადასხვა რეგიონიდან, ასევე აზერბაიჯანიდან, სომხეთიდან, რუსეთიდან (ვლადიკავკაზი), თურქეთიდან და ირანიდან ჩამოსული 150-მდე სპორტსმენი.

ტურნირი 23 მარტს საქართველოს ფარიკაობის ფედერაციის ახალ სპორტულ დარბაზში საზეიმოდ გაიხსნა და 25 მარტს დაიხურება. საპრიზო ადგილებზე გასულ სპორტსმენებს თასები, მედლები და დიპლომები გადაეცემათ.

ტურნირის მიზანია ფარიკაობის, როგორც სპორტის ოლიმპიური სახეობის პოპულარიზაცია და განვითარება. ასევე, ნიჭიერი სპორტსმენების გამოვლენა, სპორტული ოსტატობის  ამაღლება და ჯანსაღი თაობის აღზრდა.

აფხაზეთის ავტონომიური რესპუბლიკის მთავრობის წევრებმა და აფხაზეთიდან დევნილმა საზოგადოებამ, სოხუმზე განხორციელებული შეტევის მოგერიების თარიღი საქართველოს ტერიტორიული მთლიანობისთვის დაღუპულ გმირთა მემორიალთან მისვლით აღნიშნეს.

აფხაზეთის ა/რ მთავრობის წევრებმა მემორიალი გვირგვინით შეამკეს და პატივი მიაგეს საქართველოსთვის თავგანწირული გმირების ხსოვნას. მათ, დღეს, 19 წლის წინ  აფხაზეთში განვითარებულ მოვლენები კიდევ ერთხელ გაიხსენეს და სანთლები დაანთეს.

1993 წლის 15-16 მარტს, მოწინაღმდეგემ სოხუმზე ფართომასშტაბიანი იერიში განახორციელა, რომელსაც ქართულმა შეიარაღებულმა ძალებმა მედგარი წინააღმდეგობა გაუწია, ღირსეულად მოიგერია და პოზიციები გაიმაგრა.

აფხაზეთის სახელმწიფო კაპელა ევროპულ ტურნეს იწყებს. ,,ქართული კულტურა საქართველოში და მის ფარგლებს გარეთ" ასოციაციის პრეზიდენტის გიული ალასანიას ინიციატივით, აფხაზეთის სახელმწიფო კაპელა მონაწილეობას მიიღებს საერთაშორისო ფესტივალში ,,ჩვენებურები", რომელიც 13-დან 25 მარტის ჩათვლით საფრანგეთში, ესპანეთსა და შვეიცარიაში გაიმართება. პროექტი ხორციელდება აფხაზეთის ავტონომიური რესპუბლიკის მთავრობისა და საქართველოს კულტურისა და ძეგლთა დაცვის სამინისტროს მხარდაჭერით.

ფესტივალის ფარგლებში დაგეგმილია სოლო კონცერტები, როგორც ევროპელი მსმენელისთვის, ასევე ქართული დიასპორის წარმომადგენლებისათვის. ფესტივალზე შესრულდება თანამედროვე საგუნდო მუსიკისა და ქართული ფოლკლორის გამორჩეული ნაწარმოებები. 

აფხაზეთის სახელმწიფო კაპელა თბილისის საერთაშორისო აეროპორტიდან აფხაზეთის ავტონომიური რესპუბლიკის განათლებისა და კულტურის მინისტრმა დალი ხომერიკმა გააცილა.

აფხაზეთის ავტონომიური რესპუბლიკის მთავრობა არალეგიტიმურად მიიჩნევს ოკუპირებულ აფხაზეთში მიმდინარე ე.წ. საპარლამენტო არჩევნებს.

ოკუპირებული აფხაზეთი არ წარმოადგენს საერთაშორისო სამართლის სუბიექტს. შესაბამისად, იქ მიმდინარე ე.წ. არჩევნები ვერანაირად ვერ განიხილება საერთაშორისო სამართლის კუთხით.

,, ე.წ. საპარლამენტო არჩევნები ტარდება საქართველოს ოკუპირებულ ტერიტორიაზე, საიდანაც იძულებით განდევნილია მოსახლეობის აბსოლუტური უმრავლესობა. გამომდინარე აქედან, ეს ე.წ. არჩევნები მოკლებულია სამართლებრივ ჩარჩოებს, არის აბსოლუტური ფიქცია, რომელიც, ფაქტიურად იმართება რუსეთის ხელისუფლების მიერ" - განაცხადა აფხაზეთის ავტონომიური რესპუბლიკის მთავრობის წარმომადგენელმა, ლევან თევზაიამ.

აფხაზეთის ავტონომიური რესპუბლიკის  მთავრობის ინიციატივითა და მხარდაჭერით, სოხუმის კ. გამსახურდიას სახელობის სახელმწიფო დრამატულმა თეატრმა დედის დღესთან დაკავშირებით დევნილ ქალბატონებს უმასპინძლა.

განსაკუთრებულ დავალებათა საკითხებში აფხაზეთის მინისტრის აპარატის ორგანიზებით სხვადასხვა კომპაქტურ ჩასახლებაში მცხოვრები, 50 დევნილი ქალბატონი სოხუმის კ. გამსახურდიას სახელობის სახელმწიფო დრამატული თეატრის სპექტაკლის ,,პრემიერა’’-ს ჩვენებას დაესწრო. სპექტაკლი მარჯანიშვილის თეატრის მცირე სცენაზე გაიმართა.

ორმოქმედებიანი სპექტაკლი ,,პრემიერა’’ ლალი როსებას პიესაზეა შექმნილი. სპექტაკლის რეჟისორია დიმიტრი ხვთისიაშვილი.

აფხაზეთის ავტონომიური რესპუბლიკის  მთავრობის ინიციატივითა და მხარდაჭერით, სოხუმის კ. გამსახურდიას სახელობის სახელმწიფო დრამატულმა თეატრმა დედის დღესთან დაკავშირებით დევნილ ქალბატონებს უმასპინძლა.

განსაკუთრებულ დავალებათა საკითხებში აფხაზეთის მინისტრის აპარატის ორგანიზებით სხვადასხვა კომპაქტურ ჩასახლებაში მცხოვრები, 50 დევნილი ქალბატონი სოხუმის კ. გამსახურდიას სახელობის სახელმწიფო დრამატული თეატრის სპექტაკლის ,,პრემიერა’’-ს ჩვენებას დაესწრო. სპექტაკლი მარჯანიშვილის თეატრის მცირე სცენაზე გაიმართა.

ორმოქმედებიანი სპექტაკლი ,,პრემიერა’’ ლალი როსებას პიესაზეა შექმნილი. სპექტაკლის რეჟისორია დიმიტრი ხვთისიაშვილი.

აფხაზეთის ავტონომიური რესპუბლიკის მთავრობის ინიციატივით, აფხაზეთის საჯარო სკოლის მოსწავლეები ხელნაწერთა ეროვნულ ცენტრში საქართველოს ,,ოკუპაციის კვირეულის" ფარგლებში გამართულ თემატური გამოფენის ,,საქართველოს ოკუპაციის ისტორია და ადამიანები" დახურვას დაესწრნენ.

მოზარდებმა დაათვალიერეს ხელნაწერთა ეროვნული ცენტრის ფონდში დაცული ქართველი ემიგრანტების (ნოე ჟორდანია, ქაქუცა ჩოლოყაშვილი, გრიგოლ რობაქიძე და სხვ.) პირადი საარქივო მასალა, საქართველოს დამოუკიდებლობის აქტი და სხვა საგამოფენო ექსპონატები. ასევე მათ შესაძლებლობა მიეცათ ისტორიული პარალელები გაევლოთ 2008 წლის აგვისტოსა და 1921 წლის მოვლენებს შორის.

საქართველოს ხელნაწერთა ეროვნულ ცენტრში ,,ოკუპაციის კვირეულის" ფარგლებში გამართულ გამოფენას აფხაზეთის საჯარო სკოლების, მათ შორის   ოკუპირებული გალის ტერიტორიიდან გადმოსული 100-ზე მეტი მოსწავლე დაესწრო.

აფხაზეთის ავტონომიური რესპუბლიკის მთავრობა ყოველწლიურად უერთდება ,,წითელი ყაყაჩოების" აქციას, რომელიც ,,ოკუპაციის კვირეულის" ფარგლებში ტარდება.

აფხაზეთის ავტონომიური რესპუბლიკის მთავრობისა და ქალაქ თბილისის მერიის  მხარდაჭერით, თბილისის სახელმწიფო კონსერვატორიის მცირე დარბაზში, ხელოვნების სკოლამ „აფხაზეთი №1" და საოპერო სიმღერის სახლმა, პირველად საქართველოს სახელოვნებო სკოლების სივრცეში, გამართა თეატრალიზირებული კონცერტი „მოცარტიანა", რომელშიც მონაწილეობა სკოლის მოსწავლეებმა, პედაგოგებმა და კამერულმა ორკესტრმა მიიღეს.

ღონისძიებას აფხაზეთის ავტონომიური რესპუბლიკის თავმჯდომარე გიორგი ბარამია, ქალაქ თბილისის მერიის, დიპლომატიური კორპუსისა და საერთაშორისო ორგანიზაციების წარმომადგენლები დაესწრნენ.

ხელოვნების სკოლა ,,აფხაზეთი №1" ქ. თბილისის მერიის მიერ 2008 წელს ,,სოხუმის №1'' სამუსიკო სკოლის ბაზაზე დაფუძნდა. მერიის მიზნობრივი პროგრამებით, სკოლაში თბილისისა და საქართველოს სხვადასხვა რეგიონიდან, მათ შორის ეთნიკური აფხაზები, რეპატრიანტი მესხები და ინგილოები სწავლობენ. შემოქმედებითი ნიჭით დაჯილდოებული აფხაზეთიდან დევნილი ახალგაზრდები აფხაზეთის განათლებისა და კულტურის სამინისტროს პროგრამის ფარგლებში ფინანსდებიან. სკოლა წარმატებით მონაწილეობს სხადასხვა საქალაქო თუ რესპუბლიკური მასშტაბის სახელოვნებო კონკურსებსა და ფესტივალებში.

აფხაზეთის მთავრობის თავმჯდომარე გიორგი ბარამია და საქართველოს პარლამენტის წევრი გიორგი ასანიძე მუხიანის მე-2 მ/რ-ში დევნილთა კომპაქტური ჩასახლების ობიექტს სტუმრობდნენ.

აფხაზეთის მთავრობის თავმჯდომარე და საპარლამენტო უმრავლესობის წევრი იძულებით გადაადგილებულ პირთა საცხოვრებელ პირობებს გაეცნენ და მათ პრობლემების მოგვარებას დაპირდნენ.

გიორგი ბარამიამ აფხაზეთის მთავრობასა და საერთაშორისო საქველმოქმედო ფონდის "კეთილი სამარიელი საქართველოში'' გაფორმებული მემორანდუმის ფარგლებში დევნილებს საჩუქრები გადასცა. საჩუქრები კომპაქტურ ჩასახლებაში მცხოვრებმა 300-მდე დევნილმა ოჯახმა მიიღო.

"აფხაზეთის მთავრობა პერმანენტულად ახორციელებს მსგავს ღონისძიებებს. გვაინტერესებს, როგორ პირობებში ცხოვრობენ იძულებით გადაადგილებული პირები. მთავარია მაქსიმალური მხარდაჭერა ჩვენი დევნილი მოსახლეობის ," - განაცხადა გიორგი ბარამიამ.

აფხაზეთის ავტონომიური რესპუბლიკის ეკონომიკის

სამინისტრო აცხადებს უფასო სტაჟირებას!

აფხაზეთის ავტონომიური რესპუბლიკის ეკონომიკის სამინისტროს სტრუქტურულ ერთეულებში მისაღები სტაჟიორების კვოტა განსაზღვრულია:

ა. მინისტრის აპარატი - 2 (ორი) სტაჟიორი;

ბ. იურიდიულ და საკადრო საკითხთა დეპარტამენტი - 2 (ორი) სტაჟიორი;

გ. საფინანსო და მატერიალური უზრუნველყოფის დეპარტამენტი - 2 (ორი) სტაჟიორი;

დ. სახელმწიფო ქონების მართვისა და პრივატიზაციის დეპარტამენტი - 2 (ორი) სტაჟიორი;

ე. სტატისტიკისა და ეკონომიკური პოლიტიკის დეპარტამენტი - 2 (ორი) სტაჟიორი;

ვ. შიდა აუდიტის სამსახური - 1 (ერთი) სტაჟიორი.

წარმოსადგენი დოკუმენტაცია: 

1. პირადობის დამადასტურებელი (თუ კანდიდატი დევნილია ასევე დევნილის) მოწმობის ასლი;

2. დახასიათება ან/და რეკომენდაცია;

3. დიპლომის ასლი ან ცნობა უმაღლესი სასწავლებლიდან;

4. ავტობიოგრაფია ან CV;

5. ერთი ფოტოსურათი - 3X4-ზე.

საბუთების მიიღება - აფხაზეთის ავტონომიური რესპუბლიკის ეკონომიკის სამინისტროს იურიდიულ და საკადრო საკითხთა დეპარტამენტში 2012 წლის 23 იანვრიდან 2012 წლის 03 თებერვლის ჩათვლით 10.00 საათიდან 18.00 საათამდე, შემდეგ მისამართზე: ქ. თბილისი, ალ. ყაზბეგის გამზ. N42, მე-5 სართული. ინფორმაციისათვის დარეკეთ: 239 48 12.

აფხაზეთის ავტონომიური რესპუბლიკის ეკონომიკის სამინისტროში სტაჟირების მსურველთა საკვალიფიკაციო მოთხოვნა და თემატიკა:      

ზოგადი მოთხოვნები

1. სავალდებულო მოთხოვნა:

ა. კომპიუტერის საოფისე პროგრამების  ცოდნა; 

ბ. გუნდური მუშაობის უნარი;

გ. კომუნიკაბელურობა.

2. თემატიკა:

ა. საქართველოს კონსტიტუცია;

ბ. აფხაზეთის ავტონომიური რესპუბლიკის კონსტიტუცია;

გ. აფხაზეთის ავტონომიური რესპუბლიკის ეკონომიკის სამინისტროს დებულება;

დ. საქართველოს ზოგად ადმინისტრაციული კოდექსი;

ე. „საჯარო სამსახურის შესახებ" საქართველოს კანონი;

იურიდიულ და საკადრო საკითხთა დეპარტამენტი

1. სპეციალობა: სამართალმცოდნე ან/და საერთაშორისო სამართლმცოდნე;

2. დამატებითი თემატიკა:

ა. საქართველოს სამოქალაქო სამართალი (საკუთრებითი სამართალი და ვალდებულებითი სამართალი);

ბ. საქართველოს ადმინისტრაციული საპროცესო სამართალი;

გ. საქართველოს სამოქალაქო პროცესი;

დ. „მეწარმეთა შესახებ" საქართველოს კანონი;

ე. „სახელმწიფო ქონების შესახებ" საქართველოს კანონი;

ვ. „საჯარო სამართლის იურიდიული პირის შესახებ" საქართველოს კანონი;

ზ. „ნორმატიული აქტების შესახებ" საქართველოს კანონი;

თ. „ნორმატიული აქტების შესახებ" აფხაზეთის კანონი;

ი. „აფხაზეთის მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონი;

კ. „საქართველოს მთავრობის სტრუქტურის, უფლებამოსილებისა და საქმიანობის წესის შესახებ" საქართველოს კანონი;

ლ. საქართველოს შრომის კოდექსი.

სამინისტროს მინისტრის აპარატი

1. სპეციალობა: ნებისმიერი;

2. სავალდებულო მოთხოვნა:

ა. უცხო ენის (ინგლისური, ფრანგული ანდა გერმანული) ცოდნა;

სახელმწიფო ქონების მართვისა და პრივატიზაციის დეპარტამენტი

1. სპეციალობა: ეკონომისტი, სამართალმცოდნე;

2. დამატებითი თემატიკა:     

ა. საქართველოს სამოქალაქო სამართალი (საკუთრებითი სამართალი და ვალდებულებითი სამართალი);

ბ. „მეწარმეთა შესახებ" საქართველოს კანონი;

გ. „სახელმწიფო ქონების შესახებ" საქართველოს კანონი;

დ. „საჯარო სამართლის იურიდიული პირის შესახებ" საქართველოს კანონი.

სტატისტიკისა და ეკონომიკური პოლიტიკის დეპარტამენტი

1. სპეციალობა: ეკონომისტი;

2. დამატებითი თემატიკა:

ა. „ოფიციალური სტატისტიკის შესახებ" საქართველოს კანონი;

ბ. „სახელმწიფო შესყიდვების შესახებ" საქართველოს კანონი;

გ. ეროვნული ანგარიშების  სისტემის (ეას) ზოგადი დახასიათება (საფუძველი - მსოფლიო ბანკისა და საერთაშორისო სავალუტო ფონდის მიერ რეკომენდირებულ ეროვნულ ანგარიშთა 1993 წლის სისტემის (SNA-93) სტანდარტული მეთოდოლოგია);

შიდა აუდიტის სამსახური

1. სპეციალობა: ეკონომისტი, სამართალმცოდნე;

2. დამატებითი თემატიკა:

ა. „სახელმწიფო შიდა აუდიტისა და ინსპექტირების შესახებ" საქართველოს კანონი;

ბ. „შიდა აუდიტთან დაკავშირებული საკითხების განმხილველი საბჭოს შექმნის, მისი დებულების დამტკიცებისა და ამ საბჭოში არსებული სამდივნო უფლება-მოვალეობათა განსაზღვრის შესახებ" საქართველოს მთავრობის 2010 წლის 9 თებერვლის N345 დადგენილება;

გ. „სახელმწიფო შესყიდვების შესახებ" საქართველოს კანონი.

საფინანსო და მატერიალური უზრუნველყოფის დეპარტამენტი

1. სპეციალობა: ეკონომისტი;

2. დამატებითი თემატიკა:

ა. „სახელმწიფო შესყიდვების შესახებ" საქართველოს კანონი;

ბ. „მეწარმეთა შესახებ" საქართველოს კანონი;

გ. „სახელმწიფო ქონების შესახებ" საქართველოს კანონი;

დ. „საჯარო სამართლის იურიდიული პირის შესახებ" საქართველოს კანონი;

ე.  საბიუჯეტო კოდექსი;

შენიშვნა:

აფხაზეთის ავტონომიური რესპუბლიკის ეკონომიკის სამინისტროში სტაჟირების კანდიდატი შეიძლება იყოს ბაკალავრის დამამთავრებელი კურსის სტუდენტის (მე-4 კურსი), ბაკალავრი, მაგისტრატურის ნებისმიერი კურსის სტუდენტი და მაგისტრანტი.

დღეს, აფხაზეთიდან დევნილ ბავშვებს კინოთეატრმა ,,რუსთაველმა" უმასპინძლა. აფხაზეთის მთავრობის ორგანიზებით დევნილი ბავშვები ფილმის ,,ანო და ვანოს" კინოჩვენებას დაესწრნენ.

50-მდე სოციალურად დაუცველი დევნილი ბავშვი ფილმის ჩვენებაზე კინოთეატრმა ,,რუსთაველმა'' მიიწვია.

აფხაზეთის მთავრობის თავმჯდომარის გიორგი ბარამიას ინიციატივითა და საერთაშორისო საქველმოქმედო ორგანიზაცია ,,კეთილი სამარიელი საქართველოში'' ორგანიზებით, გლდანის №104 ბაგა-ბაღში კომპაქტურად ჩასახლებულ დევნილ ბავშვებს საჩუქრები დაურიგდათ.

აფხაზეთის დევნილთა საქმეების დეპარტამენტის უფროსმა გიორგი ბობოხიძემ ბავშვებს საჩუქრები პირადად გადასცა.

საქველმოქმედო აქცია მთელი საქართველოს მასშტაბით გაგრძელდება. აფხაზეთის მთავრობის თავმჯდომარის ინიციატივით, საჩუქრებს თბილისსა და რეგიონის სხვა კომპაქტურ ჩასახლებებში მცხოვრები 5000-მდე დევნილი ბავში მიიღებს.

აფხაზეთის ავტონომიური რესპუბლიკის მთავრობამ აფხაზეთის ომის ვეტერანებს, ინვალიდებსა და ომში დაღუპულთა ოჯახებს დამდეგი შობა–ახალი წელი მიულოცა.

მთავრობის ინიციატივით ვეტერანებს, ინვალიდებსა და ომში დაღუპულთა ოჯახებს საახალწლო სასაჩუქრე კალათები დაურიგდათ.

29, 30 და 31 დეკემბერს აფხაზეთის ავტონომიური რესპუბლიკის მთავრობა და აფხაზეთის განათლებისა და კულტურის სამინისტრო აფხაზეთიდან დევნილი 5 -დან 10 - წლამდე ბავშვებისათვის  ზაალ სულაკაურის გასართობ ცენტრში საახალწლო  ზეიმს  მართავს.ზეიმს უკვე დაესწრო 700 -ზე მეტი ბავშვი.

,,ზალიკოს სადღესასწაულო  ცენტრში" წარმოდგენილია გასართობი პროგრამა - პატარების განწყობაზე ჯამბაზები, ილუზიონისტები და ზღაპრის გმირები ზრუნავენ. წარმოდგენის ბოლოს თოვლის ბაბუა ბავშვებს საახალწლო საჩუქრებს და ტკბილეულს ურიგებს.