აფხაზეთის ავტონომიური რესპუბლიკის მთავრობის ორგანიზებით ზუგდიდში, მთავრობის წარმომადგენლობაში მეორე მსოფლიო ომის ვეტერანებსა და ინვალიდებს, აფხაზეთის ომის I ჯგუფის ინვალიდებს, შშმ არასწრულწლოვანებს, მრავალშვილიან ოჯახებს, მარტოხელა დედებს და სხვადასხვა კატეგორიის დევნილ ოჯახებს სააღდგომოდ აქცია „ვიზრუნოთ ერთმანეთზე" ფარგლებში სააღდგომო ნობათი დაურიგდათ.

ზუგდიდში, საქველმოქმედო აქციას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია და სამეგრელო ზემო სვანეთის რეგიონში აფხაზეთის მთავრობის წარმომადგენლობის ხელმძღვანელი ოთარ გოგოხია ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია რუსთავში მცხოვრებ აფხაზეთიდან დევნილ მოსახლეობას შეხვდა და დამდეგი აღდგომის ბრწყინვალე დღესასწაული მიულოცა. ყოლბაიამ დევნილებს სააღდგომო ნობათი გადასცა.

ღონისძიება მოძრაობა „ვიზრუნოთ ერთმანეთზე“ აქციის ფარგლებში ჩატარდა. სააღდგომო ნობათი დაურიგდათ რუსთავში მცხოვრებ სხვადასხვა  კატეგორიის 30 დევნილ ოჯახს, მათ შორის მეორე მსოფლიო ომის ვეტერანებსა და ინვალიდებს, აფხაზეთის ომის I ჯგუფის ინვალიდებს, შშმ არასწრულწლოვანებსა და მრავალშვილიან ოჯახებს, მარტოხელა დედებს  და სხვა.

შეგახსენებთ, რომ გასული ორი დღის მანძილზე, აფხაზეთის ხელისუფლებამ სააღდგომო ნობათი ასევე დაურიგა თბილისის სხვადასხვა კომპაქტურ ჩასახლებებში მცხოვრებ დევნილებს.

რუსთავში იმყოფებოდა აღმოსავლეთ საქართველოში აფხაზეთის მთავრობის წარმომადგენლობის ხელმძღვანელი დემურ კეკელიაც.

აფხაზეთის ავტონომიური რესპუბლიკის მთავრობის თავმჯდომარის მოვლეობის შემსრულებელმა ვახტანგ ყოლბაიამ, აფხაზეთის უმაღლესი საბჭოს თავმჯდომარემ გია (ელგუჯა) გვაზავამ, აფხაზეთის მთავრობის წევრებმა და უმაღლესი საბჭოს დეპუტატებმა რუსთაველის გამზირზე მდებარე 9 აპრილის   მემორიალი გვირგვინით შეამკეს და პატივი მიაგეს დაღუპული გმირების  ხსოვნას.

26 წელი გავიდა მას შემდეგ, რაც საქართველოს დამოუკიდებლობის მოთხოვნით დაწყებული საპროტესტო აქცია 9 აპრილს, გამთენიისას, მშვიდობიანი დემონსტრანტების დარბევით დასრულდა. 21 ადამიანი დაიღუპა, ასობით ადამიანი დაიჭრა, მოიწამლა და დასახიჩრდა.

აფხაზეთის ავტონომიური რესპუბლიკის მთავრობისა და აფხაზეთის უმაღლესი საბჭოს მიერ ორგანიზებულ  მოძრაობა „ვიზრუნოთ ერთმანეთზე“ ფარგლებში იმერეთსა და სამეგრელოს რეგიონში მცხოვრებ დევნილებს სააღდგომო ნობათი გადაეცათ. აფხაზეთიდან დევნილ მოსახლეობას იმერეთის რეგიონში აფხაზეთის მთავრობის წარმომადგენლობის ხელმძღვანელი ზაზა ჩაჩავა და სამეგრელო ზემო სვანეთის რეგიონში აფხაზეთის მთავრობის წარმომადგენლობის ხელმძღვანელი ოთარ გოგოხია პირადად ესტუმრნენ და დამდეგი აღდგომის ბრწყინვალე დღესასწაული მიულოცეს.

იმერეთის რეგიონში აფხაზეთის მთავრობის წარმომადგენლობის ორგანიზებით სურსათ - სანოვაგე მიიღეს სამტრედიაში, ხონში, ზესტაფონში, ტყიბულში, საჩხერეში, წყალტუბოსა და ქუთაისში მცხოვრებმა 100-მდე სხვადასხვა კატეგორიის დევნილმა ოჯახმა.

სამეგრელო ზემო სვანეთის რეგიონში აფხაზეთის მთავრობის წარმომადგენლობის ხელმძღვანელობამ აქციის ფარგლებში შემოსული სააღდგომო ნობათი გადასცა ზუგდიდში, ხობში, სენაკში, წალენჯიხაში, ჩხოროწყუსა და ფოთში მცხოვრებ დევნილ ოჯახებს.

საერთო ჯამში დახმარება მიიღო 200 მდე სხვადასხვა კატეგორიის იძულებით გადაადგილებულმა ოჯახმა. აქციაში ჩართულნი იყვნენ ადგილობრივი ბიზნეს-ორგანიზაციები, არასამთავრობო სექტორი და კერძო პირები. განსხევავებით წინა აქციისგან აფხაზეთის მთავრობის სტრუქტურებისა და აფხაზეთის უმაღლესი საბჭოს თითოეული თანამშრომელი აქტიურად ჩაერთო სააღდგომო საქველმოქმედო აქციაში და მოკრძალებული წვლილი შეიტანა ნობათების შეძენის პროცესის ორგანიზებაში.

აქცია „ვიზრუნოთ ერთმანეთზე“ ფარგლებში შემოსული პროდუქტი დაურიგდათ მეორე მსოფლიო ომის ვეტერანებსა და ინვალიდებს, აფხაზეთის ომის I ჯგუფის ინვალიდებს, შშმ არასწრულწლოვანებსა და ლეიკემიით დაავადებულ ბავშვებს, მრავალშვილიან ოჯახებს, მარტოხელა დედებს და სხვადასხვა კატეგორიის დევნილ ოჯახებს.

აფხაზეთის ავტონომიური რესპუბლიკის მთავრობისა და აფხაზეთის უმაღლესი საბჭოს მიერ ორგანიზებულ მოძრაობა „ვიზრუნოთ ერთმანეთზე“ ფარგლებში, დიდუბის რაიონში, ვანის ქუჩა №7-სა და წერეთლის გამზირის №72-ში კომპაქტურად ჩასახლებულ აფხაზეთიდან დევნილ მოსახლეობას სააღდგომო ნობათები გადაეცა.

ღონისძიებას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარე კონსტანტინე კუჭუხიძე და აღმოსავლეთ საქართველოში აფხაზეთის მთავრობის წარმომადგენლობის ხელმძღვანელი დემურ კეკელია ესწრებოდნენ.

ვახტანგ ყოლბაიას განცხადებით, აქცია გრძელდება და სააღდგომო ნობათს რეგიონებში ჩასახლებული დევნილებიც მიიღებენ. მისივე განცხადებით, შარშანდელთან შედარებით, წელს ღონისძიება ბევრად უფრო ორგანიზებულია.

„დევნილთათვის სააღდგომო ნობათის დარიგების პროცესი გასულ წელთან შედარებით უფრო ორგანიზებულია. არ იყო აჟიოტაჟი, გაუგებრობა, შეუთანხმებლობა. ყველამ იცოდა, რომელ საათზე უნდა მოსულიყო.  მაგალითად, 11 საათზე მოდიან ომის ვეტერანები, 1-ზე მრავალშვილიანები და ა.შ. ამან განაპირობა, რომ ყველაფერმა ზედმეტი მღელვარების გარეშე ჩაირა. მომავალში  ყველაფერი უფრო მეტად დაიხვეწება და ნობათის დარიგების დღე უხმაუროდ ჩაივლის. ამავე ღონისძიების ფარგლებში, ჩვენ კიდევ გვექნება შეხვედრები საქართველოს სხვადასხვა რეგიონში მცხოვრებ დევნილებთან“, – განაცხადა ვახტანგ ყოლბაიამ.

აფხაზეთის ავტონომიური რესპუბლიკის მთავრობისა და აფხაზეთის უმაღლესი საბჭოს მიერ ორგანიზებულ მოძრაობა „ვიზრუნოთ ერთმანეთზე" ფარგლებში 750 -მდე დევნილ ოჯახს სააღდგომო ნობათი გადაეცა. აფხაზეთის ხელისუფლების წარმოამდგენლები იძულებით გადაადგილებულ პირებს ხარების ბრწყინვალე დღესასწაული მიულოცეს და სააღდგომოდ სხვადასხვა დასახელების სასურსათო პროდუქტი გადასცეს. ღონისძიებას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის უმაღლესი საბჭოს თავმჯდომარე გია გვაზავა დაესწრნენ.

აქციაში ჩართულნი იყვნენ ადგილობრივი ბიზნეს-ორგანიზაციები, არასამთავრობო სექტორი და კერძო პირები. განსხვავებით წინა აქციისგან აფხაზეთის მთავრობის სტრუქტურებისა და აფხაზეთის უმაღლესი საბჭოს თითოეული თანამშრომელი აქტიურად ჩაერთო სააღდგომო საქველმოქმედო აქციაში და მოკრძალებული წვლილი შეიტანა ნობათების შეძენის პროცესის ორგანიზებაში.

მოძრაობის ფარგლებში, 5 თებერვლიდან მიმდინარეობდა სურსათ-სანოვაგისა და აუცილებელი პირველადი საშუალებების შეგროვება. აქციის ფარგლებში შემოსული პროდუქტები დაურიგდათ მეორე მსოფლიო ომის ვეტერანებსა და ინვალიდებს, აფხაზეთის ომის I ჯგუფის ინვალიდებს, შშმ არასწრულწლოვანებსა და ლეიკემიით დაავადებულ ბავშვებს, მრავალშვილიან ოჯახებს, მარტოხელა დედებს და ა.შ. დევნილებს სააღდგომო ნობათი ხვალაც დაურიგდებათ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა ვახტანგ ყოლბაიამ აქტიური ჩართულობისათვის ყველა ორგანიზაციას, ინდივიდუალურ მონაწილეს, აფხაზეთის მთავრობის წევრებს, სოხუმის სახელმწიფო უნივერსიტეტს, კომპანიებს და არასამთავრობო სექტორის წარმომადგენლებს შესაბამის სერთიფიკატები გადასცა.

მორიგი საქველმოქმედო აქციის მიზანია ადამიანებისადმი თანადგომა და მოხალისეობის კულტურის დანერგვა საქართველოში. დევნილებისთვის სააღდგომო ნობათები საქართველოს რეგიონებშიც დარიგდება.

აფხაზეთის ავტონომიური რესპუბლიკის მთავრობის „სოლიდარობის ფონდმა" და მოძრაობამ „ვიზრუნოთ ერთმანეთზე" დევნილი მოსახლეობისათვის პირველი მასშტაბური აქცია საახალწლოდ გამართა. აქციის ფარგლებში 700-მდე დევნილმა ოჯახმა წინასაახალწლოდ საშობაო ნობათი მიიღო.

სოხუმის სახელმწიფო უნივერსიტეტში იურიდიული ფაკულტეტის ბაზაზე არსებული, იურიდიული კლინიკის პრაქტიკული სამართლის სწავლების პროგრამის პრეზენტაცია გაიმართა. მომხსენებლები იყვნენ უნივერსიტეტის იურიდიული ფაკულტეტის მაგისტრატურის მე-2 კურსის სტუდენტები. პრეზენტაცია აფხაზეთიდან დევნილი სკოლების მე-11-12 კლასის მოსწავლეებისთვის ჩატარდა.

პრეზენტაციაზე დამსწრე საზოგადოებას მისასალმებელი სიტყვით მიმართეს აფხაზეთის მთავრობის თავმჯდომარის მოვალეობის შემსრულებელმა ვახტანგ ყოლბაიამ, იუსტიციის სახელმწიფო მრჩეველმა, შავი ზღვის საერთაშორისო უნივერსიტეტის პროფესორმა ოთარ ბენიძემ, სოხუმის უნივერისტეტის რექტორმა ჯონი აფაქიძემ, სოხუმის სახელმწიფო უნივერსიტეტის იურიდიული ფაკულტეტის დეკანმა, პროფესორმა ვეფხვია გვარამიამ და იურიდიული კლინიკის ხელმძღვანელმა ლალი გაბისონიამ.

პრეზენტაციის ბოლოს დისკუსია გაიმართა. მომხსენებლებმა მათ მიმართ დასმულ კითხვებს ამომწურავად უპასუხეს.

ვალერი არქანიას სახელობის გალერეაში შეზღუდული შესაძლებლობის მქონე ბავშვებისა და მათი თანატოლების მიერ დამზადებული ხელნაკეთი სუვენირების გამოფენა-გაყიდვა მოეწყო. გამოფენას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის განათლებისა და კულტურის მინისტრი დიმიტრი ჯაიანი, აფხაზეთის ჯანდაცვის მინისტრი ქეთევან ბაკარაძე, აფხაზეთის განათლებისა და კულტურის მინისტრის პირველი მოადგილე მანანა ქვაჩახია და აფხაზეთის მთავრობის სხვადასხვა სტრუქტურის თანამშრომლები დაესწრნენ. სტუმრებმა დაათვალიერეს ნამუშევრები და ჩაერთნენ ამ საქველმოქმედო აქციაში. ხელნაკეთი ნამუშევრები დამზადდა აფხაზეთის განათლებისა და კულტურის სამინისტროს პროექტის ,,შემეცნებითი საგანმანათლებლო პროგრამა შშმ მოზარდებისთვის"ფარგლებში.

პროექტის ფარგლებში, მოზარდებისთვის ჩატარდა შშმ ბავშვების შრომითი უნარ-ჩვევების განვითარების პრაქტიკული კურსი, რომელიც სპეციალურად მათ საჭიროებებზე მორგებით შემუშავდა. ისინი ამ პერიოდის განმავლობაში მუშაობდნენ სხვადასხვა ჯგუფში, რომელიც ,,ბიბლიოთეკა-კულტურული ცენტრი შეზღუდული შესაძლებლობის მქონე პირთათვის „თანადგომა"-ის მხარდაჭერით განხორციელდა. პროექტის ბენეფიციარებმა სხვადასხვა მასალის გამოყენებით, ხელნაკეთი სუვენირების დამზადება ისწავლეს.

პროგრამა ხელს უწყობს შეზღუდული შესაძლებლობის მქონე მოზარდების გონებრივი, ფიზიკური და შემეცნებითი უნარების განვითარებას, მათი სოციუმში ინტეგრაციის პროცესს.

ვეტერანების საქმეთა სახელმწიფო სამსახურის ორგანიზებით ვეტერანების ნამუშევრების გამოფენა ჩატარდა. ღონისძიება მერაბ ბერძენიშვილის სახელობის კულტურის საერთაშორისო ცენტრ "მუზაში" გაიმართა. გამოფენაზე ნამუშევრები წარადგინა 24-მა ვეტერანმა, მათ შორის აფხაზეთიდან დევნილმა მხატვრებმა.

ხელოვანი ვეტერანები საზოგადოების წინაშე წარდგნენ სხვადასხვა ნამუშევრებით: ფერწერა, ტიხრული მინანქარი, ხეზე კვეთა, ჭედურობა და სხვ. ღონისძიების მიზანია, საზოგადოებაში ვეტერანების წარმოჩენა და პოპულარიზაცია.

ღონისძიებას ვეტერანების საქმეთა სახელმწიფო სამსახურის ხელმძღვანელი ირაკლი შიხიაშვილი, აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე გია (ელგუჯა) გვაზავა, აფხაზეთის მთავრობის წევრები, ვეტერანები, ხელოვნებათმცოდნეები, საზოგადოების სხვა ცნობილი სახეები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოში რუმინეთის ელჩს დუმიტრუ ბადეას შეხვდა.

მხარეებმა ისაუბრეს აფხაზეთში მიმდინარე მოვლენებზე. ბატონმა დუმიტრუ ბადეამ კიდევ ერთხელ დაადასტურა რუმინეთის მთავრობის მხარდაჭერა არაღიარების პოლიტიკის მიმართ.

ვახტან ყოლბაიამ ელჩს მადლობა გადაუხადა იმ ჰუმანიტარული პროექტებისთვის, რომელსაც რუმინეთი გაეროს განვითარების პროგრამის ფარგლებში საქართველოში, მათ შორის აფხაზეთის ტერიტორიაზე ახორციელებს.

შეხვედრაზე განხილული იქნა მომავალი თანამშრომლობის კონკრეტული ნაბიჯები, მათ შორის იძულებით გადაადგილებულ პირთა დასახმარებლად რუმინეთის შესაძლო ჩართვა სხვადასხვა ჰუმანიტარულ პროექტში.

შეთანხმდნენ, რომ აფხაზეთის ავტონომიური რესპუბლიკის მთავრობა რუმინეთის საელჩოსთან გააგრძელებს აქტიურ თანამშრომლობას.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის უმაღელსი საბჭოს თავმჯდომარე გია გვაზავა დღეს, მცხეთა-მთიანეთის მხარეში სახელმწიფო რწმუნებულ-გუბერნატორს ნუგზარ ყიფიანს, მის მოადგილეებს კობა არაბულს, გოჩა ზეიკიძესა  და  მცხეთის რაიონში ჩასახლებულ აფხაზეთიდან დევნილ მოსახლეობას შეხვდნენ.

შეხვედრას აფხაზეთის უმაღლესი საბჭოს დეპუტატები, აფხაზეთის მთავრობის წევრები და ადგილობრივი მუნიციპალიტეტის ხელმძღვანელები ესწრებოდნენ . 

შეხვედრაზე დევნილებმა თავიანთი პრობლემების შესახებ ისაუბრეს - პრობლემები ძირითადად საცხოვრებელი ფართების  საკითხს, ინფრასტუქტურის მოწესრიგებასა და საცხოვრებელი პირობების გაუმჯობესებას შეეხებოდა. ასევე იმსჯელეს მცხეთა-მთიანეთში დევნილთა დასაქმების პერსპექტივებზე.

აფხაზეთის ავტონომიური რესპუბლიკის ხელისუფლება და მცხეთა-მთიანეთის გუბერნატორის ადმინისტრაცია დევნილთა პრობლემების მოსაგვარებლად აქტიურ თანამშრომლობაზე შეთანხმდნენ.

ვახტანგ ყოლბაიას განცხადებით, აფხაზეთის მთავრობა აგრძელებს დევნილთა პრობლემების განხილვას ადგილობრივი მმართველობის ორგანოებთან. მისი თქმით, მცხეთა-მთიანეთის რეგიონის ხელმძღვანელობისათვის კარგადაა ცნობილი იქ ჩასახლებულ დევნილთა პრობლემები, დღვანდელ შეხვედრაზე კი მათი ერთობლივი გადაჭრის გზებზე შეთანხმდნენ.

„ჩვენ ვაგრძელებთ შეხვედრების ცილს, რომელიც ითვალისწინებს ადგილობრივი მმართველობების ორგანოებთან დევნილთა პრობლემების განხილვას. მსგავსი შეხვედრები უკვე გვქონდა სამეგრელოში, თბილისის მერიასთან, რუსთავში. მინდა აღვნიშნო, რომ დევნილთა პრობლემებს მცხეთა-მთიანეთის რეგიონში ადგილობრივი ხელისუფლება ძალიან სერიოზულად უყურებს და შესაბამისი, შესაფერის დახმარებასაც უწევს, მაგრამ არის პრობლემები, რომელშიც აფხაზეთის მთავრობა და დევნილთა სამინისტროს ჩართვაა საჭირო. ხშირად არსებული ნიუანსები შესაძლოა ზოგადად დიდ რამეს არ ნიშნავდეს, მაგრამ ერთი ოჯახისთვის დიდი პრობლემაა. ჩვენ დღეს აქ საკითხის გადასაწყვეტად არ ვყოფილვართ, დღეს გავეცანით პრობლემებს, რომლებიც აქ არსებობს. მინდა გითხარათ, რომ დევნილთა ის პრობლემები, რომელიც კომპაქტურ ჩასახლებულებში არსებობს, პრაქტიკულად აღნუსხული აქვთ სამხარეო ადმინისტრაციას ბატონი ნუგზარის ხელმძღვანელობით, მუნიციპალიტეტების გამგებლებს, საკრებულოებისს თავმჯდომარეებს. ჩვენ გავიარეთ ეს პრობლემები და ახლა უნდა დავგეგმოთ თუ როგორ მოვაგვაროთ ისინი. არ არის შეუძლებელი პრობლემები, მთავრია ჩვენ ვნახეთ მხარდაჭერა და მხარში ამოდგომის დიდი სურვილი და განწყობა. ამიტომაც, ჩვენ ადგილზე ჩავალთ, რათა შევუმსუბუქოთ ამ ხალხს ყოფა, დევნილთა სამინისტროსგან გვაქვს მხარდაჭერა და ეს უმნიშვნელოვანესია“. - განაცხადა ვახტანგ ყოლბაიამ.

გიორგი შარვაშიძის სახელობის პრემიაზე განაცხადები მიიღება შემდეგ დარგებში: ლიტერატურა, მეცნიერება, ხელოვნება, პუბლიცისტიკა, არქიტექტურა.

გიორგი შარვაშიძის სახელობის პრემია ენიჭება ლიტერატურის, მეცნიერების, პუბლიცისტიკის, ხელოვნებისა და არქიტექტურის დარგში 2013-2015 წლებში შექმნილ ნაწარმოებებს, რომლებმაც მხატვრული, სამეცნიერო და სხვა ღირებულებათა გამო საერთო ეროვნული აღიარება მოიპოვეს და წარმოადგენს შენაძენს ქართული ლიტერატურის, მეცნიერების, პუბლიცისტიკის, ხელოვნებისა და არქიტექტურის დარგში.

გიორგი შარვაშიძის სახელობის პრემია გაიცემა არა უმეტეს ოთხისა, თითოეული 3000 ლარის ოდენობით.
           
გიორგი შარვაშიძის სახელობის პრემიის მოსაპოვებლად კონკურსში კანდიდატთა წარდგენის პირობები და წესი:
ა) გიორგი შარვაშიძის სახელობის პრემიის მოსაპოვებლად კანდიდატთა წარდგენის უფლება აქვთ იმ სასწავლო-სამეცნიერო დაწესებულებებს, შემოქმედებით და სხვა საზოგადოებრივ ორგანიზაციებს, რომლებიც მოღვაწეობენ ლიტერატურის, მეცნიერების, ხელოვნების, პუბლიცისტიკისა და არქიტექტურის დარგებში.
ბ) პრემიის მოსაპოვებლად შეიძლება წარდგენილ იქნეს ფიზიკური პირი მისი მოქალაქეობის მიუხედავად;
გ) პრემიის მოსაპოვებლად წარდგენილი კანდიდატი არ შეიძლება იყოს კომისიის წევრი;
დ) ლიტერატურული და პუბლიცისტური ნაწარმოებების წარდგენა უნდა მოხდეს დასრულებული სახით გამოქვეყნების შემდეგ. ხელოვნების სხვადასხვა დარგში შექმნილი ნაწარმოებების საკონკურსოდ წარდგენა შეიძლება მას შემდეგ, რაც მათ სრულად გაეცნობა საზოგადოება კონცერტებზე, გამოფენებზე, კინოთეატრებში, მასმედიის საშუალებების მეშვეობით; არქიტექტურის დარგში შექმნილი ნაწარმოებების საკონკურსოდ წარდგენა უნდა მოხდეს ობიექტის მშენებლობის დასრულების შემდეგ; მეცნიერების დარგში შექმნილი ნაშრომის საკონკურსოდ წარდგენა შეიძლება სამეცნიერო ნაშრომის გამოქვეყნების ან მისი პრაქტიკული განხორციელების შემდეგ.
ე) დაუშვებელია პრემიის მოსაპოვებლად კომისიის მიერ უარყოფილი ნაწარმოების (ნაშრომის) ხელმეორედ წარდგენა. პრემიის მოსაპოვებლად ავტორის განმეორებით წარდგენა შესაძლებელია მხოლოდ ახალი ნაწარმოებით (ნაშრომით).
ვ) ავტორთა ჯგუფისათვის პრემიის მინიჭებისას, პრემია ავტორთა შორის  თანაბრად ნაწილდება.

კონკურსზე მონაწილეობისათვის აფხაზეთის ავტონომიური რესპუბლიკის განათლებისა და კულტურის სამინისტროში წარდგენილი უნდა იქნეს შემდეგი დოკუმენტაცია:
1. წარდგინება, ანუ ნაწარმოების, ნაშრომის აღწერა-დახასიათება იმ განსაკუთრებული ღირსებების აღნიშვნით, რის გამოც ხდება მისი ავტორის გიორგი შარვაშიძის სახელობის პრემიაზე წარდგინება. დოკუმენტს ხელს აწერს წარმდგენი ორგანიზაციის ხელმძღვანელი.
2. საკონკურსო ნაწარმოების, ნაშრომის შესახებ პრესაში გამოქვეყნებული რეცენზიები, აუდიო, ვიდეო, ფოტო და სხვა მასალები ნაწარმოებზე, ნაშრომზე წარმოდგენის შესაქმნელად.
3. კანდიდატის ბიოგრაფია (CV).
4. ლიტერატურული ნაწაროები 12 ეგზემპლარად, სამეცნიერო ნაშრომი 12 ეგზემპლარად, მუსიკალური ნაწარმოების პარტიტურა 12 ეგზემპლარად, აუდიო, ვიდეო ჩანაწერები. წარმოდგენილი ნაშრომები ავტორებს უკან არ უბრუნდებათ.
5. კანდიდატის ორი ფოტოსურათი (6X9 სმ).

საკონკურსო განაცხადებისა და თანდართული მასალების მიღების ვადები:
 
1. საკონკურსო განცხადებები და მასალები მიიღება აფხაზეთის ავტონომიური რესპუბლიკის განათლებისა და კულტურის სამინისტროში 2015 წლის 1 ივლისამდე, შაბათ-კვირის გარდა, 10:00 სთ-დან 17:00 სთ.-მდე.
2. კონკურსის საბოლოო შედეგები და პრემიის ლაურეატთა სია გამოქვეყნდება 2015 წლის 23 ნოემბერს.
 
დამატებითი ცნობებისათვის მოგვმართეთ: თბილისი, უზნაძის ქ. №68, აფხაზეთის ა/რ განათლებისა და კულტურის სამინისტრო.

საკონტაქტო პირები: სალომე თორია, ეკატერინე გადილია;

ტელ:  577 34 85 34 / 599 24 62 18.

დღეს, აფხაზეთის მთავრობის თავჯდომარეობის მოვალეობის შემსრულებელმა ვახტანგ ყოლბაიამ ზუგდიდში, სოფელ კახათის წმინდა გიორგის სახელობის საპატრიაქოს სკოლა მოინახულა. აფხაზეთის მთავრობის ხელმძღვანელმა გაითვალისწინა არასამთავრობო ორგანიზაციების თხოვნა და სკოლის მოსწავლეებს საჩუქრად მუსიკალური ცენტრი  გადასცა. სკოლაში აფხაზეთიდან დევნლი  მოზარდებიც  სწავლობენ.

„დღევანდელი დღე ჩემთვის პოზიტიური იყო. ვნახე ბავშვების გახარებული სახეები. დიდი მადლობა მინდა გადავუხადო საქართველოს საპატრიარქოს დევნილი მოსწავლეების მხარდაჭერისთვის. შემდგომშიც შევეცდები მხარი დავუჭირო მათ ყველა იმ კეთილშობილურ საქმეში, რომელსაც ისინი აკეთებენ“ - განაცხადა ვახტანგ ყოლბაიამ.

ვახტანგ  ყოლბაია  ზუგდიდში მოქმედ  არასამთავრობო ორგანიზაციების წარმომადგენლებსაც შეხვდა. შეხვედრაზე საუბარი აფხაზეთის ხელისუფლების   საქმიანობას, ხედვებსა და სამოქმედო სტრატეგიას შეეხო, გააცნო  მიმდინარე  პროექტები და ერთობლივ საქმიანობაზე შეთანხმდნენ.

შეხვედრას სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელ ოთარ გოგოხია და წარმომადგენლობის თანამშრომლები ესწრებოდნენ.

ნაძალადევის რაიონში კომპაქტურ ჩასახლებაში მცხოვრები აფხაზეთიდან დევნილი მოსახლეობისათვის უფასო სამედიცინო, კლინიკურ-ლაბორატორიული პროფილაქტიკური გამოკვლევები ჩატარდა.

სამედიცინო აქციას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, ნაძალადევის რაიონის გამგებელი ზაზა გაბუნია, აფხაზეთის ჯანდაცვის მინისტრი ქეთევან ბაკარაძე და აფხაზეთის მთავრობის წარმომადგენლები დაესწრნენ, დევნილ მოსახლეობას შეხვდნენ და მათი პრობლემები მოისმინეს.

გამოკვლევების შესახებ ინფორმაცია ნაძალადევის რაიონში არსებულ 64-მდე ჩასახლების ობიექტში მცხოვრებ იძულებით გადაადგილებულ პირებს ეცნობათ. მთელი დღის განმავლობაში დევნილებს შარაშიძის სამედიცინო ცენტრის მედ-პერსონალი მოემსახურა.

დღესვე, აფხაზეთის შრომისა და ჯანმრთელობის დაცვის სამინისტროსა და მ. შარაშიძის სამედიცინო ცენტრს შორის გაფორმდა თანამშრომლობის მემორანდუმი, რომლის ფარგლებში დევნილი მოსახლეობისთვის ყოველი თვის ბოლო შაბათს დაიგეგმა უფასო სამედიცინო აქციები.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებლის, ვახტანგ ყოლბაიას განცხადებით, იგი მიესალმება იმ ტრადიციის გაგრძელებას, რომელსაც აფაზეთის მთავრობამ გასულ წელს ჩაუყარა საფუძველი და დღემდე წარმატებით გრძელდება. თანამშრომლობისათვის მანვე მადლობა გადაუხადა მ. შარაშიძის სამედიცინო ცენტრის ხელმძღვანელობას.

„დიდი მადლობა მინდა მოვახსენო ამ მრავალპროფილური დაწესებულების ხელმძღვანელს - ბატონ ზურაბ ავალიანს იმის გამო, რომ მან მიიღო ჩვენი ჯანდაცვის სამინისტროს შეთავაზება და ხელი მოვაწერეთ მემორანდუმს, რომლის მიხედვითაც ყოველი თვის ბოლო შაბათს მოხდება დევნილი მოსახლეობის ყველა სახის სამედიცინო პროფილაქტიკური გამოკვლევა. ეყრება საფუძველი ტრადიციას, რომელსაც, ასე ვთქვათ, კარგი წინა ისტორია აქვს, მხედველობაში მაქვს ჩვენ მიერ რეგიონებში ჩატარებული პროფილაქტიკური გამოკვლევები; დარწმუნებული ვარ, ეს ტრადიცია ამ რაიონში და ამ კლინიკაში მომავალშიც გაგრძელდება. სიახლეა ის, რომ აქვე კონტროლზე იქნება აყვანილი ის პაციენტი, რომელსაც მკურნალობის გაგრძელება დასჭირდება, მედიკამენტებით უზრუნველყოფა კი ჩვენი ჯანდაცვის სამინისტროს მხრიდან მოხდება. მახარებს ის, რომ ჩვენ ამ შესანიშნავ კლინიკასთან ძალიან კრგი პროექტის დაწყება შევძელით; თანამშრომლობის მემორანდუმი სხვა კლინიკებთანაც გავაფორმეთ, რაც ჩვენს დევნილებს მნიშვნელოვნად გაუუმჯობესებს ჯანმრთელობის მდგომარეობას. ამ წამოწყებას გაგრძელება ექნება, რაზეც ჩვენ ინტენსიურად ვიმუშავებთ", - განაცხადა ვახტანგ ყოლბაიამ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრუბელი ვახტანგ ყოლბაია თბილისის კლასიკური გიმნაზიის უფროსკლასელებს შეხვდა. შეხვედრა მოსწავლეების ინიციატივით გაიმართა, რომლის მიზანიც აფხაზეთის მთავრობის პრიორიტეტების გაცნობა, ასევე აფხაზეთის განათლებისა და კულტურის სამინისტროს საქმიანობის შესახებ ინფორმაციის მიღება იყო.

ვახტანგ ყოლბაიამ მოსწავლეებს აფხაზეთის კულტურულ მემკვიდრეობის ძეგლების მდგომარეობაზე, კონფლიქტის მოგვარებისკენ გადადგმულ ნაბიჯებსა და  სამომავლოდ დაგეგმილ საგანმანათლებლო პროექტებზე ესაუბრა, რომლებშიც  სხვა ეროვნების ახლაგაზრდებიც ჩაერთვებიან.

„ყოველთვის საინტერესოა შეხვედრა ახლაგაზრდობასთან, განსაკუთრებით მოსწავლე ახალგაზრდობასთან. თბილისის პირველ სკოლა-გიმნაზიას გამორჩეული კონტინგენტი ჰყავს. ამიტომაც ჩემთვის ძლიან მნიშვნელოვანი იყო, რომ  შეხვედრის ინიციატივა სკოლის მოსწავლეებისგან და დირექციისგან მოდიოდა.  აქ  ხომ აფხაზეთიდან დევნილი ბევრი მასწავლებელი მუშაობს. ჩვენმა შეხვედრამ ცხადყო, რომ  ახალგაზრდებს აინტერესებთ აფხაზეთი. საამაყოა, რომ აფხაზეთის ისტორიისა და კულტურის მიმართ ინტერესი არამც თუ არ დაუკარგავს მოსწავლე ახალგაზრდობას, პირიქით  სამომავლო  ქართულ-აფხაზურ ერთობლივ პროექტებზეც ფიქრობენ, რომელსაც მათი აზრით, პოლიტიკური აკრძალვები წინ ვერ აღუდგება.  შეხვედრაში მონაწილეობდნენ ძალიან გონიერი ახალგაზრდები - მეათე კლასელებთან საუბარმა დიდი სიამოვნება მომგვარა. შევთანმხდით, რომ მათთან ვითანამშრომლებთ კონფლიქტის მოგვარების მშვიდობიან პროექტებში, რომლებიც ნდობის აღდგენის მიმართულებით მუშაობს. ამ საკითხებში თანამშრომლობისთვის მათ მზადყოფნას  მივესალმებით". - განაცხადა ვახტანგ ყოლბაიამ.

ღონისძიებას ესწრებოდნენ კლასიკური გიმნაზიის სკოლის დირექტორი თამარ კაპანაძე, აფხზეთიდან დევნილი პედაგოგები და უფროსი კლასის მოსწავლეები. შეხვედრა კითხვა-პასუხის წესრიგით წარიმართა და აფხაზეთის მთავრობის ინიციატივით შექმნილი ფილმების ჩვენებით დასრულდა. ვახტანგ ყოლბაიამ გიმნაზიის ბიბლიოთეკას საჩუქრად წიგნები გადასცა.