აფხაზეთის ავტონომიური რესპუბლიკის მთავრობა

Аҧснытәи автономтә республика аиҳабыра

სიახლეები

„ბიზნესინკუბატორსა“ და „გამწვანებისა და გარემოდაცვითი პროექტების სააგენტოს“ შორის თანამშრომლობის მემორანდუმი გაფორმდა

ქუთაისში, აფხაზეთის სსიპ „ბიზნესინკუბატორსა" და სსიპ „გამწვანებისა და გარემოდაცვითი პროექტების სააგენტოს" შორის თანამშრომლობის მემორანდუმი გაფორმდა. მემორანდუმს ორგანიზაციების ხელმძღვანელებმა ალუ გამახარიამ  და   ჯუმბერ ბოიკომ   მოაწერეს ხელი.

შეთანხმება ითვალისწინებს აფხაზეთიდან იძულებით გადაადგილებულ პირთა დასაქმების ხელშეწყობას და მათი განსახლებისა და საქმიანობის ადგილებში ეკოლოგიური მდგომარეობის  გაუმჯობესებას.

მემორანდუმის ხელმოწერის ცერემონიას აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერი ბასარია, აფხაზეთის ავტონომიური რესპუბლიკის ფინანსთა და ეკონომიკის მინისტრი მურმან ფარფალია ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელმა  ვახტანგ ყოლბაიამ  და  აფხაზეთის ავტონომიური რესპუბლიკის მთავრობის წევრებმა  „ბიზნესინკუბატორის" ტერიტორიაზე  განლაგებული და მოქმედი საწარმოები დაათვალიერეს.

მემორანდუმის ხელმოწერა „ბიზნესინკუბატორის" ახალგახსნილ  პოლიმერული  ნარჩენების  გადამამუშავებელ საწარმოში გაიმართა.

ვახტანგ ყოლბაიამ და აფხაზეთის ავტონომიური რესპუბლიკის მთავრობის წევრებმა აჭარისა და სამეგრელოს რეგიონში მცხოვრებ აფხაზეთიდან დევნილებთან შეხვედრები გამართეს

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის მთავრობის წევრები აჭარის ავტონომიურ რესპუბლიკასა და სამეგრელოს რეგიონში იმყოფებოდნენ და აფხაზეთიდან დევნილ მოსახლეობასთან შეხვედრები გამართეს.

შეხვედრები გაიმართა ბათუმში (აფხაზეთის ქუჩა, „ბენზე"), ფოთსა (ახალი რაიონი) და   ზუგდიდში (ლაღიძის ქუჩა) დევნილთა კომპაქტურ ჩასახლებებში მცხოვრებ აფხაზეთიდან იძულებით გადაადგილებულ პირებთან.

ვახტანგ ყოლბაია აფხაზეთის ავტონომიური რესპუბლიკის მთავრობის წევრებთან ერთად ადგილზე გაეცნენ დევნილთა საყოფაცხოვრებო პირობებს და მათი პრობლემები მოისმინეს.

სამივე კომპაქტურ ჩასახლებაში აფხაზეთიდან დევნილებთან საუბარი შეეხო მოუწესრიგებელ ინფრასტრუქტურასა და კომუნიკაციებს, აგრევე ჯანდაცვისა და დასაქმების სფეროში არსებულ პრობლემებს.

აფხაზეთის მთავრობა დევნილებს შესაბამის სახელმწიფო უწყებებთან ერთად პრობლემების მოგვარების პროცესში აქტიურად ჩართვას და მათ მოგვარებას დაპირდა.

მთავრობის თავმჯდომარესთან ერთად აფხაზეთიდან დევნილებთან შეხვედრებზე იმყოფებოდნენ აფხაზეთის ავტონომიური რესპუბლიკის ფინანსთა და ეკონომიკის მინისტრი მურმან ფარფალია, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე, აფხაზეთის ავტონომიური რესპუბლიკის მინისტრი ნდობის აღდგენისა და შერიგების საკითხებში დავით გვაძაბია, აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარე კონსტანტინე კუჭუხიძე, აფხაზეთის ავტონომიური რესპუბლიკის იუსტიციის დეპარტამენტის თავმჯდომარე იგორ კოპალიანი, აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერი ბასარია, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე.

აფხაზეთის სიმღერისა და ცეკვის სახელმწიფო ანსამბლმა აჭარასა და სამეგრელოში საიუბილეო ტურნე გამართა

აფხაზეთის სიმღერისა და ცეკვის სახელმწიფო ანსამბლმა (სამხატვრო ხელმძღვანელი ლევან ღვინჯილია), დასავლეთ საქართველოს ტურნეს დასკვნითი კონცერტი ზუგდიდში გამართა. წარმოდგენილი იყო უძველესი და თანამედროვე ქართულ-აფხაზური ფოლკლორისა და საქართველოს სხვადასხვა კუთხის ქორეოგრაფიის საუკეთესო ნიმუშები. სახელმწიფო ანსამბლთან ერთად ღონისძიებაში მონაწილეობდა აფხაზეთის ავტონომიური რესპუბლიკის განათლებისა და კულტურის მინისტრი, საქართველოს სახალხო არტისტი დიმიტრი ჯაიანი. ტურნეს ფარგლებში, ანსამბლის 40 წლის იუბილესთან დაკავშირებული კონცერტები საქართველოს სამ ქალაქში, ბათუმში, ფოთსა და ზუგდიდში ჩატარდა.

გამართულ ღონისძიებებს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აჭარის ავტონომიური რესპუბლიკის მთავრობის წევრები, ქალაქ ფოთისა და ზუგდიდის მუნიციპალიტეტის ხელისუფლების წარმომადგენლები, აჭარაში მცხოვრები აფხაზების შთამომავლები, აფხაზეთიდან იძულებით გადაადგილებული პირები და ადგილობრივი საზოგადოების წარმომადგენლები ესწრებოდნენ.

შეხვედრა აჭარისა და სამეგრელოს რეგიონში მცხოვრებ დევნილებთან

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია და აფხაზეთის ავტონომიური რესპუბლიკის მთავრობის წევრები აჭარის ავტონომიურ რესპუბლიკასა და სამეგრელოს რეგიონში იმყოფებოდნენ და აფხაზეთიდან დევნილ მოსახლეობასთან შეხვედრები გამართეს.

შეხვედრები გაიმართა ბათუმში (აფხაზეთის ქუჩა, „ბენზე”), ფოთსა (ახალი რაიონი) და ზუგდიდში (ლაღიძის ქუჩა) დევნილთა კომპაქტურ ჩასახლებებში მცხოვრებ აფხაზეთიდან იძულებით გადაადგილებულ პირებთან.

ვახტანგ ყოლბაია აფხაზეთის ავტონომიური რესპუბლიკის მთავრობის წევრებთან ერთად ადგილზე გაეცნენ დევნილთა საყოფაცხოვრებო პირობებს და მათი პრობლემები მოისმინეს.

სამივე კომპაქტურ ჩასახლებაში აფხაზეთიდან დევნილებთან საუბარი შეეხო მოუწესრიგებელ ინფრასტრუქტურასა და კომუნიკაციებს, აგრევე ჯანდაცვისა და დასაქმების სფეროში არსებულ პრობლემებს.

აფხაზეთის მთავრობა დევნილებს შესაბამის სახელმწიფო უწყებებთან ერთად პრობლემების მოგვარების პროცესში აქტიურად ჩართვას და მათ მოგვარებას დაპირდა.

მთავრობის თავმჯდომარესთან ერთად აფხაზეთიდან დევნილებთან შეხვედრებზე იმყოფებოდნენ აფხაზეთის ავტონომიური რესპუბლიკის ფინანსთა და ეკონომიკის მინისტრი მურმან ფარფალია, აფხაზეთის ავტონომიური რესპუბლიკის ჯანმრთელობისა და სოციალური დაცვის მინისტრი ქეთევან ბაკარაძე, აფხაზეთის ავტონომიური რესპუბლიკის მინისტრი ნდობის აღდგენისა და შერიგების საკითხებში დავით გვაძაბია, აფხაზეთის ავტონომიური რესპუბლიკის დევნილთა საქმეების დეპარტამენტის თავმჯდომარე კონსტანტინე კუჭუხიძე, აფხაზეთის ავტონომიური რესპუბლიკის იუსტიციის დეპარტამენტის თავმჯდომარე იგორ კოპალიანი, აფხაზეთის ავტონომიური რესპუბლიკის სოფლის მეურნეობის, გარემოს დაცვისა და ბუნებრივი რესურსების დეპარტამენტის თავმჯდომარე ვალერი ბასარია, იმერეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ზაზა ჩაჩავა და სამეგრელო-ზემო სვანეთის რეგიონში აფხაზეთის ავტონომიური რესპუბლიკის მთავრობის წარმომადგენლობის ხელმძღვანელი ალექსანდრე ჩიკვაიძე.

27 ივნისს სააგენტოს მიწვევით აფხაზეთის ა/რ სოფლის მეურნეობის,გარემოს დაცვისა და ბუნებრივი რესურსების დეპარტამენტის ინიციატივით მცხეთა-მთიანეთის რეგიონში ქალთა 5 კოოპერატივის წარმომადგენლებს ტრენინგი ჩაუტარდათ

ორგანიზაციების "სოფლად თემთა განვითარების სააგენტო"(RCDA) და "ბრიჯ - ინოვაცია და განვითარება" მიერ "ოქსფამ საქართველოს" მხარდაჭერით და დიდი ბრიტანეთის ლატარიის ფონდის" (BLF) (Big Lottery Fund) პროექტის ფარგლებში მცხეთა-მთიანეთის რეგიონში ჩამოყალიბებულია 5 ქალთა კოოპერატივი: „შარახევი 1“ „სომეჯი“ „ნიჩბურა2015“ „ლიახვი2015“ და „ტყის ნობათი“. პროექტის მიზანია რეგიონის მოწყვლადი მოსახლეობისთვის, მათ შორის სოფლად მცხოვრები ქალების, იძულებით გადაადგილებული პირების სოციალურ და ეკონომიკურ გაძლიერება, სიღარიბის დაძლევა, დასაქმებისა და შემოსავლების ახალი წყაროების შექმნა. ორგანიზაციამ „სოფლად თემთა განვითარების სააგენტო“ პროექტის ფარგლებში ჩამოყალიბებული კოოპერატივები უზრუნველყო მცირე საწარმოებით, ხილისა და ბოსტნეულის მზის ჰიბრიდული საშრობითა და მზის წყლის გამაცხელებლებით. 
2017 წლის აპრილ-მაისში კოოპერატივებმა „შარახევი 1“ „სომეჯი“ „ნიჩბურა2015“ დაიწყეს სამკურნალო მცენარეების დამზადება და გადამუშავება,რომლებისგანაც გერმანიაში ტრადიციული მეთოდით მზადდება მედიკამენტი. კოოპერატივებმა 130 კილო მშრალი ფურისულა აწარმოეს, სადაც არამარტო კოოპერატივის წევრები დასაქმდნენ, არამედ ადგილობრივი მოსახლეობაც. მომავალში კოოპერატივები გააგრძელებენ სხვადასხვა ბიო სერთიფიცირებული მცენარეების შეგროვებასა და გადამუშავებას როგორიცაა კრაზანა, ასკილი, მაყვლის ჟოლოსა და კუნელის ფოთლები, ასევე კოოპერატივები იწყებენ ტყლაპის, ჩირისა და ცუკატის წარმოებას და რიგ საკითხებში-გაანსაკუთრებით შრობის საკითხებში საჭიროებენ ცოდნის გაღრმავებას.


აღნიშნული მიზნით მ.წ. 27 ივნისს სააგენტოს მიწვევით აფხაზეთის ა/რ სოფლის მეურნეობის,გარემოს დაცვისა და ბუნებრივი რესურსების დეპარტამენტის თავმჯდომარის მოადგილემ  თ.ცინარიძემ ჩაატარა ტრენინგი შემდეგ საკითხებზე: შრობის პროცესი, ჩირების, ცუკატების,ტყლაპების და სხვა კვებითი პროდუქტების წარმოება. ხაზი გაესვა ისეთ პრაქტიკულ ნიუანსებს,რომელთა განხორციელება აუცილებელია სტანდარტული პროდუქციის მისაღებად.ფერმერთა აზრით კი ხშირად ჩატარებული ტექნოლოგიური ოპერაციებით არათუ შეუძლებელია მაღალი ხარისხის პროდუქციის მიღება არამედ ახლოსაც არ არის კონდიციურთან. პრობლემაა მცირე ხნითაც კი შენახვა. სწორედ ამიტომ ზოგიერთი საკვანძო პროცედურის განმარტებისათვის შეხვედრის მსვლელობისას მრავალი ტექნიკური და ტექნოლოგიური საკითხი განხილულ იქნა დეტალურად, რამაც განსაკუთრებული ინტერესი გამოიწვია და როგოც მონაწილეთა მხრიდან აღინიშნა, მათთვის რეკომენდაციები სასარგებლო იქნება.

 


ფერმერებს მიეცათ პრაქტიკული რჩევები კონკრეტული ნედლეულის შრობისა და გადამუშავების პროცესში რიგი პარამეტრების მართვის შესაძლებლობებზე, საწარმოს სანიტარული პირობებისა და პროდუქციის დაბინძურების აცილების თანამედროვე მეთოდებზე. ტრენინგის მონაწილეთა მიერ დასმულ იქნა უამრავი შეკითხვა,რომლებზეც გაეცათ დამაკმაყოფილებელი პასუხები. ასევე გაიცა რეკომენდაციები მომავალში შესაძლო სიძნელეთა პრევენციის გზებზე.ხაზი გაესვა ტექნოლოგიური ციკლისადმი ზოგადად სწორი მიდგომის თემას, რაც მთავარი პირობაა ხარისხიანი პროდუქციის მისაღებად,ხოლო დანარჩენი გამოცდილებისა და პრაქტიკული საქმიანობის შედეგია.
ბატონმა თამაზ ცინარიძემ კოოპერატივების წევრებს გადასცა ზოგიერთი პროდუქციის წარმოების რეცეპტურა და აღნიშნა,რომ საჭიროების შემთხვევაში დეპარტამენტის სპეციალისტები მზად არიან გაუწიონ კონსულტაციები ფერმერებს მათი საქმიანობიდან გამომდინარე , რაც დიდი მადლიერებით იქნა მიღებული.

აფხაზეთის სიმღერისა და ცეკვის სახელმწიფო ანსამბლმა ფოთსა და ბათუმში საიუბილეო კონცერტები გამართა

აფხაზეთის სიმღერისა და ცეკვის სახელმწიფო ანსამბლმა (სამხატვრო ხელმძღვანელი ლევან ღვინჯილია), დაარსებიდან 40 წლის იუბილესთან დაკავშირებით, ფოთში,  ბათუმსა და ზუგდიდში კონცერტები გამართა. ანსამბლმა დამსწრეთ ქართულ-აფხაზური ფოლკლორის საუკეთესო ნიმუშები და ქორეოგრაფიის თითქმის მივიწყებული ნომრები წარუდგინა. სახელმწიფო ანსამბლის შემოქმედებამ როგორც ფოთში, ისე ბათუმსა და ზუგდიდში დამსწრეთა დიდი მოწონება და ოვაციები გამოიწვია. კონცერტებში მონაწილეობდა და ცნობილი ქართველი პოეტების ლექსებს ქართული ხალხური სიმღერების ფონზე კითხულობდა აფხაზეთის ავტონომიური რესპუბლიკის განათლებისა და კულტურის მინისტრი, საქართველოს სახალხო არტისტი დიმიტრი ჯაიანი.

კონცერტებს ესწრებოდნენ: აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები, აჭარის ავტონომიური რესპუბლიკის, ქ. ფოთისა ქ. თბილისის ხელისუფლების წარმომადგენლები, აჭარის მუსიკალური საზოგადოების დიდი ნაწილი, ფერიის სკოლის პედაგოგები, „ქართულ-აფხაზური საგას“ ხელმძღვანელები, ქალთა საერთაშორისო ორგანიზაცია „სოროპტიმისტ ინტერნაციონალის“ ბათუმის კლუბის წევრები, აჭარაში მცხოვრები აფხაზების შთამომავლები, აფხაზეთიდან იძულებით გადაადგილებული პირები და ადგილობრივი საზოგადოების წარმომადგენლები.

 

აფხაზეთის სიმღერისა და ცეკვის სახელმწიფო ანსამბლმა საიუბილეო ტურნე  იგივე პროგრამით ქალაქ ზუგდიდში დაასრულა.

ისტორიის მასწავლებელთა საქართველოს ასოციაციის ორგანიზებით „ვიკი-ბანაკი“ გაიმართა

დაბა წყნეთში ისტორიის მასწავლებელთა საქართველოს ასოციაციის ორგანიზებით, „ვიკი-ბანაკი" გაიმართა, რომლის ფარგლებშიც აფხაზეთის ავტონომიური რესპუბლიკის განათლებისა და კულტურის სამინისტროს კულტურულ ფასეულობათა დაცვის სამსახურმა ჩაატარა საჯარო ლექცია თემებზე: „აფხაზეთის კულტურული მემკვიდრეობა დღეს" და „აფხაზური დამწერლობის განვითარების ეტაპები".

ლექციებს აფხაზეთის ავტონომიური რესპუბლიკის განათლებისა და კუტურის სამინისტროს კულტურულ ფასეულობათა დაცვის სამსახურის უფროსი ირაკლი გელენავა, სოხუმის სახელმწიფო უნივერსიტეტის ასოცირებული პროფესორი ბეჟან ხორავა და  ხელნაწერთა ეროვნული ცენტრის მეცნიერ-თანამშრომელი თეა ქართველიშვილი კითხულობდნენ. მსმენელებმა მოისმინეს ინფორმაცია ოკუპირებული აფხაზეთის ტერიტორიაზე არსებული კულტურული მემკვიდრეობის ძეგლების დღეს არსებული მდგომარეობის შესახებ. სამინისტროს წარმომადგენლებმა ახალგაზრდებს ელექტრონული ფორმით მიაწოდეს აფხაზეთის ავტონომიური რესპუბლიკის ტერიტორიაზე არსებული კულტურული მემკვიდრეობის შესახებ არსებული ინფორმაცია აფხაზურ ენაზე.

ვიკი-ბანაკის ფარგლებში ნორჩ ისტორიკოსთა სკოლის ბავშვებმა აფხაზურ ვიკიპედიაში აფხაზეთის კულტურული მემკვიდრეობის შესახებ 18 სტატია, ხოლო  ქართულ ვიკიპედიაში კი აფხაზეთის ხელნაწერების შესახებ 11 სტატია შექმნეს. ქართულ და აფხაზურ ვიკიპედიებში სტატიების დაწერას სურამის მე-2 საჯარო სკოლის ისტორიის მასწავლებელი, ვიკიპედიის რედაქტორი ჯაბა ლაბაძე და ვიკიპედიის რედაქტორი მიხეილ ჩხიკვაძე ხელმძღვანელობდნენ.

ვიკი-ბანაკის ფარგლებში, მსგავსი ღონისძიება წელს აფხაზეთის ავტონომიური რესპუბლიკის №2 საჯარო სკოლაშიც განხორციელდა, რომლის დროსაც აფხაზეთის ავტონომიური რესპუბლიკის კულტურული მემკვიდრეობის შესახებ ინფორმაცია  ქართულ და ინგლისურ ენებზე აიტვირთა.

2017 წლის 24 ივნისს ქ. ბათუმში აფხაზეთის სიმღერისა და ცეკვის სახელმწიფო ანსამბლმა კონცერტი გამართა

2017 წლის 24 ივნისს ქ. ბათუმში აფხაზეთის სიმღერისა და ცეკვის სახელმწიფო ანსამბლმა (სამხატვრო ხელმძღვანელი ლევან ღვინჯილია), დასავლეთ საქართველოს ტურნეს დასკვნითი კონცერტი ზუგდიდში გამართა. ღონისძიებაზე წარმოდგენილი იყო ქართულ-აფხაზური ფოლკლორისა და ქორეოგრაფიის საუკეთესო ნიმუშები. სახელმწიფო ანსამბლთან ერთად ღონისძიებაში მონაწილეობდა აფხაზეთის ავტონომიური რესპუბლიკის განათლებისა და კულტურის მინისტრი, საქართველოს სახალხო არტისტი დიმიტრი ჯაიანი. გამართულ ღონისძიებებს აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის ავტონომიური რესპუბლიკის მთავრობის წევრები და უმაღლესი საბჭოს დეპუტატები,იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ -ში აფხაზეთის ა/რ მთავრობის წარმომადგენლობის ხელმძღვანელი ზაზა ჩაჩავა,  აჭარის ავტონომიური რესპუბლიკის მთავრობის წევრები, ქალაქ ფოთისა და ზუგდიდის მუნიციპალიტეტის ხელისუფლების წარმომადგენლები, აჭარაში მცხოვრები აფხაზების შთამომავლები, აფხაზეთიდან იძულებით გადაადგილებული პირები და ადგილობრივი საზოგადოების წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია ბათუმში დევნილ მოსახლეობას შეხვდა

2017 წლის 24 ივნისს ბათუმში, აფხაზეთის ავტონომიური რესპუბლიკის მთავრობის წარმომადგენლობაში. აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია დევნილ მოსახლეობას შეხვდა. შეხვედრას ასევე ესწრებოდა აფხაზეთის ავტონომიური რესპუბლიკის განათლებისა და კულტურის მინისტრი დიმიტრი ჯაიანი, იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ა/რ -ში აფხაზეთის ა/რ მთავრობის წარმომადგენლობის ხელმძღვანელი ზაზა ჩაჩავა.  აჭარაში მცხოვრებმა იძულებით გადაადგილებულმა პირებმა აფხაზეთის ავტონომიური რესპუბლიკის მთავრობის თავმჯდომარესთან, მთავრობის წარმომადგენლებთან არსებულ პრობლემურ საკითხებზე და მათ გადაჭრის გზებზე იმსჯელეს.

ტრენინგი „საჯარო სამსახურის შესახებ“ საქართველოს კანონში” ცვლილებების შესახებ

2017 წლის 20 ივნისს იმერეთის, გურიის, რაჭა-ლეჩხუმისა და ქვემო სვანეთის რეგიონებსა და აჭარის ავტონომიურ რესპუბლიკაში აფხაზეთის ავტონომიური რესპუბლიკის მთავრობის წარმომადგენლობაში არასამთავრობო ორგანიზაცია “სიდას” პროექტის “საქართველოში საჯარო სამსახურის რეფორმის მხარდაჭერა სამოქალაქო საზოგადოების მიერ” - ფარგლებში ჩატარდა შეხვედრა საჯარო სამსახურის რეფორმისა და საჯარო სამსახურის შესახებ ახალი კანონით გათვალისწინებულ ცვლილებებზე.  ტრენინგი ჩაატარა - „ახალგაზრდა იურისტთა ასოციაცია“ თამარ ფაჩულიამ  ფონდი „აფხაზინტერკონტის“ თანამშრომელ პაატა შარაშენიძესთან ერთად. ტრენინგ-სემინარს ესწრებოდნენ წარმომადგენლობის თანამშრომლები  და საიას ქუთაისის ფილიალის პროგრამების მენეჯერი ნოდარ ჯიქია. ტრენინგზე ვრცლად ისაუბრეს 2015 წლის 27 ოქტომბერს მიღებულ  „საჯარო სამსახურის შესახებ“ საქართველოს კანონზე, რომელიც ძალაშია 2017 წლის 1 ივლისიდან. აღინიშნა, რომ „საჯარო სამსახურის შესახებ“ კანონი ქმნის, კარიერულ წინსვლასა და დამსახურებაზე დაფუძნებულ, პროფესიულ საჯარო სამსახურს. თავდაპირველად მსმენელები გაეცნენ საჯარო სამსახურის არსს, ცნებებსა და პრინციპებს. შემდეგ  კი დრო დაეთმო ისეთ საკითხებს, როგორიცაა: საჯარო სამსახურში მიღება; კარიერის მართვა; მოხელის უფლებები და მოვალეობები; მოხელის სამსახურიდან გათავისუფლება.

სვეტიცხოვლის ტაძარში აფხაზეთის ომში დაღუპულთა სულის მოსახსენებელი პარაკლისი ჩატარდა

ყოველი თვის ბოლო შაბათს, დილის 10.00 საათზე  მცხეთაში, სვეტიცხოვლის ტაძარში,  მამა ილია (კავსაძე) ატარებს აფხაზეთის ომში დაღუპულთა სულის მოსახსენებელ პარაკლისს.

მიმდინარე წლის  24 ივნისს ჩატარებულ ლიტურგიას ესწრებოდნენ აფხაზეთის ა/რ მთავრობის წევრები, აფხაზეთის ა/რ დევნილთა საქმეებისა   და სოფლის მეურნეობის დეპარტამენტის თანამშრომლები, აფხაზეთიდან და ცხინვალის რეგიონიდან დევნილები.

ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატი „გლოუ ბანაკის“ პროექტში ჩაერთო

ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატში არასამთავრობო ორგანიზაცია „გლოუ საქართველო“-ს წარმომადგენლებთან სამუშაო შეხვედრა გაიმართა. შეხვედრაზე პროექტში – „გლოუ ბანაკი“, რომლის მიზანია საქართველოში გოგონების თვალსაწიერის გაფართოვება, განათლების, გაღრმავება, გამოცდილების გამდიდრება და გაძლიერება მათში ლიდერული უნარჩვევების განვითარების გზით, იძულებით  გადაადგილებულ პირთა ჩართულობის საკითხი განიხილეს. გადაწყდა, რომ ნდობის აღდგენისა და შერიგების საკითებში აფხაზეთის ავტონომიური რესპუბლიკის მინისტრის აპარატი აღნიშნული პროექტის განხორციელებაში, იძულებით გადაადგილებულ პირთა ჩართულობის მიზნით უზრუნველყოფს საინფორმაციო შეხვედრებს  ქ. თბილისსა და ქ. ქუთაისში. მხარეები ასევე შეთანხმდნენ ჩართულობის გაზრდაზე და ურთიერთთანამშრომლობის მემორანდუმის ხელმოწერაზე.

ერთობლივი პროექტის – „გლოუ ბანაკი“-ს ფარგლებში მონაწილეებს ჩაუტარდებათ ტრენინგები პროექტის შექმნისა და მართვის, სამოქალაქო პასუხისმგებლობისა და მოხალისეობის შესახებ. ასევე კონცენტრირდებიან ისეთი კონკრეტული ლიდერული უნარების განვითარებაზე, როგორიცაა ამოცანების გადაწყვეტა, პრობლემების გადაჭრა, მიზნების დასახვა, გუნდური მუშაობა, კომუნიკაცია და სხვა. ამავდროულად, მონაწილეებს ექნებათ შესაძლებლობა, ერთად მისდიონ ჯანსაღი ცხოვრების წესს, განიხილონ ისეთ საკითხები, როგორიცაა გენდერული როლები, ქალებზე ძალადობა და ქალთა უფლებები, რეპროდუქციული ჯანმრთელობა, ტოლერანტობა, მიმღებლობა და თვითშეფასება.

ერთ კვირიანი გლოუ ბანაკი განკუთვნილია საქართველოს სხვადასხვა რეგიონში მცხოვრები განსხვავებული ეკონომიკური მდგომარეობისა თუ ეთნიკური კუთვნილების 14–17 წლის ასაკის გოგონებისთვის. „გლოუ ბანაკი“ გაიმართება ბაქსვუდის სკოლაში, წყნეთში, თბილისთან ახლოს 2017 წლის აგვისტოში.

2017-06-22    |   
ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატი „გლოუ ბანაკის“ პროექტში ჩაერთო

ნდობის აღდგენისა და შერიგების საკითხებში აფხაზეთის ავტონომიური რესპუბლიკის მინისტრის აპარატში არასამთავრობო ორგანიზაცია „გლოუ საქართველო“-ს წარმომადგენლებთან სამუშაო შეხვედრა გაიმართა. შეხვედრაზე პროექტში – „გლოუ ბანაკი“, რომლის მიზანია საქართველოში გოგონების თვალსაწიერის გაფართოვება, განათლების, გაღრმავება, გამოცდილების გამდიდრება და გაძლიერება მათში ლიდერული უნარჩვევების განვითარების გზით, იძულებით  გადაადგილებულ პირთა ჩართულობის საკითხი განიხილეს. გადაწყდა, რომ ნდობის აღდგენისა და შერიგების საკითებში აფხაზეთის ავტონომიური რესპუბლიკის მინისტრის აპარატი აღნიშნული პროექტის განხორციელებაში, იძულებით გადაადგილებულ პირთა ჩართულობის მიზნით უზრუნველყოფს საინფორმაციო შეხვედრებს  ქ. თბილისსა და ქ. ქუთაისში. მხარეები ასევე შეთანხმდნენ ჩართულობის გაზრდაზე და ურთიერთთანამშრომლობის მემორანდუმის ხელმოწერაზე.

ერთობლივი პროექტის – „გლოუ ბანაკი“-ს ფარგლებში მონაწილეებს ჩაუტარდებათ ტრენინგები პროექტის შექმნისა და მართვის, სამოქალაქო პასუხისმგებლობისა და მოხალისეობის შესახებ. ასევე კონცენტრირდებიან ისეთი კონკრეტული ლიდერული უნარების განვითარებაზე, როგორიცაა ამოცანების გადაწყვეტა, პრობლემების გადაჭრა, მიზნების დასახვა, გუნდური მუშაობა, კომუნიკაცია და სხვა. ამავდროულად, მონაწილეებს ექნებათ შესაძლებლობა, ერთად მისდიონ ჯანსაღი ცხოვრების წესს, განიხილონ ისეთ საკითხები, როგორიცაა გენდერული როლები, ქალებზე ძალადობა და ქალთა უფლებები, რეპროდუქციული ჯანმრთელობა, ტოლერანტობა, მიმღებლობა და თვითშეფასება.

ერთ კვირიანი გლოუ ბანაკი განკუთვნილია საქართველოს სხვადასხვა რეგიონში მცხოვრები განსხვავებული ეკონომიკური მდგომარეობისა თუ ეთნიკური კუთვნილების 14–17 წლის ასაკის გოგონებისთვის. „გლოუ ბანაკი“ გაიმართება ბაქსვუდის სკოლაში, წყნეთში, თბილისთან ახლოს 2017 წლის აგვისტოში.

ჟენევაში საერთაშორისო მოლაპარაკებების მე-40 რაუნდი მიმდინარეობს

ჟენევაში საერთაშორისო მოლაპარაკებების მე-40 რაუნდი მიმდინარეობს. აფხაზეთის ავტონომიური რესპუბლიკის მთავრობის თავმჯდომარის მოვალეობის შემსრულებელი ვახტანგ ყოლბაია საქართველოს დელეგაციათან ერთად ჟენევაში იმყოფება. დელეგაციას საქართველოს საგარეო საქმეთა მინისტრის მოადგილე დავით დონდუა ხელმძღვანელობს.

საერთაშორისო მოლაპარაკებების მე-40 რაუნდის დღის წესრიგის მთავარი საკითხები იქნება რუსეთის ფედერაციის მიერ ძალის არგამოყენების ვალდებულების აღება და შესრულება, მის უზრუნველსაყოფად ოკუპირებულ რეგიონებში უსაფრთხოების საერთაშორისო მექანიზმების შექმნა, ასევე ლტოლვილთა და იძულებით გადაადგილებულ პირთა უსაფრთხო და ღირსეული დაბრუნება საკუთარ საცხოვრებელ ადგილებში.

მოლაპარაკებებზე საქართველოს დელეგაცია დააყენებს რუსეთის ფედერაციის მხრიდან ცეცხლის შეწყვეტის შეთანხმების პერმანენტულ დარღვევას, აფხაზეთისა და ცხინვალის რეგიონების ანექსიისაკენ გადადგმულ ნაბიჯებსა და მილიტარიზაციის გაგრძელებას. განსაკუთრებული ყურადღების საგანი იქნება საოკუპაციო ხაზზე გადაადგილების თავისუფლების შეზღუდვა, უკანონო დაკავებები, მავთულხლართების აღმართვისა და .. გადასასვლელი პუნქტების დახურვის მძიმე ჰუმანიტარული შედეგები.

ჟენევის საერთაშორისო მოლაპარაკებების მე-40 რაუნდი ორდღიანია და 20-21 ივნისს გაიმართება.

კულტურის საერთაშორისო ცენტრ ,,მუზაში“ საზოგადოებრივ კავშირ ,,გაგრის“ მიერ ორგანიზებული ღონისძიება გაიმართა

საზოგადოებრივმა კავშირმა ,,გაგრამ“, რომელიც დევნილობაში დაფუძნდა, ფუნქციონირება 2015 წლიდან განაახლა და უკვე არაერთი შეხვედრა და საღამო მოუწყო გაგრიდან დევნილ მოსახლეობას, განსაკუთრებით კი ახალგაზრდებს შორის ურთიერთობის გაღრმავების, მათში მშობლიური ქალაქისადმი ინტერესისა და სიყვარულის განმტკიცებისათვის.
სცენაზე ერთმანეთს ცვლიდნენ გაგრიდან დევნილი, შემოქმედებითი ნიჭით დაჯილდოებული, როგორც სრულიად ნორჩი, ასევე, უკვე წარმატებული, სამუსიკო და ქორეოგრაფიული ხელოვნების დარგში აღიარებული შემსრულებლები, რომელთა შორის აღსანიშნავია თბილისის ვანო სარაჯიშვილის სახელობის სახელმწიფო კონსერვატორიის კურსდამთავრებული, არაერთი საერთაშორისო კონკურსის ლაურეატი, შესანიშნავი სოპრანო მზია ჭილაძე, რომელიც ამ დღეებში, აფხაზეთის მთავრობის ხელშეწყობით, მონაწილეობას ღებულობდა იტალიის ქალაქ რივა დელ გარდაში მოწყობილ საერთაშორისო კონკურს-ფესტივალში,
მაყურებელთა მოწონება და ოვაციები დაიმსახურეს ნიჭიერმა მომღერლებმა – მარიამ აკობიამ და ანა დვალმა, ნორჩმა მოცეკვავეებმა, მოზარდ მაყურებელთა ,,თეთრი ტალღის“ მსახიობებმა, დებმა ქეთი და ნინო ულუმბელაშვილებმა, ნორჩმა პიანისტმა ილია კივილაძემ, მევიოლინე ნინო ხოჭოლავამ.
კონცერტის დასასრულს, რომელიც გაგრის შესანიშნავი ვიდეო-ხედების, მისი თვალწარმტაცი ბუნების ჩვენების ფონზე მიმდინარეობდა, ახალგაზრდა შემსრულებლებმა ააჟღერეს ნინო სურგულაძის ცნობილი სიმღერა ,,აფხაზეთო, ჩემო“.
საღამო-კონცერტზე საზოგადოებრივ კავშირ ,,გაგრის“ გამგეობის წევრმა ივანე დოლიძემ საპატიო სიგელებით დააჯილდოვა და მადლობა გამოუცხადა გაგრიდან დევნილი საზოგადოების აქტიურ წევრებს, მათ შორის მათ, ვინც თავიანთი ცხოვრებითა და მოღვაწეობით ასახელეს აფხაზეთის ეს პატარა, მშვენიერი ქალაქი.
საღამოზე მოწვეულმა სტუმრებმა დაათვალიერეს კულტურის ცენტრის ფოიეში გამოფენილი, ნიჭიერი გაგრელი მხატვრის სალომე რიგვავას ფოტორეალისტური, ფიგურატულ სტილში შესრულებული ნახატები. აღსანიშნავია, რომ ამ უაღრესად ნიჭიერი ახალგაზრდა შემოქმედის მრავალი ნამუშევარი, საქართველოს გარდა, დაცულია ამერიკის, დიდი ბრიტანეთის, გერმანიის, რუსეთის კერძო კოლექციებში.
საღამოს სტუმრებს საშუალება ჰქონდათ ცენტრის ფოიეში დაეთვალიერებინათ, აგრეთვე, ფოტოგამოფენა გაგრის ცნობილი ადამიანების შესახებ, გაცნობოდნენ გაგრაზე გამოცემულ წიგნებს.
ღონისძიებას აფხაზეთის მთავრობის თავმჯდომარის მოვალეობის შემსრულებელი ვახტანგ ყოლბაია, აფხაზეთის უმაღლესი საბჭოს თავმჯდომარე ელგუჯა (გია) გვაზავა , აფხაზეთის მთავრობის წევრები, უმაღლესი საბჭოს დეპუტატები და გაგრიდან დევნილები დაესწრნენ.