სიახლეები

საქართველოს პარლამენტის დიასპორისა და კავკასიის საკითხთა კომიტეტისა და აფხაზეთიდან იძულებით გადაადგილებულ პირთა-დევნილთა მომსახურების სააგენტოს ერთობლივი ორგანიზებით, საქართველოს პარლამენტის ეროვნულ ბიბლიოთეკაში ღონისძიება „ქართულ-ებრაული ურთიერთობები“ გაიმართა.

ღონისძიების ფარგლებში მოეწყო სოხუმში დაბადებული ქართველი ებრაელის, ისტორიის მეცნიერებათა დოქტორის, იაკობ ოფირი-ეფრემაშვილის წიგნის „საქართველოს ებრაელთა ისტორია (საარქივო მასალების მიხედვით)“ პრეზენტაცია.

ღონისძიებაზე, ასევე, წარმოდგენილი იყო ხელნაწერთა ეროვნული ცენტრის უნიკალური კოლექცია - ლაილაშის ბიბლია, ებრაელთა ისტორიის, მათი შემოსვლის ამსახველი „ქართლის ცხოვრების“ ფურცლები, ებრაული კოლექციის ხელნაწერთა ფოტორეპროდუქციები და საინფორმაციო ბანერები.

ღონისძიება კავკასიის სოციო (ეთნო) ლინგვისტური ასოციაცია „ებრაული სააგენტო ისრაელისთვის“ და ქართულ-ებრაული სამეცნიერო-კვლევითი და კულტურული ცენტრის „ფესვები“  პარტნიორობით განხორციელდა და მისი მიზანია ქართულ-ებრაული მრავალსაუკუნოვანი ურთიერთობების წარმოჩენა.

ღონისძიებას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, საქართველოს პარლამენტის დიასპორისა და კავკასიის საკითხთა კომიტეტის თავმჯდომარე ბექა ოდიშარია, ისრაელის ელჩი საქართველოში ჰადას მეიცადი, რელიგიის საკითხთა სახელმწიფო სააგენტოს თავმჯდომარე ზაზა ვაშაყმაძე, აფხაზეთის მთავრობის წევრები და სხვა მიწვეული სტუმრები ესწრებოდნენ.

წიგნი „საქართველოს ებრაელთა ისტორია“ აფხაზეთიდან იძულებით გადაადგილებულ პირთა-დევნილთა მომსახურების სააგენტოს მხარდაჭერით გამოიცა და მასში შესულია უნიკალური საარქივო მასალები.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე „თბილისის აბრეშუმის გზის ფორუმის“ ფარგლებში გამართულ ღონისძიებას დაესწრო.

„თბილისის აბრეშუმის გზის ფორუმის“ მეორე სამუშაო დღე მისასალმებელი სიტყვით საქართველოს ვიცე-პრემიერმა, ეკონომიკისა და მდგრადი განვითარების მინისტრმა ლევან დავითაშვილმა გახსნა.

ეკონომიკის მინისტრმა თავის გამოსვლაში ისაუბრა ქვეყნებს შორის თანამშრომლობასა და ერთობლივი, ეფექტიანი გადაწყვეტილებების მიღებაზე, რომელიც ხელს შეუწყობს როგორც რეგიონულ, ისე გლობალურ ეკონომიკას. მინისტრმა ფორუმის დელეგატებს ასევე მიაწოდა ინფორმაცია საქართველოში მიმზიდველი საინვესტიციო გარემოს შექმნის პროცესში გადადგმული ნაბიჯების და მიმდინარე რეფორმების შესახებ.

საერთაშორისო ფორუმი ქვეყნებს, კერძო სექტორსა და საერთაშორისო ორგანიზაციებს შორის დიალოგისთვის მნიშვნელოვანი პლატფორმაა, რომელმაც ორი დღის განმავლობაში 60-მდე ქვეყნიდან 2000-ზე მეტ სტუმარს უმასპინძლა.

აფხაზეთის ავტონომიური რესპუბლიკის მთავრობის ორგანიზებით, აფხაზეთის განათლებისა და კულტურის სამინისტროში აფხაზეთიდან იძულებით გადაადგილებულ სტუდენტებთან შეხვედრა გაიმართა.

სტუდენტებს მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ, აფხაზეთის ავტონომიური რესპუბლიკის განათლებისა და კულტურის მინისტრმა ნანა გაბელიამ და მასწავლებელთა პროფესიული განვითარების ეროვნული ცენტრის დირექტორმა ბერიკა შუკაკიძემ მიმართეს.

შეხვედრის მონაწილეებმა იმ შემოთავაზებებსა და პროექტებზე ისაუბრეს, რომლებიც აფხაზეთიდან დევნილ სტუდენტებს განვითარებისა და ინტეგრაციის საუკეთესო შესაძლებლობებს სთავაზობს. ასევე, მოისმინეს ახალგაზრდების ინიციატივები და მოსაზრებები მათთვის აქტუალურ და მნიშვნელოვან საკითხებზე.

დავით ფაცაციამ უმაღლეს საბჭოს აფხაზეთის ავტონომიური რესპუბლიკის იძულებით გადაადგილებულ პირთა სამინისტროსა და სსიპ - აფხაზეთიდან იძულებით გადაადგილებულ პირთა - დევნილთა მომსახურების სააგენტოს მიმდინარე ანგარიში წარუდგინა - პრიორიტეტული მიმართულებებით განხორციელებული პროგრამები, პროექტები, მათი შედეგები და მიმდინარე ღონისძიებები.

მინისტრმა დეტალურად განიხილა დევნილთა და ოკუპირებულ ტერიტორიაზე ლეგიტიმურად მცხოვრებთა მხარდაჭერის, დევნილთა საცხოვრებლებში მცირე ფასიანი და გადაუდებელი სარემონტო სამუშაოების უზრუნველყოფის, ბინათმესაკუთრეთა მხარდაჭერის, დევნილთა მომსახურების ცენტრების, დევნილთა სამართლებრივი მხარდაჭერის მიმართულებებით 2023 წლის 9 თვის მანძილზე განხორციელებული პროექტები.

დავით ფაცაციამ, ასევე, ყურადღება გაამახვილა იძულებით გადაადგილებულ პირებთან და მათ განსახლების ობიექტებში შექმნილ ბინათმესაკუთრეთა ამხანაგობებთან შეხვედრებზე მიღებული ინფორმაციების საფუძველზე განსახორციელებელ პროექტებზე, თბილისსა და რეგიონებში დაგეგმილ ინფრასტრუქტურულ სამუშაოებზე, სხვადასხვა სოციალურ, საგანმანათლებლო და შემეცნებით აქტივობებზე.

მოხსენების დასრულების შემდეგ, დავით ფაცაციამ დეპუტატების კითხვებს უპასუხა.

სხდომას, აფხაზეთის ავტონომიური რესპუბლიკის უმაღლესი საბჭოს დეპუტატები და აფხაზეთის ავტონომიური რესპუბლიკის იძულებით გადაადგილებულ პირთა სამინისტროს თანამშრომლები ესწრებოდნენ.

„კმაყოფილებით მინდა აღვნიშნო, რომ დევნილთა განსახლების ადგილებში არსებული პრობლემების ნაწილი ჩვენს მიერ მოგვარებულია, ასევე, ცენტრალურ ხელისუფლებასთან და ადგილობრივ მუნიციპალიტეტებთან ერთად ვაგრძელებთ მუშაობას, რათა უმოკლეს ვადებში გადავწყვიტოთ ის ძირითადი გამოწვევები, რაც დევნილთა წინაშე დგას.“ - დავით ფაცაცია.

აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე, აფხაზეთის განათლებისა და კულტურის მინისტრი ნანა გაბელია და მასწავლებელთა პროფესიული განვითარების ეროვნული ცენტრის დირექტორი ბერიკა შუკაკიძე აფხაზეთიდან დევნილ სტუდენტებს შეხვდნენ.

შეხვედრა აფხაზეთის ავტონომიური რესპუბლიკის განათლებისა და კულტურის მინისტრმა ნანა გაბელიამ გახსნა.

სტუდენტებს მისასალმებელი სიტყვით აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ და მასწავლებელთა პროფესიული განვითარების ეროვნული ცენტრის დირექტორმა ბერიკა შუკაკიძემ მიმართეს.

შეხვედრის მონაწილეებმა ვრცლად ისაუბრეს იმ შემოთავაზებებსა და პროექტებზე, რომლებიც აფხაზეთიდან დევნილ სტუდენტებს განვითარებისა და ინტეგრაციის საუკეთესო შესაძლებლობებს სთავაზობს. მათ, ასევე, მოისმინეს ახალგაზრდების ინიციატივები და მოსაზრებები მათთვის აქტუალურ და მნიშვნელოვან საკითხებზე.

აფხაზეთის განათლებისა და კულტურის სამინისტროში მსგავსი ხასიათის შეხვედრები პერიოდულად გაიმართება იმისთვის, რომ ახალგაზრდები მუდმივად იყვნენ ინფორმირებული განათლების მიმართულებით უკვე არსებულ შედეგებზე, ასევე, სტუდენტების საჭიროებებისა და ინტერესების გათვალისწინებით სამომავლოდ დაგეგმილ აქტივობებზე.

აფხაზეთის ავტონომიური რესპუბლიკის ფინანსთა და ეკონომიკის მინისტრი ლევან თევზაია ოპერისა და ბალეტის თეატრში „თბილისის აბრეშუმის გზის“ ფორუმის გახსნას დაესწრო.

„თბილისის აბრეშუმის გზის ფორუმი“ საქართველოს პრემიერ-მინისტრმა ირაკლი ღარიბაშვილმა 2015 წელს დააფუძნა და მისი პატრონაჟით იმართება. ღონისძიება თბილისში უკვე მეოთხედ ტარდება, ის საერთაშორისო მნიშვნელობის, მასშტაბური ღონისძიებაა, რომელშიც წელს მონაწილეობას იღებს 2000-ზე მეტი დელეგატი და სტუმარი 60-მდე ქვეყნიდან. ფორუმის მთავარი თემა წელს დაკავშირებადობაა.

აფხაზეთის ავტონომიური რესპუბლიკის მთავრობის წარმომადგენლები კულტურისა და სპორტის სფეროში მოღვაწე აფხაზეთიდან დევნილი საზოგადოების წარმომადგენლებს შეხვდნენ.

შეხვედრა აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ გახსნა. დამსწრე საზოგადოებას მისასალმებელი სიტყვით აფხაზეთის განათლებისა და კულტურის მინისტრმა ნანა გაბელიამ მიმართა.

აფხაზეთის განათლებისა და კულტურის მინისტრის მოადგილე მარიამ კუჭავამ სტუმრებს სამინისტროს კულტურული ღონისძიებების მხარდაჭერის პროგრამის ფარგლებში მიმდინარე პროგრამები გააცნო, ხოლო აფხაზეთის კულტურის, სპორტის და ახალგაზრდულ საქმეთა სააგენტოს დირექტორმა ლიკა კვარაცხელიამ სპორტისა და ახალგაზრდობის ხელშეწყობის მიზნით განხორციელებულ პროექტებზე ისაუბრა.

შეხვედრა კითხვა-პასუხის რეჟიმში წარიმართა, რომლის მიზანს ქართულ-აფხაზური კულტურის განვითარება და მხარდაჭერა, უკვე არსებული შედეგების გაცნობა, ასევე კულტურისა და სპორტის სფეროს წარმომადგენლების ინტერესებისა და საჭიროებების გათვალისწინებით, სამომავლო საქმიანობის პროცესში, სიახლეების შეტანა წარმოადგენდა.

საქართველოს მწერალთა შემოქმედებითი კავშირისა და მწერალთა, ხელოვანთა, საზოგადო მოღვაწეთა საერთაშორისო აკადემია „გულანის“ ორგანიზებით, აფხაზეთის კულტურის, სპორტისა და ახალგაზრდულ საქმეთა სააგენტოსა და ქ. თბილისის მერიის მხარდაჭერით, სოხუმის სახელმწიფო დრამატულ თეატრში გაიმართა ჯანო ჯანელიძის დაბადების 90 წლისთავისადმი მიძღვნილი საიუბილეო საღამო - „სიზმარ-ცხადი აფხაზეთზე“. ღონისძიებას აფხაზეთის ავტონომიური რესპუბლიკის მთავრობისა და უმაღლესი საბჭოს წარმომადგენლები ესწრებოდნენ.

საიუბილეო საღამოზე გაიხსენეს ჯანო ჯანელიძის როგორც შემოქმედებითი, ასევე, საზოგადოებრივი და პოლიტიკური მოღვაწეობა.

აფხაზეთის ავტონომიური რესპუბლიკის მთავრობის მხარდაჭერით, აფხაზეთის განათლებისა და კულტურის სამინისტროსა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმი გაფორმდა.

მემორანდუმს ხელი აფხაზეთის განათლებისა და კულტურის მინისტრმა ნანა გაბელიამ და საქართველოს ტექნიკური უნივერსიტეტის რექტორმა დავით გურგენიძემ მოაწერეს.

ურთიერთთანამშრომლობის მემორანდუმი ითვალისწინებს ერთობლივი ღონისძიებების განხორციელებას განათლების, კულტურისა და სპორტის მიმართულებით. ასევე, შეხვედრებისა და ერთობლივი ღონისძიებების დაგეგმვას, რომელიც სტუდენტებისა და ახალგაზრდებისთვის მნიშვნელოვანი ინიციატივების ხელშეწყობას ემსახურება.

შეხვედრის მიმდინარეობისას აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძემ საქართველოს ტექნიკური უნივერსიტეტის რექტორსა და აკადემიურ პერსონალს მადლობა გადაუხადა ნაყოფიერი თანამშრომლობისა და მხარდაჭერისთვის, რომელსაც უნივერსიტეტი აფხაზეთიდან დევნილი სტუდენტებისთვის ახორციელებს.

ღონისძიებას აფხაზეთის მთავრობისა და საქართველოს ტექნიკური უნივერსიტეტის წარმომადგენლები ესწრებოდნენ.

აფხაზეთის ავტონომიური რესპუბლიკის მთავრობის მხარდაჭერით, აფხაზეთის განათლებისა და კულტურის სამინისტროსა და საქართველოს ტექნიკურ უნივერსიტეტს შორის ურთიერთთანამშრომლობის მემორანდუმი გაფორმდა.

მემორანდუმს ხელი აფხაზეთის განათლებისა და კულტურის მინისტრმა ნანა გაბელიამ და საქართველოს ტექნიკური უნივერსიტეტის რექტორმა დავით გურგენიძემ მოაწერეს.

ურთიერთთანამშრომლობის მემორანდუმის ფარგლებში დაიგეგმება ერთობლივი ღონისძიებები განათლების, კულტურისა და სპორტის მიმართულებებით. ასევე, შეხვედრები სტუდენტებისა და ახალგაზრდებისთვის მნიშვნელოვანი ინიციატივების ხელშეწყობისა და განხორციელების მიზნით.

ღონისძიებას აფხაზეთის მთავრობისა და საქართველოს ტექნიკური უნივერსიტეტის წარმომადგენლები ესწრებოდნენ.

აფხაზეთის განათლებისა და კულტურის მინისტრმა ნანა გაბელიამ იუნუს ემრეს სახელობის ინსტიტუტის კოორდინატორთან ჯან გურაისთან სამუშაო შეხვედრა გამართა.

აღნიშნული დიპლომატიური ორგანიზაციის მიზანია მხარი დაუჭიროს იმ მოზარდებსა და ახალგაზრდებს, ვისაც თურქული ენის, კულტურისა და ხელოვნების სფეროში სურს განათლების მიღება.

შეხვედრის მონაწილეებმა, პროექტის „ჩემი არჩევანია თურქული“ ფარგლებში, განიხილეს აფხაზეთის სკოლების ჩართულობის შესაძლებლობები და სამომავლო თანამშრომლობის გეგმებზე შეთანხმდნენ.

მინისტრის განცხადებით, მსგავსი ხასიათის თანამშრომლობა ორ ქვეყანას შორის განათლებისა და კულტურის სფეროში ურთიერთობებისთვის ძალიან მნიშვნელოვანია და სამინისტრო მზადაა ხელი შეუწყოს ამ მიმართულებით მოზარდების აქტიურ ჩართულობას.

სამუშაო შეხევდრას აფხაზეთის განათლებისა და კულტურის მინისტრის მოადგილე ნინო ლობჟანიძე ესწრებოდა.

აფხაზეთის ავტონომიური რესპუბლიკის იძულებით გადაადგილებულ პირთა სამინისტროს ორგანიზებით, ორგანიზაცია „ქართული ოცნება ჯანმრთელი მომავალის“ და ქართულ-ჰოლანდიური ჰოსპიტლის მხარდაჭერით, ვეტერანთა დღესთან დაკავშირებით, აფხაზეთიდან დევნილი ომის ვეტერანებისთვის უფასო სამედიცინო აქცია მოეწყო.

აქციის ფარგლებში, აფხაზეთიდან დევნილ ომის ვეტერანებს ქართულ-ჰოლანდიურ ჰოსპიტალში სხვადასხვა პროფილის მაღალკვალიფიციური ექიმ-სპეციალისტების კონსულტაციები, ლაბორატორიული და რადიოლოგიური კვლევები (ექოსკოპია, კარდიოექოსკოპია, დოპლერ-სკანირება, ლაბორატორია) ჩაუტარდათ.

გამოკვლევების მიმდინარეობას აფხაზეთის ავტონომიური რესპუბლიკის იძულებით გადაადგილებულ პირთა მინისტრი დავით ფაცაცია, პირველი მოადგილე გურამ მისაბიშვილი და მოადგილე იგორ კოპალიანი ესწრებოდნენ.

"პირველ რიგში ვულოცავ ვეტერანებს ვეტერანთა დღეს და მადლობას ვუხდი ქართულ-ჰოლანდიურ ჰოსპიტალს ჩვენი ვეტერანების დახმარებისა და მხარდაჭერისთვის. ეს არ არის ერთჯერადი აქცია, ჩვენ სხვადასხვა კლინიკებთან ერთად ვგეგმავთ მსგავს ღონისძიებებს აფხაზეთიდან დევნილი მოსახლეობისთვის.

თითოეული ჩვენგანის ვალდებულებაა, ჩვენი გმირების, ვეტერანების მხარდაჭერა და უფრო აქტიურად გავაგრძელებთ ამ მიზნით სხვადასხვა ღონისძიებების დაგეგმვას, რათა მათი ბრძოლის უნარიანობის ჟინით მალე გავიმარჯვოთ და ერთად დაუბრუნდეთ ჩვენს მშობლიურ კუთხეს." - დავით ფაცაცია

კონსტანტინე გამსახურდიას სახელობის სოხუმის სახელმწიფო დრამატული თეატრის 138-ე სეზონი სპექტაკლის „უეცრად გასულ ზაფხულს“ პრემიერით გაიხსნა. სპექტაკლი აფხაზეთის ავტონომიური რესპუბლიკის მთავრობის ხელშეწყობით და საქართველოში ამერიკის შეერთებული შტატების საელჩოს ფინანსური მხარდაჭერით დაიდგა.

სპექტაკლი ამერიკელი მწერლისა და დრამატურგის ტენესი უილიამსის პიესის მიხედვით რეჟისორმა ჯეისონ ჰეილიმ დადგა. პიესა ფსიქოლოგიური დრამაა, რომელშიც მოქმედება 1930-იანი წლებში, ახალ ორლეანში ვითარდება.

პრემიერის დაწყებამდე აფხაზეთის ავტონომიური რესპუბლიკის მთავრობის თავმჯდომარე რუსლან აბაშიძე დამსწრე საზოგადოებას მიესალმა, სოხუმის დრამატული თეატრის სამხატვრო ხელმძღვანელ დავით საყვარელიძეს თეატრის ახალი სეზონის გახსნა მიულოცა და აშშ-ის საელჩოს მხარდაჭერისთვის განსაკუთრებული მადლობა გადაუხადა.

სპექტაკლის პრემიერას აფხაზეთის უმაღლესი საბჭოს თავმჯდომარე ჯემალ გამახარია, საქართველოს საკანონმდებლო ხელისუფლების და სამხრეთ ოსეთის ადმინისტრაციის წარმომადგენლები, აფხაზეთის მთავრობის წევრები, აფხაზეთის უმაღლესი საბჭოს დეპუტატები და სხვა მოწვეული სტუმრები დაესწრნენ.

ღონისძიების ბოლოს ვალერი არქანიას არტ-გალერეაში ოფიციალური მიღება გაიმართა, სადაც სტუმრებს შესაძლებლობა ჰქონდათ სოხუმის დრამატული თეატრის ისტორიის შესახებ ფოტო და ვიდეო მასალას გასცნობოდნენ - მიწვეულ სტუმრებს სიმბოლური საჩუქრები გადაეცათ.