სიახლეები

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, აფხაზეთის განათლებისა და კულტურის მინისტრმა ნანა გაბელიამ და საქართველოს მთავრობის ადმინისტრაციის უფროსის მოადგილე ილია შამუგიამ აფხაზეთიდან დევნილი წარმატებული ახალგაზრდა სპორტსმენები ვიქტორ სანეევის სახელობის სტიპენდიით დააჯილდოვეს.

ვიქტორ სანეევის სახელობის სტიპენდია ენიჭებათ საკონკურსო წლისა და წინა სპორტული სეზონის განმავლობაში დადასტურებული მიღწევების მქონე აფხაზეთიდან დევნილ ახალგაზრდებს როგორც ოლიმპიური, ასევე არაოლიმპიური სპორტის სახეობის სპორტსმენებს.

საკონკურსო კომისიამ სამი გამარჯვებული გამოავლინა:

ირაკლი ვეკუა - ძალოსნობაში 17-წლამდელთა შორის 2023 წლის მსოფლიო ჩემპიონი და 2023 წლის ევროპის ჩემპიონი.

საბა ადამია - ძალოსნობაში 17-წლამდელთა შორის 2023 წლის მსოფლიო ვიცე-ჩემპიონი და 2023 წლის ევროპის ჩემპიონი.  

ალექსანდრე ლოლაძე - ძიუდოში 2023 წლის მსოფლიო ვიცე-ჩემპიონი ახალგაზრდებს შორის და 2021 წლის ევროპის ჩემპიონი ჭაბუკებში.

ვიქტორ სანეევის სახელობის სტიპენდიატებს სიგელები და ფულადი ჯილდოები გადაეცათ.

ღონისძიებას აფხაზეთის ავტონომიური რესპუბლიკის მთავრობის, საქართველოსა და აფხაზეთის სპორტული ფედერაციების წარმომადგენლები და მოწვეული სტუმრები ესწრებოდნენ. 

ოლიმპიურ სასახლეში საქართველოს საკალათბურთო „ა“ ლიგის პლეი-ოფის ნახევარფინალური სერიის პირველი მატჩი გაიმართა, რომელშიც ერთმანეთს „სოხუმი-საქართველო“ და თელავის „ბურჯი“ დაუპირისპირდნენ. მატჩი სოხუმის უპირატესობით წარიმართა და საბოლოოდ მათი გამარჯვებით, ანგარიშით 90:79 დასრულდა.

საკალათბურთო შეხვედრას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე დაესწრო.

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია ამერიკის შეერთებულ შტატებში მოქმედი საზოგადოებრივი გაერთიანების „ქართველი ვეტერანების ამერიკელი მეგობრების“ პრეზიდენტს ნიკოლოზ ქარჩავას შეხვდა.

შეხვედრის ფარგლებში, მხარეებმა ურთიერთთანამშრომლობის მემორანდუმი გააფორმეს და შეთანხმდნენ, აფხაზეთიდან დევნილი ახალგაზრდებისთვის სხვადასხვა საერთაშორისო ბანაკების, აფხაზეთიდან დევნილი ვეტერანებისა და მათი შვილების, აფხაზეთის ოკუპირებულ ტერიტორიაზე მცხოვრები და აფხაზეთიდან იძულებით გადაადგილებული პირების მხარდაჭერისა და მათი სოციალური მდგომარეობის გაუმჯობესების მიზნით მნიშვნელოვანი პროექტების ერთობლივად განხორციელების საკითხებზე.

მნიშვნელოვანია ისიც, რომ მხარეების ხელშეწყობით, შესაბამისი ქმედითი ღონისძიებების განხორციელების მიზნით, დაიგეგმა შეხვედრები აფხაზეთიდან დევნილ ვეტერანებთან და საერთაშორისო დონორ ორგანიზაციებთან.

„თითოეული ჩვენგანის ვალდებულებაა, ჩვენი გმირების, ვეტერანების მხარდაჭერა, რაშიც ქართული დიასპორების, საერთაშორისო ორგანიზაციების ხელშეწყობა ძალიან მნიშვნელოვანია. აქტიურად ვმუშაობთ ამ მიმართულებით და განსაკუთრებულ მადლობას ვუხდი ბატონ ნიკოლოზ ქარჩავას აფხაზეთიდან დევნილი მოქალაქეების მხარდაჭერის საქმეში თანადგომისთვის.“ - დავით ფაცაცია

21 მარტს ქართული ჟურნალისტიკის დღე აღინიშნება. ამ დღესთან დაკავშირებით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ აფხაზეთის საინფორმაციო-ანალიტიკური ცენტრის ხელმძღვანელს და ჟურნალისტებს აფხაზეთის მთავრობაში უმასპინძლა.

რუსლან აბაშიძემ მედიის წარმომადგენლებს პროფესიული დღე და 7-წლიანი პაუზის შემდეგ სატელევიზიო ეთერში დაბრუნება მიულოცა. მთავრობის თავმჯდომარემ საინფორმაციო-ანალიტიკურ ცენტრს მომავალი წარმატებები უსურვა და ჟურნალისტებს სიმბოლური საჩუქრები გადასცა.

ნიდერლანდების სამეფოში სამუშაო ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი გიორგი გაბედავა ნიდერლანდების სამეფოს ქართული კულტურის ცენტრის ბაზაზე არსებულ ცეკვის ანსამბლ „საქართველოს“ ესტუმრნენ. რუსლან აბაშიძემ ანსამბლს შესაძლებლობის ფარგლებში მხარდაჭერა აღუთქვა და ახალგაზრდებს აფხაზეთის ქალაქების სახელებიანი მაისურები გადასცა.

შეხვედრას ქართველი ემიგრანტებიც ესწრებოდნენ, სადაც აფხაზეთის მთავრობის წარმომადგენლებმა დიასპორების ჩართულობას, სამშვიდობო პროცესებში აფხაზეთის თემატიკის პოპულარიზაციასა და არაღიარების პოლიტიკის მხარდაჭერას გაუსვეს ხაზი.

ღონისძიებას საქართველოს ელჩი ნიდერლანდების სამეფოში დავით სოლომონია, იუსტიციისა და სამოქალაქო ინტეგრაციის საკითხებში აფხაზეთის მინისტრის მოადგილე მარინე გითოლენდია და საქართველოს საელჩოს წარმომადგენლები ესწრებოდნენ.

პროგრამის მიზანია აფხაზეთიდან დევნილი მეცნიერების მხარდაჭერა და მათი სამეცნიერო კვლევებში ჩართულობის ხელშეწყობა.

პროგრამის ფარგლებში შესაძლებელია დაფინანსდეს:

სამეცნიერო ლიტერატურის/კვლევის გამოცემა.

სამგზავრო ხარჯები მეცნიერებისა და დოქტორანტურის სტუდენტებისთვის.

აფხაზეთის მკვიდრი მეცნიერი, რომელიც წარმოადგენს კვლევას მეცნიერების რომელიმე დარგში.

მეცნიერი, რომელიც არაა აფხაზეთის მკვიდრი, მაგრამ მისი კვლევა თემატურად დაკავშირებულია საქართველოს ამ კუთხესთან.

განაცხადების შემოტანის ვადებია:

2024 წლის 1 ნოემბრამდე მიიღება ბეჭდვასთან დაკავშირებული პროექტები.

2024 წლის 30 ნოემბრამდე მიიღება მეცნიერებისა და დოქტორანტურის აკრედიტებული უმაღლესი საგანმანათლებლო პროგრამების სტუდენტებისთვის სამგზავრო ხარჯებთან დაკავშირებული განცხადებები.

პროექტების ავტორებმა უნდა წარმოადგინონ შემდეგი დოკუმენტები:

განცხადება მინისტრის სახელზე.

სარეკომენდაციო წერილი წარმომდგენი დაწესებულებიდან.

განსახილველი პროექტის თაობაზე შევსებული განაცხადის/ანკეტის ფორმა.

არანაკლებ ორი რეცენზია გამოსაცემ ნაშრომზე.

გამოსაცემი ნაშრომის ელექტრონული ვერსია.

პროექტის წარმომდგენი რეკომენდირებული პირის ავტობიოგრაფია (cv).

პირადობის და დევნილის მოწმობების ასლები.

ინვოისები არანაკლებ ორი გამომცემლობიდან, ხოლო სამგზავრო ხარჯების დაფინანსებისას შესაბამისი კომპანიებიდან.

ქვეყნის ფარგლებს გარეთ სამეცნიერო საქმიანობასთან, კონფერენციებში მონაწილეობასა და დოქტორანტურის პროგრამებზე სწავლასთან დაკავშირებული სამგზავრო ხარჯების დასაფინანსებლად წარმოდგენილი უნდა იყოს ასევე მიწვევის, სწავლის დამადასტურებელი დოკუმენტის ნოტარიულად დამოწმებული თარგმანი.

უცხო ქვეყანაში შესვლის ნებართვა, ანუ ვიზა.

დამატებითი ინფორმაცია იხილეთ მოცემულ ლინკზე:

 https://abkhazia.gov.ge/banner/25

აფხაზეთის ავტონომიური რესპუბლიკის ფინანსთა და ეკონომიკის სამინისტრო

 სსიპ „ეკონომიკური პროგრამების სააგენტო“ აცხადებს კონკურსს და განაცხადების მიღებას ქვეპროგრამის - „დევნილთა სამეწარმეო საქმიანობის გაძლიერების“ - ფარგლებში, რომლის მიზანია აფხაზეთიდან დევნილი მეწარმეების საქმიანი წინადადებებისა და ბიზნეს-პროექტების  მხარდაჭერა, შესაბამისი მატერიალურ-ტექნიკური აქტივებით უზრუნველყოფის გზით (მაქსიმუმ სამი ერთეული/აქტივი ჯამური/კრებსითი ღირებულებით არა უმეტესი 7.000 ლარისა).

1. ქვეპროგრამაში მონაწილეობის მიღება შეუძლია:

• აფხაზეთიდან დევნილ მეწარმეს/იურიდიულ პირს (მათ შორის: ინდმეწარმე; შპს; სააქციო საზოგადოება და ა.შ.), რომელიც ახორციელებს ეკონომიკურ-სამეწარმეო საქმიანობას და გააჩნია ამის დამადასტურებელი დოკუმენტი; ამასთან მას არ გააჩნია საგადასახადო დავალიანება.

2. ინფორმაცია კონკურსის პირობების, კრიტერიუმებისა და შესავსები განაცხადის ფორმის შესახებ იხილეთ ქვეპროგრამის დებულებაში ლინკზე

3. განაცხადების მიღება ელექტრონული ან მატერიალური ფორმით ხორციელდება 2024 წლის 19 მარტის 12:00 საათიდან 2024 წლის 30 აპრილის 17:00 საათამდე, მისამართზე: ქ. თბილისი, თამარაშვილის ქ. N15ა, სსიპ „ეკონომიკური პროგრამების სააგენტო“ ან ელ. ფოსტაზე -  lepl.applications@gmail.com

4. საკონტაქტო პირები: ჯანო ქირთბაია - 599467770; ნიკა ჯანგირაშვილი - 591931461; თეა კვარაცხელია - 591931463

ნიდერლანდების სამეფოში სამუშაო ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და იუსტიციისა და სამოქალაქო ინტეგრაციების საკითხებში აფხაზეთის მინისტრმა გიორგი გაბედავამ ამსტერდამში მდებარე საკვირაო სკოლა „სიხარული“ მოინახულეს, სადაც ქართველი ემიგრანტები, მათ შორის აფხაზეთიდან დევნილი მოზარდები სწავლობენ.

ქართული დიასპორის წარმომადგენლებთან შეხვედრაზე სამშობლოსთან კავშირის შენარჩუნების მნიშვნელობასა და აფხაზეთის თემატიკის პოპულარიზაციას გაესვა ხაზი.  

აფხაზეთის მთავრობის წარმომადგენლებმა სკოლას აფხაზეთის თემატიკის წიგნები, ქართული ლიტერატურა და სპეციფიკური გზამკვლევები გადასცეს.

ვიზიტის ფარგლებში, ასევე, რუსლან აბაშიძე და გიორგი გაბედავა ამსტერდამის ჯვართამაღლების ქართულ ეკლესიაში საკვირაო წირვას დაესწრნენ.

ღონისძიებას საქართველოს ელჩი ნიდერლანდების სამეფოში დავით სოლომონია, იუსტიციისა და სამოქალაქო ინტეგრაციების საკითხებში აფხაზეთის მინისტრის მოადგილე მარინე გითოლენდია და საქართველოს საელჩოს წარმომადგენლები ესწრებოდნენ.

ნიდერლანდებში, ქალაქ ამერსფორტში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი გიორგი გაბედავა ანსამბლ „საქართველოსა“ და „დიდგორის“ ერთობლივ კონცერტს დაესწრნენ. მთავრობის წარმომადგენლები, ასევე, ნიდერლანდების სამეფოში მცხოვრებ ქართული დიასპორის წარმომადგენლებს შეხვდნენ.

შეხვედრაზე, მთავრობის თავმჯდომარემ და მინისტრმა ქართველ ემიგრანტებს მათ შორის, აფხაზეთიდან დევნილ დიასპორის წარმომადგენლებს აფხაზეთის თემატიკასთან დაკავშირებულ სამშვიდობო, კულტურულ თუ სხვა სახის პროექტებსა და ინიციატივებში ჩართულობის მხარდაჭერა აღუთქვეს.

ღონისძიების ფარგლებში, გიორგი აფხაზის ნამუშევრებისა და პროექტის „აფხაზეთის არქივი - ქართულ-აფხაზური ურთიერთობების მემატიანე“ ფარგლებში წარმოდგენილი მასალის გამოფენა მოეწყო.

ღონისძიებას ნიდერლანდების სამეფოში საქართველოს ელჩი დავით სოლომონია, იუსტიციისა და სამოქალაქო ინტეგრაციის საკითხებში აფხაზეთის მინისტრის მოადგილე მარინე გითოლენდია, ქართული დელეგაციისა და საქართველოს საელჩოს წარმომადგენლები ესწრებოდნენ.

გუმისთის ბრძოლების 31 წლისთავთან დაკავშირებით, აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანმა, აფხაზეთის მთავრობის წარმომადგენლებთან ერთად, საქართველოს ტერიტორიული მთლიანობისთვის დაღუპულ გმირთა მემორიალი გვირგვინით შეამკო და მათ ხსოვნას პატივი მიაგო.

გმირთა მემორიალთან ასევე საქართველოს თავდაცვის სამინისტროს, აფხაზეთის ავტონომიური რესპუბლიკის უმაღლესი საბჭოს, ვეტერანების საქმეთა სახელმწიფო სამსახურისა და აფხაზეთის მეომართა კავშირის წარმომადგენლები იმყოფებოდნენ.

დღესვე თბილისის ილორის წმინდა გიორგის სახელობის ეკლესიაში, ტაძრის წინამძღვარმა, დეკანოზმა ლევან ჯანაშიამ 1993 წელს აფხაზეთში გუმისთის ბრძოლების დროს დაღუპულთა სულების მოსახსენებელი პანაშვიდი გადაიხადა.

1993 წლის 15-16 მარტს აფხაზეთში სეპარატისტებმა, დაქირავებულმა ბოევიკებმა და სადესანტო შენაერთებმა მდინარე გუმისთის გასწვრივ არსებულ 8 კმ-იან ფრონტის ხაზზე ფართომასშტაბიანი შეტევა დაიწყეს. ქართულმა შეიარაღებულმა ძალებმა და არტილერიამ სოხუმისკენ წამოსულ მოწინააღმდეგეს გამანადგურებელი დარტყმა მიაყენა და იძულებული გახადა უკან დაეხია. უთანასწორო ბრძოლაში ქართველმა მებრძოლებმა საკუთარი სიცოცხლის და ჯანმრთელობის ფასად ათასობით მშვიდობიანი მოქალაქე გადაარჩინეს.

ნიდერლანდების სამეფოში სამუშაო ვიზიტის ფარგლებში, აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი გიორგი გაბედავა, ქალაქ ჰააგაში  საერთაშორისო სამოქალაქო საზოგადოებრივი ორგანიზაციებისა და აკადემიური და საუნივერსიტეტო წრეების წარმომადგენლებს შეხვდნენ.

შეხვედრაში კერძო ასოციაცია „სოსიეტეტ დე ვიტე“-ს წარმომადგენელი ფრანსუა კომპანჟენი, სამოქალაქო საზოგადოებრივი ორგანიზაცია „დ66“-ის წარმომადგენელი ხელგერ გრონევალდი, სტრატეგიული სწავლების ჰააგის ცენტრის წარმომადგენლები სოფია რომანსკი და ბიონ დე ჰია, დემოკრატიისა და დიალოგის ექსპერტი ემი იგლსტონი და ნიდერლანდების სამეფოში საქართველოს საკითხებზე მომუშავე ვილემ მიერტენსი მონაწილეობდნენ.

ღონისძიება ნიდერლანდების სამეფოში საქართველოს საგანგებო და სრულუფლებიანმა ელჩმა დავით სოლომონიამ გახსნა.

შეხვედრაზე რუსლან აბაშიძემ აუდიტორიას ოკუპირებულ ტერიტორიაზე ადამიანის უფლებათა დარღვევის ფაქტები, რუსული ოკუპაციისა და ანექსიის მცდელობის პროცესის შესახებ ინფორმაცია გააცნო, ასევე აფხაზეთის ოკუპირებულ ტერიტორიაზე ლეგიტიმურად მცხოვრები პირებისათვის საქართველოს ევროინტეგრაციის პროცესის მნიშვნელობაზე ისაუბრა. თავის მხრივ, იუსტიციისა და სამოქალაქო ინტეგრაციის საკითხებში აფხაზეთის მინისტრმა გიორგი გაბედავამ ყურადღება ოკუპანტი სახელმწიფოს მიერ დეზინფორმაციული კამპანიის წარმოებაზე და საოკუპაციო რეჟიმის მიერ საქართველოს მოქალაქეების უკანონო დაკავებებზე გაამახვილა.

ღონისძიებას იუსტიციისა და სამოქალაქო ინტეგრაციის საკითხებში აფხაზეთის მინისტრის მოადგილე მარინე გითოლენდია და ნიდერლანდების სამეფოში საქართველოს საელჩოს წარმომადგენლები ესწრებოდნენ.

ნიდერლანდების სამეფოში სამუშაო ვიზიტის ფარგლებში აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე და იუსტიციისა და სამოქალაქო ინტეგრაციის საკითხებში აფხაზეთის მინისტრი გიორგი გაბედავა, ნიდერლანდების სამეფოს საგარეო საქმეთა სამინისტროს აღმოსავლეთ ევროპისა და ცენტრალური აზიის სამმართველოს უფროს კაროლინე რამაკერსა და ნიდერლანდების სამეფოში საქართველოს საკითხებზე მომუშავე ვილემ მიერტენს შეხვდნენ. 

შეხვედრაზე მხარეებმა ოკუპირებულ ტერიტორიაზე ლეგიტიმურად მცხოვრები მოსახლეობისათვის ევროკავშირის წევრობისა და ევროინტეგრაციის მნიშვნელობაზე ისაუბრეს. ამასთანავე, აფხაზეთის ოკუპირებულ ტერიტორიაზე ადამიანის უფლებების დარღვევის ფაქტები, მათ შორის უკანონო დაკავების თემა განიხილეს.

შეხვედრას საქართველოს ელჩი ნიდერლანდების სამეფოში დავით სოლომონია, იუსტიციისა და სამოქალაქო ინტეგრაციის საკითხებში აფხაზეთის მინისტრის მოადგილე მარინე გითოლენდია, ქართული დელეგაციისა და ნიდერლანდების სამეფოს საგარეო საქმეთა სამინისტროს წარმომადგენლები ესწრებოდნენ. 

აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის ავტონომიური რესპუბლიკის მთავრობის თავმჯდომარის მოადგილესთან ანზორ მარგიანთან, მინისტრის პირველ მოადგილე გურამ მისაბიშვილთან, სამინისტროსა და ადგილობრივი ხელისუფლების წარმომადგენლებთან ერთად, ხობის მუნიციპალიტეტის სოფელ ნოჯიხევში მცხოვრებ აფხაზეთიდან დევნილ მოქალაქეებს შეხვდა და ადგილზე გაეცნო სამინისტროს მიერ განხორციელებულ ინფრასტრუქტურულ პროექტს.

ხობის მუნიციპალიტეტის სოფელ ნოჯიხევში განსახლებული, აფხაზეთიდან იძულებით გადაადგილებული ოჯახებისთვის სასმელი წყლის მიწოდების უზრუნველსაყოფად, დევნილთა განსახლების ობიექტში წყალმომარაგების სისტემის მოწყობის სამუშაოები, აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და ხობის მუნიციპალიტეტის მერიის ერთობლივი დაფინანსებით განხორციელდა.

სამინისტროს „დევნილთა ინფრასტრუქტურული მხარდაჭერის“ პროგრამის ფარგლებში, ობიექტში განხორციელებული სამუშაობის თანადაფინანსების ღირებულამ 14 300 ლარი შეადგინა.

აფხაზეთის ავტონომიური რესპუბლიკის მთავრობის წარმომადგენლებმა ხობის მუნიციპალიტეტში განხორციელებული ინფრასტრუქტურული პროექტი დაათვალიერეს.

აფხაზეთის ავტონომიური რესპუბლიკის მთავრობის თავმჯდომარის მოადგილე ანზორ მარგიანი, აფხაზეთის ავტონომიური რესპუბლიკის იძულებით გადაადგილებულ პირთა მინისტრ დავით ფაცაციასთან ერთად, ხობის მუნიციპალიტეტის სოფელ ნოჯიხევში მცხოვრებ აფხაზეთიდან დევნილ მოქალაქეებს შეხვდა და ადგილზე გაეცნო იძულებით გადაადგილებულ პირთა სამინისტროს მიერ განხორციელებულ ინფრასტრუქტურულ პროექტს.

ხობის მუნიციპალიტეტის სოფელ ნოჯიხევში განსახლებული, აფხაზეთიდან იძულებით გადაადგილებული ოჯახებისთვის სასმელი წყლის მიწოდების უზრუნველსაყოფად, დევნილთა განსახლების ობიექტში წყალმომარაგების სისტემის მოწყობის სამუშაოები, აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და ხობის მუნიციპალიტეტის მერიის ერთობლივი დაფინანსებით განხორციელდა.  

შეხვედრაში აფხაზეთის იძულებით გადაადგილებულ პირთა მინისტრის პირველი მოადგილე გურამ მისაბიშვილი, სამინისტროსა და ადგილობრივი ხელისუფლების წარმომადგენლები მონაწილეობდნენ.

ბინათმესაკუთრეთა ამხანაგობებთან დაგეგმილი შეხვედრების ფარგლებში, აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, აფხაზეთის მთავრობის თავმჯდომარის მოადგილესთან ანზორ მარგიანთან, მინისტრის პირველ მოადგილესთან გურამ მისაბიშვილთან და ადგილობრივი ხელისუფლების წარმომადგენლებთან ერთად, ფოთის მუნიციპალიტეტის დევნილთა განსახლების ადგილებში შექმნილ ბინათმესაკუთრეთა ამხანაგობების წარმომადგენლებს შეხვდა.

შეხვედრაზე აფხაზეთის მთავრობის წარმომადგენლებმა ისაუბრეს, აფხაზეთის ავტონომიური რესპუბლიკის იძულებით გადაადგილებულ პირთა სამინისტროს მიერ, ადგილობრივი ხელისუფლებისა და დევნილთა, ეკომიგრანტთა და საარსებო წყაროებით უზრუნველყოფის სააგენტოს აქტიური ჩართულობით, უკვე განხორციელებულ, ასევე, მიმდინარე და დაგეგმილ პროგრამებზე, პროექტებზე, მათ შედეგებსა და სამომავლო გეგმებზე.

აფხაზეთის მთავრობისა და ადგილობრივი ხელისუფლების წარმომადგენლებმა მოისმინეს დევნილთა წინაშე მდგარი გამოწვევები და მათი მოგვარების გზები დასახეს.

გრძელდება შეხვედრები საქართველოს სხვადასხვა რეგიონში, დევნილი მოსახლეობის სოციალური და ინფრასტრუქტურული მდგომარეობის გაუმჯობესებაზე ორიენტირებული ღონისძიებების შემუშავებისა და განხორციელების მიზნით.