სიახლეები

საქართველოს დამოუკიდებლობის აღდგენის 100 წლისთავისა და "აფხაზეთის დღესთან" დაკავშირებით შოთა რუსთაველის სახელობის სახელმწიფო დრამატულ თეატრში აფხაზეთის სიმღერისა და ცეკვის სახელმწიფო ანსამბლ "აფხაზეთი"-ს, საანგარიშო-საიუბილეო კონცერტი გაიმართა. 2018 წელს ანსამბლ "აფხაზეთს" დაარსებიდან 40 წელი შეუსრულდა.

რუსთაველის თეატრში შეკრებილ საზოგადოებას მიესალმნენ და ანსამბლს იუბილე მიულოცეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავამ, საქართველოს კულტურისა და სპორტის მინისტრმა მიხეილ გიორგაძემ. აფხაზეთის ხელისუფლების გადაწყვეტილებით ანსამბლის წევრებს აფხაზეთის ავტონომიური რესპუბლიკის მთავრობის მადლობისა და აფხაზეთის ავტონომიური რესპუბლიკის უმაღლესი საბჭოს საპატიო სიგელები გადაეცათ, ხოლო მიხეილ გიორგაძემ ანსამბლის სამხატვრო ხელმძღვანელ ლევან ღვინჯილიას ხელოვნების ქურუმის ჯილდო გადასცა.

ღონისძიებაზე ნაჩვენები იყო ანსამბლის შექმნის ისტორიის ამსახველი დოკუმენტური ფილმი. საიუბილეო კონცერტზე ანსამბლი „აფხაზეთი" მაყურებლის წინაშე განახლებული პროგრამით წარსდგა.

სხვადასხვა ნომინაციაში საპატიო ჯილდოები გადაეცათ ანსამბლის ყოფილ და მოქმედ წევრებს. ქართული ხალხური ცეკვის პოპულარიზაციაში შეტანილი განსაკუთრებული წვლილისათვის ანსამბლის ვეტერანი წევრები საქართველოს ქორეოგრაფიის ამაგდარის ორდენით დაჯილდოვდნენ. აფხაზეთის სახელმწიფო ანსამბლის ყოფილი მთავარი ქორეოგრაფი, ქორეოგრაფთა კავშირის თავმჯდომარე თეიმურაზ დარჯანია და აფხაზეთის სახელმწიფო ანსამბლის ქორეოგრაფი, ქორეოგრაფთა კავშირის თავმჯდომარის მოადგილე სერგო გეგეჭკორი საქართველოს ქორეოგრაფიის „ბრწყინვალების ორდენით" დაჯილდოვდნენ.

ღონისძიებას საქართველოს საკანონმდებლო და აღმასრულებელი ხელისუფლების წარმომადგენლები, საქართველოში აკრედიტებული დიპლომატიური კორპუსი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აფხაზეთიდან დევნილი საზოგადოება ესწრებოდნენ.

ფრაქცია „ქართული ოცნების" თავმჯდომარის, მამუკა მდინარაძის ინიციატივით, აფხაზეთის დღის აღსანიშნავად, პარლამენტში გამოფენა სახელწოდებით „ჩემი სახლი აფხაზეთში" გაიმართა. გამოფენაზე წარმოდგენილ ნამუშევრებში ასახული იყო ბავშვების წარმოდგენაში არსებული აფხაზეთი, რომელიც მათ საკუთარი თვალით არასოდეს უნახავთ.

ღონისძიების მონაწილეებს მისასალმებელი სიტყვით პარლამენტის თავმჯდომარემ, ირაკლი კობახიძემ მიმართა.

გამოფენა „ჩემი სახლი აფხაზეთში" ფრაქცია „ქართული ოცნების" თავმჯდომარემ, მამუკა მდინარაძემ გახსნა.

ფრაქცია „ქართული ოცნების" თავმჯდომარემ მადლობა გადაუხადა აფხაზეთის ჯუმბერ ბეთაშვილის სახელობის მეორე საჯარო და ვოვა ვეკუას სახელობის მესამე საჯარო სკოლის მოსწავლეებს გამოფენაში მონაწილეობისთვის.

პარლამენტში შეკრებილ საზოგადოებას სიტყვით პარლამენტის თავმჯდომარის მოადგილე გიორგი ვოლსკიმ და პარლამენტის ტერიტორიული მთლიანობის აღდგენის საკითხთა დროებითი კომისიის თავმჯდომარე, გედევან ფოფხაძემ მიმართეს. მათი თქმით ძალიან მნიშვნელოვანია აფხაზეთთან ემოციური კავშირის შენარჩუნება.

ღონისძიების მონაწილეებს მისასალმებელი სიტყვით, ასევე მიმართეს: აფხაზეთის ავტონომიური რესპუბლიკის მთავარობის თავმჯდომარის მოვალეობის შემსრულებელმა ვახტანგ ყოლბაიამ და აფხაზეთის უმაღლესი საბჭოს თავმჯდომარე ელგუჯა გვაზავამ, შერიგებისა და სამოქალაქო თანასწორობის საკითხებში სახელმწიფო მინისტრმა ქეთევან ციხელაშვილმა.

ფრაქცია „ქართული ოცნების" თავმჯდომარე, მამუკა მდინარაძემ გამოფენაში მონაწილე მოსწავლეებს სიგელები გადასცა.

მოციქულ სვიმონ კანანელის ხსენების დღესთან დაკავშირებით ჭიათურისა და საჩხერის მიტროპოლიტმა მეუფე დანიელმა სიონის საკათედრო ტაძარში პარაკლისი აღავლინა.

პარაკლისს  აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები ესწრებოდნენ.

23 მაისი, სვიმონ კანანელის ხსენების დღე, უწმინდესისა და უნეტარესის, სრულიად საქართველოს კათოლიკოს-პატრიარქის, მცხეთა-თბილისის მთავარეპისკოპოსის, ბიჭვინთისა და ცხუმ-აფხაზეთის მიტროპოლიტის ილია II-ის ლოცვა-კურთხევით აფხაზეთის დღედ დადგინდა. 

"აფხაზეთის დღესთან" დაკავშირებით აფხაზეთის ავტონომიური რესპუბლიკის ხელისუფლებამ საქართველოს ტერიტორიული მთლიანობისთვის დაღუპულ გმირთა მემორიალი გვირგვინით შეამკო და პატივი მიაგო ომში დაღუპულთა ხსოვნას.

2018  წლის  22  მაისს  ,,აფხაზეთის დღესთან” დაკავშირებით დეპარტამენტის დევნილთა პრობლემებზე  მომუშავე ადგილობრივ და საერთაშორისო ორგანიზაციებთან ურთიერთობის განყოფილების ორგანიზებითა და სოხუმის დრამატული თეატრის ხელშეწყობით  ქ. თბილისში განსახლებული  30-მდე სოციალურად დაუცველი  აფხაზეთიდან დევნილი მარჯანიშვილის თეატრში  დაესწრო  სპექტაკლს  ,, მილიონრები ”.

23 მაისს სვიმონ კანანელის ხსენების დღეს ჭიათურისა და საჩხერის მიტროპოლიტმა მეუფე დანიელმა სიონის საკათედრო ტაძარში პარაკლისი აღავლინა. წმინდა მოციქული სვიმონ კანანელი 12 მოციქულთაგან ერთ-ერთი იყო. მან ქრისტეს მოძღვრება ანდრია პირველწოდებულთან ერთად დასავლეთ საქართველოშიც იქადაგა, რის შემდეგაც წარმართთა მოსაქცევად აფხაზეთში დარჩა. წმინდა სვიმონი წარმართებმა ქვებით ჩაქოლეს. ის დაკრძალულია ანაკოფიაში, სოხუმთან ახლოს. შემდგომში ახალი ათონის მთაზე, მის საფლავზე, მონასტერი აშენდა.

23 მაისი - სვიმონ კანანელის ხსენების დღე სრულიად საქართველოს კათოლიკოს-პატრიარქმა, მცხეთა-თბილისის მთავარეპისკოპოსმა, ბიჭვინთისა და ცხუმ-აფხაზეთის მიტროპოლიტმა, უწმინდესმა და უნეტარესმა, ილია II 2014 წელს აფხაზეთის დღედაც დაადგინა. მას მერე ყოველი წლის 23 მაისს აფხაზეთის დღეც აღინიშნება.

პარაკლისს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი სოზარ სუბარი, აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, დევნილი და არა დევნილი მრევლი ესწრებოდნენ.

საქართველოს პირველი დემოკრატიული რესპუბლიკის დაარსების 100 წლისთავისა და აფხაზეთის დღისადმი მიძღვნილი ღონისძიებების ფარგლებში აფხაზეთის ავტონომიური რესპუბლიკის მთავრობის ორგანიზებით, „თბილისის ივენთ-ჰოლში" გურამ ყურაშვილის სახელობის აფხაზეთის სახელმწიფო საგუნდო კაპელამ კონცერტი „ქართული მუსიკა ზვიად ბოლქვაძესა და აფხაზეთის კაპელასთან ერთად" გამართა.

კონცერტის დაწყებამდე დამსწრე საზოგადოებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია მიესალმა.

კონცერტზე შესრულდა ცნობილი ქართული სიმღერები. კონცერტში მონაწილეობდნენ ქართული ესტრადის ვარსკვლავები: ნეკა სებისკვერაძე, ნუკრი კაპანაძე, ნატო მეტონიძე და ლიზა ბაგრატიონი.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს პრემიერ-მინისტრის მრჩეველი კონფლიქტის ზონაში არსებულ საკითხებთან დაკავშირებით გურამ ოდიშარია, საქართველოს სახელმწიფო აუდიტის სამსახურის გენერალური აუდიტორის მოადგილე ნოდარ ჯავახიშვილი, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, საქართველოში აკრედიტებული დიპლომატიური კორპუსის წარმომადგენლები და დევნილი საზოგადოება ესწრებოდნენ.

აფხაზეთის ავტონომიური რესპუბლიკის განათლებისა და კულტურის სამინისტროს ვალერი არქანიას სახელობის არტ-გალერეაში ახალგაზრდულ კონფერენცია თემაზე - „აფხაზეთი - წარსული და დღევანდელობა" გაიმართა.  

კონფერენციაში მონაწილეობდნენ მოსწავლეები, რომლებმაც  აფხაზეთის ავტონომიური რესპუბლიკის განათლებისა და კულტურის სამინისტროს ინიციატივით ქალაქ თბილისის საჯარო სკოლებში ჩატარებულ პროექტში: „გავიღრმავოთ ცოდნა აფხაზეთის ისტორიის შესახებ" მიიღეს მონაწილეობა. პროექტის ფარგლებში საქართველოს განათლებისა და მეცნიერების სამინისტროს მიერ საგანგებოდ შერჩეულ რამდენიმე საჯარო სკოლაში სოხუმის სახელმწიფო უნივერსიტეტისა და საქართველოს ტექნიკური უნივერსიტეტის პროფესორებმა წაიკითხეს ლექციები აფხაზეთის ისტორიის საკითხებზე.

პროექტის დასკვნით ეტაპზე დაგეგმილია კონფერენციის მონაწილე მოსწავლეების სამინისტროს ფარგლებში დაგეგმილ პროექტში „საგანმანათლებლო-საველე ბანაკი აფხაზეთიდან დევნილი მოზარდებისათვის" ჩართვა.

ღონისძიებას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, სოხუმის სახელმწიფო უნივერისტეტის რექტორი ზურაბ ხონელიძე, სოხუმის სახელმწიფო უნივერისტეტის პროფესორი ზურაბ პაპასქირი, სოხუმის სახელმწიფო უნივერსიტეტის პროფესორი ავთანდილ ხაზალია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები ესწრებოდნენ.

კონფერენცია აფხაზეთის ავტონომიური რესპუბლიკის ხელისუფლების მიერ საქართველოს პირველი დემოკრატიული რესპუბლიკის დაარსების 100 წლისთავისა და აფხაზეთის დღისადმი მიძღვნილი ღონისძიებების ფარგლებში გაიმართა.

აფხაზეთის ა/რ განათლებისა და კულტურის სამინისტრომ ვალერი არქანიას სახელობის არტ-გალერეაში სამინისტროს კულტურულ ფასეულობათა დაცვის სამსახურის ორგანიზებით  გამართა ახალგაზრდული  კონფერენცია თემაზე: „აფხაზეთი - წარსული და დღევანდელობა“. კონფერენცია აფხაზეთის ავტონომიური რესპუბლიკის ხელისუფლების მიერ საქართველოს პირველი დემოკრატიული რესპუბლიკის დაარსების 100 წლისთავისა და აფხაზეთის დღისადმი მიძღვნილი ღონისძიებების ფარგლებში მოეწყო.

აფხაზეთის ა/რ განათლებისა და კულტურის სამინისტროს ინიციატივით  ქ. თბილისის საჯარო სკოლებში  წლეულს მეორედ ჩატარდა პროექტი: ,,გავიღრმავოთ ცოდნა აფხაზეთის  ისტორიის შესახებ“. ამ პროექტის ფარგლებში საქართველოს განათლებისა და მეცნიერების სამინისტროს მიერ საგანგებოდ შერჩეულ  ქ. თბილისის რამდენიმე საჯარო სკოლაში სოხუმის სახელმწიფო უნივერსიტეტისა და საქართველოს ტექნიკური უნივერსიტეტის პროფესორებმა წაიკითხეს ლექციები აფხაზეთის ისტორიის საკითხებზე.  კონფერენციაზე კი,  სწორედ იმ მოსწავლეთა ერთმა ნაწილმა, რომლებმაც ეს ლექციები მოისმინეს, აფხაზეთის თემატიკაზე საინტერესო მოხსენებები წაიკითხეს. კონფერენციაში ასევე მონაწილეობდნენ აფხაზეთის მეორე და მესამე საჯარო სკოლების მოსწავლეები.

კონფერენცია გახსნა აფხაზეთის ა/რ განათლებისა და კულტურის მინისტრმა მანანა ქვაჩახიამ, ხოლო კონფერენციას უძღვებოდა სამინისტროს კულტურულ ფასეულობათა დაცვის სამსახურის უფროსი ირაკლი გელენავა.  კონფერენციის შედეგები შეაჯამეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ, აფხაზეთის ა/რ უმაღლესი საბჭოს დეპუტატმა ჯემალ გამახარიამ, აფხაზეთის ა/რ  იუსტიციის დეპარტამენტის აპარატის უფროსი ავთანდილ ხაზალია, პროექტში მონაწილე პროფესორებმა ზურაბ პაპასქირმა და კახა კვაშილავამ. პროექტში მონაწილე ლექტორებს და მოსწავლეებს მადლობის სიგელები გადაეცათ.

დასასრულ ასევე ითქვა, რომ  კონფერენციის მონაწილე მოსწავლეები სამინისტროს მიერ დაგეგმილ პროექტში ,,საგანმანათლებლო-საველე არქეოლოგიური ბანაკი აფხაზეთიდან დევნილი მოზარდებისათვის“ ჩაებმებიან.

საქართველოს იუსტიციის მინისტრმა თეა წულუკიანმა და აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ საქართველოში აკრედიტებული დიპლომატიური კორპუსის წარმომადგენლებს ეროვნულ არქივში გამართულ ფოტოგამოფენაზე „აქ ერთად  ვართ..." უმასპინძლეს.

ფოტოგამოფენაზე წარმოდგენილი იყო სხვადასხვა ეპოქის ქართველი და აფხაზი საზოგადო მოღვაწეებისა და პოლიტიკოსების მეგობრული ურთიერთობებისა და მშვიდობიანი თანაცხოვრების ამსახველი უნიკალური ფოტოები.

გამოფენას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს პარლამენტის განათლების, მეცნიერებისა და კულტურის კომიტეტის თავმჯდომარე მარიამ ჯაში, საქართველოს იუსტიციის მინისტრის მოადგილე მიხეილ სარჯველაძე, საქართველოს ენის სახელმწიფო დეპარტამენტის თავმჯდომარე გიორგი ალიბეგაშვილი, საქართველოს პრემიერ-მინისტრის მრჩეველი კონფლიქტის ზონაში არსებულ საკითხებთან დაკავშირებით გურამ ოდიშარია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები ესწრებოდნენ.

ღონისძიება აფხაზეთის ავტონომიური რესპუბლიკის მთავრობის, საქართველოს იუსტიციის სამინისტროსა და საქართველოს ეროვნული არქივის ორგანიზებით გაიმართა.

აფხაზეთის ავტონომიური რესპუბლიკის მთავრობის, პარლამენტის დიასპორისა და კავკასიის საკითხთა კომიტეტის, ტერიტორიული მთლიანობის აღდგენის საკითხთა დროებითი კომისიისა და შერიგებისა და სამოქალაქო თანასწორობის საკითხებში საქართველოს სახელმწიფო მინისტრის აპარატის ორგანიზებით, საქართველოს პარლამენტში მუჰაჯირობისადმი მიძღვნილი ღონისძიება გაიმართა.

ღონისძიება გახსნა საქართველოს პარლამენტის დიასპორისა და კავკასიის საკითხთა კომიტეტის თავმჯდომარე ზვიად კვაჭანტირაძემ, დამსწრე საზოგადოებას ასევე სიტყვით მიმართეს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ და შერიგებისა და სამოქალაქო თანასწორობის საკითხებში სახელმწიფო მინისტრის აპარატის აფხაზეთის ავტონომიური რესპუბლიკის, ყოფილი სამხრეთ ოსეთის ოლქის საკითხთა და სამოქალაქო ინტეგრაციის დეპარტამენტის უფროსმა ზვიად ზვიადაძემ.

პარლამენტის საგამოფენო დარბაზში წარმოდგენილი იყო მუჰაჯირობასთან დაკავშირებული თემატური ფოტოგამოფენა, ხოლო კინოდარბაზში გაიმართა ფილმის „მუჰაჯირების შთამომავალი აფხაზები აჭარაში" ჩვენება, დარიგდა საინფორმაციო ბუკლეტები.

„ფოტო-გამოფენა ერთის მხრივ ისტორიულ ქრონიკას, ხოლო, მეორეს მხრივ, 150 წლის შემდეგაც კი, აფხაზეთისა და ქართველების გენეტიკაში დაბუდებული ტკივილის ამოძახილს  წარმოადგენს. მივმართავ ჩვენს აფხაზ თანამოძმეებს, რომ ჩვენ ერთი ბედის და ერთი სატკივარის მატარებელნი ვართ, მაგრამ ჩვენი ძალა ჩვენს შეგნებაშია" - განაცხადა ვახტანგ ყოლბაიამ.

ღონისძიების ბოლოს აფხაზეთის სიმღერისა და ცეკვის სახელმწიფო ანსამბლმა შეასრულა ქართული და აფხაზური სიმღერები.

ღონისძიებას აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა, საქართველოს აღმასრულებელი და საკანონმდებლო ხელისუფლების წარმომადგენლები, საქართველოში აკრედიტებული დიპლომატიური კორპუსის წარმომადგენლები, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები ესწრებოდნენ.

აფხაზეთის ავტონომიური რესპუბლიკის მთავრობის, საქართველოს იუსტიციის სამინისტროსა და საქართველოს ეროვნული არქივის ორგანიზებით ეროვნული არქივის საგამოფენო პავილიონში ფოტოგამოფენა „აქ ერთად  ვართ..." გაიმართა. გამოფენაზე წარმოდგენილი იყო საქართველოს ეროვნულ არქივში დაცული ქართველი და აფხაზი საზოგადო მოღვაწეებისა და პოლიტიკოსების მეგობრული ურთიერთობებისა და მშვიდობიანი თანაცხოვრების ამსახველი უნიკალური ფოტოები.

გამოფენა გახსნა და საზოგადოებას მიესალმა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია. ასევე, მისასალმებელი სიტყვით გამოვიდნენ აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა და აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია. ღონისძიებას აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, ეთნიკური აფხაზები, აფხაზეთის საჯარო სკოლის მოსწავლეები, პედაგოგები და დევნილი საზოგადოება ესწრებოდნენ.

პროექტის მიზანია შეახსენოს საზოგადოებას ქართველებისა და აფხაზების მშვიდობიანი თანაცხოვრების მრავალსაუკუნოვანი ისტორიის შესახებ. ფოტოგამოფენა არის ერთგვარი გზავნილი საერთაშორისო საზოგადოებისა და ოკუპირებულ აფხაზეთში მცხოვრები თანამოქალაქეებისადმი.

აფხაზეთის ავტონომიური რესპუბლიკის მთავრობის, საქართველოს იუსტიციის სამინისტროსა და საქართველოს ეროვნული არქივის ორგანიზებით ეროვნული არქივის საგამოფენო პავილიონში ფოტოგამოფენა „აქ ერთად ვართ..." გაიმართა. გამოფენა აფხაზეთის დღის აღნიშვნის ფარგლებში მოეწყო და აქ წარმოდგენილი იყო ქართულ-აფხაზური კულტურულ-პოლიტიკური თუ საზოგადოებრივ-სოციალური თანაცხოვრების ამსახველი ფოტომასალა, რომელიც საქართველოს ეროვნულ არქივშია დაცული. აფხაზური ურთიერთობები საუკუნეების მიღმიდან მოდის. ქართველები და აფხაზები ერთად, გვერდიგვერდ ქმნიდნენ აფხაზეთის ისტორიულ-კულტურულ ეპოქებს.

გამოფენა გახსნა აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ. დამსწრეთთა წინაშე სიტყვებით წარსდგნენ ასევე აფხაზეთის ავტონომიური რესპუბლიკის უმაღლესი საბჭოს თავმჯდომარე ელგუჯა გვაზავა და აფხაზეთის ავტონომიური რესპუბლიკის განათლებისა და კულტურის მინისტრი მანანა ქვაჩახია. ღონისძიებას აფხაზეთის ავტონომიური რესპუბლიკის მთავრობის წევრები, უმაღლესი საბჭოს დეპუტატები, ეთნიკური აფხაზები, აფხაზეთის საჯარო სკოლების მოსწავლეები, პედაგოგები და დევნილი საზოგადოება ესწრებოდნენ. მანანა ქვაჩახიამ გამოფენის დასათვალიერებლად მოსულ ახალგაზრდებსა დეტალურად მოუთხრო თითოეულ ფოტოზე გამოსახული ქართველი და აფხაზი მწერლებისა და პოეტების, საზოგადო მოღვაწეებისა და პოლიტიკოსების ისტორია თუ მათი მშვიდობიანი თანაცხოვრების ამსახველი საინტერესო ამბები.

ეს ურთიერთობა დაფუძნებული იყო საერთო ფასეულობებსა და ტრადიციებზე, რომელიც მოგვიანებით მესამე ძალის ვერაგულმა ჩარევამ დაანგრია. გამოფენის უმთავრესი მიზანიც საზოგადოების ყველა თაობისთვის, საერთაშორისო საზოგაოებისთვის ამის თქმაა.

2018 წლის 19 მაისს, საზოგადოებრივ კოლეჯ “ორიენტირში" (ქ. თბილისი, ც. დადიანის ქ. №28), ინტელექტუალურ-შემეცნებითი პროექტ “ერუდიტი”-ს ფინალი გაიმართა. ფინალში მონაწილეობა მიიღეს იმ მოსწავლეებმა, რომლებმაც ქ. თბილისში, ქ. ქუთაისსა და ს. წინწყაროში ჩატარებულ შესარჩევ ტურებში საუკეთესო შედეგები აჩვენეს და ხუთეულში მოხვდნენ.

ფინალურ ტურში მონაწილე ყველა მოსწავლე მუნიციპალიტეტის მიერ საჩუქრებით დაჯილდოვდა.

ასევე, მუნიციპალიტეტის მიერ საჩუქარი გადაეცა 2017-2018 სასწავლო წლის კოდორის ხეობის "ეტალონ მოსწავლეს” – მარიამ ჩოფლიანს.

"ერუდიტი"-ს ფინალური ტური, აჟარის (ზემო აფხაზეთის) მუნიციპალიტეტის გამგეობის, ზემო აფხაზეთში აფხაზეთის ა.რ. მთავრობის წარმომადგენლობის, ა(ა)იპ „აჟარის (ზემო აფხაზეთის) მუნიციპალიტეტის აჟარის კულტურის ცენტრისა" და ზემო აფხაზეთის საგანმანათლებლო რესურსცენტრის ორგანიზებით ჩატარდა.

უკვე წლებია, რაც ინტელექტუალურ-შემეცნებითი პროექტი "ერუდიტი" აჟარის (ზემო აფხაზეთის) მუნიციპალიტეტის ადგილობრივი ბიუჯეტის ფარგლებში ტარდება. პროექტის მიზანია ზემო აფხაზეთიდან იძულებით გადაადგილებულ მოსწავლეებში ინტელექტუალური დონის ამაღლება, მათი მოტივირება და სწავლა-განათლებით დაინტერესება.

აჟარის (ზემო აფხაზეთის) მუნიციპალიტეტის გამგეობა და ზემო აფხაზეთში აფხაზეთის ა.რ. მთავრობის წარმომადგენლობა მადლობას უხდის საზოგადოებრივ კოლეჯ “ორიენტირ"-ს და მის ხელმძღვანელობას, "ერუდიტი"-ს ფინალური ტურის მაღალ დონეზე მასპინძლობისთვის.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია უკრაინის დროებით ოკუპირებული ტერიტორიებისა და იძულებით გადაადგილებულ პირთა მინისტრს ვადიმ ჩერნიშს შეხვდა. 

შეხვედრაზე ისაუბრეს ორი ქვეყნის საერთო პრობლემაზე - ტერიტორიების ოკუპაციაზე, ასევე კონფლიქტის მშვიდობიანი მოგვარებისა და მდგომარეობის სტაბილურობისთვის განსახორციელებელ ღონისძებებზე.

ვადიმ ჩერნიშმა ისაუბრა 2014 წელს განვითარებულ მოვლენებსა და მის შემდგომ ოკუპირებულ ტერიტორიებზე არსებულ მდგომარეობაზე.

ვახტანგ ყოლბაიამ მოწვეულ სტუმრებს გააცნო ის პროექტები და ღონისძიებები რომელსაც აფხაზეთის ავტონომიური რესპუბლიკის ხელისუფლება ოკუპირებულ ტერიტორიებთან და იძულებით გადაადგილებულ პირებთან მიმართებაში ახორციელებს.

შეხვედრას აფხაზეთის ავტონომიური რესპუბლიკის მთავრობის წევრები, უკრაინის დროებით ოკუპირებული ტერიტორიებისა და იძულებით გადაადგილებულ პირთა სამინისტროს წარმომადგენლები, ლტოლვილთა დანიის საბჭოს უკრაინის ოფისის პროექტების მენეჯერი ეკა გვალია და სხვა წარმომადგენლები ესწრებოდნენ.